تجمع مواليد ( مارس & ابريل ) 2014 الله يحفظهم

[fofowa_q8]

حمره انتي احسن مني انا اذا امي او خواتي موموجودين

وباخذ شور ادخل كرسيه معاي تكرمون الحمام واخليه

معاي واحط له العاب واتسبح بسرعة البرق

الوسواس موزين والله احاول اكون متساهله اكثر

بس مااقدر

 

[حمرة الورد]

لووووول فوفو امبلى والله نفسج بس اهم اثنين الحين وعبودي كبير مااقدر أحطه بالحمام عشان جذي أحطه بداري وتخيلات وكل دقيقه مسكره الماي اسمع صراخ واعوذ بالله أفكاري الله يحفظهم يارب

 

[baa6aa]

انا ماخذه من مذركير كرسيها حق الاكل و من سنتر بوينت الكرسي اللي عالكهربه الهزاز اللي فيه اغاني بعد عشان اذا بلهى عنها شوي احطها فيه و اربطها عدل واخليها تحوس .. بس الحين باديه انها ماتحب الحكره فبشتري لها حباسه عشان تقلب على كيف كيفها و شفت ان بعضهم يكون فيه شي يتثبت من فوق عشان اذا كنت بغير لها واهيا بالحباسه استانست عليهم صراحه فبفتر عليهم عشان اخذ لي شي حقها

 

[fofowa_q8]

ههههههه حمره حالتنا مزريه

اي والله يخليهم ويحفظهم من كل شر


بطه اي انا شايفه هالحباسة بسنتربوينت

بس كرسي الاكل مال مذركير كبير عليه احس

اهو مايقعد لي الحين

 

[Q8_QT]

شلونكم بنات شخباركم





بنات انا دايما عندي هالمبدأ استودعهم الرحمن واهو الحافظ الوسواس مامنه فايدة صدقوني





فوفو




انا ماخذه من ماماز اند باباز كرسي نفس كرسي الاكل بس صغير يصلح من عمر 3 شهور واااايد زين استخدمته حق ولدي والحين بستخدمه حق بنتي لما ابدا اوكلها واهو موشرط للاكل تقدرين تخلين الياهل فيه وتخطين له العاب ويلعب او توكلينه براحتج وهم ممكن تحطينه بالارض او غلى طاولة وتاخذينه معاج لما تطلعين زوارة لان حجمه صغير وحلو روحي هناك وشوفي

 

[baa6aa]

صح كرسي ماماز اند باباز عجيب
ب 30 الخالي و 37 اذا تبين معاه الالعاب اللي تتعلق عالطاولة
ويظل لي عمر الياهل اكبر من سنه .. و حاطين شي نفس ربل يصير لين حق الياهل بعمر الاشهر عشان يثبته و يضيج المكان عليه و اذا كبر ينشال من اسهل مايكون و يصير حق عمر اكبر
وحجمه حيل حلو ينحط معاج بكل مكان حتى على طاولة الطعام تقدرين تخلينه

 

[fofowa_q8]

شوقتوني شكلي بروح اشوفه

حمره شريتي حق العيد؟

 

[حمرة الورد]

هههههه فوفو الله يعين
كيوت مو بالكيف صدقيني انا توصل فيني اقعد بنص الليل وأمسك رقبتهم اخاف كارتهم الخدامه اعوذ بالله جنون مو بس وسواس الله يحفظهم

وهذا أهو الكرسي صح وجنه تقدرين تحطينه فوق كرسي مثلا طاوله الطعام حقتكم على الكرسي ويأكل معاكم حلو الكرسي

فوفو خلصت رحت الصالون وفصلت بدله وعبايه والحمدلله بس اجهز حق استقبال بعد العيد

 

[baa6aa]

انا قبل فتره شاريه هدوم ستايل غير عن ستايلي فتحسفت البسهم قلت اخليهم لي العيد استقر على شي .. مافيني افتر من يد و يديد عشان اشتري

 

[حمرة الورد]

بطه زين سويتي والله الأسعار نار نار ادري والله في ناس بحاجة الفلوس هذي بس مرات مافي وقت وهم مانلاقي الي بخاطرنا حاولو تتصدقون ولا تشترون لبس اذا تعرفون احد محتاج نفرحهم بالعيد حتى لو لبس عيالنا الله المستعان شكثر نشتري ونكود

 

[fofowa_q8]

صاجه والله حمره هدومنا شكثر مكوده وكله نقول ماعندنا

توني قاعده اطلع هدوم عبود في اشياء صغرت عليه

ولا لبسها حرااام وفي بدلات ماركات مالبسهم الا لبسة

وحدة .. الله لايغير علينا الا للافضل

امبيه حمره انتي نفس حركاتي انا كل شوي بالليل

احط ويهي عند خشمه اتاكد يتنفس او احط راسي

على صدره اسمع قلبه الحمدلله والشكر مادري شهالوسواس

وادري انه طبع مو زين بس مااقدر

 

[fofowa_q8]

عليكم بالعافية بطه وحمره

انا اليوم غسلت البروتين شعري صار فيه لمعة

ونعومته حلوة ان شاالله تدوم النتيجة ومايطيح

 

[حمرة الورد]

الله يعافيج فوفو
اي الحمدلله لا ان شاء الله يوقف التساقط بس لازم تاخذين فيتامينات واشياء خاصه بالشعر وانا أحط يوميا دهن بعد

 

[خوخه89]

فوفو وحمره امي اتداوم وام ريلي مابي اخلي بنتي عندها هي دوم تسافر ولاتهتم حق عيالها فما بالج حفيدتها مابي

وعلى الدراسه شغلي مارضو يطلعوني والجامعه قالو بيفصلوني لان مايصير اعتذر دراستنا صعبه وسياستها خايسه

واليوم رحت الحضانه اللي فيها كيمرات وحطيت اسم بنتي وارتحت وايد للمكان والبيبي المريض مايخلونه يداوم لازم يقعد فالبيت مع امه لين يشفى عقب يرجع الحضانه ونظامهم مسلي انا يوم شفت اليهال مستانسين فرحت معاهم خخخخخ بس للحين فالويتنق لست

وعلى القعده بنتي للحين ماقعدت ولاتزحف الا شبر بس انتوا شلون على عيالكم ؟

 

[Q8_QT]

مسا الحير يا حلوات





تصدقون انا شارية حق عيالي بدل للعيد من امريكا وسوالف بس الحين عيدنا بيكون بجبد اجروا ياخور فما يصلحون
بروح اشتري لهم بلقط قلت من نكست وزارا ابي سوالف عملية وحلوة وتصلح حق هناك وابي بعد جم طويل اذا شفتوا شي حلو حق الصبيان قولولي بنتي الحمدالله عندها وايد

 

[Q8_QT]

خوخة




حسافة ليش مارضوا دوامج حاولي فيهم مرة ثانية وزين سويتي دخلتي بنتج حضانة انا أأيد هالشي ودام في كاميرا احسن بعد تطمنين





بنتي بدت تتقلب لان تنام على بطنها هالشي يساعد وتفتر فديتها بس بعدها ماقعدت

 

[fofowa_q8]

الله يعينج خوخه ان شاالله تكون الحضانة زينه

باجر ريلي بيرجع وحوسه عندي

احس جنه توني طالعة من النفاس

 

[مآيكبرني نك]

ينعاد عليكن صبايآ


كيوت أخبارها بنوتتنا الحلوة ؟

فوفو لووول مبروك الطلعه ياعروس وقرة عينج

شدي حيلج ،

 

[MOOON&M]

فوفو قرت عينج مقدما الصراحه شعور حلو انج توج طالعه من نفاس لوووول انا ندمت اني رديت شقتي احلى شي لما تكونين ببيت اهلج وتطلعين بعد ال40

لشقتح احلى شعور


انا بنتي عكسكم ما تحبي بس تقعد وطلعلها ضرس واحد

صج حطيتوا بيبياتكم عالدراجه والا لا انا ما حطيتها وماشريت دراجه

 

[خوخه89]

فوفو قرت عينج ياعروووس يلا نبي بيبي ثالث ههههاي احس بتذبحيني

مون انا حاطتها صار لي شهر وصارت تتحرك فيها