تجمع ورود (من الستينات باذن الله للخمسينات) من 1|3

[ورود الودود]

تجمع ورود من الستينات الى عالم الخمسينات من 1/4

السلام عليكم ورحمة الله

حياكم الله مع ورود

للوصول الى عالم الخمسينات ماراح اتبع نظام معين نظامي هو التخفيف

وراح التزم بالرياضه

كل وحده حابه تبدا معاي تسجل وزنها وطولها والهدف الي بتوصله بإذن الله


انا راح ابتدي وزني 68 طولي 155
الهدف 55

بسم الله ابتدينا مشوارنا للخمسينات [/COL:eh_s(8):OR]

 

[لبى خشتك]

هلا وغلاوانا بعد وياكم��
وزني 66
وابي اوصل 57
توني والدة وسبب المتن ماي محتبس
ولا انا الشهيه مسدودة
غيرت حبوبي ملوت منع الحمل


واتمنى اوصل للوزن المطلوب
دعوااااتكم

 

[ورود الودود]

حياج الله حبيبتي
وانا بعدسمنتي بعد الولاده
شنو ناويه تسوين

ريجيم معين ولانفسي بس تخفيف يالبى خشتك عجبني الاسم

 

[ورود الودود]

مشرفتنا العزيزه ارجو تعديل العنوان من 1/4

 

[ورود الودود]

وينكم بنلت الستينات
انا تريقت اليوم صحن كورن فليكس بدون سكر
وماسويت رياضه متكسله شوي

 

[ضــمــاد]

أنا معــاكم بأذن الله


وزني 63 مبدئيا ً ناوية أنزل 6 كيلو بأذن الله



ما راح أقول بسوي رجيم !!



بخفف + أختار اكل صحي + مشي يوميا ً

​

 

[قنوت]

انزين يصير ادش وياكم ؟

أنا بالخمسينات وابي انزل للاربعينات

طولي 156 او 152 صار لي شكثر ماجيكت

وزني 52

الهدف الاول 48

الهدف الثاني 46

الهدف الأخير 43


مشكلتي النشووووويات ، احب الشيبس والبطاط وهالسوالف

الرجيم ، اخفف بطاط لان سبب سمنتي النشويات
رياضة كل يوم 30 دقيقة

ويأرب نضعف

 

[فواصل]

صباحو

انا بعد حابه اشارك

وزني 67

هدفي الاول 65

الثاني 60

الثالث :55

و الطول 150

 

[قطوووة]

الطول 159
الوزن 58

ابي اوصل 55



موفقين

 

[ام عفاف الكويت]

موفقين انا اتجول ادور لي تجمع يشيلني هههههههههههههههه وزني 85
عقبال ماكون معاكم
يالله شدو الحيل

 

[ضــمــاد]

بـنــــات ..


عشان نلتزم أكثر .. ويكون لنا دافع ..



كل وحده تقول .. هدفها من أنقاص الوزن :eh_s(10):


طبعاً أكيد عشان الصحه :eh_s(15): ..


بس شنو الهدف الثاني ..



بالنسبه لــي .. أبي أفصخ جلدي



أبي أتغير .. تغيير جذري .. ومن ضمن هالتغييرات اللي بديت فيها


الوزن ..



أأبي ألبس بثقه .. مثل هالشورتات ..

حاليا ً شريت مثل هالتنوره القصيره

وأنتوا ليش تبون تضعفون ؟


شنو الهدف غير الصحه ؟!



:eh_s(7):​

 

[ورود الودود]

حياكم يالغاليات
ام عفاف ان شاء الله توصلين لنا بصحه وعافيه

 

[ورود الودود]

ضماد انا نفسج عشان اللبس
صرت استحي البس قدام زوجي بسبة السمنه

 

[ورود الودود]

يالغاليات فيه شراب اعشاب انا اخذتها من وحده بالمنتدى ...

يساعد في تخفيف الوزن ..

يعني تنزلين تقريبا ٧ كيلوووو بس منها ..

اللي هي :-


كوب ماءمغلي
ملعقة كمون مطحون*
شريحتين ليمون بالقشر*
ربع ملعقة قرفه*
نص ملعقة زنجبيل*
وتخدرينها عشر دقايق*
ثلاث مرات قبل الوجبه ب٢٠ دقيقه ..*


جربوها وانا راح اجربها بس اشتري اغراضها ..


وسلامتكم

 

[((shoOoshoOo))]

باجيلي بالضبط كيلووو واوصل للستينات لووووول

بس انزلهم على طول وياكم ^_^

 

[tanning_oil]

انشالله تقدرون تسوون الي ببالكم كله

 

[doofy]

انا نضم معكم
وان شاء الله تقبلوني معاكم

انا طولي ١٥٦
وزني ٦١

ابي اوصل : ٥٥ او ٥٦

اهم شي اودع الستينات

 

[ورود الودود]

حياج شوشو ..

كيلو بس اعتبري نفسج معانا

 

[ورود الودود]

دوووفي ان شاءالله يارب نودع الستينات بصحه

وعافيه ..

لاعت جبدي من السمنه الي تعكر المزاج ..

مانقدرين تلبسين على راحتج ..

 

[فواصل]

متى بداية الحملة ؟