تجمع قروب passion لرجيم اتكنز المرحله (1)

[مس هنادي]

السلام عليكم

شخباركم

انا متابعه يومياتكم وايد ماشاءالله تشجعون وانا اليوم ثاني يوم لي بريجيم اتكنز والله يعيننا ونوصل للوزن المثالي

 

[passion.666]

وينكم يابنات وين همتكم
وين الاراده شكلكم مليتو لاء لاء مافي ملل مع باشن
يالله شدو الهمه
اليوم الصبح مشيت علي الجهاز وبالليل مشيت بره الجو روعه يابنات لايطوفكم روحو امشو

 

[simple.girly]

السلام عليكم ورحمة الله وبركاته
صبحكم الله بالخير
وحياكم الله المتابعات شلونكم
امس طبعا لوية - ويمعتنا واليوم بعد البنات بيوني حياكم الله البيت بيتكم تنورونا
بشونة عاد تصدقين احس ويههي ضاعف - الحمد الله رب العالمين البداية ويه بعدين رقبة بعدين زنود كرش فخوذ - والحمد الله رب العالمين اول الخير قطرة قمت اشعر بشحومي لووووول
ممم الحمد الله مشيت الصبح تقريبا 22 دقيقة ..... بالجو الحلو

 

[simple.girly]

اييه والله بشونة الجو عجيب قمت اناقز بالحووووش

 

[simple.girly]

حياج الله مس هنادي
دانتيلالالالالالالالالالالالالالالالالالالالالالالالالالا وينج يبا -

 

[simple.girly]

بنات وينكم - طبعا هاليومين لاهية عنكم بليل السموحة بس ان شاء الله راح احاول نومتي صايرة مبجر....

 

[passion.666]

هلا. سيمبلي
شلونج حبيبتي
ويهج ضعفان معناته انج ضاعفه لاتحاتين ان شاءلله ينزل وزنج
البنات مالهم حس تهقين انسحبو؟
مس هنادي حياج الله معانا
انا مستمره لما اوصل للوزن المثالي وراح اكتي يومياتي كل يوم
مع ان الملفات عندي مليانه اصور ولااقدر امسحهم لان اذا مسحتهم راح تنمسح اللصور اللي منزلتهم في موضوعي
وايد اصور ماني عارفه شسوي

 

[Jnaaaat]

السلام عليكم شلووونكم بنااااات

ليش التجمع نااايم

يلاااا عشان البرد يعني >>>>

الجوو رووعه
بطلع بعد شوي اروح الممشي ان شااااءالله
بس ريلي يقول الحوووش كبير حيل امشي فيه احسن لج

لانه من النوع اللي يغاااار مايبي الشباب يشوفوني
اصلااا تطمن محد شااايفني ومحد بيعبرني لووووووول

 

[Jnaaaat]

بنااات ودي البس قياس ١٢ مشتهيته من زمااااااااااااااااااااااان عنه

اللحين وصلت١٤

يااارب عالشهر الياي البسه ياااارب 

 

[Jnaaaat]

اليوم تريقت كورن فليكس وحليب خالي الدسم <<<<ملاحظه غيرت الرجيم للبنات اللي يقروون ومو عارفين قصتي 

وراح اتغدا ربع صدر ديايه وصحن سلطه


والعشا يكون روب او كيوي ٢
مرتااحه مع هالنضااام

 

[dantella]

سمبلي وباشن ولهت عليكم وااااااااااااايد
انا الفتره الي طافت كنت اجازه رعايه امومه وخلصت امس وداومت وكنت اسوي اجراءات نقلي لان دوامي بعيد ودام صار في بيبي ابي مكان قريب يم بيتنا
فكنت حوسه شوي وتعبت ماقدرت ادش النت
بس انتو على بالي حيييييييييييييييل
وناااااسه انا دبلتي صارت وااااااسعه خخخخخخخخخ احسن عشان اقول حق بو الشباب يشتريلي وحده يديده خخخخخخ
شلونكم مع الرجيم؟
سمبلي ما طلعت نتيجه تحليلج؟
جنات بلشتي الرجيم اليديد؟

 

[dantella]

سمبلي لحقي البنات قامو يلبسون تريننجات من الحين خخخخخخ حدهم مستعيلين خرعو البرد والله
بس شرايج بالجو مو فله؟

 

[dantella]

جناااااااات شلونج مع الرجيم اليديد؟
جم صارج ماسكه معاه؟
نزلتي شي؟

 

[Jnaaaat]

هلا دانتيلا
من امس باديه فيه وان شاااااءالله الاسبوع الياي اقولكم جم نزلت وان شاااااااءالله انزل عليه

 

[Jnaaaat]

دانتيلا صرتي ٧٨

 

[dantella]

لاااااااا ثبت عال79 بس الشكل العام كاشه خخخخخ

 

[Jnaaaat]

ام انووووسه وينج فقدنااااج

 

[Jnaaaat]

سيمبلي شصااار علي تحليلج ؟؟؟

 

[passion.666]

بنات توني راده من الممشي الجو موطبيعي خذيت العيال معاي خليتهم بالالعاب وانا مشيت ساعه ونص مافي تعب والجو يهبل بس امس ابرد من اليوم

 

[passion.666]

بنات وين همتكم
شدو الحيل
ام رنود
دانتيلا
جنااااات
دبه موت
سيمبلي
فرس 86
وينكم
اليوم استغربت وانا يايبه اليهال من المدرسه مرت الجمعيه ولاشوف وحده لابسه بوت شدعوه خرعتو البرد
جونا لحد الان مو مال ترينج شتوي ولا بوتات
الله يهداكم ليش التهول بعمركم
الحمدالله ربي العالمين