~*~ تجمع خاص - دورة المعلمين الجدد سنه 2011- 2012 ~*~

[fri2010]

امبي مو صج التعليقات مت مت من الضحككككك لووول خطيره

 

[Q8Buying]

لول إي ..

انتشر بالوتساب والفيس بوك وهالحركات

من جذيه قام يزيدون عالتعليقات

وصاير أكثر المواضيع قراءة في جريدة الوطن ..

 

[fri2010]

امبي قاعده اقرا واضحك بصوت عالي امي اخترعت تقول اشفيج اقول لها اقري التعليقات

تقول لي صج ما عندج سالفه هههههههههه

ولما اكمل التعليقات وتييني الضحكه احاول ما اضحك عشان ما يقولون اشفيها ينت لوووول

 

[نفول]

متابعتكم بصمت
اتمني لكم المزيد من الاستفاده
والله يشافي زميلتنا الي احترقت بالماي والله يصبرها
والله يعينكم علي الوافدين

 

[fri2010]

شكلي بقعد احاتي لين يصير الصبح واعرف شسالفه التوزيع

حسيت اليوم بيخلصون المحاضره بأي طريقه لدرجه انهم راحو وما علومنا عن التوزيع

وناس تقول لا معلقين اوراق بالمسرح عن الصفوف :/

انزين اذا معلقين

ليش ما يعلمونا انهم معلقين ما ادري !!

هذي ثاني سلبيه بالدوره

 

[حلاي غيــر]

ماشفت هالشي عن التوزيع اليوووووم
وانا طلعت متاخر شووووي بس ماشفت معلقين شي

بس انا نااااويه اتاخر بكره الله يستر شلون بعرف مكااااني وين

 

[fri2010]

انتي معانا حلاي غير حولي؟

يفضل تيين امبجر في محافظات قالو لهم اللي ايون 8 نحسبهم تأخير!

فأنتي تعالي قبل 7 ونص احسن واضمن

 

[حلاي غيــر]

اليوووم ماشفتي البنااات ماجو الا متاخر على الثمااان

بعدين المحاظره بدت ثمان ونص ومافي تووقيع بالبدايه

 

[fri2010]

والله ما تدرين يمكن كل يوم لهم كلمه

اول يوم نهايه الدوره وقعونا على فترتين

واليوم وقت البريك وقعونا الفتره الاولى ونهايه الفتره الثانيه وقعونا بعد

انا ييت 7 وربع وشفت السطرات الاولى مليانه ماشاء الله

فما ادري اي نظام يتبعونه

هذي سلبيه ثالثه لول

 

[حلاي غيــر]

انا والله جايه بدري بس تبين الصج جايه مو نااايمه عدل ومصدعه شوووي

وجالسه قدام بين هالوافدات راااسي احسه بينبط ماشاءالله مايتعبوون من السوووالف

خلاص مت منهم والله بالمحاظره يوم بدت ابي اسمع مو قادره من هذرتهم والله والتفت لهم واعطيهم خزه

واسكتوووا شوووي بس والله بجد شي لايطاااق منهم الحمدالله نفتكم منهم اليوووم لان الاسلاميه اتووقع قليل منهم

وبالنسبه للحضوره بكره انا قلت للسواقه اللي توديني تجيني متاخر

 

[( المـلاك )]

اخييه مسكينه اللي احترقت تعور القلب

الملاك ايه صح صح حتى بوقت الهده هههههههه نفس الشي عندنا

والله يعينكم بحزه التوقيع بس ليش طابور ليش مو كل واحد ياخذ ورقه تخصصه ويوقع!

احنا التوقيع سهالات لان مرحله الثانوي شويه

وتخصصي الحمدالله كلنا كويتيات وننعد على الاصابع لدرجه خلو الكشف حق تاريخ وجغرافيا مع بعض

اي والله مسكينه
الله يقومها بالسلامه و انشالله بسيطة ومايكون شي قوي
صج شي يعور القلب :/

وييي فراي يعني عندنا وعندكم خير هههههههه
اقولج مو طابور جان زين طابور يعني بالدور
لااااا
انا قصدي يعني الباب عنونو قد باب الغرفه العاديه
فلما يصيرون كوم متراكم يصيرون فجأة ورا بعض جنهم طابور
ولا هذيل وين والطابور وين
هذيل عطيهم جاي و بسكوت كله على بعضه 50 فلس تلقينه ينتحر اذا ما خذاها

لا احنا كلنا تقريبا 3 اوراق
مدبسين ورا بعض
كلنا هجوم عالاوراق هذي
حريم ورياييل وكل التخصصات وكل المراحل

يعني اوراق مدبسه للتعاقد الخارجي
و اوراق مدبسه نص التخصصات
و اوراق مدبسه تص التخصصات الثانيه
وكلهم بغرفه وحده بباب واحد
يعني حتى داخل عندنا عفيسه
كل واحد بيمسك الاوراق بيوقع

صج صج ماعندنا تنظيم بهالشي
قولي اول ما نيي الصبح اهون
لانه كل واحد وقته غير عن الثاني
بس التوقيع الثاني موو شي عفيسه
اما توقيع الثالث اللي اهو الهده بعد فلم اكشن

 

[( المـلاك )]

بنات استراحة !

اقروا هالخبر .. واقروا هالخبر .. واقروا الردود !

http://alwatan.kuwait.tt/ArticleDetails.aspx?Id=135917&YearQuarter=20113

ما طلع عندي
شنو تتكلمون عنه
بضحك وياكم
ضايق خلقي ومريضه ماني قادره انام

خو انا كله مريضه وبس :/
الانفلونزا تحبني :eh_s(14):

 

[( المـلاك )]

واي امبيه ههههههههههههههههههههههههههههههههه
الله يقطع بليسكم بس قاعده واضحك جني خبله
ههههههههههههه
لا تيبون طاري الوافدين ترى اعصب كافي اللي شفناه منهم هاليومين
هههه لا بس مبدعين بالتعليقات

 

[اخت اخوانها]

صبااااح الخير ياأحلى وأغلى أبلات،،
بقول عن دورتنا بمنطقة الجهراء التعليمية
صراحة كانت مفيدة امس لأنهم تكلموا عن الاجازات وانواعها
والراتب متى نقدر نطلع شهادة الراتب
والاستاذ فارس الشمري بدددددع ماشاء الله محاضرته ممتعه وماتملل
كلمنا عن قسم شؤون الطلبة اللي بالمنطقة التعليمية وشنو اتصالنا فيهم
وامممم واشياء كثيرة نسيتها بفعل النعاااااااااس




اما الوااااااااااااااااافدات لوووووووووعه وهلاقه عماااااا بعينهم ( من كل قلبي)
والله صج ،،، رفعوا ضغطي اول يوم هاااادين ومنحرجين مننا اما امس بيتحجى المحاضر موووووقادر من ازعاجهم ليما قال يامعلمات هدوووووووووء بنبرة قوووووية
واسألتهم تاااااااافهه وكلها عن الفلووووووووس جبح جبح هلااااااااقه
1000 مرة يسإلون عن البدلات وماادري شمووو

الله يعززز ديرتنا ويخليلنا بابا صباح اللي عيشهم بنعمه مايتحلمون فيها ولا بالأحلام الوردية


وعلى قولة وحدة من الغاليات هني نسيت منو ( قلتلكم النعاس لااااعب دور)
انهم يتحلطمون لما تكلموا عن اجازات المعلمات الكويتيات وحدة حلجها بإذن الثانية صراااحه عفيه عليهم فيس عرييييييض حمدي ربج واشكريه يعطونج اجازة وضع شهر كااااااامل لو بديرتها تداوم ووجهها مصووووفر بعد ولاتها بجم يوم بس لا وكل الموااااد يحطونهم بغرفة ووووووووووووحدة واهني موعاجبها عشتووو

طهئانة وزهئانه ،،،، ماااااااالت عالبامية بس


باجر ان شاء الله بيوزعونا ،، بروح مبجر ان شاء الله


الله يسهل علينا




الله يوفقكم وين ماتروحون ويحقق لكن اللي فبالكم عملياً او بحياتكم الخاصة



احبببببببببببببببببببببببببببببكم

 

[( المـلاك )]

صبااااح الخير ياأحلى وأغلى أبلات،،
بقول عن دورتنا بمنطقة الجهراء التعليمية
صراحة كانت مفيدة امس لأنهم تكلموا عن الاجازات وانواعها
والراتب متى نقدر نطلع شهادة الراتب
والاستاذ فارس الشمري بدددددع ماشاء الله محاضرته ممتعه وماتملل
كلمنا عن قسم شؤون الطلبة اللي بالمنطقة التعليمية وشنو اتصالنا فيهم
وامممم واشياء كثيرة نسيتها بفعل النعاااااااااس




اما الوااااااااااااااااافدات لوووووووووعه وهلاقه عماااااا بعينهم ( من كل قلبي)
والله صج ،،، رفعوا ضغطي اول يوم هاااادين ومنحرجين مننا اما امس بيتحجى المحاضر موووووقادر من ازعاجهم ليما قال يامعلمات هدوووووووووء بنبرة قوووووية
واسألتهم تاااااااافهه وكلها عن الفلووووووووس جبح جبح هلااااااااقه
1000 مرة يسإلون عن البدلات وماادري شمووو

الله يعززز ديرتنا ويخليلنا بابا صباح اللي عيشهم بنعمه مايتحلمون فيها ولا بالأحلام الوردية


وعلى قولة وحدة من الغاليات هني نسيت منو ( قلتلكم النعاس لااااعب دور)
انهم يتحلطمون لما تكلموا عن اجازات المعلمات الكويتيات وحدة حلجها بإذن الثانية صراااحه عفيه عليهم فيس عرييييييض حمدي ربج واشكريه يعطونج اجازة وضع شهر كااااااامل لو بديرتها تداوم ووجهها مصووووفر بعد ولاتها بجم يوم بس لا وكل الموااااد يحطونهم بغرفة ووووووووووووحدة واهني موعاجبها عشتووو

طهئانة وزهئانه ،،،، ماااااااالت عالبامية بس


باجر ان شاء الله بيوزعونا ،، بروح مبجر ان شاء الله


الله يسهل علينا




الله يوفقكم وين ماتروحون ويحقق لكن اللي فبالكم عملياً او بحياتكم الخاصة



احبببببببببببببببببببببببببببببكم

صباح النور

اي والله هالوافدين والوافدات لوووووعه لووووعه
كل المناطق التعليمية قاعدين نشتكي منهم
حولي يتحلطمون
والعاصمة صايرتلهم مشكله
واحنا مبارك لايعه جبدنا
وانتي الحين الجهرا

استغفر الله عليهم سوالف وحركات
يخليهم غصب غصب غير مرغوب فيها بتااتااا
اهم اساسا مو مرغوب فيهم
بس عقب هالحركات والمصاخه
لا بعد اكس من قلب

صراحه اتمنى يعزلونا
الوافدين بروح والكويتيين بروح


وعلى طاري شهاده الراتب
لاحظت فرق بين المحافظات
احنا قالولنا عقب شهر ممكن انكم تطلعونها
و وحده من البنات نسيت اي محافظة قالولهم من بعد اسبوع لي 10 ايام
انتو متى قالولكم ؟

 

[fri2010]

واخيرا قسمونا وقعدو كل واحد وتخصصه بروحهم
المحاضره مهم بس دسمه بالمعلومات اليديده
والحين بريك

 

[fri2010]

خلصت محاضرتنا ما ادري ليش يطلعونا امبجر

 

[fri2010]

اشلونكم يا مدرسات :ggdw: <<< غلط لازم تقولين معلمات <<<هم بعد غلطتي:eh_s(1): لازم تتكلمين بالفصحي :eh_s(1):

المهم اليوم كانت المحاضره حلوه وممتعه وخفيفه

واستفدت منها وايد والاهم من جذي ان طبقنا اللي استفدناه


طبعا قعدت من النوم الساعه 6 ونص على ما خلصت كل اموري صارت الساعه 7 وربع

على ما وصلت المدرسه الا كانت الساعه 7 ونص وخمس

دخلت وكان في بنات جدامي لحقتهم وشفت بنات قاعدين يوقعون فوقعت وياهم

دخلت المسرح والا البنات قاعدين ما يدرون شسالفه

عاد قمت احوس بالمدرسه اشوف مني مناك ورقه معلقه عن الاشاعه اللي قالوها

ان في ورقه معلقينها بارقام الصفوف

قعدت بالمسرح لين صارت الساعه 8 جان تيي لنا وحده وقالت اللي تخصصها اجتماعيات مهما كان التخصص او مرحله يروحون الطابق الاول صف سابع قسم الاجتماعيات

رحت ويا البنات وصعدنا

واهناك كان في 3 ابلات بالصف عشان يركبون الداتا شو مع اللاب توب

لما صارت الساعه 8 وصل الموجه مال الاجتماعيات واهم شي ان كان تخصصه تاريخ

والموجه الثاني كان تخصصه جغرافيا بس ما تكلم كلش !

وكانت اهناك رئيسة قسم حليوه وطيوبه وتاخذ وتعطي بالكلام

طبعا الموجه تكلم عن الاهداف من ناحيه تعريفها واهميتها وشنو البلورة الفلسفيه للتربيه في المجتمع وتحديد مستويات المتعلم وتزويد القائمين فيها

طبعا قال لنا التحضير نوعين ذهني وكتابي وقال بالحصه يكون دفتر التحضير مفتوح ووجود الكتاب المدرسي دايما

ضروره وجود الوسايل بكل حصه والافضل استخدام التقنيه الحديثه ويفضلها على الكتابه بالسبوره

لان هالجيل يهتم بهذي النوعيه واهوا كموجه لما يدخل علي الحصه يبي يشوف هالشغلات

قال اغلب المدارس متوفر فيها الاوفر هيد والمسجله ومشرف التقنيات يوفر الداتا شو

بس فهمت من كلامه لا تعتمدون على المشرف اشترو لكم واحد خاص

بحيث قال في ميني بروجكتر سعره ما بين 20 -30 دينار يتوصل بالايفون ويفتح تطبيق البور بوينت

حبيت هالفكره وبروح هاليومين الشركات اللي توفر هذا البروجكتر وهم بشتري جهاز الداتا

من الوسايل المهمه احضارها كونا قسم الاجتماعيات بالاضافه لهذي الاجهزه (( الخرايط / الصور/ كتاب مدرسي + اطلس ومجسم )) في حاله ان الجهاز تعطل فهناك البديل


طبعا اول اسبوع قال لنا ما راح تدرسون لازم تروحون صفوف مشاهده واكثر من معلمه تحضرون لها وتاخذون منهم دفاتر التحضير وتشوفونه وهم تلبيه دعوة درس نموذجي

وقال ان هالجيل يهتم بالانشطه وليس السرد لازم تخلين الطالبه تتحرك وتتفاعل معاج

وقال فقط مرحله الابتدائي اللي يكون على هيئه مجموعه اما باقي المراحل على شكل اللاين ولكن هذا ما يمنع من تشجيع العمل التعاوني

ولا بد من الاهتمام بالعصف الذهني في حل المشكلات والمواقف

وقال الاهداف تتكون من اهداف لكل مرحله دراسيه / اهداف صفيه / اهداف تخصصيه/ اهداف لكل مقرر / واهداف لكل وحده


دفتر التحضير شرط اساسي يكون عليه الاسم ورقم الملف والرقم المدني والتخصص وجدول الحصص والاهداف العامه والخاصه بالمرحله والمقرر والاهداف السلوكيه وهدف عام يخص الكويت وطبعا المنهج


يفضل في كتابه الهدف السلوكي تكون ما بين 4- 6 اهداف والسبب ان يعطي معيار لزمن الحصه وتكون بالتسلسل مو اتكلم بالهدف الاول واروح على طول الهدف الاخير

والانشطه اللي استخدمها الخرايط اوراق العمل الشفيفه

تحليل الصوره مثلا اسم الشخصيه اسباب او نتائج المعركه عنوان تاريخ معين مخطط زمني رسم خريطه تحديد تعيين جداول مقارنه رسم بياني مخطط سهمي ...الخ

اكد على اهميه استخدام كلمه يفند لان في سؤال يقول فند ادعاءات الغزو العراقي وطبعا لو ما كنت مطبقتها على الطالبات ما راح يكونون فاهمينها وطبعا يفند يعني تصحيح معلومه او تكذيب هذي الادعاءات

مهم جدا في دفتر التحضير تسجيل اليوم والتاريخ واسم الغايب حمايه ودليل على ان الدرس انشرح ماعدا هذا الطالب الغايب

مثل على الاهداف السلوكيه

ان يذكر المتعلم اسباب هجرة العتوب من نجد في شبه الجزيره العربيه

طبعا كلمه ان يذكر معناه الفعل السلوكي

اسباب هجره العتوب .... الخ هذا يسمونه المحتوى المرجعي

ولكن من الافضل صياغه هذا الهدف

بـــ يتوقع من المتعلم في نهايه الدرس ان يذكر اساب هجره العتوب

عند كتابه الهدف السلوكي في جزءين اثنين اختياري واثنين اساسي

ولكن يفضل ذكر الاثنين

على سبيل المثال

ان يرسم المتعلم خريطة دولة الكويت بــ 5 دقائق مستعينا بالاطلس المدرسي

5 دقائق هذي يسمونه معيار الاداء و الاطلس المدرسي يسمونه ظروف الاداء

ولابد من التفريق بين الهدف والنشاط لان في افعال تستخدم في عمل نشاط وليس هدف

امثله على النشاط ان يقرأ ،، ان يعلل،، ان يفسر ،، ان يستمع،،، ان يشير،،،ان يدرك.... الخ

ان يلاحظ هدف غير دقيق لان فيه تعميم

ان يفهم هدف غير واضح

خطأ ان يكتب نعتبره هدف

ان يعين المتعلم موقع دوله الكويت الهدف هذا خطأ لان لا يوجد وسيلة

طبعا للهدف السلوكي خصائص

مثل هدف عقلي او معرفي

واول مستوى كلمه ان يذكر

وقال الموجه مو شرط على المتعلم يقول المفوم نفس الموجود بالكتاب المهم ان يفسر ويصيغ باسلوبه ويكون صح طبعا

مهم تطبيق سالفه المعلم الصغير وان الطالب يشرح فقره معينه واعطائه امثله او مواقف ويبحث عن حل لها

اهميه الفهم الربط والتركيب والتحليل والتنبؤ والتقويم

مثال على التذكر اول شي

ان يذكر المتعلم 3 مشكلات اقتصاديه بالوطن العربي

ان يعرف المتعلم مفهوم الطقس المناخ الجون ....

مثل على الفهم

ان يتنبأ الطالب بالنتائج والاثار اللي تحدث لكميه المطر السنوي

مثال على الربط

ان يستخرج المتعلم كثافه السكان

التحليل

ان يستدل المتعلم نتائج معركة الجهراء

التركيب

ان يكتب المتعلم 5 اسطر عن معركه القادسيه

وهكذا......

الخاصيه الثانيه في الهدف السلوكي

الجانب النفسي والحركي

واهوا اللي يختص بالنمو العضلي والنشاط الجسماني

مثلا قراءه كتابه رسم طباعه

مثال عليه

ان يلون المتعلم خريطه دوله الكويت


الخاصيه الثالثه الجانب الوجداني

مثال

ان يشيد المتعلم بدور ابو بكر الصديق في حروب الرده

بعد نهايه المحاضره طلب من معلم ومعلمه التطبيق على الاهداف السلوكيه الثلاث

والحمدالله الكل عرف يطبق صح

وقال الاوراق هذي ناخذها من رئيسة القسم

بعدين قال في افعال لا يحبذ استخدامها مثل : ان يعرف ،، يفهم ،، يعني ،، يدرك ،، يتذوق ،، يستمتع ،، يعتقد،، يؤمن،، يوضح

ولازم نفهم الطالب ليش يدرس هالماده واهميتها

اللي فهمته منه ان يبي دفتر تحضير مو ملف ويفضل استخدام الاجهزه

وقال نقطه التعيين يديد ماده التاريخ يعطونه صفين الوطن العربي وصف تاريخ اسلامي

وقالت رئيسه القسم مالت المدرسه غلط تقولون ما نعرف وما ندري واحنا مو تربوين والا صعب التحضير لان اهما ما سوو هالدوره الا على شان هالاشياء ولما تروحون الميدان بتصير الامور اسهل واسهل

وبس هذا كل اللي صار وياي اليوم وسوري على الاطاله

بس احب اذكر التفاصيل لتعم الفايده على الجميع :eh_s(7):

وسلامتكم :eh_s(17):

 

[fri2010]

اسلاميه كان عددهم اكثر شي حتى حطوهم بالمسرح

اقل شي اجتماعيات قالووو

 

[ablah_mariam]

بنآت محد قآلكم شلون تطلعون شهآدة الرآتب ؟؟ <~ دآشه بالحآمي آنآ خخخخ