تجمع اولياء امور مدرسة الخليج الانجليزية في السالمية

[ملكة بيتها]

هلا مروو الحمد الله الريبورتس زين بس واليوم كافئتها وشريت لها هديه النجاح وصج ونااااااااااااااااااسه عطله

 

[عزيزتى]

سلام امهات اشلوووووووووووووووووووووونكم
ولهت عليكم وايد --- ومن كثر ما انا ولهانة قعدت اقرى سوالفكم
ومشكورين كلكم على السوال -- وانشاالله دوم متجمعين
اليوم رحت اخذ بنتي وصعدت فوق حق الصفوف وناسة مسةين لهم جو مسابقات ولعب واكل
وكانو فاتحين الباب حق الكل يدرون اخر يوم الكل بيطلع مبجر
والروضة يهبلون النفانيف والكشخة وكانو يرقصون

 

[ملكة بيتها]

سلام أمهات عساكم بخير وإجازه سعيده للكل
عزيزتي ..توه مانور التجمع وحتى إحنا ولهنا عليج حبيبتي وصج اليوم كانت المدرسه تونس واليهال يهبلون شحلاتهم وهم كاشخين وصج وناسه مسوين لهم مسابقات ويرقصون اليهال وأنا لما رحت آخذ بنتي مريتها مبجر من كثر ما هي مستانسه تقولي ليش ما خليتيني لي آخر شي عاد نحسفت ليش تليقفت وأخذتها مبجر كانت الساعه وحده وربع ...

 

[mr000]

سلام أمهات اشلونكم مع الأجازه

 

[طيبة الكويتية]

سلام اشلونكم بنات شخباركم
بغيت نصيحتكم اذا ممكن تساعدوني؟
عيالي يدرسون بمدرسه الشويفات بالامارات. و لما دخلت ديوانيتكم وايد حبيت المدرسه من سوالفكم عنها حسيتها مثل مدرستهم بالامارات قويه بالتأسيس و تطلع الياهل من كي جي يعرف يقرا و يكتب.
امس اسأل مرت اخوي عنها تقولي سمعت انهم وايد شديدين على الياهل لدرجة انه ممكن يرعبونهم بس علشان يدرسون. هذا الكلام صديقتها قايلته لها.
الكلام هذا خلاني اخج بصراحه عن الخليج, قلت خلوني اسأل اصحاب الخبره وايد احسن بعد.
لأنه احتمال السنه اليايه خلاص نستقر بالكويت و من الحين قاعده احوس لهم على مدارس و منقثه بصراحه و خايفه من القبول بالكويت. ولدي الكبير بيكون رايح جريد 2 و الصغير جريد 1.
اشرايكم خواتي تنصحوني فيها ولا لأ؟
قالولي كيمبرج اقوى و احسن صج؟
ما تقصرون و يعطيكم العافيه

 

[mr000]

لأ لأ الخليج وايد أحسن وأقوى للأمانه آنا ولدي بمدرسه أمريكيه مو بالخليج بس بنات حماي بالخليج وايد أمهم تمدحها وبنت صديقتي تخرجت من الخليج وكان مع ولدي بالجامعه طلبه وايد متخرجين من الخليج وبعضهم راحوا بعثات بره... أهم شي أن المدرسه قديمه ماأقصد بالمبنى طبعا مبناها يديد ونظيف بس أقصد بالخبره وهذي أهم نقطه لازم تركزين عليها لما تختارين مدرسه.. يعني حتى لو ماأخترتي الخليج أو لاسمح الله مالحقتي عالتسجيل فيها لاتختارين مدرسه يديده !وان شاءالله أمهات الخليج يفيدونج أكثر عن المدرسه!!

 

[طيبة الكويتية]

لأ لأ الخليج وايد أحسن وأقوى للأمانه آنا ولدي بمدرسه أمريكيه مو بالخليج بس بنات حماي بالخليج وايد أمهم تمدحها وبنت صديقتي تخرجت من الخليج وكان مع ولدي بالجامعه طلبه وايد متخرجين من الخليج وبعضهم راحوا بعثات بره... أهم شي أن المدرسه قديمه ماأقصد بالمبنى طبعا مبناها يديد ونظيف بس أقصد بالخبره وهذي أهم نقطه لازم تركزين عليها لما تختارين مدرسه.. يعني حتى لو ماأخترتي الخليج أو لاسمح الله مالحقتي عالتسجيل فيها لاتختارين مدرسه يديده !وان شاءالله أمهات الخليج يفيدونج أكثر عن المدرسه!!

حبيبتي ما تقصرين على النصايح
و ان شاءالله انا ناويه لهم على 5 مدارس بالكويت اهمه
New English School
British school of Kuwait
Kuwait English School
Gulf English School
Cambridge

الله كريم يارب و ان شاءالله ينقبلون بوحده منهم
ادعولي خواتي

 

[mr000]

المدارس اللي انتي حاطه أسماؤهم كلهم زينين ومدارس قديمه وقويه بس خلي كيمبردج آخر شي مثل ماانتي حاطه والباقي كلهم تمام والله يوفق عيالج يارب وين ماانقبلوا

 

[ملكة بيتها]

امس اسأل مرت اخوي عنها تقولي سمعت انهم وايد شديدين على الياهل لدرجة انه ممكن يرعبونهم بس علشان يدرسون. هذا الكلام صديقتها قايلته لها.
الكلام هذا خلاني اخج بصراحه عن الخليج, قلت خلوني اسأل اصحاب الخبره وايد احسن بعد.

اشرايكم خواتي تنصحوني فيها ولا لأ؟
قالولي كيمبرج اقوى و احسن صج؟
ما تقصرون و يعطيكم العافيه

هلا وغلا ب طيبه الكويتيه حياج الله بتجمعنا بصراحه مروو ما قصرت وكافي ردها لأنها ماشاء الله حكيمه وإخذي بنصايحها أنا بنتي بيير ون وهذي أول سنه لها بالهمدرسه بصراحه أنا إفتريت على مدارس وايد حق بنتي بس من دخلت هالمدرسه ارتحت نفسيا من تعامل الإداره والمسئوله عن القبول والمبنى حلو ونظيف ..وبالنسبه لموضوع إنهم شديدين عالطالب بقولج عن تجربتي أنا بنتي من النوع الخجول وما تتكلم مع أحد بس شفت الفرق بشخصيتها انطلقت معاهم وقويه شخصيتها لأنهم وايد يركزون على إن الطالب يعتمد على نفسه وبالنسبه للمعلمات وايد حنونين على الطلاب ويعاملونهم معامله حلوه ويتقبلون منج أي ملاحظه وبالعكس تلمسين التغيير بسرعه وكمنهج أنا أشوفه قوي ويأسس الياهل صح وعلى الرغم بنتي ما كانت في المدرسه من الروضه بس حسيت إنها قاعده تأسس معاهم صح والله يوفق عيالج يارب

 

[الفرسان الثلاثة]

هلا فيج طيبه الكويتية انا ولدي درس الكي جي والحين بالريسيبشن هاذي ثاني سنه حقنا بالمدرسة الحمدلله مرتاحين و ولدي نفس بنت ملكة بيتها هادي لاحظت انه تغير عن قبل شخصيته صار اجتماعي و يحب المدرسة الحمدلله و الريسبشن عندهم قوي يعلمون الياهل القراءة والكتابة و وكيلتهم وايد زينه و متعاونه و على طول موجودة و تسمع لج .. المدرسة حلوة انصحج فيها

 

[طيبة الكويتية]

بصراحه وايد حمستوني و شجعتوني اني اسجل عيالي فيها, ان شاءالله باجازة عيالي اليايه من المدرسه احاول نكون بالكويت علشان افتر على المدارس هذي و اشوف المناهج مالتها و اللي فيه الخير ان شاءالله يكون يارب لعيالي

 

[الفرسان الثلاثة]

بصراحه وايد حمستوني و شجعتوني اني اسجل عيالي فيها, ان شاءالله باجازة عيالي اليايه من المدرسه احاول نكون بالكويت علشان افتر على المدارس هذي و اشوف المناهج مالتها و اللي فيه الخير ان شاءالله يكون يارب لعيالي

بالتوفيق ان شاء الله والله يسهل عليج واتحطينهم باحسن مكان يناسبكم

 

[سمبوسه2]

اشلونكم أمهات بغيت أعرف من اي صف يبتدون يمتحنون يعني تجابلونهم حق الامتحانات ؟؟؟year3او year4

 

[عزيزتى]

ملكة === تسلمين يالغالية واللة التجمع منور بوجودكم

طيبة الكويت=== كل المدارس الي قلتي عنهم قوية بس مدرستنا الادارة فيها ممتازة وانا احسهم وايد متعاونين
وبالعكس اهما يرغبون اليهال ويشجعونهنم عاى الدراسة

 

[طيبة الكويتية]

سلام بنات اشلونكم
وينكم طاخين, جم يوم الحين مالكم حس
بغيت اسأل عن مناهج كي جي 2 ( ريسيبشن)
و جريد 1
شنو يعطونهم بالعربي, الانجليزي, الرياضيات,
عندهم كتب للفونكس ولا لأ؟
ابي بالتفصيل ما عليكم امر

 

[mr000]

سلام أمهات الخليج وينكم..اشلونكم مع الأجازه.. ملكه شخبارج واشلون بنيتج؟

 

[ملكة بيتها]

هلا مروو ..شلونج يالغاليه الحمد الله أنا وبنتي بخير أنا هالأسبوع كان عندي مناسبتين فكنت وايد لاهيه ..سلام أمهات الخليج وينكم ؟؟؟

 

[mr000]

سلام أمهات الخليج اشلونكم! اشلونج ملكه.. آنا ولدي شبع من الطلعات طول الأسبوع ألحين بس بيقعد بالبيت يلعب بلي ستيشن.. المشكله أن عيال عمه كلهم بالحكومه عندهم مدارس فمو قادر يروح حق أحد فيهم أو أيون عنده..تالي لما يعطلون ويبتدون يتواعدون يطلعون هو مايقدر يطلع معاهم والعام لما قام يترجانا بيطلع معاهم وخليناه كم مره يطلع والله أثر على درجاته لأنه يدرس عيله علشان بيطلع وهم ينام متأخرعلما اييبونه البيت ويقعد دايخ.. فقلت خلاص ستوب ماكو طلعات بعد... وفهمته أنه دراسته أهم ولاحق عالطلعات بعطلة الصيف!!

 

[ملكة بيتها]

صاجه مروو أنا بنتي بيير ون وإذا كان في طلعه تحسين الدراسه تصير بلا سنع فما بالج بإمتحانات وريبورتات وهالسوالف الوقت شيكفي

 

[mr000]

سلام أمهات اشلونكم! اشلونج ملكه والله مثل ماقلتي خاصة المدارس الأجنبيه يبيلها مجابل ودراسه وايد راح تشوفين حتى بالأبتدائي آنا اشكثر جابلت ولدي والله كنت ماأطلع حتى بالويك أند لازم أدرسه لأنه على طول امتحانات!!