تجمع اولياء امور مدرسة الخليج الانجليزية في السالمية

[ملكة بيتها]

هلا باونتي ..أنا الحمد الله بخير وجاري التجهيز للمدرسه والعيد الله المستعان ...

 

[البنوسه]

اختي البنوسه نفس اللي أفكر فيه اشلون بخليه حريص على كتابة واجباته بدون ما يكرهها او يمل و أقعد اعصب عليه
ولدج كان عند أي تيشر؟ انا ولدي كان عند مس تمبل

كان عند مس زاهده صديق بالسلفر

والله يعينا

 

[البنوسه]

البنوسه ....حياج الله معانا بالتجمع ،،، أنا بنتي العام كانت يير ون بالنسبه للواجبات كانت التيشر تعطيهم الهوم وورك يوم الأحد وتسليمه يوم الخميس فكنت كل يوم أحل معاها صفحه أو صفحتين من الواجب بحيث إني أسلمه يوم الأربعاء ،،، وكانت تعطيهم ورقه فيها كلمات حفظ حق 4 أسابيع كل أسبوع 10 كلمات حفظ كتابه وقراءه ويوم الخميس أول الدوام الصبح يكون عندهم إملاء فيهم فيوم الأربعاء كنت أراجع معاها الكلمات حق الإملاء ...فلا تحاتين بس يبيله إنج تابعينه أول بأول ...

الله يحيج حبيبتي

واااااااي الله يستر حدي احاتي

كنتي ادرسينها بالعطله يعني جهزتيها حق يير ون والا من الرسبيشن عاليير ون؟؟

 

[ملكة بيتها]

الله يحيج حبيبتي

واااااااي الله يستر حدي احاتي

كنتي ادرسينها بالعطله يعني جهزتيها حق يير ون والا من الرسبيشن عاليير ون؟؟

والله كنت أدرسها عالخفيف مثل الأحرف وشوي ماث ...بس هالسنه بالصيف كلش مادرستها الله المستعان :eh_s(2):

 

[الفرسان الثلاثة]

مادري اتوقع لو نقرا معاهم قصص وايد يستفيدون لان كانوا يحطون لهم صورة من اي قصة و يخلونهم يكتبون جمل عن اللي يشوفونه طبعا هالشي كانوا يسوونه بالريسبشن بالصف و بيير 1 اكيد بيكون اكثر من جذيه والماث والله ماكان سهل كان فيه شغل بس اللي عرفته من التييشر انه هذا بس تمهيد حق السنة الياية
الله يعييننا

 

[باونتى]

بنات شلونكم .. رحتوا المدرسة ؟؟ شريتوا اليونيفورم ؟؟

 

[الفرسان الثلاثة]

انا ما رحت لي الحين شكله عالاسبوع الياي إذا الله سهل

 

[البنوسه]

ولا انا رحت تعييزت اليوم ارووح حتى زوجي قال يمكن اول يوم يكون زحمه
منو راحت اليوم؟؟؟

 

[ملكة بيتها]

السلام عليكم
حتى أنا مارحت المدرسه ؟؟ بصراحه خفت من الزحمه إن شاء الله الأسبوع الياي بروح ...
اللي راحت واشترت من الستور ،، تقولنا الأخبار ؟

 

[الفرسان الثلاثة]

هلا ملكة شخبارج و شخباركم كلكم مروو باونتي زوزو الحلوة والبنوسة وكل البنات
بغيت اسئلج ملكة عن لبس ال pe شنو راح يكون لبسهم و نشتري جوتي رياضة ابيض؟

 

[ملكة بيتها]

هلا الفرسان حبيبتي ..بالنسبه لملابس pe التي شيرت نفسه بس البنطلون عندهم بنطلون رياضي

 

[الفرسان الثلاثة]

مشكوورة يعني نفس طريقة الكي جي والريسبشن

 

[ملكة بيتها]

العفو حبيبتي ...إي نفس النظام

 

[باونتى]

بنات شلونكم .. شكلكم لاهييين مع تجهيزات العيد والمدرسه .. يعطيكم العافيه

 

[الفرسان الثلاثة]

هلا باونتي
ايه والله ما بقى شي بدا العد التنازلي
انا الحمدلله مخلصة اغراض العيد و اشتريت القرطاسية حق المدرسة بس باقي امرهم عشان اشتري الملابس و أدفع الرسوم وللاسف ماراح اقدر امر باجر عفية اللي تروح اتبلغنا شنو صار معاها والله يسهل عالجميع​

 

[ملكة بيتها]

شلونكم يا أمهات
آخر الأخبار ..اليوم زوجي مر ستور المدرسه وأخذ لبنتي ملابس ،،، المهم اللي عندها بنت الفستان لازم طلب ولازم ياخذون قياسها عندهم الستور فاتح لحد الساعه 3 ....ويقول زوجي اليوم كان زحمه وايد وبس ..

 

[باونتى]

ملكة بيتها .. يعطيج العافيه حبيبتى .. الستور يفتح لى الساعه 3 زيييييييييين .. ان شاء الله أنا باجر راح أمرهم

 

[الفرسان الثلاثة]

مشكووورة ملكة الله يعطيج العافية​

والله يعيننا عالزحمة

 

[ملكة بيتها]

العفو بنات ما سويت شي ...
أنا بعد لازم أمر بودي بنتي عشان أفصلها وبرجع بنطلونات الPE لأنهم مو قياسها الله المستعان ...

 

[mr000]

السلاام أمهات اشلونكم..باونتي ..ملكه..الفرسان..بس حبيت اسلم عليكم..ان شاءالله مسافره عقب باجر