تجمع طـالبـات | الــــشــــريـــــعــــة | - الجديد

[~ طـــواري ليل ~]

بنات ابي الدكتوره ليلى الشهاب محاضرتها من الساعه جم للساعه جم ؟؟

منزلة عقود شركات وفقه 1

أي مقرر ؟

 

[~ طـــواري ليل ~]

حبيبتي والله .. الاحتياط واجب بعد :*

يا حي الله الاونلاين *_*

الله يحياج ي بعدهم ????

حيّ الله اللي شابكين قبلي بساعة إلا قليلًا
شنو موادكم ؟ يمكن نتصادف ببعضهم وهيك

 

[~ طـــواري ليل ~]

هذا جدولي

 

[أم فلان الفلاني]

نور المطيري في شاحن متنقل اشتريلج واحد اضمنلج

 

[نور المطيري]

ارحبي ارحبي طوطه شخبارج !

[FONT=.Helvetica NeueUI]135[/FONT]​

[FONT=.Helvetica NeueUI]شرح أحاديث الاحكام د.وسن الرشيدي(12-12:50)[/FONT]
[FONT=.Helvetica NeueUI]نحو1د.عبير البالول (2-2:50)[/FONT]
[FONT=.Helvetica NeueUI]احوال شخصيه 2د.محمد نايف العتيبي(3-3:50)[/FONT]​

[FONT=.Helvetica NeueUI]24[/FONT]​

[FONT=.Helvetica NeueUI]مبادئ تربيه د.ملفي المطيري (9:35-10:45)[/FONT]
[FONT=.Helvetica NeueUI]حديث تحليلي د.شذى عبدالكريم (11-12:50)[/FONT]
[FONT=.Helvetica NeueUI]دعوه الى الله ووسائلها 2د.ناصر اللوغاني (2-3:15)[/FONT]
[FONT=.Helvetica NeueUI]تخريج احاديث د.محمد زايد فلاح العتيبي (3:30-4:45[/FONT]​

 

[نور المطيري]

نور المطيري في شاحن متنقل اشتريلج واحد اضمنلج

ادري حبيبتي بس أنا جم مره اضطريت اشحن باللابات عالعموم مشكككوره ي قلبي

 

[أم فلان الفلاني]

ولو العفو
بس اظمن لج

 

[نفسي طموحه]

السلام عليكم بنات انا حيل خايفه وكارهه الدواام أنا مستجده وخايفه احاتي ماعرف أتصرف وحيل استحي وخايفه من دكاترتي للأسف سجلت عند دكاتره ما يمدحونهم أحس مارح انجح ولا أتأقلم مع البنات واجواء الكليه لا تضحكون علي ومابي اسمع تعليق يزعل بس انا اعرف نفسي حساسه واذا كرهت شي كرهته مابي دكتور يسمعني كلمه او يزفني وبعدين استحي طول عمري متعوده ع الأبله شلون اتعامل مع الدكتور والله خايفه وخصوصا اني اكبر خواتي وماعرف شسوي متى اجي ووين اروح مابي ادوام مابي

 

[طالبة علم .]

وعليكم السلام ورحمة الله وبركاته
الأخت نفسي طموحه ارسلت رساله على الخاص
اتمنى ان تفيدك واسأل الله ان يوفقنا واياكم أجمعين .

 

[نور المطيري]

وعليكم السلام والرحمة حبيبتي خوفج طبيعي وعادي ومرينا فيه كنا نحاتي اول يوم ووين نروح وشلون ندل قاعاتنا وهذا غير المواقف اللي تفشل وتونس صارلتنا للحين اذكرها واقعد اضحك بس انتي تغلبي ع خوفج فالبداية بتكونين مومتأقلمة مثل ما تقولين بعدين سهالات وراح تحبين الكليه حلوه ومريحه وبناتها يفتحون النفس تبارك الرحمن أخلاق ووجوه بشوشه وصدوهم وسيعه اذا ما عرفتي سئلي البنات مآراح يقصرون معاج إحنا كنا نسال فالبداية وشوي شوي راح تحفظين الكليه أساسا الكليه صغيره كلهم مبنيين مبنى 6 وداخله التوجيه والإرشاد و جمعيه الشريعه اللابات ويمه بالضبط المصلى وهالمبنى فيه قاعات 600والمبنى الثاني فيه التصوير وقاعات400 ودكاترتنا طيبين أخلاق وعلم ويفهمون لا تخافين ممكن دكاترة يتصنعون الشده يعني عشان الأمور تمشي بسلام بالكلاس ويضبطون البنات انتي اول يوم خلج منتبهه وطبقي الحجي اللي يقولونه ومارح تتعبن عقب وسهالات والدكتور مارح يكون التعامل معاه بشكل مباشر يعني اهو يشرح لعدد كبير وأكيد اذا عندج سؤال تسألين بالمحاضرة نفس ما نسال الأبله قبل وإذا متى تجين خلج قبل محاضرتج بساعه عن الزحمه وتستكشفين المكان و لا تخافين وخلي خوفج إيجابي ولا تتضايقين بالعكس الشريعه حلوه فيها صحبه جميله وعلم شرعي احتسبي الأجر ودرسي وشدي حيلج حبيبتي بتنور كليتنا وخلي من اسمج نصيب خلج طموحه ومميزه والله يوفقج يارب واي تبين انا بالخدمة
وجيكي عالخاص حبيبتي

 

[ريـ’ـآنـهـ‘]

الله يهون عليج وييسرلج
كنت اقرأ ردودج بالتجمع القديم نفس المشكلة تواجهينها بالمعدل
نصيحتي : حاولي تشدين على نفسج يالغالية
المواد سهله والدكاترة ممتازين .. حرام تضيعين هالفرصة من ايدج
د. محمد المحمود ممتاز. وعادل الدمخي كذلك ~
وإنتي سبق وخذيتي عند المحمود فعارفه نظامه ، حاولي تساعدين نفسج وتشدين عليها

وإنتي معاي بفقه 2 وجناية بإذن الله
وأنا بالخدمة إذا تبين أساعدج

الله يوفقج وييسرها لج ~

اهلييين

والله ناويه اشد حيلي وانا كل كورس اشد حيلي بالمدتيرم ومن يصير الفاينل وانضغط بالمواد واوقف واخربها والله ناويه حييييل هالكورس اعدل من نفسي وطريقه دراستي

انا فقه2 ساعه 8
وجنايه بحول ان شاءالله وباخذها ساعه 12 معاج :eh_s(9):



---
انا ودي عندي زميلات بالماده وادرس معاهم احس بدرس عدل واهتم
لانهرفيجاتي كلهم تربيه وانا الوحيده شريعه ومااعرف احد كلش :eh_s(11):

 

[ريـ’ـآنـهـ‘]

بنات


رحت الباي فورس وسجلولي عند محمد طاحون تجويد ١

شرايكم فيه او في احد سمع عنه انا اول مره يمر علي

 

[توفيقك يارب.]

السلام عليكم بنات ..
بنات آنا مستجدة ووايد قاعدة أحاتي .. ما معاي أحد من رفيجاتي داشين شريعه كلهم كليات ثانيه و غير هذا أنا شوي خجولة و مو بسرعه أتأقلم أو أقدر أتعرف على بنات يدد و صحبة يديدة أحس هالشي بيسبب لي أزمة بالجامعه شسوي عشان أقدر أتأقلم مع الوضع و أصير اجتماعيه و أقدر أسولف مع البنات و أكسر حاجز الخجل الي عندي

 

[احساس قباني]

صباح الخير بنات شلونكم ..

قبل شوي دخلت السستم ولقيت سيره نبويه عند عبدالعزيز المطوع وكنت عن سعاد حمادي وبدلت خذيت عند عبدالعزيز المطوع شرايكم خصوصا انه محاظرته الساعه 8 يعني تعب وزحمه هههه بس ان شاء الله اطلع بقريدد شرايكم فيه ؟ من ناحية كل شي

 

[ورور92]

طواري مو راضية رسالتج تفتح معاي

بحاول بلاب ثاني!

 

[ورور92]

بس ترى سحبتها من د.مريم النومس

 

[نور المطيري]

وعليكم السلام ورحمه الله حبيبتي توفيقك يارب خوفج طبيعي وعادي بس عطي نفسج مجال تتعرفين ع بنات ترا طالبات الشريعه حبوبات وراح تتاقلمين ان شاء الله ويصير عندج رفيجات شكثر ااكدلج ان شاء الله واذا عن رفيجاتج عادي لا تربطين راحتج بحد بتتعودين واجواء كليتنا حلوه وتلتقين برفيجاتج بالبريك لا تحاتين والله يوفقج واي سوال انا حاضره

 

[نور المطيري]

إحساس قباني المطوع يمدحونه بس ما اخذت عنده والله يوفقج يارب

 

[‏♪ ... ᴀŁζąή ●]

بنات شرايكم بالدكتوره
مريم الدويلة تفسير تحليلي
ومريم النومس تجويد ، عايدتها
وفاطمه الرشيدي أحوال شخصية

 

[ورور92]

المطوع مو شي :/ !

ينوم وماعنده سالفة غير الزواج والحريم وسوالف.. والبنات عنده معتمدين عالغش او امتحانات سابقة اييب نفسها تقريبا و مرةة وحدة نجلهم و غير امتحانه و توهقو البنات لان ما درسوو

بس طيب حيل..