تجمع امهات العالمية الامريكية

[caramella]

إي صاجه ريمان في امهات إهما مقويين الخدم عالعيال و معطينهم صلاحيات زايده و إنتي وينج من ام شكو يبتيهم عالدنيا عشان تحذفينهم عالخدم و تالي يقولون ليش ما يحنون علينا عيالنا
لأن ما جابلتيهم من قعده لي قعده وو من عرس لي عرس والإستقبالات و النادي و الصالون وطلعات مع الصديقات
ياربي إنشالله الله يقدرنا نربيهم و نجابلهم و تقوينه ولا تعوزنه على هالخدم الظلام

 

[caramella]

فوز الحمدلله على سلامة الوالده وعلى سالفة التدرعم دايما جذي الناس لقافه صبروا عليها شوي ترتفع دقو قبل لا تيوون يمكن تبي تستعد لكم و تحدد لكم يوووم تيووون فيه الله يساعدكم على ضيوف الغفله
يا حبيبتي فوز الحمدلله تمام والله سكتي قاعده عند أمي مرتاحه جسديا بس مو نفسيا أحاتي في ولدي على طريج المدرسه و احاتي ريلي بروحه بالشقه لازم القالي شقه عشان اطخ خصوصا إن العطله يايه و بقعد مع ولدي بالبيت فا إنشالله إنشاالله القى مو شرط آنا انقل على قولتج أشيل الأشياء الخاصه و الباجي اخلي امي مع الخدم تعبيهم بجناط و كراتين و الصبيان يشيلون

 

[Fouz]

ريمان، انشلع قلبي على الياهل، هذي أم بالله!!!!! يا اما اوادم يقطون الاف و من ديرة لي ديرة علشان الله يرزقهم ياهل و هذي تعامل ضناها جذيه لا و ما يشوف بعد!! يا ويلها من ربها هالظالمة، هذي اذا ولدها تكلمه جذيه و اهو بهالحالة تكفين تخيلي اذا هذي مدرسة بحكومة شتسوي باليهال؟؟؟


حبيبتي كاراميلا لا تحاتين وليدج ما عليه الا العافية، خصوصا ان الوضع مؤقت يعني شي يديد بالنسبة للخدامة بس اللي شفتهم اليوم مبين ان الخدامة عندها الخيط و المخيط، اسم الله علينا و على عيالنا ما نخليهم عند الخدم الا حق الشديد القوي، يعني أزيد من ان امي بالمستشفى والله ما كنت أطلع الا لما ألقى أحد يقعد عندهم، هذول أمانة الله معطينا اياها و اذا على قولتج مالهم خلق يهال شحقة اييبونهم

اااااااه على ضيوف الغفلة، حتى مواعيد الاتصال تعيسة ثلهم والا اكو احد يدق الساعة 3 العصر يعني يا حزة غدا يا حزة نوم، تصدقين يطري علي لما امي كانت بالعدة لما توفى أبوي الله يرحمه ما تتخيلين كنت اطلع بروح الدوام الساعة 7 و نص الاقي حريم عند الباب بيطقون الجرس!!!!!!!!!!!!!!!! شنو مدرسة و خايفين يطوفكم الطابور بالله عليج اكو احد يطق بب الاوادم هالحزة، على بو انها بالعدة و قاعدة بالبيت فخلاص نزورها متى ما طق براسنا، صعب انج تعلمين الناس الذوق لان اللي ما يعرفه من روحه بعد ما ينفع معاه شي

 

[lyale]

فوز وريمان مروو كراميلا وملكه وبيلا شلونكم كلكم فردا فردا فوز وريمان قهرتوني علي سالفة الخدم ولااا الام امبيه ضناااي احبطه واضيق خلقه صج في ناس ما تحمد ربه علي النعمه الي عندها وفي اهالي مظطره علي الخدم
انا من كثر سوالف الخدم ودي اسوي حمله علي مراقبة الخدم عدل وبسوي بستورات احطها بالشوارع علي عاقبة الخدم اذا مدو ايدهم علي اليهال يمكن اذا شافو الحزم يخافون بكل مكان وبكل وقت تصدقون احنا ساعات نودي عيالنا ديسكفري وماجيك بلانت وهناك الخدم لا رقيب ولا حسيب وشووف الطق الي يصير علي عيالنا مخهم اخس من اليهال كل وحده تمسك ياهل واذا ياهل بالغلط يا صوبها مدة ايدها ومافي احد يكلمهم

 

[mr000]

الله يخليكم غيروا الموضوع والله بجيت على هاليهال اللي لاعبين فيهم هالخدم بروحي صارلي يومين مابطلت بجي من قال ولدي خلاص قاعد أراكض على البعثه وزوجته بتقعد في بيت أهلها..وآنا متعوده على بنت ولدي طول اليوم عندي وادري هناك بيقطونها عالخدامه واللي قهرني أقول حق اليده اللي عمرها مادرت عنها آنا ماعندي دوام وإنتي وبنتج تداومون لاتودونها تالي الحضانه من ال6ونص خلوني امر عليها الصبح أوكلها واوديها بال8 على راحتها وآخذها من الحضانه تالي أييبها بيتنا أغديها وأوديها حق امها العصر تقولي خلاص مالج شغل فيها إحنا نوديها ونييبها بطريقتنا وهني الخدامه تدير بالها عليها لي نرجع من الدوام..ولدي يقولي مالج شغل فيهم بس أدري لي سافر بتشتغل حركات النحاسه..والله نفسيتي زفت.. اللي ساعات أقول ياريت ماتطلع له بعثه عالأقل سنه وإلا سنتين ولاتتلعوز البنت عندهم.

 

[lyale]

:0bee2e8d89:
مرووو يا بعد قلبي انا احاتي من هالسوالف بس شنسوي ماكو الا ندعي ان الله يحفظهم

 

[ReeMaN]

خلاص انغير الموضوع عشان خاطر مرووو بعد عمري والله حاسه فيج تعبانه عليها هالنونو وتعلقتى فيها وتعلقت فيج اخر شي مصيرها عند

الخدامه <--- يعنى قاعده اواسيها وارفع معنوياتها ويا ويهي هههههه ... انتى اخذى وعد من ولدج البنت انتى تجابلينها وتودينها الحضانه

واتيبينها على كيف كيفج والا لا يسافر وزعلى عليهم .... انشالله يحسون فيج

فوز عفيا اوادم ياين حق امج من صباح الله خير ؟ زين ما طقو الباب و صلو الفير ببيتكم بعد ...بس مثل ماقلتى في ناس مايعرفون الاصول

ولا عندهم ذوق ....

الله يعينج كرااميلا على سالفه ندور شقه والنقله اشوه ان وقت عطله الحين تدورين على الراحه بس استعجلي اشوي بالراحه قبل رمضان

وانشالله تلقين باقرب وقت وتتهنين بالعطله

 

[ReeMaN]

ليالي شخبارج شلون عيالج؟ والله خوش فكره سالفه البوستراتبالشوارع يمكن يخافون ونوزع بالمدرسه نشرات خرافيه عن اخر اخبار الخدم اللي طقو اليهال ودشو السجن ووايد اعدموهم على سء المعامله يمكن يخترعون لازم نكتببها بكل اللغات ....

هم نغير الموضوع اوسكتى ياريماااان اوسكتى عشان خاطر مروو ....

 

[lyale]

ريمان عيالي بخير ومشكوره علي السؤال
لوووول ريمان عجبتني سالفة النشرات الخرافيه واعدامات والي انسجنو بس والله يبيلهم جذي يا الله يفكون عيالنا من شرهم المشكله ان هالخدم تخلف يبيلهم توعيه وتخرع خخ

 

[mr000]

والله ريمان آنا مو قاعده أفرض نفسي عليهم بس مو شايفه أحد مهتم فيها غيري..في ناس للأسف عندهم الياهل مثل القطوه اللي بالبيت يعني بس أكل وماي ونوم..جنه بهيم مايفهم ولايحس..و آنا من كثر ماجابلتها ماشاءالله تعالي شوفيها ماجنه عمرها سنتين اسم الله عليها نبيهه وذكيه وتحفظ بسرعه..ولو الخدامه تقولها شي يت قالتلي..بس آنا ماكنت أدري إن المطلوب مني إني أربي وأطبخ وأشتري وأدير بالي عالبنت بس لاأتكلم عن أي خطأ أو إهمال طلعت بالآخر مووووووزينه كلش.... مره شفت واحد كاتب على التاير السبير مال سيارته الجيب (خيرا تعمل طلا تلقى) عجبتني وايد العباره بروح أكتبها على سيارتي وأطرزها على عبايتي وأسويها تاتو على إيدي يمكن شوي أتوب ماأصير طيبه..حسبي الله ونعم الوكيل...

 

[Fouz]

السلام عليكم أمهات
شخباركم ان شاءالله بخير

مرو بعد قلبي والله حسيت بمعاناتج، و ماشاءالله عليج ما شفت يدة مثلج مجابلة أحفادها و تخاف عليهم، ان شاءاله ربي يرزق بنتج بخالة مثلج، لا يضيق خلقج و ان شاءالله ربي يكتب اللي فيه الخير، و علشانج ماني يايبة طاري الخدم، و اذا راهم الله يهديهم انج فارضة روحج ما عليج أهم شي انج راضية عن نفسج و ان اللي قاعدة تسوينه يريح قلبج و ضميرج

ليالي ريمان فكرة البوستراعجبتني بس سكروا الموضوع علشان عميدة التجمع

كاراميلا و بيلا و ملكة شخباركم

 

[ملكة بيتها]

سلامات مامات
مروو ..ريمان ..ليال ..فوز ... بيلا ..كارميلا ....حبايبي شلونكم عساكم بخير وشكرا على سؤالكم
فوز .. الحمد الله على سلامة الوالده حبيبتي
كارميلا ..حبيبتي ترى ألزم ما عليج صحتج ولي ارتفعت شوي دوريلج شقه ..
مروو ...بصراحه المثل هذا ( خيرا تعمل طلا تلقى ) أحسن مثل يعبر عن الناس الحين إذا الواحد صار طيب وعلى نياته تعالي شوفي المعامله الزفت اللي يلقاها من عند الناس ولا لي صديتي وكفيتي خيرج وشرج هم مو خالصه يعني لازم تصيرين ذيبه عشان يصير لج برستيج ويحطونج فوق الراس ..بصراحه ييتي عالجرح يا مروو ..والحين أم جنتج مضايقها إن حفيدتها في من يهتم فيها ويراعيها حزت لما أمها تكون بالدوام بصراحه الناس صار تفكيرهم بالمقلوب والله وصلنا للزمن اللي فيه الصح يكون غلط والغلط هو الصح ..
بالنسبه للخدم صارو شي لا يطاق ..أنا بقولكم الموقف اللي صار معاي كان ماعندي خدامه وكنت أشتغل بالبيت بروحي فلازم أطلع البلكونه عشان أنشر الملابس وأنظف فالخدم بالعماره تعالوا شوفي كله واقفين بالبلكونات وسوالف واللي ما تبي تطلع صوت بالإشاره سوالفها المهم جبال شقتي كان في دايما خدامه ومعاها ياهل وأنواع الطق والتقرص بهالياهل وأنا أشوف وأحتر وكلا تكفخ على الراس الياهل بو 3 سنين المهم هذاك اليوم لا زاد الموضوع والله من بجي الياهل وصوته قمت طليت من البلكونه ولا الخدامه ماسكته من راسه وتشيل وتمصعه فوق وتحت والله من الخرعه على الولد قلت الحين بتقطه من البلكونه رحت وكتبت ورقه عن سوالفها مع هالياهل وكتبت حق الأم ديري بالج على عيالج ورحت للشقه اللي هم فيها وطقيت الباب المهم فتحت الخدامه الباب قتلها وين ماما تقولي نايمه قتلها روحي قعديها راحت وردتلي تقولي ماما تقول هي نايمه قتلها روحي قعديها قوليلها صديقتج راحت وأنا أسمع الخدامه تطق الباب على المعزبه وهذيك تقولها قوليلها نايمه المهم عطيتها الورقه اللي أنا حاطتها بظرف قتلها عطيها للمعزبه ....والله يومها شنو هسترت وبجي مره من الخدامه وتعاملها مع الياهل ومره على عديمه الإحساس اللي نايمه ومخليه ضناها بيإيد هالخدامه ...الله يحفظ عيالنا من هالخدم قولوا آمين وسوري مروو أدري قلتي سكروا الموضوع بس تذكرت السالفه .

 

[ReeMaN]

صباح الخير :ch12:

هلا والله ملكه مامات شخبارج تفضلي عالقهوه :nbptr:

احنا قلنا مانبي نتكلم بالموضوع عشان مروو لايضيق خلقها .. بس دام ان اهى نايمه الحين نتكلم بالموضوع شوي شوي هههه ...والله عفيا عليج انج ماسكتى على هالمجرمه عمى بعينها وعفيا عليها من امايه الياهل ميت بجي واهى مكبره المخده حسبيالله عليها .....

ملكه والله في امهات اهمه يخلون الخدم يطلعون من طورهم غصبن عليهم .... يعنى قاطه الياهل عند الشغاله طول الوقت شتبين يصير فيها .. احنا احنا مرات الامهات نطفش من عيالنا من المجابل والحنه والرنه وودج تنحاشين منه اتغيرين جو اشويه شلون اهمه؟ اعرف وحده انا اقولج اياها اهى ميننه الخدامه عندها اربع ماشالله وفوقه فوقه بالعمر 5 سنوات واربع و3 وسنه ونص والام تشتغل دكتوره والابو مدرس وانا بعينى اشوف الخدامه اهى اللي مجابلتهم الصغيرتقولين ولد الخدامه اينام مع الخدامه ويقعد معاها تقعد له نص لليل وتجابله ولا قعدو باجي اليهال الصبح هم تجابلهم شتبين يصير فيها ؟؟

بس بس نصكر الموضوع اسمع مروو تقلب بفراشها شكلها حاسه ان نسولف بموضوع يضايقهاا.... :eh_s(1):

شلون بنيتج مع المدرسه ؟؟ انشالله مرتاحه فيها وبتكملين المشوار بنفس المدرسه؟

 

[mr000]

السلام اشلونكم..ريمان عادي سولفوا على راحتكم بس كتبوا بالهيروغليفي أو الآشوري مادري كيفكم أي لغه ماأعرف أقراها..عاد تصدقين اللي قلتي عنها نفس مواصفات وحده أعرفها بالضبط وتصدقين كل خدمها تكتشف أنهم يطقون عيالها ومع هذا تسافر وتهدهم عند الخدم عادي..أوف هالسالفه تضيق الخلق وتقلب المواجع ..أول مره ينزل وزني كيلوين ب5 أيام من كثر ماآنا منقهره ومنسده نفسي عن الأكل..يالله ميخالف ريجيم بس ياريته بدون قهر...اليومهم كان فيه خبر يضيق الخلق بالجريده عن طالب بالمتوسطه بالقرين طقه واحد بسكين وذبحه بالهده علبو متهاوشين بالمدرسه قبلها بيوم..والله من قريت الخبر قلت والله مو 3 آلاف لو 10 آلاف أدفعهم وآنا أضحك حق المدرسه بس الحمدلله إني متطمنه على ولدي...خلاص بسنا ضيقة خلق..اليوم رحلة الكي جي حق الأكواريوم؟؟آنا وديت بنت ولدي أمس الصبح المركز العلمي وشافت حضانة المدرسه البريطانيه ولحقتهم دشت معاهم الأكواريوم..واستانست وايد

 

[bella bambina]

صباح الخير أمهات
هلا والله ملكه اشلونكم واشلون عيالكم ؟
ريمان ما شاء الله عليج الساعه جم قاعده ؟
مرو لا تضيقين خلقج انتي مو مطالبه انج تساعدينهم اهمه الخسرانين وبالعكس فكري بالناحيه الايجابيه راح تلاقين وقت حقج وحق راحتج ووناستج وترى اهمه اللي بحاجتج مو انتي اللي بحاجتهم وخشي كل طاقتج حق عيال بنتج ان شاء الله لأن دايما عيال الولد ما يكونون حق أهل الأبو بس عيال البنت اهمه اللي حقج ومو خسارة التعب فيهم سبحان الله من الله دايما الولد اذا تزوج يطلع ويصير تبع عايله ثانيه بس البنت لي تزوجت ترد بيت أهلها وزوجها اذا كسبتيه يصير لج أحسن من ولدج فلا تضيقين خلقج حبيبتي

 

[ReeMaN]

مساء الخير حبايبي ....

مروو انا من هالبلاوي ماقمت اشوف الجرايد الا الصفحه الرئيسيه اقرا شقاعد يصير بالمجلس والحين هبيت اقرا السفريات فينا سفر بس مو قروب بروحنا

بنات انتو شنو خططكم بالصيف والا بعد ماقررتو ؟؟

قود مورننق مدام بيلا شخبارج ياحلوه ... الله يسلمج مو كل يوم اقعد هالحزه بس اليوم الدوره فاجاتنى الفير وطارت النومه .....

 

[mr000]

الله كريم بيلا..والله قاعده أحاول أهدي نفسي..بس السالفه يتني مثل طراق على ويهي ..وماأقدر أتكلم بتفاصيل أكثر أحس عيب علي أتكلم أقول سويت لها وسويت لها..بس كان من غبائي وطيبتي الزايده ومحبتي حق ولدي أقول هالشي راح ينفعه أشوف لانفعه ولانفعني..مانت علي وعلى طيبتي..يبيلي إعادة برمجه..لازم أتعود أقول لأ ..ماأقدر ..تعبانه..لا ماكو فايده فيني..كله ميخالف ..أوف أدري صايره ثقيله على قلبكم وملوعه جبدكم بسالفتي بس والله من اللي فيني..وحتى خواتي مايدرون ماأحب أتكلم حق أحد..

 

[caramella]

السلام عليكم أمهات
إشلونكم و شخباركم
مرووو السالفه فعلا تعور القلب الله يساعدج و آنا اتفق مع بيلا بالراي إن توفرين طاقتج حق عيال بنتج إنشاللله في المستقبل
بس في سؤال يقرقع بقلبي مو فضول والله بس يمكن يخليج شوي تتطمنين إن الياهل ما تكون بيد الخدم
السؤال
ليش ما جنتج تروح مع ولدج؟
معاه احسن لها من إن تخلي الريال بروحه و غير جذي ما تداوم و تجابل الصغيره وتجابل ريلها مو زين الريال خصوصا المتزوج ينتخلى بروحه بالغربه مده طويله يبي مره تهتم فيه وفي بنته
وهم تودي البنت حضانه هناك تكسب لغه احسن من هني

 

[ReeMaN]

افاااا عيب عالكلام مروولا لوعتى جبودنا ولا شي والا احنا خوات حق شنو ... واعتبرينا الخوات لم تلدهم امج وهالطيبه مايت منج عشان اتورينهم انج سويتى وسويتى هالطيبه يت منج لان انتى معدنج اصيل واتسوين هالشي عشان حفيدتج بنت ولدج من لحمج ودمج بروحج ويانا وايد طيبه واتهبلين وتنحبين وسميناج الام تريزا الله يهديهم انشالله وعلى قولة امي ماكو شي يبقى على حاله كل من بيروح بطريج وامي وعندها بس ولد واحد و درس برا ست سنين و رد الديره و وتزوج سكن عندها بالبيت وصار عنده عيالشايلين البيت شيل فجاه قرر ان بيسافر يكمل دراسته وبياخذ زوجته وعياله وياه ماتصورين شكثرت تاثرت امى وزعلت وحست بالوحده وضيقه خلق لان اهى اللي ربت عياله بس شوي شوي خف عنها هالشعور وصار عادي ايون ويردون امريكا

 

[mr000]

كراميلا هو راح يسافر بعثه بنص راتب لأنه توه مشتغل بس سنتين وزوجته مايعطونها ولانص راتب لما تروح معاه مرافق..وحتى لو يعطونها بصراحه بصراحه مايبي ياخذها يقول راح اتعبني أكثر مماتنفعني..هي بروحها يبيلها اللي يقوم فيها وفي بنتها..لا وبعد بدون خدامه..هي حق المؤتمر مارضت تروح معاه 10 أيام لأنها عارفه نفسها..لعلمج ترى هي موميته عالروحه معاه يعني مو زعلانه بالعكس عادي جدا عندها ومستانسه بتروح بيت أهلها سنه..أقولج ماكو احساس