تجمع امهات العالمية الامريكية

[mr000]

السلام أمهات اشلونكم..وي بيلا مسكينه بنيتج ..انزين اشلون من الخميس ليلحين ماوقف الترجيع ..اشقال الطبيب ردي وديها لايصير معاها جفاف..طمنينا عليها مسكينه..ماتشوف شر..

 

[Fouz]

السلام عليكم أمهات
شخباركم، عسى ماشر مالكم بينة هاليومين
بيلا بشرينا عن دلال ان شاءالله صارت أحسن
ريمان و كاراميلا شلونكم ولهنا عليكم
مرو شخبارج و شصار على خدامة حفيدتج عسى تسنعت، يطري علي أيام دوامي الأولي كان ضيف زاير عميد الكلية و طلب شاي عاد دشت الفراشة علشان تضيفه، الله يسلمج حطت الكوب على الطاولة و التي باج موجود بالكوب يعني تكون مهتمة فيه جان تعصر التي باج بيدينها و تشيله من الكوب، مسكين العميد انقص ويهه من الفشلة و لاعت جبده من الجاي اللي يشربه كل يوم الظاهر الحبيبة تعصر التي باج قبل لا تييبه له

 

[mr000]

السلام أمهات اشلونكم..أهلين فو اشلونج واشلون الصغار..بيلا اشلون بنيتج طمنينا عليها..كراميلا وريمان شخباركم..مو جنه أول كنا أكثر وألحين ظلينا بس إحنا؟جنه أذكر العام أو قبل فتره كان فيه معانا كم وحده بعد وانقطعوا..ويييييييع لوعت جبدي هالفراشه فوز..صج فشله جدام الريال..والله مايندرى عن هالخدم شيسوون..قطع وصخين..وخدامة ولدي والله مادري عنها شغلها فوق في شقتهم بس ليلحين غبيه ولازم تقولين لها كل صغيره وكبيره وحق الياهل لا كلش ماتعتمدين عليها..امس ولدي راح جرير مع أخوه ماحصل القصص قاله خلصوا مثل ماتوقعنا..اليوم بروح المثنى وإذا ماحصلنا بنطلبهم من الأنترنت..

 

[Fouz]

هلا والله مرو
صاجة التجمع حده تقلص و ان شاءالله يردون الخوات هاليومين و عسى المانع عن مشاركتهم خير
مرو انا خبري تقدرين تطلبين القصص من جريراذا ماكانوا متوفرين، دقي عليهم22610111 و استفسري شوفي ايهو الانسب و الاوفر تطلبينهم من الانترنت والا من جرير
والله يعينكم على الخدامة و عسى الله يسخرها حق ابنيتكم يارب

 

[caramella]

السلام أمهات
اشلونكم و شخباركم
اشلونكم بالعطله ويا عيالكم انشالله مرتاحين:33_1185028183:
ما تشوف شر بنتج بيلا طمنينا عليها
ريمان و مرو و فووز و ملكه و ليالي اشلونكم حبايبي

 

[bella bambina]

صباح الخير أمهات
كنت نايمه مع دلول بمستشفى السلام ارتفع الأسيتون بجسمها ليما +4 بسبة نقص السكر الحمدلله ما راحت بغيبوبه حطو لها دربات بالطوارئ ولما استقرت حولونا غرفه عاديه وطبعا دلول ماتت من البجي والحنه تبي تشلع الدرب وتترجى الدكاترة والسسترات بليز آي وونت تو جو هوم وسحبو منها دم حق التحاليل الدم كان متخثر عشان نقص السوائل فعورت قلبي من كثر ما صرخت وما طلع بالتحاليل أي شي فالظاهر من أرنبها طبعا طلعناه من البيت الحمدلله الحين أحسن بالبيت بس معطينها دوا حق الترجيع

 

[mr000]

السلاام أمهات اشلونكم..بيلا سلامتها دلوله حبيبتي ماتشوف شر..ان شالله تصير أحسن بعد..مسكينه ماسوى عليها هالأرنب صار فيها كل هذا..

 

[Fouz]

السلام عليكم
شخباركم أمهات
بيلا ألف لا باس على دلولة حبيبتي ما تشوفون شر و ان شاءالله تصير أحسن و تطمنينا عليها، والله ضيقتي خلقي ان شاءالله ما عليها الا العافية يارب
كاراميلا و مرو شخباركم
ريمان وينج؟؟؟!!! يبيلج خصم من الراتب علشان تداومين
ليالي و ملكة شلونكم
سكتوا انا بادية أصلع ،،،، شكثر شعري يطيح و رفيجتي يزاها الله خير قالت لي عن فيتامينات واحد حق الشعر و الثاني حق البشرة و ان شاءالله يفيدوني

 

[mr000]

اشلونج فوز شخبارج..سوووري قبل شوي دشيت عالسريع كتب بسرعه وطلعت ماسلمت عليكم..كنت لاهيه بالصغيره..وباجر أمها بتسافر 3 أيام مع أخوها وبتخليها عندي..آنا متعوده عليها طول اليوم غصب نوديها عند أمها بالليل بس عسى ماتطري على بالها لما تسافر وتبجي بالليل ..قال ولدي بيجرب ينيمها معاه ..فوز ترى عادي سالفة تساقط الشعر عقب الولاده بس زين سويتي لاتسكتين عن روحج آنا جربت نوع حبوب أسمه healthy hair العلبه فيها 90 حبه حق 3 أشهر والله نفعني بس لازم تستمرين عليه يعني أخذي 3 أشهر أو حتى 6 أشهر..وحق البشره أحسن شي ال(أيميدين) وألحين بعد يابوا نوع مطور حتى لون علبته غير آنا آخذه من بوتس بس جنه في بعد منه بالصيدليات..المشكله هالشغلات جنها تفتح الشهيه..مادري آنا على طول شهيتي مفتوحه بس أتسبب أدورلي عذر..بس هذا اللي خلاني قطعت الفيتامينات..مع إنها قالتلي الأيميدين مايفتح الشهيه..وحق الشعر استخدمي الأمبولات اللي مرتين أو 3 بالأسبوع آنا استخدم شامبو vichy والأمبولات نفس الماركه....يمكن صارلي أكثر من 15 سنه ماأستخدم شامبو الجمعيه..لأن مشكلة التساقط عندي من زمان ..صلعت رسمي..

 

[caramella]

السلام أمهات
سلامات بيلا الله عداكم الشر وديري بالج من الحيوانات آنا ذبحيني ولا الحيوانات اكرهم كلهم
الحمدلله على سلامتها و ما تشوف شر
فوز حبيبتي هالشي عادي من يفطن الياهل بأمه يطيح شعرهم إثنينهم هذا حجي الأوليين يعني من يصير عمر البيبي 3 الى 4 شهور يطيح شعره إهو و أمه
وهو ماله علاقه يفطن بأمه حتى آنا لما ولدت العام بعد ولادتي 3 شهور طاح شعري كله معني آخذ فيتامينات
مروو على طاري الشامبو آنا كنت استخدم كرستاز من الصالون تالي قمت استثقل ارووح الصالون بس عشان اشتري الشامبوو
يبيلي والله آجرب من vichy بس تعالي جربي اللاين كله لما تعرفين شنو اللي يطيح على شعرج
ريمان لا لا يجوز شرعا تغيبين كل هالمده

 

[mr000]

أهلين كراميلا اشلونج ..آنا ساعات أغير عن vichyيعني مره شريت شامبو من بوتس أسمه fast.والعام يبتلي من لندن من صيدلية سيلفريجز بس نسيت أسمه..وساعات اشتري من الصالون...وألحين رديت على vichyاللي غطاه أحمر هو اللي عن التساقط..بعد والله بنتي جربت شامبو موجود في جمعية مشرف ساعات يسوون عرض الشامبو والبلسم بسعر أقل من الأصلي واحد لونه أسود وواحد أبيض...أعتقد أسمه تريسيم..ألحين عليه عرض بمشرف ب4دنانير ونص..وشفته حتى بلندن..

 

[ملكة بيتها]

سلام أمهات عساكم بخير جميعا
بيلا ...ما تشوف شر الصغيره ..ما سوت عليها هالأرنب يلا خطاكم السو

 

[bella bambina]

السلام أمهات سلامتكم من الشر جميعا وخطاكم اللاش
الحمدلله اليوم دلول أحسن وبعد توبه ما عندنا بالبيت غير السمج وهم قبل لا نسافر ان شاء الله بوزعهم
فوز لازم يحت الشعر تقريبا على الشهر الرابع لأن الهرمونات تنزل بس اهيه فترة وتعدي وعموما الوالده لازم تستمر على فيتامينات الحمل فتره بعد الولاده ( شوفو منو يتكلم آنا أشتري الفيتامينات عشان أرضي نفسي وأحطهم بصيدلية البيت ولما ينتهون أقطهم أنسى وأتعييز )

 

[mr000]

السلااام أمهات اشلونكم..بيلا اشلون بنيتج ألحين ان شاءالله تحسنت أكثر.سلامتها.!!.فوز ..ريمان ..كراميلا..اشلونكم واشلون عيالكم..خل أقولكم عن أحوالنا مع بنت ولدي ..أمس مسكينه بالليل بدت تسأل عن أمها يعني هي متعوده علينا وماسألت عنها من هدتها المغرب بس بالليل اشتغل المولد بس الحمدلله ماطولت ونامت عند أبوها فوق..وقعدت من الفير هم سألت عنها وبجت شويه وظليت معاها خليتها تلعب لي ال8 الصبح لما داخت وشربت الحليب ونامت لي الظهر..والعصر وديناها ديسكفري لعبت واستانست وعقبها الجمعيه وردت كملت لعبها بالبيت وتوها قبل شوي نامت أشوه ماسألت عن أمها..عسى الله يعدي باجر على خير بعد لي ترجع أمها السبت..بسويلها برنامج حق باجر بعد ألهيها شوي..

 

[mr000]

السلام أمهات اشلونكم..اشلون عيالكم مع العطله..

 

[mr000]

السلام أمهات اشلونكم ..الظاهر ماكو أحد غيري بالتجمع..

 

[bella bambina]

صباح الخير أمهات اشلونكم واشلون عيالكم ؟
الحمدلله دلول ردت طبيعيه تقريبا
مرو الله يعينج ويعطيج العافيه

 

[mr000]

السلااام أمهات اشلونكم ..بيلا الحمدلله طمنتينا على دلول والحمدلله على سلامتها..

 

[ملكة بيتها]

السلام عليكم أمهات عساكم بخير
مروو ..شلونج يالغاليه وشلون بنت ولدج عساها بخير
بيلا ..الحمد الله على سلامة دلول وما تشوفون شر ..

 

[mr000]

هلا والله ملكه الحمدلله بنيتنا بخير وأمس رجعت أمها من السفر واستلمت الأمانه..