تجمع امهات العالمية الامريكية

[mr000]

ريمان مادري ليش أحس الصوره اللي أنتي حاطتها تشبهج..وإلا لأ؟؟ مادري محد عطاني مواصفاتج..صلحوا معلوماتي..

 

[ReeMaN]

سلام عليكم

مرووو حاظرين للطيبين تبين همر تبين مررسيدس تبين حنطور واتمشى فيكم بشارع الخليج شرط يكون بالظهر <--- نحيسه عشان احط تان واتشمس واااااااااااااي تذكرت حنطور سالزبورغ واهو يتمشى فينا بالهوا البارد والناظر اللي تشرح القلب يم يم يمييي

مروو هالصوره كلش مو صوبي بس قلت عشان سمارها عاجبنى مع انى مااواطن الحنه بالجسم ولا بالايد بس حلو عليهاااا بنت الاذينه
انا اشبه خطر جان تعرفينها ههههههههه

 

[ReeMaN]

وااااااي وينكم .... شهالضيييييييييييييقه الخلق اطلع وارد واطلع مشوار وارد والتجمع ماكو احد شنو هذااااااااااا

خلاص انا زعلت وبهاجر لحد يسال ويقول وين ريمان :0bee2e8d89: :0bee2e8d89: :0bee2e8d89: :0bee2e8d89: :0bee2e8d89: :0bee2e8d89:

 

[mr000]

السلام اشلونكم أمهات..ريمان نطريني بهاجر معاج..

 

[ملكة بيتها]

سلام أمهات شلونكم
ريمان ...مروو ....وين وين بتهاجرون لا ما يصير ؟ إحنا نبيكم
وترى المنتدى صاير حده مليغ ..

 

[caramella]

السلام أمهات إشلونكم
آنا غبت وايدني حايسه حدي مع شقتي
يا يووم ما عندنا ماي
يا يوم ماعندنا سنترال
يا يوم إنحكرنا محنا قادرين نطلع الدري كله كاي و ينزل من السطح مثل المطر لي تحت
وأمس والله العظيم الله حفظني آنا و خدامتي و آنا امشي بالحوش بطلع من البيت ولا يهف طابوق وراي والله الله حفظني لو متأخره خطوه جان إنفلعت حرام عليه راعي البيت والله مجرم أكتب و حدي منقهره
نمت عند اهلي امس و عيز ابوي يقول حق ريلي تعال نام هني
مني لما تنقلون شقه ثانيه مو راضي :eh_s(13):
عنده ابوي شقه فاضيه فوق بس ما اقدر انقل فيها لأن إخوي قاعدين ادوررون له مره بيزوجونه و بيقعد فيها
إقوللي نامي عند أهلج بروحج ما اقدر انام معاج ما اعرف انام إلا بمكاني و معاي اغراضي
اليوم رديت شقتي وودي اروح عند اهلي خصوصا إني تعبانه حيل والدكتوره طالبه مني الراحه التامه
يعني لو بنقل إشللون ما ادري المفروووض كله منسدحه أمي قالت مو مشكله الخدم و السواق يشيلون لا تشيلين شي
حتى لو بيشيلون مو المفروووض اعبيهم بجناط ولا كراتين هذا منو بيسويه

حنيت حنه مو طبيعيه شسوي مو مني من اللي فيني والله
ما تشوف شر الوالده فوز
ما تشوف شر عمتج مروووو
سلامي للكل سامحوني ما اقدر اعلق على ردودكم حدي دايخه :ssssso:

 

[caramella]

كاي = ماي

 

[mr000]

الله يعينج كراميلا..بس لاتنقلين أغراضج بهالفتره حتى لو الخدم بيساعدونج بس أكيد راح تتعبين وانتي موزين لج..والله مادري شقول لج تظلين بشقتج هالفتره..يعني شويه في بيت أهلج وشويه بشقتج..بس ديري بالج على نفسج عن الحركه الزايده والتعب..

 

[mr000]

السلاااااام اليوم صدت بيلا..هيه هيه هيه هيه..لحقتها لي دوامها..وأترك المايك حق بيلا تقولكم عن الحدث العظيم..ماشاءالله بيلا..تبارك الرحمن جمييييييله..الله يخليج حق عيالج ويعطيج الصحه والعافيه..بصراحه آنا ماكنت أبي أكشف هويتي لها..بس قلت يمكن ماأشوفها مره ثانيه وأسلم عليها ..فيالله قدر ومكتوب إني أنكشف..وتشوف يديده مروو!!! بليييييز بلييييز بيلا مدحيني شوي ..يعني ألفي من عندج ميخالف جذبه بيضا الله مايعاقبج عليها ..بس قولي أي شي حلو..صج متعقده من روحها

 

[Fouz]

السلام عليكم أمهات شخباركم
مشكورين على دعواتكم ،،، الوالدة لما الحين بالمستشفى بس الحمدلله احسن مخلينها علشان عطونها دريب خافين يحوشها جفاف خصوصا ان الاسهال تكرمون ما وقف، صج انه خف بس ما وقف بالمرة و عسى الله لا يطولها من شدة و ترجع البيت بأسرع وقت
اليوم وديت بنتي المدرسة و كنت احاتي بنتي الصغيرة وين اخليها لان اختي عند أمي و البيت خالي اخاف اهدها ويا الخدم عاد دقيت على مرت اخوي و اشوة بيت اخوي يم بيت اهلي فرحت و بالي متطمن، و نفس الحالة اذا بروح المستشفى لازم اشوف احد يقعد ويا البنات، سبحان الله كل شي تيمع مع بعض يعني العادة بظروف مثل هذي كنت اخلي بنتي عند ريلي و ما أشيل هم،، الحمدلله على كل حال

مرو ما تشوف شر عمتج، بشري عسى طلعت؟؟
أخييييرا شافتج وحدة فينا ، بيلا عاد ماشاءالله تينن سواء بالشكل و الا الطبع الله يحفظها حق كل اللي يحبونها،، بيلا ننطر تقريرج علشان نطيح على مرو

ريمان شخبارج؟ بنتي الحمدلله صارت احسن مع الكمادات و البنادول، و امي لما الحين بالمستشفى و ان شاءالله تطلع قرب، ليش تطلعون على روحكم اشاعات!!!! كاراملا تقول متينة و انت تقولين خطر يما منج، ما عليج منها مرو تقص عليج، ريمان الله يسلمج اول ما يميزها تبارك الرحمن طولها خبرج فينا فقر طول و البنت فها ملح الدنيا عني ملح الكويتيات

ليالي مشكورة حبيبتي ما قصرتي

ملكة تسلمين حبيبيتي على السؤال و العزيمة و ان شاءالله أقدر اشوفكم لما تتعدل الأوضاع عندي ان شاءالله، و الساعة المباركة الل اشوفكم كلكم

كاراميلا حبيبتي الله يعينج على الازعاج و بليز حطي بالج و اذا على اغراضج قولي حق وحدة من خواتج تجابل الخدامة، اهم ش انتي شيلي اغراضج الخاصة من ملابس و خلافه اذا ما تحبن احد يشوفها و الباجي نادي اختج تعاونج و انت ريحي عمرج، عسى الله يتمم عليج ان شاءالله و تلاقين المكان اللي يريحج

بيلا وينج مو مبينة هاليومين، ترة مرو عطتج لقب الجميلة فانا بناديج بيلا الجميلة و السمحة ان شاءالله اشوفج بعد شوي و انا رايحة اييب بنتي


أخليكم الحين و ان شاءالله اشوفكم على خير

 

[ReeMaN]

سلام امهات العالميه

شخباركم؟؟؟ الحمدلله على سلامة الوالده فوز والله يقومها بالسلامه انشالله .....

لا ياكاراميلا موزين لج الحين اتنقلين صدقينى لازم مساعده من اهلج ... حطي جنطه كبيره وحطى فيها خصوصياتج مثل ماقالت فز وخلى الخوات يشيلون كل شي احسن من الخدم بالحرص على الاغراض ..... الله يعينج

مرو شلون صدتى بيلا اى الله صاجه يهها سمح بذمتج يبين عليها انها مدرسه؟؟؟ كلش مو لايق تبارك الرحمن شكلها اليهال لاعبين فيها لعب هههههه امبيه اتغشمر بيلاااا لاتزعلين

اليم وانا نازله باخذ ولدي الا شغاله الله ياخذها بتعبر الشارع مع الولد واهو موراضي يمسك ايدها جان تقوم تكفخ فه على راسه اتدزه الى جدام

وبالسياره اتهدده بايدها انها بتبكس فيه صج احترييييييييييييت وهالولد بصف ولدي قطيعه فوق وصاختها مع السايق كل يوم تمسح على راسه

وتلعب بشعره جدام الله خلقه ماقلنا شي بس مساله ان تطق بالولد والله شوي واكفخ فيها .... حسيت ودي افتن عند الامايه تأيدونى ابلغ عنها

والا اسكت ؟؟؟ اول مره امر بهالمووووقف

 

[mr000]

والله ريمان ليش لأ قولي حق المدرسه تقول حق أمه هالملاحظه أنه في أم شايفه الخدامه تطق ولدكم...آنا لما كنت أخصائيه بروضه وأشوف هالمناظر بصراحه كنت أقول للأمهات..آنا علي أبلغهم وهم كيفهم إذا بيسكتون عن الخدامه..مره لاحظنا على سايق أنه يقعد البنت بحظنه ويبوسها وكله شايلها مادري ماله داعي..أحس يتعمد يجيسها..والوكيله بعد لاحظت كم مره ولما كلمت الأم مارضت وقالت هذا خوش واحد وعندنا من كم سنه..خلاص كيفهم اللي علينا سويناه وقلنالهم..

 

[ReeMaN]

والله شكلي بسوي اللي قلتى عليه باجر وبقول حق مس كي تعطيينى رقم الام او اهى تكلمها .... بس صاجه مثل ماقلتى في امهات لامبالاة باللي يصير حق عيالهم ........ امصيبه هالشغاله اهى تدش المدرسه واول وحده تطلع من المدرسه وتسحب في الولد بالدري وماقلنا شي بس اليوم صج اتفاجات فيها اتطقه واتهدده بالشارع والولد شكله حليو يعنى كبير المفروض اهو اللي يقول حق امه ....

والله ولدي الشغاله من تخزه بعينها ايينا ركض يقول لى ترا تسويلي جذي بعيونها @_@ الله يهديها......

 

[ReeMaN]

اليوم عطو ولدي ورقه شددو على عدم الغياب هالشهر لان في دراسه ومراجعات وتقييم حق البروجرس وفي رحله بيوم 20 - 5 مره ثانيه حق الاكواريوم ......

 

[Fouz]

أهلين ريمان
حريتيني بسالفة الخدامة قطيعة تقطعهم، بس سوي مثل ما قالت لج مرو قولي حق المدرسة أحسن، لا تاخذين رقمها ولا شي و اذا المدرسة قالت لج انها ما تقدر تكلمها سوي أضعف الايمان كتبي ورقة بالعربي طبعيها بالكمبيوترعلشان اذا شافتها الخادمة على بالها من المدرسةو قولي حق المس تحطها بجنطة الولد لا تحطين رقمج و اذا اهي مهتمة راح تسأل المدرسة، يطري علي مرة لقيت ورقة مكتوب فيها بليز دقي على هالرقم و تفاجأت بس لما دقيت طلعت ولية امر يحليلها تبي تعزم البنات اللي بالصف و تبي تكلم اهلهم ايون وياهم، انا بنظري كلمي المدرسة و الخطوة الثانية طرشي ورقة مع الولد و اذا عندهم اخصائية هم ممكن تبلغينها

من الحرة ما رديت عليج، مشكورة حبيبتي و الله يسمع منج و ترد البيت، صج المكان بدونها ما يسوى

 

[bella bambina]

السلام أمهات
وايد انشغلت الفترة اللي طافت شغل المدرسه وواجبات وتدريس اليهال
اي والله اليوم الصبح على الريج صادتني مرو بس صج وبدون مبالغه مستحيل كنت أشك انها اهيه ما شاء الله أصغر جده أشوفها وتبارك الرحمن ويهها سمح و لا حتى متينه مثل ما كانت تقول طلع كله تمويه وآنا على نياتي بسرعه أصدق أحلى شي انها لاحقتني تأشر لي وآنا أكلم رفيجتي بالموبايل أقول لها الظاهر ولية أمر مسقطه ولدها ولاحقتني رحت فيها سوري ريمان طلعت فاشله بالتجسس كله صايديني ولا تصدقون مرو اطلعت اهيه الجميله وآنا المتينه
فوز ما تشوف شر الوالده الله يقومها بالسلامه ووترد لكم البيت بأقرب وقت ان شاء الله طمنينا عليها
ريمان والله عاد فيج من الصوره بس ربطي شعرج وحطي تاتو بدال الحنه صح لازم تقولين حق المدرسه واهيه تتصرف
صاجه ريمان اليهال لاعبين فيني لعب
كراميلا الله يعينج بس بهالفتره لازم تريحين تحملي الازعاج اذا ما فيه أحد يساعدج بالنقله ولا اتعبين نفسج الحين انتي بحاجه للراحه

 

[mr000]

فوز الحمدلله اللي طمنتينا على بنيتج والله يقوم الوالده بالسلامه ويطمنكم عليها وترد البيت بالسلامه !!بيلا الله يهديج أي مو متينه إنتي ماشفتي إلا ويهي كان لازم أنزل من السياره علشان تشوفيني كلي لو عندي جسم عدل ماظليت كله بالعبايه..آنا أمتن منج..ولاتخليني أفضح نفسي زياده وأقول كم وزني..أصلا بطلت أوزن من ضيقة الخلق...بس ثانكس عالمجامله الحلوه رفعتي معنوياتي..بس لاتصدقونها إني حلوه..no way< but any way ,thanks,, وهذا من طيبج وعيونج الحلوه. ..آنا ظليت أبتسم لج طول ماآنا لاحقتج علشان لاتخترعين...وصج بيلا الله يعينج عالتدريس..ريلي يعد الأيام متى يغيبون اليهال طاقه جبده..قاعده أنطر ولدي يخلص دراسه علشان أوديه يشتري أغراض حق الساينس مادري شنو يبي..

 

[ReeMaN]

هلا بيلا .... امري لله شوركم وهداية الله باجر بكلم الابله ..... بعد بيلا سياتج معروفه ومواصفاتج ماكو اسهل منه واللى مساعدج زياده كوكش اليهال الله يحفظهم وناااااااااااااسه على المطارده بالسيارات اى طلعت فاشله بالتجسس بس حدى صيادة الكروش ههههههه

يالله هاتى مواصفات سياره مروو وجم رقم سيارتها خن ابلغ الشرطه باجر تصفط عند المدرسه اتوقفها الين انيي كلنا وتخيلي رابطين عيونها وايدها عند الباب ومكتوب لوحه من وراها مطلوبه لتجمع العالميه وياليت يحطون عنوان تجمعنا باللوحه عشان يشاركون باجي الامهات بالمنتدى

واااي السنه اليايه بحيل الله محد معاي ولدي بيروح جريد 1 وانتو الى الحين كي جي 2 ومرو ولدها بالها سكول الله يحفظه منو معاي ؟؟؟
ماكو الا اسقط ولدى هالسنه عشان يصير معاكم

 

[mr000]

يعني بيلا أصلح آخذ لبناني؟؟ يعني في أمل أحد يلتفت علي ؟..مافي داعي أروح أشد وأسوي تجميل؟؟ قوليلي قبل لاأروح آخذ قرض وأحورف بعمري...والله عاد ست عاقله وخبره..على قولة عادل إمام

 

[ReeMaN]

مروو احنا دايما جذي هولنا بعمرنا واشكالنا واخر شي طلعنا كلنا تمويه بعد لاتشوفين فوز تبارك الرحمن انا انصدمت واهى واقفه يم بيلا شكلها غييييييييييييييييييييير عن الحمال وصايره كيوووت ... ناطره بيلا تحمل بشوف شكلها وهالكاراميلا مادي وين اتحوس بالمدرسه بشوفها الحين قبل لايعطلووون ويتغير شكلها على بدايه السنه <--- ريمان مافيها صبر