تجمع امهات العالمية الامريكية

[mr000]

ريمان بعد قلبي أدري والله فيكم أكثر من خوات وماتقصرون ..بس ريمان إنتي ليلحين مافهمتي وين المشكله علبالج ضايق خلقي علشان بيسافر بعثه لاعادي بالعكس آنا قاعده أشجعه ولو الحكومه ماودوه على حسابهم احنا بنساعده ماديا علشان يروح يكمل..بس في مشاكل أكبر من جذي...كراميلا آنا وايد حاولت فيه ياخذها معاه علشان بنته عالأقل ..يقولي لأ ما أحتاجها كلها سنه وبجابل دراستي مالي خلق حنه وعوار راس

 

[caramella]

همممم دام إهم متفقين على جذي على راحتهم و الريال ادرى بوضع مرته وعارف إنها بتوهقه ما بتنفعه فا الأفضل إنها تقعد و بالنسبه لها رحم الله إمرئ عرف قدر نفسه و الأحسن تعطيه مجال يدرس
والله يساعدج أول شي إن بتفارقين الصغيره بس تالي بتتعودين
الأم قلبها بارد وموهامها بنتها والصراحه أهم شي مستقبل ولدج لا تناقشينه وايد بسالفة بحيث يغير رايه و يهون يرووح

 

[caramella]

تعالو بغيت أسأل
عيال خواتي بكيجي1 وحده بدسمان وواحد بالتكامل يسوون لهم حفله على نهاية السنه مدرستنا لا حس ولا خبر جنه بس حق كي جي 2 عدل ؟؟؟؟

 

[ReeMaN]

كيفك كاراميلا ؟؟ شلون وليدج ؟ ماادري اذا المدرسه اتسوي والا لا بس اللي اعرفه ان الابداع يسوون حفله حق كي جي 1 بس بصفوفهم

والعام لما ولدي كان بالحياه سوو حفله اخر يوم .... نسال بيلا بحكم خبرتها بالمدرسه ... ياحلوووها بنية بيلا اليوم الله يحفظها ماتشبه امها احلى منها شكلي بحجزها حق ولدي والشرع حلل اربع وبحجز بنت فوز وحفيدة مروو وناخذ الرابعه على ذوقكم

الا بسالج بيلا عيالج من الحضانه بهالمدرسه والا اي مرحله ؟؟ ويمكن سالتج هالسؤال من قبل بس نااااسيه

 

[mr000]

ريمان مومشكله احنا موافقين بس نبي مهرها تدفعون الرسوم لي نهاية الألمنتري...مبدئيا دفعوا عربون بس حق النيرسيري والكي جي..أي يحليلها بنت بيلا شفتها من بعيد نتفه تهبل سلم قلبها...بس والله هم بيلا تهبل يعني أكيد البنت طالعه حلوه على أمها..اليوم ماشفتج بيلا ..مع إني ييت قبل لايفتحون الباب ب10 دقايق..واليوم رحت دفعت حق التيوترينج حق الأسبوعين الباقين..ريمان لازم اتيين مره الصبح علشان أصيدج..أمبيه آسفه عذروني ترى هالأيام آنا خارج منطقة التغطيه..حتى ماأسلم عليكم سيده أتشكى..سوووري فوز وبيلا وكراميلا اشلونكم..ملكه وليالي شخباركم..

 

[ReeMaN]

اى هذا مهرها موافقين عليه طيب ومؤخر ندفع الين تخرجها من الهاي سكول ههههههههههههه اي فتحي عيون باجي الامهات شوفي الحين شنو يبون مهرها وجم والى اى مرحله هذا اذا مو من شروطهم ان لا يابو عيال عيال العيال هههههه لازم يدفع لهم بعد

عاد اليوم انا وصلته وباجر انشالله بوصل ولدي خلينا انشوووفج

 

[caramella]

هلا والله مرووو و ريمان
عادي عادي مروو مو مشكله كلنا لي نكون مشغولين ندش نتحلطم و نمشي
ريمان شخليتيلنا حرام عليج خلينا نحجز حق الصبي اللي عندي
ولو إن محجوز إختي حاجزته حق بنتها و حماتي حاجزته حق بنتها بعد مع عرض بورش و شقه إبلاش
عاد قلنا نشوف ننطر العروووض الباجيه

 

[caramella]

وناس تتواعد وناس محكوره
لا يجوز شرعا يا بنات الحلال المواعد ---------> وحده محتره لوووول

 

[mr000]

ريمان شنو سيارتج وأي حزه توصلين وإلا ماعندج موعد محدد؟؟ شوفي آنا سيارتي ميزراتي بيج...إي طل آنا ويه ميزراتي..لا جيب أبيض نيسان أكستيرا..بس خل ألبس نقاب ونظاره سوده أحسن ..بصراحه ويهي ماينشاف هالفتره..توني كنت طالعه مع بنتي بستانس ..فتحت الرادو على قناة المارينا إلا جنه قاعد يتكلم عني والموقف اللي مريت فيه..عن الناس الطيبه واللي يتنكرون لهم وإن الطيب وده يغير طبعه بس مايقدر وينقرص أكثر من مره بس ماكو فايده...جان أقعد أبجي بالسياره

 

[mr000]

السلام أمهات اشلونكم شخباركم..

 

[ReeMaN]

هلا والله مرووو حساااااااااااافه تونى اشوف الرد :0bee2e8d89:

الله يسلمج سيارتى جيب لكزس فضي مره ثانيه ان شفتينى وان شفتينى بالشارع عادي لحقينى الين دوامنا ولاتحاتين ماراح

ابلغ الشرطه هههههههه واصلا اليوم اشوي متاخره على المدرسه وصلته بالثمان الا ربع....

شخباركم امهات انشالله تماااااااااااااااااام هاتولى اخباركم بس بينووو لا بيلا ولا فوز من زمان ماطلو علينا

 

[bella bambina]

السلام أمهات
اشلونكم مرو وريمان وكراميلا وفوز وينج من زمان ما ندري عنج دلول تقول بنتج كانت غايبه أمس سلامات ؟
ريمان عيالي من الحضانه بالعالميه أيام ما كانت بسلوى ولدج السنه اليايه لما يروح أولى بصادفج ان شاء الله لأن ولدي بيروح ثانيه
كراميلا الروضه والحضانه كل سنه كانو يسوون حفله نص السنه وحفلة تخرج نهاية السنه حق كي جي 2 بس السنه لغو حفلة نص السنه لأنهم بدو الدراسه متأخر وما يبون يتأخرون بالمنهج لأن أيام وايد بتضيع بالتدريب
اليوم بنتي اللي بخامسه عندهم حفلة فرقة الموسيقى تعزف على البيانو أمي راحت بدالي وايد عندنا شغل هالأيام بالمدرسه ويوم 8 يونيو حفلة تخرجها من خامسه ان شاء الله أقدر أروح بس لا يطلع يومها موعد امتحان صفي
صح ريمان ومرو بنتي ما تشابهني تشابه اختي وعيونكم اهيه الحلوة ريمان بنتي مجرمه وغيورة لازم ما ياخذ غيرها وقد أعذر من أنذر :eh_s(13):
قاعده يم باب المدرسه وحاطه اللاب توب بحظني بس يبيلي صورة

 

[mr000]

بيلا 8/6 جنه بنفس اليوم حفلة تخرج ولدي من غريد 8 خو هو تحسف قالنا عنها من ألحين يقول مابي أروح واليوم قال جنه أكو رحله أسبوع الياي بس ترى مابي أروح

 

[bella bambina]

مرو بنتي حفلتهم الساعه 10:30
فوز وينج طمنينا عليج

 

[Fouz]

السلام عليكم أمهات شخباركم
اليومين اللي فاتوا كنت لاهية مع بنتي، حرارتها كانت 39 و نص مسكينة ييت بغطيها و اهي نايمة و الا تسولف مو على عادتها و جسمها يرجف عاد شفت حرارتها الا مولعة ووديتها المستشفى و ما ردينا الا الساعة 2 الفير، فما وديتها المدرسة لا أمس ولا اليوم، صج لي قالوا المصائب لا تأتي فرادى

مرو حبيبتي طولي بالج و كل شي يبي له فترة و تتعودين عليه، يطري علي بطلعتي من النفاس في بنتي الاولى اختي انهارت لاني طولت في بيت اهلي فتعودوا علي و على بنتي بس تالي الوضع صار عادي، عاد ذاك اليوم اقولها شبتسوين اذا رحت خصوصا ان الحين صار لي أكثر من شهرين و احتمال اقعد كثرهم فأكيد بيصير عندنا استنفار، بس ماردهم بيتعودون
مرو قوي قلبج و صاجة الطيبة ما تنفع الا مع الطيبين، اكو مثل امي تقوله بس مو ذاكرته بس بما معناه الطيب مع الطيبين تجارة و الطيب مع الردي خسارة، سوي اللي يريحج و لا تتحسفين على شي لان الله ما يضيع شي و ان شاءالله ربي عوضج بعيال بنتج، و مثل ما قالو البنات فكري فيه من ناحية ايجابية، انج ما تكونين مرتبطة و ملتزمة بمواعيد الياهل و ان شاءالله فترة و بتمر و يرجع ولدج بالسلامة و الامور كلها تنصلح، و اذا على الاوادم عمرج ما ترضينهم و عمرج ماراح تلاقين كل الناس تفهمج، خليني اقولج سالفة، تصوري لما امي طلعت من المستشفى فاللي صار انا قمنا ندق على الاهل و المعارف علشان ما يتعنون و ما يلقونها، تصوري وحدة من الاهل ردت تقول شلون قلتوا يبيلها على الاقل اسبوع و طلعت بخمس أيام!!!!!!!!!!!!!!!!!!!!! شتقولين بالله هذا بدال كلمة الحمدلله على السلامة ، ما برد قلبي لان اختي اللي كانت تكلمها و الا جان عرفت ارد عليها بس شتقولين يا حبيبتي الناس أجناس

بيلا شلونج حبيبتي ما تفقدين غالي ان شاءالله، و فوزة كانت مريضة حبيبتي علشان جذي ما شفتيني هاليومين

ريمان يا مؤيدة تعدد الزوجات شخبارج ان شاءالله بخير

كاراميلا المحكورة شلون صحتج ان شاءالله كل امورج طيبة

ملكة شلونج، و موديل هالأم أكو منه وايد للأسف، أقرب شي يوم أودي بنتي المستشفى أول أمس والله 3 يهال مرضى كل واحد جنه خرجة و الحلوة قاعدة و بيدها هالبلاك بري و طايحة له ترعص بالدقم و الخدامة تعابل فيهم اللي يرجع تكرمون و اللي منسدح، يعني شلوووووووون يعطيهم قلبهم يشوفون ضناهم منسدح بحضن الخدامة و اهما قاعدين يمكن لو انا يوقف قلبي،،، سوري مرو يبنا طاري الخدم اخر مرة خلاص

 

[ملكة بيتها]

السلام مامات شلونكم عساكم بخير
ريمان ..الحمد الله أنا وبنتي بخير , لحد الحين مرتاحه من المدرسه فإن شاء الله بكمل لها فيها ..
بيلا ..هلا حبيبتي وشكرا عالسؤال ، وشوقوني أشوف بنتج الله يحفظها ..
كارميلا ..شلونج حياتي بشري عنج ما عليه في البدايه لازم ترتاحين عشان البيبي والله يتتم عليج ..
فوز ..شلونج حبيبتي ، إي والله موديل هالأمهات زاد في الديره والله أقول عفيه قلوب تهد ضناها بيد خدامه ..يعني جنه هرمون الأمومه كلش ما اشتغل بجسمهم خير شر ..الله يصلحهم
مروو ..شلونج حياتي بشري عنج وترى الطيببه مو عيب بالعكس دليل الأصل الطيب والمعدن الأصيل ومثل ما قالو البنات ريحي بالج هي لو شنو بتسوي ( زوجه ولدج ) بتظل الصغيره حفيدتج ومالها غناة عنج ، فخليها تجابل الصغيره وبصراحه وبدون زعل مني خليها تتحمل مسؤوليه شوي يمكن تتحرك العاطفه عندها وتمارس دورها كأم ..يالله يا أحلى جران لا تشيلين هم فكري بنفسجج شوي إعتبريها إجازة لج

 

[ReeMaN]

سلام امهات ....

واي الجو برا يخرع سبحان الله شهالجو اللي قلب فجاه غباااار مو طبيعي !!!

فوز ماتشوف شر بنيتج الله يقومها بالسلاممه انشالله ....وطوفي فوز طوووفي في ناس مايعجبهم العجب حتى بالمرض استغفر الله ... اى فوز

انا اايد تعدد الزوجات لان عاجبينى عيالكم وعاجبينى امهاتهم خو لاتلومينى تنحبووون

بيلا شخبارج الله يخليها لج هالكتكوته وفرحتيييييييييييينى انج معاي انشالله السنه اليايه الله يحفظهم عيالج وشنو شعووورج بتخرج بنتج

وبتروح مرحله يديده بحياتها وحياتج الله يوفقها يااارب

ملكه مامات الله يسهل ويوفق اموركم يارب تعطينى بنيتج حق ولدي اختمها بالزوجه االرابعه

 

[mr000]

السلام اشلونكم أمهات فوز سلامتها بنيتج ماتشوف شر..والحمدلله على سلامة الوالده ومشكوره أنتي وملكه على كلامكم الطيب وأدري والله عارفه كلامكم عدل ..بس لي أنتوا كلكم علبالكم أن السالفه بس بعثة ولدي أو بنته تروح بيت يدها..للأسف المشكله متشعبه أكثر..وأهلها حطوا الغلط علي بدال مايخافون على بنتهم ويحاولون يفهمونها القصور فيها..وهذا اللي قهرني..استغرب اشلون في ناس مايخافون على بناتهم لاريلها يشوفله شوفه..بس أكيد راح يكون متطمنين لأنهم عارفين ولدي وايد طيب ويخاف على بنته وراح يتحمل طول عمره علشانها حتى لو ما انحلت مشاكله..الله كريم ..سوووري وايد أذيتكم بمشاكلي ..بس صج قاعده أمر بفتره صعبه نفسيتي زفت..

 

[mr000]

صاجه ريمان الجو يخرع آنا قبل شوي راده من بيت أختي بالجابريه الشارع مايبين كلش..

 

[ملكة بيتها]

مروو يا عمري والله لا تزعلين روحجج ساعات المشاكل تييج وإنتي مو مسويه شي وتكونين على نياتج بس شتسوين بالناس اللي يكابرون على الغلط ...ما عليه تصبري المشكله تبدي كبيره بس بالأخير إلا ما تنحل