تجمع امهات العالمية الامريكية

[mr000]

خلاص نوصي بيلا تييب :hjy5jewf: بس لا صج قالت عندهم حر:eh_s(10):

 

[ملكة بيتها]

ههه مروو والله من عيوني أييبلج يراد خلاص بترس كونتينر آيس بالهوا البارد ...ولو ولا تزعل مروو

 

[Fouz]

رد : تجمع امهات العالمية الامريكية

السلام عليكم أمهات شخباركم

كاراميلا حبيبتي ألف سلامة عليج و ان شاءالله ربي ينقلج لي تمامه و تفرحين بالبيبي و بسلامتكم يميع يارب، ريحي روحج و لا تتحركين زيادة و ان شاءالله ما عليج الا العافية

بيلا شلونج حبيبتي،، الله يعينج على الكراف و الحر بس عسى اليهال مستانسين علشان تعبج يكون له مقابل

ملكة تروحين و تردين بالسلامة ان شاءالله و سلامتها الصغيرة و يارب تستانسون و تقضون اجازة حلوة

مرو الصامدة مثل حلاتي صاجة نبي برودة استغفر الله، انا صار لي يومين بقطر عندي شغل و كان الوضع مستتب بس اليوم وااااااااااااااااااااااااااااااااااااااااااااااااااااااااااااااااااااااي رطوبة تخنق الواحد عاد باجر بحيل الله رادة الكويت يكون يعني مغيرة جو اكيد يا غبار يا رطوبة، بس أحلى ما في السفرة الفندق اذا ضاق صدرج قعدي باللوبي الشرح عدا ذلك حر و موت و خنقة عسى الله ياجرنا،، ودي أقولج تامرين على شي بس طلبج مو موجود أبد يا مرو

أم لولو صاجة الله يعينا على دوام رمضان و الله يسهل الامور

ريمان و ليالي شخباركم؟؟

 

[mr000]

السلاام اشلونكم امهات كراميلا اشلونج ألحين طمنينا عليج..هلا والله فوز شخبارج..واشلون العيال..أي عاد قطر يعني ماغيرتي وايد نفس الجو..وان شاءالله تردين بالسلامه..بيلا اشلونج واشلون العيال ان شاءالله مستانسين..ريمان مختفيه كلش..ام لولو شخبارج..

 

[caramella]

رد : تجمع امهات العالمية الامريكية

السلام أمهات
إشلونكم
الله يسلمكم من الشر يا رب ما قصرتو والشر ما إييكم

مروو آنا الحمدلله بخير إشلونج مع الصيف الممتع لوووول طلباتج راح تتوفر بس عام 2050 يمكن يحوش العالم تطور و يصير ينقلون الجو
ملكه الحمدلله على سلامة بنيتج ما تشوف شر إنشالله وتروحين و تردين بالسلامه وانشالله تستانسون
فوز انا مره رحت قطر و قعدت بالشيراتون اللي عالبحر اللوبي ماله حلو و موقع الفندق احلى وكشخه والغرف وايد حلوه بس اللوبي ما طوروه بعده على كشخة الثمانينات
عموما اسمه تغيير مكان مو تغيير جو لووول

 

[mr000]

السلام اشلونكم امهات كراميلا الحمدلله طمنتينا عليج..وديري بالج على نفسج..والله أخاف نقلة الشقه هي اللي اثرت عليج بس يالله الحمدلله على كل حال..ولي داوم ولدج بعد لاتطلعين تودينه واتييبينه..شوفيلج أحد..أي والله كراميلا هالجو والحر ماله صرفه استغفرالله..يقولون بعد ماراح يحوشنا رمضان بالشتا إلا بعد 22 سنه.. الله يعطيكم ويعطينا طولة العمر.بالنسبه حق المدرسه اشوه انهم راح يداومون قبل المدارس بس من ناحيه وحده ان نشتري الطلبات والملفات وهالشغلات قبل الزحمه والمدارس الثانيه..بس العام لي حزت امتحانات اول شهر عيزت وآنا أدق عالمكتبات ابي الكتب اللي فيها حل اسئلة الدين والعربي..يقولون لي تو الناس ماطبعناهم..حتى مو مصدقين ان فيه مدرسه بتمتحن بهالوقت ومدارس الحكومه ماداوموا..

 

[mr000]

بيلا هالصوره حقج..تحبين القطاوه

 

[mr000]

اشلونكم امهات العالميه شخباركم..كراميلا طمنينا عليج ..فوز اشلونج واشلون بنياتج..بيلا شخبارج..رديتوا من السفر وإلا بعدكم..شخبار دلوله..ريمان وينج مالج حس..شخبارج..ام لولو اشلونج..تصدقون ماجنه باقي شهر عالدوام أحس قربت المدرسه..آنا ألحين قاعده أجهز حق ولدي هدوم العيد لأني ماراح أكون موجوده إذا الله كتب وسافرت بالعيد..وتالي بشتريله شغلات المدرسه..بس ماراح اعرف بالضبط اشيبون لما يداوم..بعد ثانويه مااعرف طلباتهم..

 

[mr000]

بيلا بشيل صورة القطو ولي رديتي بحطها لج

 

[bella bambina]

السلام أمهات اشلونكم واشلون عيالكم ؟
الحمدلله كلنا بخير الجو تعدل صار له يومين بس مو مستانسه بأي شي طول يومي شغل وولويه ورا اليهال اهمه مستانسين بس حنو حق الكويت اهني على طول معصبه وأزفهم هناك أحسن لهم صج السفره وايد كانت فاشله خساير على الفاضي ان شاء الله نرجع يوم 29 بس زهقت ايدي تشققت من الغسيل تووووووبه بعد ما أسافر
مرو حسافه ما شفت الصورة لما أرد حطيها الحين نفسيتي وايد تعبانه ومتأزمه مالي خلق شي

 

[mr000]

وييي بيلا حسافه مااستانستي..الله يعينج عاليهال..يلا ميخالف كلها كم يوم وتردون..وارتاحي بالشهر اللي باقيلج قبل الدوام..

 

[N0oNa]

شلونكم بنات بقيت اعرف شنو طلباتهم حق الحضانه و تعالو للحين يداومون بجوتي اسود و لا خلاص بس جوتي رياضه
تحسون صج اول ياهل و ما اعرف شي سوري بس علموني ما اعرف شنو اشتريله و ناطره دوامهم عشان اروح اخذله اليونيفورم

 

[jolie_q8]

رد : تجمع امهات العالمية الامريكية

السلام عليكم ,,

شلونكم أمهات,, انا ان شاءالله هالسنة راح اكون معاكم نقلت عيالي بهالمدرسة وهذي اول سنه لهم ويارب يتوفقون

اشرايكم اول الشهر الياي تفتحون موضوع يديد ,, وتكتبون فيه الاشياء المهمة مثل الملابس والاشياء اللي يحتاجونه من قرطاسيه وجناط

والاكل وغيره ,, علشان تفيدون الناس اليدد اللي منضمين لكم

وهالموضوع نسكره ونخليه مرجع

 

[mr000]

هلا فيكم نونا وجولي حياكم الله..وان شاءالله يردون البنات كلهم مع بداية الدراسه ونفتح موضوع يديد ..بس سووووري آنا ماأقدر أفيدكم بشغلات الروضه والابتدائي لأن ولدي ان شاءالله رايح الهاي سكول ..وبالكي جي ماكان بهالمدرسه بس ان شاءالله البنات مايقصرون ويفيدونكم بهالموضوع لأن كلهم عيالهم صغار..وبالنسبه حق الأدوات المدرسيه آنا حدي أشتري الأقلام والألوان وأدوات الهندسه..وكم دفتر كبير(سبايرل) بس البايندرز والفولدرز..حسب طلب المدرسين .. والملابس كلها من المدرسه..

 

[Fouz]

رد : تجمع امهات العالمية الامريكية

السلام عليكم أمهات شخباركم ان شاءالله بخير
مرو شلونج مع الحر، الله يسلمج انا بيات تام ما أطلع الا للضرورة و عقب المغرب، الله يعينا برمضان
كاراميلا بشرينا عنج تن شاءالله كل شي زين يارب، انا سكنت بجراند حياة وايد حلو وشرح، اذا لج روحة مرة ثانية جربيه على ضمانتي
بيلا حبيبتي الله كون بعونج، عاد كنت ناوية ادز لج مسج بس موبايلي ناسيته في بيت أهلي و ييوم دورته ما لقيته و متعييزه أطله بدل فاقد، الله يكون عونج يالغالية و ان شاءالله باجر تكونين بالديرة و تاخذين اجازة صج
ريمان و ليالي فقدناكم
ملكة شلونج ان شاءالله مستانسة يارب
نونا حياج الله و بالنسبة للبس تشترينه من المدرسة اذا ما شريتيه لما الحين و يفتح الستور تاريخ 10 أغسطس ان شاءالله، و بالنسبة للجوتي تكرمين عادي حتى لما سألتهم ماكانوا حريصين وايد على اللون بس انا شريت لها أسود وايد مرتب و اذا عندهم رياضة أو رحلة لبستها مال الرياضة
جولي حياج الله ، فكرتج حلوة و ان شاءالله ترجع ريمان الموضوع قبل لا تفتح المدارس و نسوي موضوع يديد، بالنسبة حق الطلبات يعطونج لسته أول أسبوع بكل شي يبونه و يطري علي قالوا اذا تبين المدرسة توفرهم لج تدفعين 15 دينار و أهما يتكفلون بكل شي، بصراحة انا عطيتهم لاني ما أدري اذا اللي بييبه نفس اللي يبونه و الا بيسوولي طلايب
بالنسبة للملابس موجودة بالستور و ووايد موديلات حق البنات بالذات و اكو شورت ثري كوارتر بنطلون ملابس رياضة قمصان تي شيرتات جاكيتات مفتوحة و مسكرة و دلاقات يعني تروحين الستور و تختارين اللي يناسبج و مثل ما قلت لج القرطاسية يعطونج طلباتها تالي، و بالنسبة للروضة انا أودي حق بنتي عصير أو حليب كاكاو و توستة أو كرواسون و اذا يحبون فاكهة هم زين لانهم يعطونهم عصير و بسكوت و على الساعة 10 يخلون الياهل ياكل وجبته، و كنت أودي مطارة ماي بس قالوا انهم ثقال على الياهل و يخرون فقمنا نودي بطول ماي صحة
واذا في بالكم سؤال معين لا يردكم الا الكي بورد

 

[jolie_q8]

رد : تجمع امهات العالمية الامريكية

مشكوره فوز ومر تربل زيرو

 

[N0oNa]

مشكوره حبيبتي صج فدتينه بسالفه الملابس
و على الطلبات شكلي بسوي نفسج ليش الفراره من مكان لي مكان اهما يعطونه و خلاص

 

[mr000]

فوز تصدقين آنا قالتلي الهنديه اللي بالستور انه راح يفتح من أول 8 لما تفتح المدرسه..حتى قلتلها يعني اييلج من أول اسبوع بشهر 8 قالتلي اي..بس أحسن أدق تلفون قبل لاأروح..لأني دافعه فلوس البرمودات مالوت الرياضه ومااستلمتهم رديتهم عليهم كانوا صغار وقالتلي نسويله أكبر و شهر كامل لي سكرت المدرسه وهي تقولي ماوصلوا..ان شاءالله يكونون وصلوا لا يتوهق ولدي لما تبتدي الدراسه..مادري اشلون مقاساتهم كل سنه تختلف تقولي هالمشكله من المشغل اللي يسويلهم بلبنان تلاقينه نفس رقم السايز ويطلع أصغر بالحجم..مادش عليه..بس اليونيفورم يسوونه بالكويت( ملابس السبورت بس من لبنان)

 

[Fouz]

رد : تجمع امهات العالمية الامريكية

العفو جولي و نونا عاد حسافة انا كنت حاطة صور الموديلات بالموضوع بس للأسف المنتدى ما يحفظ الصور مدة طويلة فيختفون، اذا لقيتهم بلاب توبي بحطهم لكم، نونا عندج ولد والا بنت؟؟ جولي عيالج بأي مرحلة؟؟

مرو والله انا شفت بالسايت مالهم ان الستور يفتح 10 بالشهر،، شوفي الكالندر

http://uas.edu.kw/911/event_calender.htm

و هم اتصلي و اتمنى يردون و اذا ما ردوا عطين خبر أكتب رسالة ثانية حق نورة الغانم، لان الموقع صراحة تعدل وايد و الفال حق البدالة

مرو دوام رمضان الساعة جم؟؟ لان العام ما داومنا برمضان و السبة انفلونزا الخنازير

 

[Fouz]

رد : تجمع امهات العالمية الامريكية

على طاري الملابس بنتي عندها يونيفورم يديد بخليها تلبسه أخاف ما يمديني أمر قبل رمضان و ما أظن و انا صايمة فيني شدة أمرهم، تقزر باليديد مع ملوت العام على ما أشتري غيرهم