تجمع امهات العالمية الامريكية

[ملكة بيتها]

السلام عليكم أمهات عساكم بخير
الحمد الله بنتي سوت العمليه وطلعت ثاني يوم من المستشفى ..الحمد الله غدا شرها ...
بيلا ...مشكوره ياعمري ..عمليتها إزاله لحميه ..
مروو ..ما تشوف شر الصغيره ...وأكثر مرضين مزعجين صادفتهم بحياتي الجديري الماي والنزله المعويه الله يعينها حبيبتي ..

 

[mr000]

السلام عليكم أمهات اشلونكم..ملكه الحمدلله على سلامة بنتج وماتشوف شر ان شاءالله..أي والله تصدقين مزعج جديري الماي خاصه حق الصغار اللي من كبر بنت ولدي عساره وبجي وتحك جسمها مع إن قاعد نحطلها من اللوشن مادري الدوا مال الجسم واليوم سادس من مرضت توها بدت تاكل شويه...اليوم ريلي دش المستشفى الصبح وسوى عمليه في طيبه كلينك بس والله ليلحين بالعنايه المركزه وبيخلونه بالعنايه لي باجر..تعبان من البنج ودقات قلبه مو منتظمه..بس الطبيب يقول ان شاءالله باجر يودونه الغرفه..الله كريم

 

[ملكة بيتها]

الحمد الله على سلامه أبو العيال وما يشوف شر ..والصغيره ربي يصبرها إحنا نفره تطلعلنا تصير سالفتنا بس نحكها الحين هالصغيره جسمها ياكلها من كل صوب حبيبيتي الله يعينها ...وما تشوفون شر

 

[Fouz]

السلام عليكم أمهات شخباركم

ملكة الحمدلله على سلامة بنتج، الله يعافيج عطيني التفاصيل لان عملية بنتي بسويها بنهاية شهر سبعة علشان يكون أبوها موجود، عاد وديتها الدكتور يوم السبت و نظف أذونها و الله لا يوريكم الشمع اللي طلعه والله ما أدري شلون كانت تسمع و عطاني مضاد حيوي لمدة أسبوعين و قالي لازم عملية حق اللحمية و لازم نسويها قبل 29 سبعة لانها اجازته، بليز ملكة منو الدكتور اللي رحتي له ووين سويتي العملية و شلون سحبوا دم من بنتج والله اني ميتة من كثر ما أحاتي

مرو سلامته أبوكم و ان شاءالله تتطمنون عليه و يطلع بالسلامة، ما تشوف شر حفيدتج و صدقيني اييها صغيرة وايد أحسن لان كل ما كبروا صار أصعب و خاصة اذا صارت بعمر المدرسة حرام تضيع عليها أيام وايد، ان شاءالله كلها جم يوم و تصير أحسن ان شاءالله

بيلا، كاراميلا ، ريمان و ليالي ان شاءالله تكونون بخير و ما ألومكم ما تدشون المنتدى يعل القلب بالغصب فتح اليوم

 

[mr000]

السلاااام امهات اشلونكم..فوز شخبارج..واشلون بنياتج..ان شاءالله سهله العمليه لاتحاتين وهم التحاليل والفحوصات ان شاءالله تكون ايدهم خفيفه عليها ويطولون بالهم عليها وأكيد الخاص تعاملهم أحسن مع اليهال..ومثل ماقلتي فوز أشوه بنت ولدي ياها الجدري الماي ألحين ولا تالي آنا جربت بعيالي الحمدلله كلهم ياهم بعطلة الصيف وبعمر الروضه بس واحد من عيالي صح كان بالعطله بس كان عمره 10 سنين ومسكين وايد تأذي يعني حراره وصخونه قويه وتبهدل على ماطاب..بس والله ولدي سأل كذا طبيبه عن التطعيم مانصحوه قبل عمر 9 سنين علشان جذي ماطعمناها مع إن بدول بره التطعيم هذا عادي عندهم من ضمن تطعيماتهم حق اليهال كلهم..ألحين جنتي وايد خايفه إنه يترك أثر بويه بنتها..ومتضايقه ليش ولدي ماخلاها تطعمها من قبل..

 

[caramella]

السلام أمهات
اشلونكم مع الصيف
الحمدلله على سلامة بنتج ملكه الحمدلله الله قومها بالسلامه
سلامات مرزووو ما يشوف شر ابوكم الله يقومه بالسلامه يارب وايد اسمع عن مشاكل بالبنج في طيبه كلينك
إنشالله الله يعديه الشر
مسكينه بنت ولدج آنا رايي من راي جنتج حرام الياهل يتعذب والتطعيم رحمه الصراحه لأن في اغلب الحالات يظل اثره إذا حكته
بس إنشالله يرووح ولا يظل أثره
فوز إشلونج حبيبتي إنشالله ياربي نتصادف ولو إني ما اطلع إلا للضروري حييييل يا ممواعيد الطبيب يا أمر بيت أهلي غير جذي منحكره بالشقه

 

[mr000]

أهلين كراميلا اشلون واشلون ولدج مع الإجازه..الله يسلمج حبيبتي والشر ماييج..الحمدلله اليوم ريلي طلع من المستشفى ورجع البيت الحمدلله..هي أساسا عمليته بالليزر وحتى البنج موكامل بس تالي هونوا وعطوه بنج كامل وتعب منه..بس الحمدلله الله عداه الشر.. والله أحسن لج كراميلا لاتطلعين إلا للضروره وارتاحي كثر ماتقدرين..بروح الجو استغفرالله كلش مايساعد..والله آنا من عطل ولدي ماطلعت الصبح إلا ذاك اليوم رحت أخذت نماذج الفيزا من السفاره..وأمس رحت حق ريلي المستشفى الظهر الجو كان نااااااار الله يرحمنا برحمته..ريمان مادري شخبارها..وبيلا ان شاءالله مستانسه بالبراد هناك ومو متأذيه باليهال....عليهم بالعافيه..

 

[ملكة بيتها]

السلام أمهات
مروو ..الحمد الله على سلامه أبو العيال .
كارميلا ..فوز ..الله يسلمكم من كل شر
فوز ..حبيبتي لا تحاتين أنا مثلج كنت أحاتي بس الحمد الله سهالات ..أنا سويتها لها عند دكتور صديق هارون بالمواساة ،، وطبعا تحليل الدم طلبه نسويه لها قبل يومين وراجعناه عشان يفحصها قبل العمليه ،،والنيرس يوم سحبت الدم بنتي حبيبتي تعورت من شكت الإبره وكانت خايفه بس النيرس اللي سحبت منها كانت إيدها خفيفه الحمد الله ..ولما نزلوها لغرفه العمليات نزلوني معاها وقعدت معاها فأسلها شنو تحسين تقولي ولا شي فقلتلها شرايج نقرأ قرآن فقعدت تقرأ قرآن وأسولف معاها وعقب خذوها غرفه العمليات والله لا يراويكم هههه دموعي حنفيه ..بس ما طولوا تقريبا نص ساعه وخلصت وأول ما طلعوها نادوني ودخلوني لها وخلوني أنا اللي أصحيها من البنج عشان أول شي تشوفه أنا وما تخترع بعد إنتوا تدرون اللي يفج عنه البنج شنه ياي من عالم ثاني ...طبعا أول يوم كانت تحس بعوار في بلعومها وخلوها بس تاكل أكل سوفت وثاني يوم خف عليها عوار بلعومها والحمد الله اليوم الثالث كانت وايد أحسن ..

 

[mr000]

السلام أمهات اشلونكم..ملكه الله يسلمج من الشر..اشلون بنتج ألحين..صج ماكو على اهتمام المستشفيات الخاصه وعنايتهم..وآنا أشوف بالذات حق اليهال الخاص احسن ..آنا سويت حق بنتي عملية اللحميه بالصباح لما كانت صغيره..بس طبعا مو مثل اهتمام المستشفيات الخاصه..خو طبعا آنا ماهديتها ولادقيقه بس أذكر كانت فيه بنت صغيره مسوين لها عملية اللوز واللحميه وتوها مطلعينها من العمليه وقاعده ترجع وايد وهي دايخه ومخدتها كلها دم والمشكله أمها مو موجوده أشوه كانت فيه أم ثانيه موجوده هي اللي مجابلتها ونادت لها السسترات وإلا ماكانوا يدرون عنها..وآنا علبالي هي أمها..بس صج كان اهمال..يالله الحمدلله على سلامة بنيتج ملكه وان شاءالله بنت فوز تسوي العمليه بسهاله وتقوم بالسلامه..

 

[ملكة بيتها]

الله يسلمج مروو ..وإن شاء الله بنت فوز تسوي العمليه وتقوم بالسلامه
وصاجه ماكو مثل عنايه الخاص ومستشفيات الحكومه حدث ولا حرج الله وكيلج السسترات ما يتحاجون ونفسيه على ما أدري شنو ....

 

[mr000]

السلااام أمهات اشلونكم..

 

[Fouz]

السلام عليكم أمهات شخباركم
مرو الحمدلله على سلامة زوجج، و لا تحاتين الصغيرة ان شاءالله ما يطلع أثر، بنتي فيها نقطة وحدة في بطنها و الحمدلله ويهها ما فيه شي
كاراميلا شخبارج و أزم ما علينا سلامتج انتي و البيبي و ان شاءالله نشوفج بصحة و عافية
ملكة الله يطمن قلبج، انتي مسوية لحمية بس و الا لوز بعد؟
بيلا اليوم دزت لي مسج مسكينة تعبانة مع اليهال الله يعينها
ا أمهات أكو وحدة زوجها بالقطاع النفطي؟؟ اذا اي شنو سالفة التأمين الصحي لأن ريلي ما كان موجود وقت ما طلبوا بيانات المشمولين بالتأمين اللي عندها فكرة خل تفيدني

 

[ملكة بيتها]

فوز .. وربي يطمنج على بنتيتج قولي آمين ...عمليه بنتي لحميه بس ..

 

[mr000]

السلام أمهات اشلونكم ..وي الله يعينها بيلا على اليهال صج الخدامه تساعد بس شتسوي بعد..

 

[caramella]

السلام أمهات إشلونكم
فوز إنشالله بنتج ما تتعب بالعمليه وصاجين الخاص ولا الحكومه امبيه بالحكومه تطرين منهم طر جنه إحنا بنغاليه والوافدين إهما أهل الديره
فووز آنا ريلي بالقطاع النفطي وراح علينا التأمين لأنه كان فترة التسجيل كنا بلندن حطو فتره بس إسبوعين واللي ما سجل راحت عليه ولازم ينطر تسجيل السنه اليايه أما اللي سجل وزعولهم الكروت مالت التأمين الإسبوع اللي فات
قال ريلي مساكين وايد ناس مسجلين بس الإيميل ما وصل مادري شصار يعني خطأ بالكمبيوتر وهم راحت عليهم
عاد الحين شاشين النقابه معصبين إنشالله يسوون شي
عاد سألي ريلج إذا مسجل ولا لأ إذا مسجل روحي إستلميهم من مقر عمله
الله يساعد بيلا عاليهال مسكينه السفره مع خدامه جدا مريحه بس مكلفه بنفس الوقت
يبيلها غرفه بالفندق و اكلها و غير تذكرتها و فيزتها و غير تذاكر الأماكن السياحيه اللي الواحد بيروح لها
وهم السوق عينها عاللي تشترينه
بس هذا ما يمنع إن ساعات الواحد مستعد يدفع زياده عشان راحت باله

 

[mr000]

السلاام أمهات اشلونكم..استغفرالله الجو كلش مو شي بس تصدقون بدت الزحمه تخف بالمجمعات شويه علشان السفر بعد أتوقع من بعد ماطلعت نتايج الثانويه الكل بيسافر بعد مايقدمون عالجامعه..

 

[bella bambina]

السلام أمهات اشلونكم واشلون عيالكم ؟
الحمدلله كلنا بخير
ملكه سلامتها بنيتج ما تشوف شر وأجر وعافيه ان شاء الله
مرو سلامته زوجج ما يشوف شر ان شاء الله والله يقومه بالسلامه وغلطااااان رايح طيبه كلنك قبل سنتين ذبحو اخوي الله يرحمه بالبنج

 

[bella bambina]

السلام أمهات اشلونكم واشلون عيالكم ؟
الحمدلله كلنا بخير
ملكه سلامتها بنيتج ما تشوف شر وأجر وعافيه ان شاء الله
مرو سلامته زوجج ما يشوف شر ان شاء الله والله يقومه بالسلامه وغلطااااان رايح طيبه كلنك قبل سنتين ذبحو اخوي الله يرحمه بالبنج

 

[bella bambina]

فوز ان شاء يرجع زوجج بالسلامه وتسوين العمليه حق بنتج لا تحاتين العمليه بسيطه اختي وزوجها بمؤسسة البترول سمعت انهم قبل فترة كانو يسوون تأمين بس مادري متى يبتدي

 

[bella bambina]

مرو آنا طعمت عيالي تطعيم جدري الماي أحسن لأني وآنا صغيره آنا واخواني حاشني بلندن واختربت السفرة وتعقدت
كراميلا مرة ثانيه لا بغيت أحجز أول ما أتأكد ان فيزة الشغاله صارت بعدين أحجز حقنا لأن اليهال مو طبيعيين وايد شياطين وما يسمعون الكلام وبس أنظف وراهم واذا طلعنا ما أقدر أتسوق لأنهم بلحظه يكونون مسوين مصيبه وأخاف لا يضيعون وايدي تشققت من غسيل الملابس لأن اليهال بالدقايق يوصخون ملابسهم والجو الفترة اللي طافت كان حار وماكو تكييف بس أول ليله بميونخ كان عندهم تكييف بسالزبورغ ماخذين بيت دورين ونص مافي بيوت حواليه يخرع وكله تحف ولوحات تصرقع كنت أخاف أنام بس حار وذبحنا القارص اليهال كانو مستانسين انه فيه حمام سباحه أمس وصلنا سيفلد حلوة والجو أبرد عادي بدون تكييف والبيت كبير ونظيف وايد حلو وقدرت أنام بغرفه بروحي بدون لا أخاف لأنه زوجي يشخر:dddds: