تجمع لأولياء امور طلبه مدرسه الرساله ثنائيه اللغه

[روض81]

رد : تجمع لأولياء امور طلبه مدرسه الرساله ثنائيه اللغه

مرحبااااااااااااااااااااا انا ولدي 1d منو ولدها معانا
و بنوتي kg2 الاخوة

 

[سر القلوب]

هلا بينك انجينيرا
الحمدلله على السلامة ومبروك مايبتي تتربى بعزج ان شاء اله وشنو سميتيها ؟؟ ببوق الاسم ماتدرين يمكن فيني بنت واسميها مثلكم

ياااارب فيني بنت لووووول مو وقته

حبيبتي انا الحين اقولج على المدرسات بس بشرط تقوليلي منو اللي تكلمج من خشمها !!!
العربي : هدى تهبل تهبل تهبل تهبل وتاسيسها قوي لابعد الحدووووووووود وصج روعة وماشاء الله عليها مخلصة وتحب اليهال وتتحملهم
الانجليزي :هدير مااعرفها يديدة العام ماكانت موجودة
رياضيات : خوله تهبل تهبل تهبل تهبل وتاسيسها قوي لابعد الحدووووووووود وصج روعة وماشاء الله عليها مخلصة وتحب اليهال وتتحملهم
قران: عايده و ساميه عايدة تهبل وحبوبة وطيبة وفقيرة بس سامية ماااعرفها يديدة وهالسنة اهي بعد تدرس ولدي والله يستر اذا مو اهي اللي نفسها بخشمها
كمبيوتر:ايمان رهييييبة وهااادية وحبوووبة ومتفهمة وضع الصبيان ومتحملة شطانتهم ودايما تقول عادي موشياطين وولدي يموووت فيها
اجتماعيات: هند عادية لازينة ولاشينة واتوقع ان قصدج اهي مادري ليش
مهارات سلوكيه:شهد زينه بس وااايد تتشكى من اليهال موراضية تقتنع انهم اولى واولاد دايما شياطين وفيهم مايخطيهم بس اسلوبها مع الامهات زين ومحترمة نفسها
بدنيه: نهى عجييييييييبة وحبوبة واليهال يحبونها وهادية هههه اذكر اول مرة شفتها باللقاء قلتلها انا ام فلان جان تقولي عرفتك من صوتج نفس بحت ولدج قلتلها اي انا صوتي فيه بحة جان تقولي آه زي صباح وانتي كمان شبه صباح لووووووووووول صدمتني قلت اشوة ابو العيال مومعاي عاد بروحي مااواطن صباح والله بسبتها بغيت اسوي عمليات تجميل لووول تتغشمر



وانا ولدي العام كان 1 بي بعد واي شي تبين حبيبتي حاااضر بس ماقلتيلي منو تدرسه علوم ؟؟

روض حياج الله انت وبنتج وان شاء الله البنات يفيدونج


وانا ابي اسال منو ولدها او بنتها بثالث ابتدائي يالله هللو علينا حبايب قلبي

 

[pink Engineerah]

بعد قلبي سروره ما قصرتي اولا هدير هي العله اللي مو طايقه روحها ولا اليهال وولدي من امس يبجي ما يبي يداوم بسبتها اهو مسكين وضعه الصحي مو ذاك الزود وصوته حييييييييييل قصير وطايحتله زف اللا يطول صوته كسر خاطري باجر مقابلتي معاها ببرد جبدي فيها

سميت بنتي الجوري وبعدين غيرت رايي وسميها الزين وللحين ما طلعنا الميلاديه في مجال اغير خخخخ الله يقومج بالسلامه بس احس فيج ولد خخخخ حامض عليج الوردي طالعيه من بعيد بعدين سلم الصبياااان والله يا حلوهم

ما عندنا علووووووووووووووم بالجدول ليش ؟؟؟؟

3 حصص انجليزي باليوم ليش ؟؟؟

ماكو دفاتر خير شر ليش؟؟؟

ما عطوه اللا كتب الرياضيات والعربي ليش ؟؟؟

وين العلوم والدين والانجليزي وباقي المواد؟؟؟؟

صح عطونا كتاب التربيه الوطنيه هو نفسه الاجتماعيات ؟؟؟ والسلوكيه لها كتاب او لا ؟؟

يا ريت تفهميني نظام امتحاناتهم املاءهم وشلون يقيمون الولد بالدرجات ؟؟؟

وعسى الله يرزقج البنيه الصالحه ولو انه فيج ولد خخخخخخخخخخخخخخخخ

 

[pink Engineerah]

هلااااا روض انا ولدي ب كي جي 2 الفردوس يا حلوهم يونسوون وولدي حده مستانس الله يتمم عليه شلون صف بنيتج وابلاتها؟؟؟

 

[بنوته80]

رد : تجمع لأولياء امور طلبه مدرسه الرساله ثنائيه اللغه

مرحبااااا حبيت انظم لكم ولدي 1سي وبغيت اسالكم عن ابله نوال ابله العربي احسها شديده....... وثانيا ليش الرياضيات بالعربي على شنو اجل ثنائية لغه ........ ووين كتب الانجليزي .........وليش مافيه واجباات




كويتيات احس المدرسه مو مستعدة ايش رااايكم انتوااا

 

[ككاو بونجوم]

مرحبا شاخباركم حبايبي خاصة مع التدريس انا ولدي ب1c الله كريم
تحياتي لكم

 

[ككاو بونجوم]

اهلين بنوته انا ولدي مع ولدج :ggdw:

 

[روض81]

رد : تجمع لأولياء امور طلبه مدرسه الرساله ثنائيه اللغه

الله يحيك و مبروك البنوتة وتتربا بعزكم انشاللة
انا و دي اقول ان المدرسة الواجبات فيها بس انجليزي و قران و الكتب بالتقسيط كل يوم انجلد كتاب و بنتي بكيجي2الاخوة المعلمات الانجلش اهما اللي شفتهم وبنتي لحد الحين ما عطوها شي مو نفس ولدي العام وكلة لما اسالها تقول المس تقول نامو ؟

 

[سر القلوب]

بعد قلبي سروره ما قصرتي اولا هدير هي العله اللي مو طايقه روحها ولا اليهال وولدي من امس يبجي ما يبي يداوم بسبتها اهو مسكين وضعه الصحي مو ذاك الزود وصوته حييييييييييل قصير وطايحتله زف اللا يطول صوته كسر خاطري باجر مقابلتي معاها ببرد جبدي فيها

سميت بنتي الجوري وبعدين غيرت رايي وسميها الزين وللحين ما طلعنا الميلاديه في مجال اغير خخخخ الله يقومج بالسلامه بس احس فيج ولد خخخخ حامض عليج الوردي طالعيه من بعيد بعدين سلم الصبياااان والله يا حلوهم

ما عندنا علووووووووووووووم بالجدول ليش ؟؟؟؟

3 حصص انجليزي باليوم ليش ؟؟؟

ماكو دفاتر خير شر ليش؟؟؟

ما عطوه اللا كتب الرياضيات والعربي ليش ؟؟؟

وين العلوم والدين والانجليزي وباقي المواد؟؟؟؟

صح عطونا كتاب التربيه الوطنيه هو نفسه الاجتماعيات ؟؟؟ والسلوكيه لها كتاب او لا ؟؟

يا ريت تفهميني نظام امتحاناتهم املاءهم وشلون يقيمون الولد بالدرجات ؟؟؟

وعسى الله يرزقج البنيه الصالحه ولو انه فيج ولد خخخخخخخخخخخخخخخخ

هلا والله الجوري حلو والزين حلو والله يخليها لج ويبلغج فيها ربي عروس

انا اخر يومين ياني احساس ان فيني ولد وانا عندي ولدين ابي الوردي بس الظاهر ماكو نصيب هالمرة لا الولد ولا البنت انا ينزل معاي دم واليوم الدكتورة قالتلي الحمل ضعيف واحتمال ينزل عطتني مثبتات والله كريم اذا الله كاتبلي هالولد والا البنت حياهم الله وذا مالله كاتبلي عسى الله يعوضني ان شاء الله انا احساسي كبير اني راح اجهض والحمدلله على كل حال ربي مايسوي الا الزين يا أم الزين

الحين ندش بسوالف الرسالة

بالنسبة حق مدرسة الانجليزي لاتسكتين لانها مادة حيوية ومهمة ومهم ان ولدج يحبها ويتعلق فيها والا جان مادخلتيه ثنائية لو المادة موهامتج وانصحج لما تكلمينها كلميها بالموضوع جدام الاخصائية دجانة وشهديها على كلامج وقولي انا ابي المقابلة هذي تنكتب عندج انتي يا الاخصائية دجانة يعني تصير مثل المحضر اهم يايين من الروضة يعني طبيعي اللي يصير وفوق هذا صبيان يعني اذا موقد المسؤوليه وموماخذة علم نفس الطفل موكفو انج تكونين بهالمكان
وقوليلي شيصير معاج

ثانيا بالنسبة للعلوم احنا السنة اللي فاتت كان عندنا علوم بس بصراحة كان وايد صعب على اليهال خاصة انه بالانجليزي ولغتهم توها قاعدة تتاسس موكلشي يفهمونه حتى ولدي كان كل مانحل هووم ورك العلوم يقول ويييييع وييييع كريه

وانا لاحظت من رسالة معلمة العلوم هالسنة انها تقول بتشوفون تغيير في مستواهم وخاصة انهم صاروا يستوعبون اللغة الحين
ولاحظت ان اللي قاعد ياخذونه الحين نفس اللي خذيناه السنة الماضية

فاتوقع انهم ماراح يعطونهم علوم في اولى ابتدائي وبيكثفون اللغة الانجليزية عليهم عشان السنه الياية يكونون مهيئين اكثر
واذا كان توقعي صح بصراااحة يكون عين العقل اللي سووه وخوش خطة وتصرف ، الله يعافيج سالي عن هالنقطة باجر وبلغينا

ثالثا مثل ماقلتلج اهم بيكثفون الانجليزي

رابعا ماكو دفاتر مادري والله حنا العام طلبونا دفاتر وااايد وهالسنة خذوا من عندنا دينارين ونص والدفاتر منهم ماعدا الانجليزي احنا شريناه والسبب انهم يبون يوحدون الالوان للدفاتر عشان جذي الدفاتر منهم
بالنسبة لكم والله مادري وهم ساليهم وبلغينا خلي الكل يستفيد الله يعافيج

خامسا الظاهر ان الكتب موكلها واصلتهم لان احنا عطونا الكتب بالتدريج الرياضيات اول بعدين العربي واخر شي كان الاسلامية
نطري عليهم وبيعطونهم بس بالنسبة للانجليزي مايعطونكم الكتاب دايما يكون بالمدرسة اوراق العمل اللي تشوفينها هذي تكون مصورة من الكتاب ولما تروحين تقابلين الابلة تقدرين تقوليلها بطلع على الكتاب او حتى اذا بتصورينه مايقولون شي انا العام صورته انا وجم وحدة من البنات بس بصراحة ماستفدت منه
العلوم مافيه كتاب نفس الشي عند الابلة اعتقد نسخة وحدة وتصورلهم منه اوراق العمل اللي تشوفينها ومايهم انه الكتاب يكون عندنا لان شرحهم غير واحنا مانعرف شنو مطلوب منهم بالدرس كمعلومة يعني خليها على المدرسة وانتي خليج معاه باوراق العمل وانا كنت لما يعطونه ورقة العمل ادش على النت وبالانجليزي اطلب صورة الدرس واشرحله فكان يستانس وعموما انتو شكلكم ماعندكم علوم يعني معلومة حق ثانية ان شاء الله

سادسا الوطنية اهي نفسها الاجتماعيات
والسلوكيات مافيها كتاب اهي عبارة عن قصص ترويها المدرسة للاولاد ويستخلصون منها الحقيقة اللي يبونها ويطبقونها في جميع الفصول يعني مثلا الصدق او احترام الكبير فالمدرسة تقيم درجته على اساس انه يستمع وينصت للقصة وانه يناقشها ويستوعبها صح والاهم انه يطبقها يعني تسأل جميع مدرساته عن سلوكه حول الحقيقة المطلوبة طبقها في الصف عند العربي والانجليزي وهكذا اتمنى انج فهمتيني

وموبعد قصص لا هم بعد يشوفون افلام عن السلوكيات يعني احنا راح يشوفن اخر مشهد من فلم الرسالة ومن هالنمط

اولى اختباراتهم شهرية مافي فاينل طبعا عادي العربي املاء والرياضيات يقولولج من الصفحة الفلانية الى الفلانية والاجتماعيات مثل اوراق العمل اللي عندنا نفسها توزعها بالصف والانجليزي املاء وتوصيل يعني اشياء سهلة شفتي اوراق العمل لجميع المواد نفس هالنمط ايي الاختبار

وطولت عليج بس اي شي تبين لايردج حبيبتي الا لسانج الطويييل :O_SHH_:هذا اللي يقول ان فيني ولد غصب طيييب لووووووووول لاتزعلين حبيبتي اتغشمر:ssssso:

 

[سر القلوب]

رد: رد : تجمع لأولياء امور طلبه مدرسه الرساله ثنائيه اللغه

اهلين بنوته انا ولدي مع ولدج :ggdw:

مرحبااااا حبيت انظم لكم ولدي 1سي وبغيت اسالكم عن ابله نوال ابله العربي احسها شديده....... وثانيا ليش الرياضيات بالعربي على شنو اجل ثنائية لغه ........ ووين كتب الانجليزي .........وليش مافيه واجباات




كويتيات احس المدرسه مو مستعدة ايش رااايكم انتوااا

ياحلو كاكاو بونجوم هاليومين طايحتله طيحه

ابلة نوال مااعرفها اعتقد يديدة بس العربي مادة مهمة وظروري انه المدرسة تكون شديدية وشخصيتها قوية لانهم يهال واذا شربو مرقة الابله صعب تعيد تهيئتهم وبالتالي بيعاندون وماراح يهتمون لشرحها واحنا الخسرانين عيالنا ماراح يستفيدون بس اهم شي ماتكسر فيهم

بالنسبة للرياضيات بس اولى وثانية وثالثة وبعدين بتقلب بالانجليزي برابعة وانا احس هذا افضل خل تتكون عندهم حصيلة حلوة بالانجليزي تالي يصير خير صدقوني خطوة خطوة احسن من الطمرة من الاول وحتى الرؤية ترى نفس النظام برابعة يصير انجليزي بس من العام بلشو من اولى ابتدائي انجليزي تجربة يديدة وماودنا احنا نخوضها على حساب فلذات اكبادنا هذا رايي والله المستعان

بالنسبة للانجليزي الكتب في المدرسة مثل ماقلت حق بينك انجينيرا وتقدرين تتطلعين عليه او تصورينه وماراح يفيدج بشي انا العام صورته ومااستفدت

وانا اشوف المدرسة وااايد زينه لاتستعيلون في الحكم والله كريم وان شاء الله كلنا نشوف اللي يسرنا بعد موشوية دافعين دم قلوبنا

 

[بنوته80]

رد : رد: رد : تجمع لأولياء امور طلبه مدرسه الرساله ثنائيه اللغه

ياحلو كاكاو بونجوم هاليومين طايحتله طيحه

ابلة نوال مااعرفها اعتقد يديدة بس العربي مادة مهمة وظروري انه المدرسة تكون شديدية وشخصيتها قوية لانهم يهال واذا شربو مرقة الابله صعب تعيد تهيئتهم وبالتالي بيعاندون وماراح يهتمون لشرحها واحنا الخسرانين عيالنا ماراح يستفيدون بس اهم شي ماتكسر فيهم

بالنسبة للرياضيات بس اولى وثانية وثالثة وبعدين بتقلب بالانجليزي برابعة وانا احس هذا افضل خل تتكون عندهم حصيلة حلوة بالانجليزي تالي يصير خير صدقوني خطوة خطوة احسن من الطمرة من الاول وحتى الرؤية ترى نفس النظام برابعة يصير انجليزي بس من العام بلشو من اولى ابتدائي انجليزي تجربة يديدة وماودنا احنا نخوضها على حساب فلذات اكبادنا هذا رايي والله المستعان

بالنسبة للانجليزي الكتب في المدرسة مثل ماقلت حق بينك انجينيرا وتقدرين تتطلعين عليه او تصورينه وماراح يفيدج بشي انا العام صورته ومااستفدت

وانا اشوف المدرسة وااايد زينه لاتستعيلون في الحكم والله كريم وان شاء الله كلنا نشوف اللي يسرنا بعد موشوية دافعين دم قلوبنا

فديتج سر ماااقصرتي والله وفيتي وكفيتي والله يوفق لج اوليج يااارب
وعلى قولتج نصبر ومانستعيل عليها

 

[بنوته80]

رد : رد: تجمع لأولياء امور طلبه مدرسه الرساله ثنائيه اللغه

اهلين بنوته انا ولدي مع ولدج :ggdw:

الله وناسه اطلعوا اعيالنا بصف واحد على الاقل انتبادل سوالف الصف ........ككاو انا ولدي صعب لو اموت ما يتكلم عن المدرسه حده كتوووم بس مو حااب ابله نواال انتي شخباار ولدج .......

 

[سر القلوب]

رد: رد : رد: رد : تجمع لأولياء امور طلبه مدرسه الرساله ثنائيه اللغه

فديتج سر ماااقصرتي والله وفيتي وكفيتي والله يوفق لج اوليج يااارب
وعلى قولتج نصبر ومانستعيل عليها

الله يسلمج حبيبتي ماقصرتي على الدعوة الحلوة وويوفق لج وليدج وتشوفينه دكتوووووور ياارب

 

[pink Engineerah]

واااااااااااااااااااااي كتبت رد شطووووووووووووووووووووووووووووووووووله وانمسح ببجي
سر اسمحيلي باجر اعيده

 

[سر القلوب]

ههههه يالله باجر ناطرتج ومرة ثانية لماتكتبين الرد سويله كوبي قبل لاتعتمدينه احتياط عشان اذا انمسح حبيبتييييييييي

 

[بنوته80]

رد : تجمع لأولياء امور طلبه مدرسه الرساله ثنائيه اللغه

سر... ياحسرتي على هالخسااير ومايطلع دكتوور خخخخخخخخ والله فقارا يتعبون مايردون الا متاخر.........اليوم المدرسه والله مسخره الصبح الحارس سكر الباب قبل الساعه 7 ونص والعالم زحمه على الباب مو راضي يفتح كله متعاند مع ولي امر اعياله بالروضه ويبي يمر من باب المدرسه والحارس عند وقفل الباب وولي الامر يقول كل يوم امر عادي ليش اليوم لا .. وهو صاج ليش ما بلغوه من قبل انه ممنوع والا جذيه طق براسهم ........... حرام فيه شايب عصب وقعد يطق الباب بعصاته مسكين يكسر الخاطر ......

 

[سر القلوب]

حبيبتي بنوتة الله لايخسر التعب ان شاء الله ونشوفهم باعلى المراكز والمناصب يارب

وبعدين اش هالسالفة اللي صارت اليوم وييي موحلوة على المدرسة الله يهديه الحارس عاد انا اعرفه حليو وفقير مو الهندي القصير وعنده كرشة وويهه مدور اش فيه اليوم مقفل

المفروض يحترم اولياء الامور ويقول حق ولي الامر الروضة ( بابا مايصير انت يجي من هاذا باب انا اليوم مومشكل اخليك يجي مني بس بكرة مايصير بابا الله يخليك بعدين مديرة يسوي جنجال حق انا ) لووووووووول انا الي فاصلة مو الحارس

لا والله صج جان فاصله من باجر روح من باب الروضة ولا هاللوية اللي سواها الله يهديه

المهم اشلون ولدج الحين تاقلم والا بعد ؟

 

[بنوته80]

رد : تجمع لأولياء امور طلبه مدرسه الرساله ثنائيه اللغه

سر هذي لج:nbvppw:ولدي متاقلم بس مو حيل مسكين من اول يوم ادخاطره يشتري من المقصف وموقادر مع اني احط له الاكل .............حلوه فصلت الهندي ...بس ترا الحارس مو الهندي المصري ....... تعالي سر ولدج اي قريد ...............ككاو بونجوم وينج ياقلبي لا حس ولا خبر

 

[ككاو بونجوم]

السلام عليكم
الله يسعد ايامكم انشالله ويريح بالكم ويوفق اولادكم
سر مشكوره عالمعلومات
بنوته والله ماأفضى ارجع من الدوام ادرس وبعدين اجهز شغلي للدوام
بالنسبه لولدي ليم الحين اوكي
بس ابلة الرياضيات معطتنا طاف لاتدز رساله ولاشي وقاعده اشوف كتاب التلميذ مايحل فيه ولاشي
رحت ودزيت لها ورقه اليوم مع ولدي استفسر
جان ترد علي ان كتاب التلميذ بعد مايخلص كتاب التمارين يبطل الثاني يحل واللي مايمديه يحله بالبيت
بصراحه بطت جبدي انزين كتبي ورقه قولي ان الطالب لازم يحل كتاب التلميذ بالبيت جم صارلنا ماخذين الكتب والولد كتابه فاضي ابيض اللهم كتاب التمارين اللي يحل فيه
وسلامتكم حبايبي

 

[ككاو بونجوم]

صج بالنسبه للمقصف
ناجتس وبيتزا شالسالفه هذا اكل صحي