تسمين على خالتج ؟

[أسـيـل]

المشكله ان اسمها مو حلووقديم وماودي اسمي عليها مع انها حبيبه وتستاهل

 

[miss_lymoona]

لا مستحيل شكو اسمي على خالتي اسمي على امي احسن
يعني اكيد الام بتزعل امي اولى الصراحه
انا مفكره يااسميها على امي لان اسمها حلو او اسميها اسيل هالاسم عاجبني

 

[حساويه]

اهي ودها كل اعيالها يسمون على اسمها وعندها اثنين امسمين على اسمها بس انا مستحيل اسمي على اسمها
لان صراحه انا ماأحب اسمها
بس ماعندي مشكله اسمي على اسم عمي يستاهل

 

[عبلة مرة عنتر]

أنا أول بنت سميتها على عمتي الله يرحمها وزوجي أبد ما فرض علي هالشي بس كان وده وسميت عشان أبيه يفرح وما تتخيلين فرحته شلون يوم سميتها خصوصا ما كنت قايلة له اني بسميها على امه يعني كنت مررره ما املته لان الاسم قديم وبعدين سويتها له مفاجأه

 

[أم حسون]

والله انا للحين ماعندي بس انشالله ماانحط بهالموقف
اسم امي وخالتي قدم يعني مومال الحين ومابي اسمي على وحده والثانيه تزعل ماحب هالشغله حرام خالتي وايد احبها وتحبني مومقصره معاي بشي الحمدلله ولي ربي رزقنا الله كريم

 

[deema_06]

مستحييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل:eh_s(13):

 

[ياوحشة غيابك]

أنا عندي بنت وعمرها سنة ومن كنت حامل زوجي قرر يسميها على أمه وكان برضاي وصج الاسم كان عتيج بس شسوي؟؟؟؟ هاذي أمه

 

[xxx]

عاد صج خالتي تستاهل أسمي عليها عسى الله يخليها لنا :hjy5jewf:

بس عمي الي سمى بنتي الكبيرة على أمه الله يرحمها :eh_s(21):

 

[z8rtia]

up

 

[سيلينا]

اي والله اسمي عليها تستاهل من يسمي عليها

لا والله ما انفرض علي حسيت ان زوجي حاب يسمي على خالتي بديت انادي الي ابطني بأسمها


وهي والله تستاهل وبالعكس ما ودها نسمي عليها بس هم اسمها حلوو احبه

 

[السنعة2]

ماسميت عيالي لا على اهلي ولا اهله
والحمدلله الكل متقبل و يمدحون بعد بفضل الله

 

[al-zeena]

انا كلش موعاجبني اسم بنتي على اسم خالتي ام زوجي احسه واايد كبير عليها وعتيج وحاولت اقتعه وانا حامل بس مااكو فايده

 

[كولوراديه]

مافيها شي بس عاد ما يكون الشي اجباري يعني اهيه تقولي البنت على اسمي ؟ لو شنو ما اسمي اذا اجبرتني لان هالشي مو اهيه إلي تحدده
الام و الابو يختارونه براحتهم

 

[om_3azoz]

انا ليلحين مادري شنو فيني بخاطري بنوته وأصلا حتى لو بنوته خالتي ماترضى لان معنى اسمها موزين لووول وبعدين انا خايفه ايب بنوته ويصير طق على الاسم لان عمي يبي مريم على اسم يدته متوفيه وانا واهلي نبي آلاء على اسم اختي متوفيه فمادري انا وريلي محتارين لان ابوي بخاطره انسمي على اختي من زمان يعني يوم اخوي تزوج بس الله مارزقه فقال خلاص انتي لمن تحملين وان شاءالله بنت نبي آلاء فمادري شسوي اخاف عمي يزعل اذا سميت آلاء واذا سميت مريم اخاف بابا وماما يزعلون والصراحه ماودي الطرفين يزعل فودي الحين بولد لوووول عشان لا يكون في مشاكل الله كريم اللي من الله حياه الله وان شاءالله اخر الشهر اعرف بنت ولا ولد

 

[brettey]

خالتي الصراحه تستاهل ان اسمي على اسمها مع انها ما شرطت بس متفقين انا وزوجي اذا ربنا رزقنا ببنت بنسمي عليها

 

[ام عفاف الكويت]

تستاهل خالتي

سميت عليها بنتي

 

[.>حــــــــ(و)ـــراء<.]

no waaaaaaaaaay :lololoe:

لأكثـــــــر من سبـــب:

أول شي حماي مسمي عليـــــــــها و اسمها مكرر واايد بالعايله...

و حتى عمي ابو زوجي اسمه مكرر بالعايله.. و اانا ابي اسم مميز

وثاني شي اسمها قديـــــــــم....

ثالث شي مايصير اسمي على خالتي و اهد امي بعدين تزعل .. والصراحه امي

أولى من خالتي.... :wqedqw:

رابع شي انا أحب الاسامي تكون من اختياري انا و زوجي ونخليها مفاجأه بعد..

لان الام تتعب و تحمل و تولد يعني اهي اللي لازم تختار الاسم مو الاهل بكل برود بيختارون​

 

[سمار الشمس]

انا اسم خالتي مو عتيج وايد بس ما افضل اسمي عليها مع اني راح اسمي لا محال كنت افضل اسمي اسامي مودرن اكثر

 

[ناتشوو]

السالفة مو سالفة تستاهل أو لأ إشدعوة بنعطيها جائزة نوبل!!
السالفة سالفة هل الاسم حلو
هذا أهم شي
وبعدين تفاهم الزوجين خاصة الزوجة
(تذكرت وحدة فترة آخر حمالها و ولادتها كانت متهاوشة مع أهل زوجها وتعرفون مع تعب الحمال ومالها خلق تكون معاهم راحت قعدت عند أهلها وهذا عطاهم الفرصة يغسلون مخه-المهم لما ولدت جان يسميها على وحدة من أهله لا والاسم قديم يلوع الجبد!!!)
حراام جذي
وشغلة ثانية أنا مؤمنة فيها وقالتها أحد الأخوات

شوفي في بناتي كلهم طول فترة الحمل اختار اسم و عقب الولادة يتغير

يعني البنت الله يختار لها الاسم مو احنا

-أنا شخصيا ما أحب الأسماء القديمة-
تذكرت شغلة
بعض الناس بصراحة المفروض تاخذ منهم الدولة حق تسمية أبناؤهم
مدري لهالدرجة متعقدين من أسماؤهم وأسماء أهلهم؟؟
يسمون العيال يعني طالعين فيها أسماء مالها داعي نهائيا
وبصراحة تفشل
أهم شي محد مسميه :ليش بالله الاسماء القديمة مثل موديلات الملابس تخلص موضتها؟
وملحوظة
الخدم الحين صارت أسماؤهم على أمهات المؤمنين و الصحابيات
وبناتنا أسماؤهم مدري من وين جايبينهم!!:bbbiu:

 

[ام عمار]

لا طبعا ولا على خالتي ولا امي
الاسماء مالها علاقة بالحب
احب الاسماء الجديدة