تجمع خاص للي أوزانهم 60 كيلو و حابين يكون 55 كيلو أو 50 كيلو

[Four butterfly]

تسلمين على الرد

 

[طريق السعاده]

وحشتوني حبوبات

اسفه بس شوي المزاج هاليومين مو شيء ومشغوله شويات نزلات سوق ومواعيد اسنان هع توته بصلح تقويم وبديت فيه تالي تحسفت يعور
بس دوم اتواجد بالمنتدى عموما للحين ملتزمه يعني امس صراحه فطرت شريحتين توست وجبن سايل وعقب رحت للدكتور خلع لي ضرسين مقدرت بعدها اكل ولا اشرب طول امس هع وحتى مشي مامشيت اليوم صحيت بدري ع 9 فطرت شريحتين توست وجبن سايل رحت مشوار رجعت منه الظهر الساعه 1 ونص كليت حبه كب كيك وكاستين ماي
نمت شوي للعصر ع الساعه 4 ونص تغديت صحن سلطه وقطع دجاج وبطاطس وطماطم وبصل وجزر بالفرن مطبوخه
ع الساعه 5 وربع كليت حبه ميني معمول لوزين بعد شوي بسوي رياضه ومرح اتعشا ان شاء الله
تووووته موجوده يالغاليه بس اتابع بصمت خخخ وتراني اكتب يومياتي بقروب ثاني بس اصير هنا وهناك اكيد يوم الميزان بنزل وزني هنا احبكم امممممممواه:eh_s(22):

 

[صغيرة على الحب]

هااااي

ادري بطقوني

بنات واي مو ملحقة مع اليهال و صدري تعبان اخذ كمام

 

[sho-sho_93]

معليش بنات عذروني على الانقطاع بس نفسيتي زفت اعوذ بالله ومالي خلق نفسي ابددد

اكلي قليل بلحيل ​

وحشتيني انتي اكثر ياتوته ادعي لي حبي ربي يفرج همي ​

يومياتي اليوم
الفطور:كوب شاي بلحليب+حبة كيري
الغداء:حبة كيوي
العشاء:علبة زبادي قليل الدسم+خيار ونعناع
الرياضه:ساعه بنادي​

يومياتي امس
الفطور :ماي بس
الغداء:حبتين جبن كيري
المغرب:ملعقى لبنه
العشاء:علبة زبادي خالي الدسم مع خيار وبقدونس
الرياضه:ساعه بنادي​

الحمدلله​

الله يكون بعونج بس امبيه تذبحين عمرج جذي صدقيني عن تجربه الحرمان يولد الانفجار واااايد ناقصج عناصر غذايه شعرج وجسمج راح يتلفونم :bbbiu:هذا عذايب صدقيني لي خلصتي راح تردين دبل

 

[sho-sho_93]

شوشو العصقولة
شنو تتحسرين على ايام ال 55 كيلو ... عيوني راح تطلع من مكانها @@ كنتي هيكل مو ادميه ... اوكي يالعصلا انا قبلتج بتجمعنا ... وش اسوي ما اقدر اطردج برا هههههههههه

مشكورة على وصفة الشوفان، لكن انا مو صوب الطبخ كلش ... عمري 29 سنة و لا احب اطبخ اطلاقا ... زين اني مو متزوجة

الصور اللي تحطينها ... تفتح النفس :eh_s(17):

لاااااااااااااااا القصر مو حلوووووو :eh_s(16): سمعيني انا اخذ طولك ال 171 و انتي اخذي طولي 160
علشان تعرفين النعمة اللي انتي فيها ...

امين :yaaaaaarb: مشكورة على الدعوات الحلوة، الله يسعدك دنيا و اخره

اشكرك على جوابك فيما يخص التلبينة، امممممممممواه :eh_s(22):

لوووول دايما تحرجيني :wqedqw:هممممممم بس بحاول هم اغير نظام اكلي لمن متى كله رجيم رجيم :denya:هههههه انا عكسج عمري 20 متعتي المطبخ _03BA:وايد احبه اطلع طاقتي فيه لووول لا ابي نقسمه بالنص ابي 165 همممم ما اعتقد اني نازله وايد لاني مسويه تخفيف كل مره اسوي رجيم بحق وحقيقي:rgewrg: اللهم امين واجعين

شوشو
يومك اليوم رووووووعه، سواء من الرياضة او الاكل .. و الهم انه صحي جداااااا
الله يبارك لك
اشكرك للمرة الرابعة على اثرائك الموضوع بالصور و بخفت دمك و نشاطك :eh_s(9):

حبيتي والله عاد اذا خلصنا راح افقدج لووول حبيتج:aha::hjy5jewf:


شوشو العصقولة
اشكرك جدا على افادتك العضوة فور ... تعجبيني :eh_s(15):
جزاك الله خير يا الطيبة

عندي سؤال يا شوشو، ابي اعرف كم سعر اساي بيري؟ و ين القاها؟ بالصيدلية؟ >> لا في بيت جيرانكم عيل ههههههههههه :krkrkr:

هل تسد الشهية؟ يعني اقعد طول اليوم ما احس باليوع؟؟

و ابي صورة للعلبة >> نشبه كاااااااك
لووووووووول اهي مو تسد الشهيه لا تزيد معدل الحرق وتعمل كمكل غذائي و له فوايد وايد هذا الي اوبرا كانت تاخذه لوول لا ما خذيته من الصيدليه اتعرفين المحلات الي تبيع سواف بروتينات واشياء حق النواد اخذته من الافنيو في محل يم بودي شوب الي صوب كارفور اهو سعلر جنه 12 وشي يعني مو اكثر من 13 ما اذكر جم بالضبط لان اخوي عنده بطاقه خصم خذيته ب10 وشي وراح يقول لج اخذي معاه زهره الربيع انا اخذتها قمت اكل دبلات تفتح شهيتي حيل

وهذا من النت عنها


الاساي هي فاكهة تتواجد فقط في منطقة الامازون في البرازيل . حبوب الاساي صغيرة في الحجم لكن كبيرة في محتواها الغذائي. و ستندهشون لما تحتويه هذه الحبوب الصغيرة. قد تكون الاساي هي اقوى فاكهة في العالم
1 تقوية جهاز المناعة في الجسم
- 2. عد في زيادة الطاقة والتحمل للجسم
- 3. يساعد في زيادة القوة الجنسية "للجنسين" ويسمى في البرازيل (فياجرا الأمازون)
- 4. تحسين عملية الهضم
- 5 . المساعدة في تخفيف الوزن
- 6.حرق الدهون الضارة بالجسم
- 7. يحارب الخلايا السرطانية
- 8. تخفيف الألم والأوجاع والروماتيزم
9. - محاربة الكولسترول السلبي المسبب لامراض القلب
- 10. محاربة الشيخوخة
- 11.المحافظة على قوة البصىر
- 12 والمساعدة على الاسترخاء في النوم
- 13. يساعد في بناء العضلات
- 14. يقوي التركيز العقلي
- 15. يجعل البشرة أكثر شباباً وصحة
- 16. يحسن الدورة الدموية
- 17. يطهر ويزيل السموم من الجسم

 

[sho-sho_93]

امس بالليل لعب بمخي لعب اليوع صاير يكفخني بالليل:eh_s(16):اخر شي قلت اكل فواكه لو بيزيدني ما راح يزيدني كثر الخرابيط :eh_s(15): ومفيد فقررت كل يوم اذا يعت بالليل اكل روب و بذره الكتان :rerrerek: عالاقل يقولون تضعف

احم احم ابلش بيومي اليوم كان خربوطي س مو خرابيط:krkrkr:
اول شي قعدت الصبح تريقت حليت خالي الدسم وناسكفيه و وملعقه وسط تلبينه و3 تمرات لووول ما اقاوم التمر وطلعت وهم ضحيت بستارباكس:eh_s(9): اكتفيت بماي

و ع ال11.45 تغديت اناناس:lololoe: ههههههههه لاني كنت بنام ما اقدر انام و انا توني متغديه يطلع كرش و اذا قمت بمشي ف تغديت وعقب ساعه نمت

اول ما قعدت خذيت تمره وحده واعشابي:O_SHH_:
و بعدها مشيت ساعه

واكلت سناك بوملي و افنديه :eh_s(22):

و تعشيت شوفان ولحم مشروم ووطماط ترا مو وايد 3 قفشات بس مع اللحم و الخضره صار وايد :bbbiu: وامي مسويه تبوله :eh_s(11): كليت منها لازم يغروني و يوزني:eh_s(2):

و خذيت حبتي

وبكمل ماي و اذا يعت بالليل روب وبذره الكتان ههههههه كل ما اتذكر عقب باجر الميزان اخاف :eh_s(2)::eh_s(2): احسه امتحان

 

[znooobiii]

انا طوولي 160 ووزني 60 وشكلي عادي وجسمي حلو وعاجبني هالوزن بس عندي كرش ومستمره على رياضة المعده والله كريم

 

[sho-sho_93]

انا طوولي 160 ووزني 60 وشكلي عادي وجسمي حلو وعاجبني هالوزن بس عندي كرش ومستمره على رياضة المعده والله كريم

جربي الحزام الي يحرك عضله البطن يشد ويروح الكرشه والقرص الدوار و ادعيلي:eh_s(15):

 

[الحراير]

مرحبا يارشيقات

مشاء الله شوشو يومج روعه وتعجبني ارادتك

هلا وغلا زورا انا تمام انتي شلونج ياقلبي

الحمدلله يومي حلو صايمه وفطرت بيض وطماط
وبعدها علي صلاة العشا شربت نسكافيه وبعدها شاي

وعشاي شوربه وصمون اسمر مع همبرجر والهمبرجر الثانيه اكلتها بدون توست
وبعدها زنجبيل واخر الليل شربت لبن

 

[زوراروسا]

صباح الخير
امس يومي الحمد لله كان معقول نفس النظام وحاولت ما اكثر ورياضتي كانت المشي بالمول لانه يومي كان كله برا البيت
بخصوص الخفايف انا اكل من اكل البيت بس بالكثير 5 ملاعق يعني اذا كان الغدا رز اخذ 4 او 5 ملاعق وشوي سلطه بس
العشاء اذا كان سندويشات مثلا اخذ وحده صغيرة يعني عموما اخفف من كميه اكلي قبل اكث سندويشتين وشوربة وفوقهم سويتات بس الحين لا احاول التزم بالكميه تكون اقل لاني مب حابه الحرمان خاصه اني احب اطلع مطاعم والكل يغري ع الاقل اطلب شي لي وللعيال واكل شوي وياهم بس .. اتوقع من نظام التخفيف وزني ما ينزل بسرعه نفس الرجيمات الثانيه بس ماعليه بتم عليه وبشوف وين بوصل لانه اعتبره نظام حياه مو بس فتره لين اضعف وارد ابلع

 

[زوراروسا]

ممكن صورة لحزام البطن اللي تقولون عنه
وممكن صوره حبوب الاساي بيري انا عندي ويا الشاي الاخضر وخذيتها فتره بس كانت تساعدني ما ازيد بس ما لاحظت انه وزني نقص منها .. بس للاسف يابت لي حاله من الارق غير طبيعيه يمكن لانه اللي عندي مخلوطه بشاي اخضر ؟؟

 

[تووته البسكوته]

هاااي شلوووونكم
انا بشترك بتجمع قطوه حلووو وتقسمنا مجموعات فبتابع بالموضوعين واللي ما يلتزم قطوه تطلعه من التجمع ..احسن شي عشان التزم معاها

 

[سأكون يوما ما أريد]

السلام عليكم شو اخباركم

باجر الميزان يله متحمسه حدي ان شاء الله اودع عالم الستينات يارب

اليوم خلصت من المحروسه ورجعت التزم لي رجعه باليل لكتابت يومياتي​

 

[توووووتة الحلوة]

اسعد الله ظهيرتكم بكل خير يا حلوات

السلام عليكم

طريق السعادة
الله يعينك، هاه بشري لقيتي الفستان المناسب لحضور الملكة و الا لسه؟
اما على التقويم لا تحاتين انا مرتين ركبت تقويم، المرة الاولى لمدة سنتين و المرة الثانية لمدة سنة، اهو بس في البدايات يعور، اول اسبوع بس. لا تسمعين لكلام الناس انو يعور و سالفته سالفه الى الخ ... محدثتك سوته و لا شافته ثلاث ارباع الكلام اللي يقولون

حلو يومك امس :rerrerek: متوازن وصحي

مو مشكلة غيابك، لكن بين فترة و الثانية طلي علينا، لكن مو بالابيض >>> بديت ثقالة الدم هههههههههه :krkrkr:

بره الميزان لا تنسين تنزلين وزنج
الله يوفقك و يسعدك

صغيرة على الحب
تصدقين هالايام، افكر فيج ... قلت اكيد تركت الدايت عسى ما تركتيه؟؟؟
بكره نزلي وزنك الحالي و وزنك السابق علشان ادخلج بالقائمة

شوشو العصقوله
انا اكره الطبخ ... عكسج كله احب الجهاز، اغلب اكلي خبز و جبن ... و اذا تعبت عمري سويت لي بيض مسلوق :krkrkr: من امنياتي في الحياة انتي اتزوج واحد ما يحب الاكل
اشفيج غيرتي كلامج بخصوص الطول ما اسرع ،،،، من كلامي لج حسيتي بالنعمة اللي عندج، الله يهنيج و يبارك لك

شكرا على محبتج يا العصلا

اشكرك على المعلومات فيما يخص حبوب الاساي بيري ... قلبو انا من السعودية مو من الكويت علشان ادورها في الافتيو، احنا بالسعودية عندنا محل عالمي GNC
محلات ارمال GNC للمكملات الغذائية، ان شاء الله راح اتصل واسأل عنهم او لا

لكن بللللللللللللليز قولي لي، فعلا استفدتي منهم؟ و ايش حسيتي تغيرات صارت لج؟
و العلبة كم فيها حبة؟

 

[توووووتة الحلوة]

شوشو العصقولة
يا سلام :rerrerek: حل حلوووووو في حالة الجوع تاكلين فاكهة او زبادي مع بذر الكتان :ggdw:

امس حلو ريوقج، و بعدين ليش رحت لستاربكس، اقعدي شوي بالبيت علشان ما تكلين او تشربين

يعجبني فيج، انو اكلج صحي صحي صحي :ggdw: الله يبارك لك ... يومك يعتبر حلو و رائع بعد ماعدا القهوة اللي دردعتيها هههههههه

ما تدرين يمكن تصيرين رشقة الاسبوع، و على فكرة صورنك تفتح النفس >> خلاص كافي البنية حفظت هالكلام غيبا عن ظهر قلب :krkrkr:

زنوبي
انتي طولج و وزنك تقريبا مثلي لكن كلش مو عاجبني جسمي :eh_s(16):
الله يوفقك

الحراير
اهلافيج حروره
يومك تمام :ggdw: قووووووووو يا حلوتي

زورا
صباح النور
رووووووووعه نظام التخفيف اللي ماشيه عليه :ggdw: تعجبيني :rerrerek:
الله يبارك لك، و يزيدك و يقويك. و مثل ما قلتي انو السالفه نظام حياة مو كم يوم ....

توتة البسكوتة
هاي، احنا بخير
الله يوفقك و ين ما كنتي

و درب السلامة يا حلوة :eh_s(8):

سأكون يوما
و عليكم السلام، ان شاء الله تودعين الستينات الى الابد
و ناطرة يومياتج

 

[توووووتة الحلوة]

يومي امس

الفطور
خبزه مع قطعتين جبن مثلث + شوربة شوفان و كأس شاي

السناك
نسكافيه 3 في 1

الغدا
ما فيه غدا

العشا
بوب كورن = 125 سعره حرارية
كأس شاي

الرياضة
ساعة مشي مساء

 

[توووووتة الحلوة]

شوشو انتي اي نوع تستخدمين هذا

او هذا

 

[sho-sho_93]

ممكن صورة لحزام البطن اللي تقولون عنه
وممكن صوره حبوب الاساي بيري انا عندي ويا الشاي الاخضر وخذيتها فتره بس كانت تساعدني ما ازيد بس ما لاحظت انه وزني نقص منها .. بس للاسف يابت لي حاله من الارق غير طبيعيه يمكن لانه اللي عندي مخلوطه بشاي اخضر ؟؟

شوفي انا اخذتها بالمانيا تقريبا شهر و اكل دسسسسم مناك لووول صمونه الشاورما والله تقطر دهن واذا مشيت نص ساعه وهم اكل ككاوات بعص المرات والله رديت وزني وصل 56 بالضبط وبالنسبه لي حتن لو اخربط قاعده امشي عالاقل نص ساعه فيمكن عشان ماشيه معاي وخخخخخخ انا نوامه وايد ما تغير نومي

شوشو العصقوله
انا اكره الطبخ ... عكسج كله احب الجهاز، اغلب اكلي خبز و جبن ... و اذا تعبت عمري سويت لي بيض مسلوق :krkrkr: من امنياتي في الحياة انتي اتزوج واحد ما يحب الاكل
اشفيج غيرتي كلامج بخصوص الطول ما اسرع ،،،، من كلامي لج حسيتي بالنعمة اللي عندج، الله يهنيج و يبارك لك

شكرا على محبتج يا العصلا

اشكرك على المعلومات فيما يخص حبوب الاساي بيري ... قلبو انا من السعودية مو من الكويت علشان ادورها في الافتيو، احنا بالسعودية عندنا محل عالمي GNC
محلات ارمال GNC للمكملات الغذائية، ان شاء الله راح اتصل واسأل عنهم او لا

لكن بللللللللللللليز قولي لي، فعلا استفدتي منهم؟ و ايش حسيتي تغيرات صارت لج؟
و العلبة كم فيها حبة؟


او هم بعد سالي عنهم بالصيدليه والله انا اذا مع رجيم اشف نزولي معاها ممتاز طبعا الحين ما اعتبر رجيم رجيم يبين باجر لوووول
لووول شقد حلمج صعب تحصلين ريال ما يحب الاكل تتلقين كرشته مرتزه جدامه متر ههههه ع قوله اخوي الرجل بلا كرش كالملك بلا عرش هههههه سكتي اليوم مسويه حق اخواني باستا فوتيشيني الفريدو كله كريما و جبن وقيمر انا اضعف عمري وامتنهم هههه لا احنا من صغار ندش مع امي المطبخ فتعودنا
بالنسبه حق الطول مو تراجعت لووول نتقاسم خو كل مشروك مبروك
شوشو العصقولة
يا سلام :rerrerek: حل حلوووووو في حالة الجوع تاكلين فاكهة او زبادي مع بذر الكتان :ggdw:

امس حلو ريوقج، و بعدين ليش رحت لستاربكس، اقعدي شوي بالبيت علشان ما تكلين او تشربين

يعجبني فيج، انو اكلج صحي صحي صحي :ggdw: الله يبارك لك ... يومك يعتبر حلو و رائع بعد ماعدا القهوة اللي دردعتيها هههههههه

ما تدرين يمكن تصيرين رشقة الاسبوع، و على فكرة صورنك تفتح النفس >> خلاص كافي البنية حفظت هالكلام غيبا عن ظهر قلب :krkrkr:
هههههه شوفي انا حتن لمن قاطعه الرجيم عيوش ما اكل الا من وين لي وين مو ذاك الزود وحتن باستات وجذي اشتري الاسمر بس لو نفتك من الحلويات بالاخص الجيز كيك و خم الحلاو والككاو والبطاط اكون بخير والفاست فود ممكن كل اسبوعين ثلاث اكله وهم الككاو والله قطعته سنه كلش ما اكله لان كنت اعاني من حساسيه ارتحت لووول احس الحساسيه من الككاو نعمه لي ههههه اي خو كنت طالعه مع اخوي وعزمني خو و الكورس الي فات بالكليه كل يومي مطاعم بس كنت اخذ يا سلطه او صاج او جذي ما كليت الا يمكن مرتين او 3 ماك ف اكلي حلو لووول بس قلت بحاول امسك نفسي عن الخرابيط او اكلها بكميه معقوله هههه كنت افتح ككاو والله طول ايدي ملكيا الكبير اذا شايفته اكله بروحي كله و غير الخرابيط بعد


ههه عاديتح شوربه شوفان بس اخذيه من غير خبز احسن لان اهو نشويات بس صج ليش ما تتغدين انا عندي الغدا وجبه مقدسه

 

[sho-sho_93]

شوشو انتي اي نوع تستخدمين هذا

او هذا

في وايد انواع ترا انا امس حاولت انزل الصوره ما نزلت احاول انزلها لج مع اكلي:eh_s(1):

 

[Four butterfly]

انا طوولي 160 ووزني 60 وشكلي عادي وجسمي حلو وعاجبني هالوزن بس عندي كرش ومستمره على رياضة المعده والله كريم

حبيبتي جربي الأجهزة إلي بالعيادات , تنفع عدل مع الحالات البسيطة من الكرش