تجمع قروب passion لرجيم اتكنز المرحله (1)

[simple.girly]

اقولكم شي ما تصدقونه وايد العيد يونسني لازم اشتري كل شي يديد كفر فراشي اهدوم العيد حتى لو عادية لازم يديدة وانتو بكرامة جوتي العيد لفة العيد *واضحكم بيجامة العيد والاندر وير لازم يديد *وسبحة العيد لوووول اعيشه ابكل اجوائه كثر ما اقدر حتى لو عندي حزن*

 

[Jnaaaat]

سيمبلي فديييييتج والله شكثر احبج عسي ربي يحقق كل امانيج ويطرح فيج البركه

بنات انا اليوم ماراااح اخربط ان شاءالله لاني رديت لاتكنز ومصررره انزل ٤كيلو هالاسبوع

واتكنز الاكل يكون راااهي ودسم ويشبع مايحتااااج تجوين

بروح المطعم بعد شوي ان شاءالله اتغدا ومااااارااااااح اخربط مااااااراااح اخربط واذا خربطت راااح اسوي ريااااضه وارقص رقص اطير اللي خربته

لانه قبل امس باديه بالرجيم وشفت نتيجه مرضيه 
يلاااا عيدوووووو

 

[dantella]

السلام عليكم
عيدكم مباااااارك
عسى يومكم كان حلو
باشن شلونج ياقمر
سمبلي فديتج عمت عين العدو .... عاد تصدقين حتى بيتنا طقوس العيد لابس بجامه العيد بس عاد مو كفر العيد خخخخ بس والله خوش فكره جني بطبقها
جنااااااات شلون بتقاومين حلو العيييييييد ماقدرت اقاوم كلش كلش كلشاهو كيك اهو كنافه اهو بسبوسه او خرااااب خرااااب والله خراب
بس يلا احاول اعوض باجر
ام عزيز ماعليج لاتستعيلين راح ينزل كل ما قربتي من الوزن المثالي بكون النزول ابطئ

 

[Jnaaaat]

شلووونكم بنااات وشلووون اجواااااءالعيد وشلووون الكشخه معاااكم


واهم شي شلووون حلو العييييد
الحمدلله انا مسكت نفسي عن الحلوو بس كليت شوي حلو ماكثرت
ورقصت رقص مع خواااتي
وماتعشيت

والله يعييين يااارب

 

[Jnaaaat]

وينكم بناااات 

يلاااا مااانبي كسل

يلاااياااارشيقاااات يااااا أنيقاااات

انا اليوم تريقت بيض مع فطر وشربت ربع كوب قهوه ماكملتها
وبعدين طلعت ماتغديت
وشربت قهوه مع كاكاو

بعدين تعشيت سلطه وكنت حدي تعبااانه احس بلووعه
ولا ارد البيت ماقدرت اتحرك من الم المعده
جان الله يكرمكم ارجع كل اللي كليته حتي ريوقي ماهضمته احس معدتي تعبااانه
وشربت ماااي بكثره
وبقعد ماراح اكل شي لي باجر عشان تتحسن شوي

 

[dantella]

وينكم بناااات 

يلاااا مااانبي كسل

يلاااياااارشيقاااات يااااا أنيقاااات

انا اليوم تريقت بيض مع فطر وشربت ربع كوب قهوه ماكملتها
وبعدين طلعت ماتغديت
وشربت قهوه مع كاكاو

بعدين تعشيت سلطه وكنت حدي تعبااانه احس بلووعه
ولا ارد البيت ماقدرت اتحرك من الم المعده
جان الله يكرمكم ارجع كل اللي كليته حتي ريوقي ماهضمته احس معدتي تعبااانه
وشربت ماااي بكثره
وبقعد ماراح اكل شي لي باجر عشان تتحسن شوي

سلامات ماتشوفين شر
هذا عشان ةتغيير الجو بدا يبرد فلازم شوي اتدفين ولا تخلين الهوا يحوشج الجو ملغم فايروسات

 

[passion.666]

شلونكم بنات شخباركم
عيدكم مبارك
الحلو مو طبيعي
والزوارات كله بلع وخرابيط واكل
ببلش من يوم الخميس رجيم اتكنز
صدقون خايفه اصعد على الميزان واكون زايده
الصراحه عيدت بالاكل الزوارات والمطاعم
باجر بروح الخيران يعني العيد كله تخربط
بنات صدقون كل ما اكل معدتي تعورني مع ان الكميه مو وايد
الله يستر

 

[dantella]

انا نفسج باشن حتى لمن باكل بسرعه اشبع تالي احس بغثيان وتنسد نفسي بسرعه
لان المعده تصغر وتتعود على كميه معينه من الاكل بس الاهم انها لاترد تكبر
بس احلى شي النيولوك ياحلات اللبس يصير واااي وناسه يارب لانرد الي خسرناه

 

[Jnaaaat]

هلااا باااشن هااا ماقلتيلنا رده فعل اهلج لمن شااافوج بنيو لوووك ؟؟؟؟

 

[ام أنوسه و رنود]

وانا معاك ياباشن اببدأ بريجيم اتكنز من يوم الخميس بأذن الله لاني صرت اخاف ارجع للوزن اللي كنت عليه قبل ونسيت اعيد عليكم

عيدكم مبارك

 

[dantella]

سمبليييييييييي وينج

 

[Jnaaaat]

السلام عليكم شلووونكم بنااات شخبااااركم
لاتصيروون جذيه التجمع صاااار ممل محد يدخل

 

[ام أنوسه و رنود]

كيفكم بنات
بنات لحقوا عليه صايره ما اقدر امسك نفسي احس اني ضعت يعني ماتفرق معايا اكل حلى ومكسرات
سبحان الله قبل العيد اشوف الحلويات اشكال وانواع عادي عندي اقدر اتحكم بنفسي لكن الاوقات هذي صعععععععععععععععععععبه وحبيت اقترح ياباشن تكتبي لنا ريجيم واحنا نمشي عليه يعني نتقيد فيه عفي عفيه عفيه باشن الله يسعدك ياباشن عندي مناسبه وباقي عليها اسبوع وشويه ابي نيولوك بللللللللللللللللللللللللللللللللللللللللللللللللللللللليز

 

[dantella]

ام انوسه ميخالف عشان العيد
بس من اليوم او بكره نحاول نرجع لنظامنا القديم
كلنا مو بس انتي استانسنا بالعيد عادي
العيد له خصوصيته مايات عالعيد
حاولي اليوم او بكره ترجعين حق اتكنز
انا لعبت لعب بالاكل وهم خايفه اطل طله بالميزان خخخخخخخ
بس من اليوم راده علي اتكنز ان شالله بس خلاص خلص العيد

 

[passion.666]

صباح الخير بنات شلونكم
اليوم اول يوم رجيم
وان شاءلله انزل يومياتي بالليل
شدو حيلكم
الصراحه بالعيد ما رحمت نفسي بالحلو شي عجيب وغريب لان شهر محرومه منه فحطيت حرتي فيه
بس الصراحه النيو لك اللي طلعت فيه مو طبيعي
البنطلون. يهبل علي وعليه حزام عريض والخصر صغير
امبيه الكل يخز ويطالع بس محد يتكلم ولا وحده تعلق
والله يحفظهم بناتي يمي كل ما ارفع عيني اشوفهم يخزون ولي تضحك بويهي اللي تخز موعاجبها جني بايقه زوجها واللي نفسها خايسه الطالع من فوق لحدر
استغفرالله العظيم
الناس موعاجبهم شي نهائيا
اذا لبست وكشختي انقهرو وعطوج نفس خايسه وقالو شايفه عمرها
واذا خليتي عمرج عاديه قالو عنج خايسه مهمله بعمرها
فعلا الحسد والحقد منتشر بين قلوب الناس
ما اقول الله يهديهم ويصلحهم
فعلا الناس مستويات من الناحيه التفكر
واقل مستوي ومتدني اللي يفكر بالناس وشايل همهم وذنبهم
الله يصلحنا ويصلح المسلمين ويهدينا ويهدي المسلمين

 

[dantella]

اهم شي ان طلعنا بنتيجه حلوه ولا الناس ماتعطي خير
وان شالله نرد علي نظامنا عشان لا نسترجع الي خسرناه
يلا شدو الاحزمه

 

[ام أنوسه و رنود]

كيف الحال
ان شاء الله اليوم اببدأ برجيم الاناناس و الكيوي لمده اسبوع

 

[ام أنوسه و رنود]

وش رايكم فالريجيم ومين تشاركني علشان نتحمس

 

[dantella]

والله ام انوسه انا ما اقتنع برجيم النوع الواحد يمللج وماتقدرين تستمرين يومين على بعض
لاتضيعين وقتج وردي على اتكنز او اي رجيم عادي بس في تنوع

 

[ام أنوسه و رنود]

دانتيلا وانتي صادقه اليوم بديت باتكنز مع اني كنت ناويه علر ريجيم الاناناس بس حسيت يبيله وحده مروقه ماعنده شيئ