تجمع امهات العالمية الامريكية

[mr000]

السلام أمهات اشلونكم..والله كراميلا هالشغاله الوصخه اللي لو عندي جان حتى مااستلمتها من المكتب فلبينيه مسلمه لا والمكتب ماخذ على ولدي 670 دينار ومعشها 65 والله حرام هذي حتى 45 دينار وايد عليها..والمصيبه أنها عيوز كذابين بأوراقها كاتبين 43 والله شكلها فوق الخمسين والمشكله شقة ولدي فوق وهذي مو قادره حتى تصعد الدري..اليوم أقوله قول حق المكتب هذي ماتصلح حق ياهل نخليها عندنا شهرين لما توصل وحده غيرها..يقول خلاص خليها مالي خلق واشدراني تيينا وحده أحسن...على فكره كراميلا ترى بنت أختي هم طلبت خدامتين فلبينيات وطلعوا بقر حدهم أغبيا ووصخين لا وفوق هذا وحده منهم انحاشت عقب كم شهر والثانيه ألحين تقول حق بنت أختي آنا ماأبي يهال خلوني بس حق شغل البيت..فاضطرت بنت أختي تمدد إجازة الأمومه بعد سنه..وطرشت على خدامه غيرها..مشكله المسلمات كلش مايسوون غلا أسعارهم ومعاشاتهم..

 

[mr000]

هلا والله ليالي أكيد إنتي أول وحده قبلنا ان شاءالله بالطلعه بس خل يتفقون البنات..بس لحظه لحظه عطوني فرصه أسوي ريجيم شويه لاتشوفوني وآنا جذي اشمتني..تدرون اشلون روحوا أنتوا هالمره وخلوني آنا السنه اليايه ان شاءالله إذا الله عطانا عمر أطلع معاكم يمكن يمكن يمكن أكون ضعفت شويه..ملكه شخبارج مع العطله واشلون بنيتج..

 

[ملكة بيتها]

مروو ....الحمد الله أنا بخير وبنتي اليوم كان آخر يوم لها يعني من باجر تبدي عطلتها إن شاء الله ...وترى سالفه المتن ترى مو عذر أنا طافحه متن خلاص بنفجر فلازم أشوفكم الحين كلكم ترى السنه اليايه ما أدري يمكن أكون انفجرت خلاص عاد ذيج الساعه شيلمهم راح أكون كل حته في مكان ...حاليا ممكن أنشاف تالي راح أنشاف بس أجزاء ....يلا قولي إقتراحج مروو أوكي

 

[mr000]

السلاام امهات اشلونكم..ملكه على راحتكم..أي مكان تروحون..أي كافيه عادي

 

[ملكة بيتها]

هلا مروو ...شلونج يالغاليه ..يعني إنتي وكارميلا ما عنكم مانع بأي مكان
وفوز ..فضلت الشيراتون ....وأنا معاها لأن بالفعل أهدى .
باقي ريمان ...بيلا ...ليال ...يلا عطونا إختياراتكم عشان نحدد يوم ونتفق عليه ...

 

[mr000]

السلااام اشلونكم..

 

[Fouz]

السلام عليكم شلونكم أمهات ان شاءالله بخير
هلاوالله مرو شخبارج
الجو فظيع استغفر الله و من القرادة طلعة من الجمعية الظهر و الا السيارة مو راضية تشتغل !!! البطارة مخنسة و على ما ياني اخوي الا انا في مرحلة الانصهار و بديت اتحول الى سائل بس الحمدلله لحق علي
الحمدلله رحت الدكتور و قالي كل شي زين
ملكة شخبارج، بليز تأكدي ان الشيراتون فاتح ترى مرات بالصيف يسكرون الكافيه، دقي عليهم ولاعليج أمر على ما نسمع اقتراحات باجي الخوات
ما قلت لكم خداتي اليديدة وصلت مواليدها 86 و طولي مرتين، اخوي يقول هذي اذا زفيتيها تشيلج و تشدخ فيج من ضخامتها والله يستر و تطلع زينة
بيلا ريمان كراملا شخباركم

 

[mr000]

هلا والله فوز ..مبروك الخدامه اليديده..وان شاءالله تطلع زينه ..والله احنا ابتلشنا بخدامة ولدي..عيييييييييييييوز..غصب تصعد الدري ولاتقدر تشيل شي وتصعد يعني اغراض جمعيه ...أصلا يبين عليها فووووووووووق ال50..والله حتى مااحب آخذها معاي بالطلعه لما آخذ بنت ولدي ..مامنها فايده لاتقدر تراكض وراها ولاتركب معاها بالالعاب اللي تحتاج أحد يمسكها..وآنا مستغربه اشلون مشتغله وايد من قبل ..مادري مشتغله في خيمه بالبر..مومعقوله شغلات بسيطه مايبيلها كلام هي مايطري على بالها تسويها ..لازم أقول لها..تروالي لو يردونها عالمكتب محد راح ياخذها..كلش ماتنفع

 

[mr000]

واي الله يعينج صج مو وقته الظهر تخترب السياره..آنا اليوم طلعت الظهر لان دقت علينا السكرتيره من المدرسه قال ترى وزعنا الريبورت مانطرنا لي يوم 14 بس ولدي كان غايب.. وهم لازم ناخذ أوراق حق عطلة الصيف ..فرحنا المدرسه بسؤعه اخذنا الريبورت..الحمدلله ناجح بس مومتفوق يعني بعضهم b وبعضهم c ادري فيه مادرس زين آخر أسبوع حق الإمتحانات كان طاقه جبده وبس يبي يمتحن ويفتك...بس الاوراق مو مراجعه لأ بس مكتوب فيه أسامي روايات لازم يختار وحده منهم ويشتريها يقراها بالصيف ولما يداوم راح يعطوني ورقة أسئله عنها..عاد كاتبين لنا إذا ماحصلتوا القصص في جرير تلاقونهم في موقع أمازون أو لما تسافرون بالعطله رات تلاقونهم بامريكا ولندن..انزين واللي ماراح يسافر..وآنا سفرتي عقب مايبتدي الدوام ..ان شاءالله نحصلهم بجرير او نطلبهم من أمازون..

 

[mr000]

ماشاءالله البدليات عجيبه...بسؤعه= بسرعه....يعطوني=يعطونه..رات =راح

 

[ملكة بيتها]

فوز ...شلونج يالغاليه ومبروك الخدامه الجديده ..بالنسبه للكافيه لا ما يسكرون بالصيف دقيت وتأكدت ..
مروو ...شلونج يالغاليه ..بالنسبه للقصص تلاقين بمكتبه المثنى كل اللي تبين ..ترى جرير لا تتعنين لها ماعندهم قصص إنجليزيه سنعه ..
باجي الأمهات اللاهين بالعطله شلونكم

 

[mr000]

أي صاجه ملكه هم آنا فكرت بالمثنى لان العام نفس الشي لما قالوا لنا عن قصص ماحصلتهم بجرير حصلتهم بالمثنى..بس موبسرعه يالله عقب شهر وصلوا....طلبتهم من مكتبه لان تخيلي كل غريد 8 تقريبا فوق ال100 طالب بيشترون نفس القصص فتخلص..علشان جذي بدورهم هاليومين..

 

[bella bambina]

صباح الخير أمهات
سوري ما قدرت أدش المنتدى دلولو من الخميس عوار بطن وترجيع ما أدري اشفيها يمكن نزله معويه ما نمت عدل والحين بالدوام عندنا امتحانات

 

[mr000]

السلام أمهات اشلونكم..بيلا سلامتها بنيتج ماتشوف شرألحين عاد بدا الصيف والحر حق النزلات المعويه والأمراض..وأنتوا الله يعينكم عالدوام بهالجو ..والله ريلي طاقه جبده ويعد الأيام متى يعطل خاصه إنه هالأيام تعبان وغصب يداوم..

 

[ملكة بيتها]

السلام أمهات عساكم بخير
بيلا ..ما تشوف شر الصغيره ..والله يعينكم على الدوام بهالحر ..
مروو ..ما يشوف شر زوجج الله يعينه بروحه مريض ودوام وفوق هذا الححححححححححححر ....والسموحه نسيت أبارك لج نجاح ولدج إن شاء الله السنه اليايه تكون أحسن بالدرجات ولا تلومينه ترى اللوم على اللخبطه اللي صارت بالمدرسين أكيد بتأثر على الطلاب ..

 

[Fouz]

شلونكم أمهات ان شاءالله بخير
بيلا سلامتها دلال ما تشوف شر
الله يعينا على الحر استغفر الله الجو صج يمرض، أول أمس اختي وصلت من أمركا حدها طفرت تقول هناك اذا حر موت درجة الحرارة 7 بولايتها و احنا مستقبلينها بسبعة و اربعين

 

[mr000]

ملكه حبيبتي الله يبارك بحياتج ..ومبروك بعد نجاح بنتج وعقبال شهادة الجامعه..

 

[Fouz]

شلونكم أمهات ان شاءالله بخير
بيلا سلامتها دلال ما تشوف شر
الله يعينا على الحر استغفر الله الجو صج يمرض، أول أمس اختي وصلت من أمركا حدها طفرت تقول هناك اذا حر موت درجة الحرارة 7 بولايتها و احنا مستقبلينها بسبعة و اربعين

 

[ملكة بيتها]

مروو الله يبارك فيج حبيبتي
فوز ...شلونج يالغاليه ..الحمد الله على سلامه أختج ...ما عليه الجو حار بس زين حق التان ..

 

[bella bambina]

صباح الخير
الله يسلمكم من الشر والله دلول ليلحين تعبانه ومع انها ما تاكل بس هم ترجع
مبروك ملكه نجاح بنتج
مرو سلامته ريلج
فوز الحمدلله على سلامة اختج