تسمين على خالتج ؟

[نور-الدنيا]

انا والله مجبوره اني اسمي بس بعد شنو اسوي اهم شي رضا ريلي لانه ريلي يحب وايد امه من جذي اهوا مواعدها من زمان من جذي علشان خاطرها وخاطره بسمي

 

[عسولة الكويت]

تستاهل اللي يسمي عليها
بس مااعتقد تجي ربعها الله يخليها لنا ويطول بعمرها يارب

 

[Little Things]

و الله تستاهل خالتي حبيبة بس اهيا قالت لا تسمون علي

 

[ترانيم العود]

مو شرط الوحده تسمي على خالتها المعزه بالقلب مو اذا سميت عليها معناته اني اموت بخالتي

في بنات مايحبون خالاتهم ومسمين عليها بس جدام الناس ((يعني شوفون انا اغلى خالتي واموت فيها)) وهى يعلم الله فيها

اذا كان اسم الخاله مو حلو حرام اظلم بنتي في اسمها
انا خالتي تقول لاتسمين على لان اسمها مو حلو وقديم
وانا عندي بنت ماسميتها عليها سميها على ام سيدنا اسماعيل((هاجر))

 

[دمثة]

لو ماسمى عليهااا

تتبرا منااا والله

 

[الغــ مرت ــالي]

انا عادي عندي خالتي على راسي

بس احب اسم مو وايد موجود بالعايله

 

[بنت الارسنال]

والله ودي اسمي عليها خالتي تينن بس اسمها مو حلو المهم ادعولي الله يرزقني واحمل

 

[Dloool_q8]

انا ما الله رزقني للحين

بس اذا يتني بنت بسميها على خالتي الله يرحمها على طول

 

[*باجر أحلى*]

انا مسمية على ام خالتي باقتراح منها والاسم قديم
بس استحيت منها وزوجي نشر الخبر وان حامل
بس وعدني البيبي الياي اسمي الاسم اللي بخاطري
اكيد بصير فرق شاااااسع بين الاسمين بس ابي اعوض

 

[L.a.v.e.n.d.e.r]

انا ناويه ان شاء الله اذا فيني بنوته بسمي على خالتي

تينن فديتها تستاهل من يسمي عليها

 

[eman84]

والله محد له شغل يتدخل انا احمل و اتعب و اهم بارده مبرده يسمووون بس اشواا انا خلاتي من نفسها تقوول لحد يسمي على اسمي )
مادري ليش

 

[رانزي]

ياحلو خالاتي انا سميت عليها وريلي ماكان راضي يقول اسم امي عتيج حرام بس انا اشوفه حلو وخالتي تقول لاتسمون بس سميتها واسمها قموشه حلو

 

[*peace*]

والله بصراحه هالأسامي بلشــــــــــــــــه مو طبيعيه

المفروض من حق الأم وبــــــــــــس لأنها تعبت

والريال ماله شغل بالأسامي ،، لأنه ما حس بنساة ولا تعب ،،

ياليت يحطون قانون جذي ياااااااااااااااااااااارب

اي والله انا بس فكرت بهالشي انبطت جبدي

الام مسكينه 9 شهور ظيم وتعب ونساة وثقيله يالله تمشي بالغصب تنام وعفيسه والجسم اخترب>>> اهم شي

وآآآآآآآآآآآخرتها مو اهيا تللي تسمي صج قهر :eh_s(14):

 

[أم بندر**]

أنا سميت بنتي على اسم خالتي لانها تبي على اسمها وانا بالعكس احبها بس مو لازم اذا حبيتي تسميني بس شنسوي عادات وتقاليد

 

[ســــــــــما]

سؤاااااااااال .. منو سمت بنتها على خالتها ؟

انا سميت بنتي على خالتي

انفرض عليج ولا برضاج؟

لا طبعا برصاي

خالتي طيوبه وحبوبه وما شفت منها الا كل خير وتستاهل الي يسمي عليها

واسمها خفيف وحليو يعني مو قديم وايد ولا يديد بس مو

اخلصج اسمها ( مــــي)

لو كان اسمها سبيكه والا فاطمه والا فوزيه جان مالج امل اسمي

يعني شغلتين ساعدوني اني اتخذ القرار واهما طيبة خالتي وسهولة اسمها

وبعدين الي اقترح ان نسمي على خالتي اهيا خالتي نفسها وما كان فرض كان مجرد اقتراح لا اكثر ولا اقل

 

[رفرف]

والله انا ضد الفكرة اني اسمي على احد لا عمي ولا خالتي ولا اهلي لأن المعزة والغلاة مو بالاسم ..

ولأن ودي اسمي عيالي اسامي بخاطري انا اختارها مو على احد .. اذا بسمي بناتي وحدة على خالتي ووحدة على امي علشان المساواة والاولاد واحد على عمي واحد على ابوي انا متى بسمي عيالي ؟؟

لكن اذا عمي او خالتي قالو سمو علينا وفيها زعل .. لازم بسمي يصير عقوق ان ماسميت
عن نفسي الحمدلله محد قال شي عن اسامي بناتي لكن خالة ريلي كان ودها اسمي عليها وما سميت فمرات يعني تقد نغزات الله يهديها يارب

 

[تفاحة حمرة]

انا مااحب اسلوب ان لازم نسمي على احد معين .... الام والاب لازم يقررونه بدون ضغوطات خارجيه وسبحان الله كل بنت الله كاتب لها اسم

وخالتي تستاهل وربي ودي اسمي عليه بس المشكله اسمها مكرر حييييييييييييييييييييل عند اهلي وعند اهل زوجي

واذا جبت بنت ساعتها بفكر ...سبحان الله عيالي كنا سمناهم واهم ببطني ولما ولدتهم سميناهم اسم ثاني

 

[منورة الكويتية]

سميت عليها لانها تستاهل
ولانها ام زوجي
وكفايه رضاها عليه
ومحبتها لسميتها
هذي بس بالدنيا

 

[اطياب طيبه.أم عبدالله]

خالتي اسمها على اسمي
خخخخخخخخخخ
هذا سبب قوي ومقنع اني ما اسمس هالأسم

واسامي عيالي اخترتها انا وريلي بسسسسسسس
محد له شغل ابداااااااااااااااااااا
الاختيار بيني وبينه ونفاجأهم بالإسم حزت الولاده

 

[sweety_love2]

لا بالعكس انا عادي كنت راضيه اسمي ومتفقين انا وريلي من الملجه على هالشي انه اسمي البنت الاولى على خالتي (امه) وإذا ولد على عمي(ابوه) وشي عادي الصراحه مو شرط اسم يديد وإذا كانت حليوه بالعكس تستاهل اني اسمي عليها
وبالعكس مدام سميت عليها هم امي تستاهل وسميت عليها