تجمع الدكتور ( حيان الاحمد )

[مذهلة2013]

‫دعاء ليلة 13 من رمضان بصوت الشيخ ماهر المعيقلي HD‬‎ - YouTube

حوامل سمعو هالدعاء يريح القلب :eh_s(7):

 

[katrina90]

مشكورة مذهلة في ميزان حسناتج حبيبتي ..

مذهله سويتي تفصيلي عند حيان؟

 

[مذهلة2013]

حبيبتي انا سويت 4d بالسيف

 

[كوكيز بالكريمة]

سلام بنات اخباركم .. عساكم بخير

اكو دوام السبت للعياده ؟

موعدي اﻻحد و حدي متفلشه متكسره تحاليلي الدم 4.5 و فيتامين دال 14

مافيني اصبر للاحد وربي تعبت من عوار العظام .. الله المستعان

بشوف شيعطيني يقولون اﻻبر مو زينه للحامل ﻻزم حبوب مااااقدر ع الحبوب معدتي × تعبانه

 

[مذهلة2013]

اي في عياده يوم السبت
بس يوم اليمعه ماكو
بالعكس يعطي اهو ابر

 

[جوزائيه مغروره]

كاترينا ما قالي من شنو وعطاني حبوب لها وماعطاني موعد بعد

مع انه المفروض يتابعها

كوكيز في عياده السبت

 

[كوكيز بالكريمة]

تشكرات جوجو .. صبح و عصر واﻻ بس عصر ؟

صج جوجو يمكن بطن اللي تحمل توينز يصير جذي فيها انتفاخ صوب السره او لمن خيط العمليه شد بطنج ف سرتج برزت وهالشي طبيعي ترى .. دام ما عطاج موعد إن شاءالله ماكو اﻻ كل خير .. تطمني و اخذي الدوا

 

[مــتــنــحــة]

شلونكم بنات ؟؟

بعطيكم وصفه يمدحونها لفيتامين دال وللدم بعد وبسيطه

بحطها لكم برد بروح عشان تنسخونها وتطبقونها

وبسيطه وتصلح للحامل واللي موحامل

للتين سبحان الله مذكور بالقرآن

 

[مــتــنــحــة]

علاج بسيط لنقص فيتامين ( د ) .

إمرأه تحكي سبب شفاءها
من نقص فيتامين ( د ) .

السلام عليكم ورحمة الله وبركاته

اخواني / اخواتي مع نقص فيتامين دال الذي تعبني مره وسبب لي الوهن والضعف .!
ترددت على المستشفيات لاشهر طويله باحثه عن العلاج الفعال
مابقي عياده مارحت لها ولاعلاج ماجربته ، حبوب ، نقط ، حتى وصلت لدرجة آخذ الابر كعلاج
غير جلسات الشمس اللي قلبت لون جسمي .
المهم .. في يوم كنت رايحه اخذ ابره وانا بالاسعاف شافتني إمرأه كبيره ، قالت لي : سلامتك اش فيك ؟ وقعدت احكي لها سبب اخذ الابره ، فقالت لي : يابنتي هذا ماله فايده يرفعه شهر شهرين بعدين تتركي العلاج يرجع ثاني واكثر ، قلت لها: ايوه ياخاله نفس حالتي مابقيت وماخليت شي ماسويته ، مافيه فايده وانا توي بنت صغيره ، بس مره تعبني النقص الفيتامين ، حاسه عمري فوق الخمسين ..!
قالت لي : راح اعطيك وصفه جربيها ، ان فادتك ماضرتك -وهذا من خير الله - قالت : جيبي ( تين ) سواء مجفف او طازج ، بس مستوي شوي ، بعدين قطعي التينه اربع اقسام او ثنتين وحطيهم في الكاسه ، بعدين صبي عليهم ماء فاتر ، لاتكون حاره ولا بارده ، وخليها بالليل حتى الصبح ، اذا قمتي تصلي الفجر مع الدعاء بنية الشفاء ، اشربي الكاسه ، واذا خلصتي كولي حبتي التين اللي فيها ، ان شاءالله بتدعي لي يابنتي .!
رحت البيت يوم يومين قلت اجرب الوصفه وطبقتها بنفس ماقالت لي الحرمه بالضبط .
شفت فرق كبير ماتتخيلوه من اول يوم .! والان لي اكثر من شهر ماشيه على هذه الحال مره مرتاحه ، وراح الخمول والتعب اللي فيني ، وخف تساقط الشعر اللي كان بشكل فظيع مره ، وكانت اظافري تتكسر واسناني تتفتت وعظامي مره ضعيفه ماتحمل شي .! سبحان الله الوصفه ممتازه ، بس لازم الاستمرار عليها لفتره حتى تشوفي الفرق ، وبطلي العلاجات معها ، و التين .. ماهو شي غريب ومذكور في القرآن الكريم ، احنا بعيدين عن ماذكر بكتاب الله
وللتذكير ترا عادي تحطي طازج او مجفف نفس الشي بس غسليهم كويس قبل التنقيع
وبالعافيه للكل اللي يعانوا من نقص هذا الفيتامين ( د ) .

???????
اللهم أني نويت بإرسالها علم ينتفع به فاكتب لي الأجر ياكريم لي ولمن اعده وساهم بنشره .

 

[katrina90]

حبيبتي متنحه مشكوره ماقصرتي ..


بنات شلونكم وينكم مختفين شنو ماكو احد يراجع عند حيان ؟ ولا كلهم ولدو

 

[مــتــنــحــة]

امبلا كاترينا انا توني قبل اسبوعين يمكن عنده

كنت خايفه بصراحه لاني احس بضغط غريب تحت تحت صوب الرحم من تحت

احس بشي بينبط او يطلع مع ابسط مسافه امشيها

حسيت وضعي مو طبيعي وانا توني بالسادس كنت

سوالي سونار

قال كل شي طبيعي بس البيبي اذا لمس عنق الرحم تحسين بشي بيطلع منج لان هالمكان بالذات حيل حساس

فيوهمج ان في شي بيطلع

وبعدين وراني البيبي بالسونار ولقيتها شبه بالعرض

وشهقت حرام خرعته اهو فز

قلت ليش البيبي بالعرض

قعد يضحك يقول كيفها للحين صغيره والمكان واسع عليها وطبيعي بتقعد تحوس

متى ماكبرت وبدا المكان يضيق عليها راح تثبت وضعيتها عدل

وقلت له بسوي مسحه اخاف فيني التهابات قاللي تحسين بحكه ؟ في ريحه ؟ لون الافرازات غريب ؟

قلت لا بس ابي اتطمن قاللي اوك وسوت لي السستر المسحه والحمدالله طلعت النتيجه بعد 3 ايام طبيعيه

 

[مذهلة2013]

متنحه

يزاج الله كل خير
بناتنا مادري شفيهم ههههههه كلهم معترضين
والحمدلله سويتي مسحه وتاكدتي الاحتياط واجب والله


كاترينا
والله هالويك اند رحت للعياده وكل شيء تمام الف حمد وشكر لك يااااااااارب

 

[كوكيز بالكريمة]

السلام عليكم

متوو جزاج الله خير ع المعلومه و ف ميزان حسناتج إن شاءالله

عااااد مشتهيه مشمش مجفف هههه مو تين

الحمدالله رحت له و طمني الله يطمن قلبه بس على نقص فيتامين دال قالي اخذ ابر و إن شاءالله خير و الحديد قالي اخذي حبوب صغيره ملات المستوصف انا جربتهم حلوين بس معدتي كلش ما اتحمل الله المستعان .. ماكو اﻻ اخذهم مع لقمه عيش على قولته عشان تنزرط ههه

الحمدالله الله يطمن قلوبكم على بيبياتكم ويرزقنا شوفتهم بصحه وسلامه إن شاءالله ♡ اللهم آمين

 

[كوكيز بالكريمة]

كيتو صج ترى ماعرف جم لج حامل الله يتمم عليج و بجر واﻻ راعيه سوابق مثلي هههه

 

[مذهلة2013]

كوكيز
هههههههههههه هالادمي يضحك والله عليه قطااات هههههههههه
انا اشوا هالمره ماعلق على وزني كلششش وقالي بعد جم اسبوع ابدي تمشي مو مشي مشي
لا بس اعود نفسي على التمشي

 

[كوكيز بالكريمة]

هههه سكتي من كثر ما اتضيم عنده على معدتي قال ماينفع لي اﻻ هالحل الظاهر هههه

 

[مذهلة2013]

هههههههههههه

ربي يسهل عليج وعلينا

 

[katrina90]

متنحه انا مره جذي حسيت شي نازل ويبست خفت وقعدت


مذهله الحمدالله انه كل شي تمام الله يتمم عليج



كوكيز منو قصدج بكيتو انا ولا احد ثاني لان مذهله تبدا بالميم ومتنحه نفس الشي فشكيت انه انا هههه بجاوب عليج سواء انا او لا لان توهقت هههه انا الحين لي 19 اسبوع ويوم بما انه الساعه 1.30 فبعتبره يومين هههه وانا بجريه اول مره مالي سوابق هههه

 

[مذهلة2013]

كاترينا


ربي يتمم لج حبيبتي

 

[كوكيز بالكريمة]

كيتو = كاترينا

مذهله = مووله

متنحه = متوو

افاااا عليج مضبطه الدلع من قبل هههه

الله يتمم عليج بسلامه و تشوفين ضناج بحضنج بصحه و عافيه اللهم آمين

ام فرس جزاج الله خير