تحدي 30 يوم .. ابتداء من 12-2-2012 ( يومياتي )

[دهن عداني 1]

شلونكم بنات يا حلوين طبعا كالعادة لازم اسوي موضوع رجيم وما اكمل فيه لاني اهد الرجيم

لكن هالمرة بسوي رجيم من صج لان وصلت لمرحلة لازم اضعف فيهااااا ....
:bbbiu:

ابتداء من اليوم انا مسوية رجيم وراح تكون هذه صفحتي اللي راح اكتب فيها يومياتي مع الرجيم و شنو كليت وما كليت كله بهذه الصفحة ..... واللي حابة تشارك معاي حياهااا الله .


" ادعولي بالتوفيق " :rerrerek:


____________________

الوزن : 86 كيلو
الطول : 164
------------------------------

 

[تفاصيل روح .!.]

بالتوفيق لج

حلو ان الواحد يحدد له مهله ينزل فيها وزن معين انا محدده مهله 45 يوم انزل فيها 7 كيلو مر الحين 7 ايام نزلت 900 جرام بسس متفائله بالايام الجايه بنزل اكثر

اهم شي اهتمي بالرياضه

 

[MayOumii~]

انا ويآج ان شاء الله ومن بآجر ببدي
هدفي بهالشهر أنزل أقل شي 5 كيلوآت ورجيمي بيكون تخفيف مع ريآضة بدون مآحرم نفسي عشآن مآ أمل

وزني 65 وطولي 161

 

[NaYoob]

دهن عداني احنا معاج

وإن شاء الله توصلين باللي تبينه وانا داشه قروب
ثاني بس بدش قروبج بشجعج وإن شاء الله نوصل كلنا باللي نبيه

بس انا هل شهر بنزل على كيفي لوول مرح احدد وزن معين ^^

 

[دهن عداني 1]

حيااكم الله ( تفاصيل الروح _ ميومي _ نايوووب )


وانشاء الله كلنا نوصل اللي نبيه يارب


_____________________________________________

يومياتي اليوم :
الفطور : قهوة


تغديت متاخر اليوم على الساعة 5 كليت من ستار بوكس ( تيركي ساندويش + كراميل مكياتو )

وجان يصير فيني سهاااال كل ما اشرب وايت موكا لازم يصير معاي اسهال ما ادري ليش


وبس هذه يومياتي اليوم وانشاء الله اكتب لكم باجر ....


اشوفكم باجر بالليل واكتب لكم شنو كليت .

 

[أم وليد الشمري]

مووفقه ان شاالله
استمررري لا توقفين حتى لو انتابتج لحظات ضعف
استمري وبتوصلين بإذن الله
بدخل يوميااااتج اشجعج
بالتوفيق

 

[توته حمره]

مرحبا:eh_s(8):

ان شاء الله باجر راح ابدى معاكم ريجيم صعب بحاول انزل عالاقل 8 كيلوات

وراح اكتب معاكم يومياتي بالاكل

وان شاء الله يارب اضعف بصحه وعافيه وتتحقق امنيتي :yaaaaaarb::yaaaaaarb:



:bye22:

 

[توحه1]

خلي رجيمج فيه سلطه وماي اول ماتقومين من الوم وقبل لا تنامين وخففي من المنبهات االشاي والقهوه
اكلي اكل صحي وخلي عشاج قبل الساعه8 وهمن خفيف بيضه
ويوم ثاني فتوش والثالث فاكهه نوع واحد
عشان تضعفين على صحه ومايتساقط شعرج والى الامام اذا اخذتي بنصيحتي ضمني انج راح تنزلين 7كيلوا بشهر ان شاء الله

 

[saronapoop]

انا ودي اضعف وزني94 ياررررررررررررررررررررررررررربي مليت انا ببدي معاج من اليوم 12 -12 وبشوف على الاقل لى نهايه الشهر انزل 4 كيلووووووووووووو راضيه

 

[توحه1]

قوي ارادتج وشجعي نفسك بعد ماتقيسين وزنج بكل اسبوع بهديه رمزيه بس لاتكون فيها اكل او روحت مطعم للووووول وراح تشوفين نتيجه مرضيه طمعي بال7 كيلوا وخليلج هدف عشان تحققينه وبالتوفيق لي ولج ان بديت يوم الثلاثاء الي طاف7/2
وكل ثلاثاء الصبح اووزن ان شاء الله

 

[am rakan]

مرحبا انا معاك انا لي فترة مسوية رجيم ورياضة ووزني مدري كم كان 92ونص وقبل اسبوع كان 90 وابغى قبل 22/12اكون نازله 5 كيلو في 19 يوم نظامي تخفيف ومااحرم نفسي من شئ بس بحدود ومن بكرة برجع لشاي الاخضر والزنجبيل والليمون واسوي تمارين لمدة ساعة والبس بدلة الساونا واحط كريم الزنجبيل انا مسويته في البيت وان شاء الله نضعف جميع بصحة وسلامه

 

[طموحي انجلش]

معااج يالغالية
انا امس رجعت من الزوارة وقررت ابدي اليوم واخيرا بديت الحمدلله هالمرة عندي ارادة تكسر الصخر وزني خابرته ٨٤ بس ان شالله باجر بالنادي اوزن اشوف بالضبط واستمري لاتقطعين الريجيم ترا انا معاج اذا وقفتي بوقف

 

[طموحي انجلش]

اليوم صبحت عالساعه ٦ شربت كوب ماي ولما طلعوا اليهال للمدارس كليت ربع خبزة فيها مسحة جبنة وبيضة
الضحى اكلت موزة وعقبها كوب ماي وقبلها كوبين ماي
غداي بعد شوي باذن الله راح يكون صدر دياية مفيوح حطيت مع المروق ماله بصل كبار وطماط وريحته تشق الخشم وسلطة خضرة ورقية
—------—
اقول دهن عداني انا احس ان نظامج هاللي كتبتيه يعني موذاك الصحة عشان جذي انتي تقطعين الريجيم يمكن
مادري
شرايج تجربين تغيرين نظامج تشوفين لج شي صحي؟
عشان الحديد لاينزل عندج ويبدا شعرج بالتساقط وبشرتج تتعب عالاقل دخلي قوطي روب بيومياتج ودخلي حبة فاكهة بيومياتج

 

[توحه1]

اطموحي حلو برنامجك مااليوم
انا قمت الساعه خمس ونص شربت كاسين ماي
ولمن راحوا اليهال المدرسه اكلتي تفاحه والساعه عشر واشوي صحن خس والساعه ١ ظ شربت بطل ماي والغدى بعد ربع ساعه لحم مع بصل وفلفل وثوم ونصف ليمونه مشوي بالفرن مع فتوش
والعصر لمن اذرس اليهال كلاس عصير برتقال والعشى شوربة خضار باذن الله هذا جدولي لليوم
بس مااقدر اسوي رياضه

 

[جنزبيلا]

عادي اشارك معاكم ؟؟؟

عرسي بعد شهر ومو قادره استمر يومين ورا بعض
اليوم رابع يوم من الدوره
ببدا من اليوم خلاص ماعندي وقت كلش


وزني 57.8 وابي اصول 50 بهالشهر

مو ضيعفه ترا انا دقمه

:eh_s(9):

 

[توحه1]

جنزبيلا كم طولج؟؟؟

 

[AVE.NJ]

كل التوفيق حق اللي بيسوي ريجيم
بنات اول الايام صعب بس اللي عنده ارادة راح تتغلب عليه
بس لازم تحبون جسمكم علشان تواصلون
انه بديت الريجيم يوم 14/1
وكان اول اسبوعين تعبت حيل
وكله اقول مشتهيه جذيه وابي جذيه
واتكلم عن الاكل
الحين الحمدالله تعودت بس اخربط شوي بالويك اند
ضعفانه 3 كيلو الحمدالله
وجسمي تعدل شوي
بس اكثر شي انه مستانسه منه الرياضه بنات اهو اللي يعدل الجسم ويعدل المزاج بعد
موفقين بنات ولاتوقفون ولا تحرمون روحكم

 

[AVE.NJ]

اي نسيت اقول لكم بديت 65 كيلو الحين صار 62
الحمدالله رب العالمين
يارب تقدرني واواصل مسيرة الريجيم

 

[طموحي انجلش]

الله صرنا مجموعه حلوة
وينج دهن عداني عطينا شكليتي اليوم
انا قلت لج عن ريوقي وغداي بالرد اللي فات
وعشاي كليته متاخر عالتسع كان سلطة خس وطماط وشريحة مرتديلا ديج رومي وبيضه مفيوحة وقصصت كل شي وخلطته حطيت عليه ملح وفلفل وقفشة زيت زيتون وشربت قبلهم ماي وعقبهم كوب شاي اعشاب العويد للريجيم
والحين بعد ماصار لي ساعتين بنام
يارب اقدر اروح النادي باجر لو بس امشي
موفقين
وننطرج يادهن عداني

 

[طموحي انجلش]

اي توحة احسن شي جذي بس اقطع الخبز والعيش والشكر وان شالله استمرررر
زنجبيلا انا مثلج دقمة يارب ننحف بصحة وعافية