هههه شكلج عصبتي
بس لان ما فهمتج عدل تقدارين تقولين اسفين وقف باب التسجيل بلا اللف والدوران
عادي خيتو في تجمعات اكثر لشكثر بنات ما يقصرون فديتهم
والله يعينج على القرقه مثل ما تقولين
امبي لا منو اللي عصبت ؟ انا ؟؟؟ ههههههههههه انا اخر وحدة بالدنيا اعصب على ناس ما اعرفهم ..بس اطلع اعصابي على عيالي لوول XD ...
××××××××××××××
اوووخ يالنحاسه والحسد اللي فالتجمع لوووول
اصلا مابخليها تتنازل عن الوسام فديييتها رفيجتي اللي ضعفت
بتاخذ الوسام وبتكشخ فيه بعد
L0o0o0o0o0oL
عليك بالعااافية ياللي خذاها~ .. > شكو وسام و الا داشة عرس XD
توووميي ناااطرين النتااااااايج بشرييناا
..
وانا مثلج اسوي شوربة الخضار بدون ملج ولا ماجي .. بس شوية بهار و فلفل اسود والخضار مقطعة بحجم متوسط مثل السوتيه .. ^_^
ياااحلاات السنعة اللي تطبخ حق اهلها .. > احسن من بعض الناس لووووول
×××××××××××××
بريق ..
ابشرررررج حبيبتي طلع ميزان امي مخرف .. الحمدلله مستحيل اطب 70 لو شنو ابلع الحين .. وناااااسة .. بس خل تخلص العادة وهجوووم كل يوووم عالنادي بطلع حرتي عدل .. هالاسبوع ضروري انزل كيلوين بالضبط.
و300 حلقة راح تتابعينها بليلة وحدة !؟!؟!؟!؟ (0_o) لووووول
××××××××××××××
اخت خالتهم ..
عوااافي حبوبة .. وعادي تاكلين ككاو بس لا يكون كبير شوفي جم سعراته .. تخيلي مرة قريت كتكات يبيله مشي 80 دقيقة عشان ينحرق !!!! ماااا تسوى علييناااااا !!!
ودام غداج نص صمونة صبواي ... كان الاحسن عشاج يكون فواكه .. او شي خفيف .. لان تشكن فيليه مقلي ! و توستتين !!! وااايد ترى!!!
حاولي تخففين اكثر .. اذا ما تقدرين وتحسين نفسج يوعانة .. وزعي وجباتج كل ساعتين اكلي شغلة .. قطعة فواكه .. روب خالي الدسم .. كلوقز الدايت وااايد حلوو ترى وموجود بكل الجمعيات الاحمر او العادي او الككاو .. انا دايماً اخذ الاحمر ريد بيري كلوقز ..
اذا يعتي سويلج سلطة طاااسة كبيييرة خس وجزر وطماط وبقدونس وغيره مع مرتدللا قصيهم مربعات صغار .. وقفشة وحدة زيت زيتون بسس بالصلصة مع الليمون والتوابل ..
اذا رحتي الجمعية اشتري كل شي لو فات .. الاجبان والحليب وتوست اسمر بالحبوب وعصاير بدون سكر .. كثري اناناس وروب خالي الدسم والسندويشات خففي منها خليج بس شريحة وحدة مثلاً ...
التشكن فيليه خلاص الغيييه من اكلج .. شريحة دياي مشوي وايد احسن .. البطاط لا تاكلينه .. نشويات حتى لو مفيوح ..
بدال الجاي حليب .. سويلج مرتين باليوم شاي اخضر زنجبيل كمون ونعناع طبيعي .. لازم تتعودين على طعمه وراح تشوفين وزنج شلون يفرق .. مثل ما صار معاي
لان الجاي يحرق الحديد ! ومعاه سكر ! والحليب اكيد كامل الدسم لوول ..
ادري هالشي صعب بالاول بس لان وزنج 78 مثل وزني اول ما بديت واكيد شفتي بالجدول ..
..
فحاسة فيج ليش وزنج ما تحرك والسبب الاكل للحين ما خففتيه عدل او ما غيرتيه لاكل صحي مافيه سعرات وايد ^_~ ..
ودخلت بياناتج بالجدول ..^_^ ..
بس انسي شي اسمه وجبتين باليوم .. لووول
راح تيوعين وايد ووقت الوجبة بتصيرين وحش الطعام على قولة بريق وتهجمين عالاكل لا شعورياً .. >_< ...
سوري وايد قرقت على راسج تحمليني شوي لووووول ..
وكلش ولا زعلج حبوبة .. كاني راضيتج برد طويل ولو انه بيدوخج ههههههههههه ..
ماكو كيييكة خلااااص هههههههههههههههه
××××××××××××××××××××××××
دلوعتهـ ..
اييي الحين مالي وجه هاااااا .. عقب ما بلعتي لين قلتي بس .. بليز خلي يكون عندج كنتروووول حاااااااد .. صيري اقوى من جذي ..
انا اعترف يوم الجمعة خربطت لان علي العادة ومنقهرة مارحت النادي جم يوم و النفسية زفت ف ... طوط طوط طوط .. > الخط علّق .. >_<
اذا رحتي بيت الوالد .. قبل الوجبات شربي مااااي وااايد واكلي فواااكه .. راح تشبعين صدقيني ..
انا مثلج .. امي ماشالله عليها اكلهاااا لذييييذ وانا اقول لها يمااا بسسسس حرااام علييييج >_< .. تقول لي الله يعافي قشر القهوة بعد الاكل !! اقول لها ماصارت قشر قهوة شراح يفيد بعد البلع لووووووول
×××××××××××××××××××××××
توووتة
العفووو حبوووبة ولو .. في سبيل نخلي تجمعنا احسن تجمع بالقسم لازم جداول و انتظام بس لو صج كنا ننزل عدل عشان ما ينقص ويهنا لووووول ..
امبي سوري نسيت امس ادز الرواية ههههههههههه .. اخلص من هالرد وادزها ان شالله ..
يختي آخر رواية صج .. شسوي الكتابة شي يبيله الهاااااااااااااااام وهدووووووووووووووء .. كتبت الرواية اول زواجي وما كان عندي ولا بيبي ولا ينانوة ولا ازعااااج ولا ماامااا هذا طقني ماامااا شوفيي كسر خرب عفس ولا ماامااا ابي كيك ابي حليب ابي افندي اهم شي!!! (×_×) !!
ههههههههههه والله عيالي فلم شسوي فيهم .. شوفي وانا اكتب رد وكل شوي اقوم اعصب عليهم وارد لوووووووووووووول ..
ذكرتيني عالدرابيل و تطلبينه من بيت الجيران .. مرة ايام المراهقة كنت مشتركة بمجلة وبالغلط وصلوها بيت جيراننا بدال بيتنا ! وقالوا لي روحي اخذيها من بيت الجيران !! عاد ابوي عصب قال لهم ييبوا وحدة ثاااانية لبنتي الغلط منكم مو منها ..هههههههههههههههههه
تووتووو لا للشيبس بليز ... للحينج مو قوية ضد هالسوالف
