تجمع نقدر و نبيها 10 لمدة شهر من تاريخه

[زوجة جوجي]

امس زوجي شرالي وي مع وي فت
بنات شي خطييييييييير ويني عنها من زمان

 

[قطوووة]

انا بعد وياكم

الوزن الحالي : 68

المطلوب : 55

انا كنت 55 وسمبتيك وان شاء الله ارجع ^_^

 

[سارونه87]

زوجه جوجي شنو هذا بعد ؟؟
شي يضعف ولا جهاز ؟؟

 

[ام الشوخ]

أنا اقترح انه ما يكون مفتوح عشان ما تصير خربطة
وهم أقول لو نخلي التسجيل لي عدد محدد وبعدين نسكر
وأنتو كيفكم
زوجة جوجي انتي فصلي واحنا نخيط

 

[زوجة جوجي]

قطوووة
حياج الله معانا وان شاء الله راح نلتزم و نصير كلنا سمبتيكات

سارونه
هذي لعبه قالت عنها ام الشوخ
جنج رايحه نادي بس انتي قاعده في بيتج
و فيها تمارين حق كل شي انصحج جربيها

ام الشوخ
خلاص عيل نخلي التسجيل نفس ما اهو لغاية اليوم الساعه 12 بالليل
و عقبها نبلش
يا احنا يا العشره كيلو

 

[آليشآآ]

قووووووووووووه


آنآ همن آبي 10

الوزن 57
الطول 153


من بآجر ببدآ رجيم اللبن والتمر

 

[زوجة جوجي]

يا هلا فيج اليشا
حياج الله معانا
رجيم التمر واللبن يعني طول اليوم بس تاكلين تمر و لبن ؟
و اشكثر مدته

 

[ام الشوخ]

أييئي ممتاز الجهاز ايهببببل
أنا اللي غرامي أزور بيت أهلي ماقمت أحب أزور من شريته لأني العب علي بالليل
وأنا بصراحه كنت مفكرة برجيم التمر
يالله اليشا أنا وياج من باجر
شوفي زوجة جوجي وي الله يهديج اسمج شطولة
المهم الرجيم جذي
الريوق 7 تمرات + 1قوطي روب
غدا 7 تمرات + 1 روب
العشا 7 تمرات + 1 روب
المدة اعتقد 3 أيام.
والله اعلم

 

[آليشآآ]

يا هلا فيج اليشا
حياج الله معانا
رجيم التمر واللبن يعني طول اليوم بس تاكلين تمر و لبن ؟
و اشكثر مدته

آنآ بآلاول مآكنت آعرفه بس خآلتي تقوول رفيجتهآ رآح نصهآ من هالرجيييم

رجيم و اللبن
و هو انك عندك ثلاث وجبات باليوم و مع كل وجبه تاكلي 7 تمرات و كاس لبن منزوع الدسم
يعني 21 تمره + 3 اكواب لبن + وماء فقط طول اليوم

من منتدى ثآآني


ريجيم التمر والحليب وهو عبارة عن:

تناول 21 تمرة و 3 أكواب من الحليب (قليل الدسم) يومياً.

أنا بديت فيه ونزلت كيلو واحد ومئتان جرام....في أول يوم...بستمر عليه وبخبركم عن النتائج.

يقال إنه ريجيم فعال وينزل الوزن بسرعة بدون أعراض جانبية..

وسر نجاح هذا الريجيم..

أن كل ثلاث تمرات تعطي حوالي 60 كالوري ، وأن كل كأس حليب متوسط الدسم يعطي حوالي 120 كالوري. لذا يكون مقدار الكالوري المتناول هو (7×60 =420) من التمر و( 3×120 = 360) من الحليب. يكون المجموع 780 كالوري يومياً.

هنا يكمن سر نجاح هذا الريجيم ، فهو ريجيم كالوري قاسي ، ولكن وجود التمر والحليب معاً يؤدي إلى حس شبع وارتواء معقولين عند من يفضل هذه الأصناف .
وكما هو ملاحظ فإن محتوى هذا الريجيم من البروتين ضعيف ، وهو 21 غرام فقط ، لكنه من بروتين جيد عالي القيمه الحيوية.

غير أنه يجب ألا يستعمل هذا الريجيم لمدة تزيد عن 6 أسابيع ، وإلا ابتدأت الأعراض الجانبيه الناجمه عن نقص البروتين والأملاح والألياف والفيتامينات بالظهور .
------------------------------

 

[سارونه87]

وين يبيعون اللعبه ؟؟
ابيها

 

[آليشآآ]

آم الشيووخ

^ آوكي من بآجر نبدآ

وع الرييج

كوب مآي دآفي يوخر الشحوووم

 

[سارونه87]

انا بنااام
سي يووووووووو
باجر راح ابدى رجييم عالريوق روب
والغدا سلطه خضرا وشوربه
والعشاا خيارتين

يالله يفيد معاااي لان وزني وايد لازم انزله

 

[ام الشوخ]

الله وناسة أختي شمعه اللمعه كانت تبي تدش ويانا هذاك لقروب بس تأخرت الحين تقدر تدش ويانا
الحين بدق عليها وبقولها

 

[قمـة فے الانوثہ]

السلام عليكم و رحمة الله و بركاته


بناات بليييييز سجلووني معاااكم

و باذن الله عالرمضاان نااازله 10 كيلووو

لأن انا كان وزني 55 و تخيلووو بغضون بضعة اسابيع << حولت فصحه لوول
لا صج باسابيييع صااار 64 و الحيين وصل الـ66

حدددييي محترررره و الكل يقوولي متنااااااااااانه انفجررتي

فابي انزل بسس 10 كيلووو زيينيين حدددهم



الوزن الحالي : يماا توني رحت شفت و لا 67.3




وو ببدي معاكم التمر و اللبن بس مافهمت يعني اهوا اكله كوجبه يعني الريوق تمر و لبن و الغدا و العشا ؟
يعني جذي مايدش بطني الا التمر و اللبن ..!!

 

[زوجة جوجي]

اي اي ام الشوخ قولي لها خل تيي معانا
وعلى الجهاز حده عجيب انا و ولدي نتهاوش عليه

سارونه احنا خذيناهمن الرحاب

و جني ببلش وياكم باجر رجيم التمر واللبن

 

[ام الشوخ]

أنا خربطت بالمثل
زوجة جوجي انتي خيطي واحنا نلببس
خخخخخخخ
أي صج بجم شريتي الوي وعليها كفاله؟
وحدثتيها ؟
يقولون اذا تحدثينها ب 20 دنار تقدرين تشغلين عليها ألعاب كوبي أصرفلج أنا بدورر وين
يحدثونها لأن اشرطتها نهيبة أرخص شيء ب 10

تصبحين ع خير سارونه
بما انج خربطتي اليوم أنا بعد بخربط اخر خربوظة قبل الرجيم باكل جيكن نوذلز من جائنا تاون
ومن باجر ببدي رجيم التمر الله يعيني

 

[زوجة جوجي]

قمة في الانوثه
حياج الله معانا وان شاء الله توصلين للوزن اللي تبينه
رجيم التمر واللبن انا فهمته ان 3 وجبات باليوم
كل وجبه عباره عن 7 تمرات و روب خالي الدسم

ام الشوخ
خربطي ترى هاذي اخر فرصه

 

[سارونه87]

صباح الخيرااااااااات
شلونكم بنات
انا من الصبح بطني يعوورني ماادري شسالفه
احس فيني غازات
شسوي بشرب اعشااب

 

[سارونه87]

زوجه جوجي على جم هاللعبه ؟؟
شكلي بشتريها _03ba:

 

[زوجة جوجي]

ام الشوخ
خذيناها ب 140 كامله مع ريموت زياده و شاحن و 10 العاب و جنطه
عليها كفاله 3 شهور و احنا خذينا المطورة تشغل الكوبي و الاصلي

سارونه
طلعت كلها 140 بس احنا اخذنا معاها شغلات زياده
سلامات ما تشوفين شر شربي شاي اخضر زين

انا كنت مقررة اني ببلش رجيم التمر واللبن بس لمن قمت الصبح خقيت
بكمل على رجيمي

الريوق كورن فليكس fitness مع حليب
الغدا مشوي مع سلطه
العشا شوربه