تسمين على خالتج ؟

[حلم الطفولة]

آنا سميت على خالتي .. وزوجي ما صدق وتفاجأ واستانس حيل .. وللحين مستانس.
والولد ... اشرايكم.. ان حماي أخذ كنية زوجي .. وهو أصغر منه ؟؟ جنه يقول له موووت ما جالك ولد وأنا سميت قبلك عالوالد !!! .. مسكين زوجي اندقر

 

[الشهد كله]

المشكلة آنا بغيت أسمي بنتي على خالتي وريلي رفض ، وقالي أخواني كلهم مسمين عليها (5) منهم
وهي السادسة ، عشان جذيه سميناها على عمته أخت أبوه ( الله يرحمها ) ، كانت وحيدة بين أخوانها
وريلي يموت عليها ، عشان جذيه سمى عليها ، صج الإسم مش ولا بد بس ما تحسفت يوم سميت عليها
كنت وايد أحبها .............

 

[ريكاتو]

انا اول بنت لي سميتها على جدتي والأسم حلو والحين انا حامل ويبوني اسمي على خالتي بس موعاجبني اسمها وايد غلج وصعب انا مو عن شي اسمي عليها لو كان اسمها حلو واقنعت ريلي بالموضوع واهو اقنع امه وخلصت السالفة

 

[sara2000]

إن شاااء الله أسمي عليها

 

[أسيـل الجـــرح]

سميت بنتي على خالتي وحدي متحسفه هذا اولا وثانيا ما احب الاسم هذا مع احترامي للجميع مابي اقوله وثالثا مغصوبه رضيت ولا لاء ما تدرون اشكثر متازمه على الاسم كان عندي اسماء احلى وكان غرضي اسمي خارج العايله افضل

 

[msmshasnsn]

انا بجري كانت بنت بس ماسميت على خالتي لانه اسمها قدييييييييم ولا راح اسمي على امي مسكينه عشان ما ازعل زوجي):
والثاني ولد سميته على اسم عمي والثالث ولد سميته على اسم ابوي
الله يحفطهم يارب

 

[قطورة ومطورة]

الصراحة اذا زوجي بسمي على اسم أمه ماعندي مانع بالمرررررررررة
لأنه الصراحة هذي أمه ما أقدر أمنعه وبعدين
أنا أستغرب من منطق اذا سميت على خالتي لازم أسمي على أمي لأن الولد ولدهم سواء بنت ولا ولد بشيل أسمهم أخوي اهو الي يسمي على أبوي وأمي
وأخر شي الحمدالله أنا سميت على خالتي وخالتي اسمها مميز نادر و مو الكل يتقبله بسرعة بس شخصيتة خاتي محليا الأسم وماشاء الله عليها لها حضور مميز والحمد بنتي خذت منها الشخصية وخفة الدم

اسمها ............... ( اسيا ) وحلاتها وحلات يدتها

 

[Cup-Cake]

انشالله لا

 

[أمانيQ8]

سميت

 

[^غلاي أنت^]

انا عندي بنتين الله يخليهم طبعا تسموا بروحهم حتى من غير ما ينأخذ رايي لاني الصراحه مو معارضه..
الاولى على ام عمي والثانيه على ام خالتي..
والحين حامل...
.. الظاهر بنت.. وريلي يبي يسمي على امه مع ان خالتي تهبل وانا ساكنه معاها بنفس البيت بس اسمها قديم..
وانا طبعا طبعا طبعا ساكته..((شقولها ؟مابي اسمي عليج..؟فشله))

 

[miss_lymoona]

لاااااااااااااا مستحيل اسمي

 

[نـــــور]

ما احب اسمى على اسمها الا اذا الساالفة صارت قصب راح يصير فيها مصايب
احب اسم بعيد عن العايلة و خصوصا الوالدين علشان لحد يزعل

 

[zayoona]

ادري بالنسبة لي خالتي غلاتها مثل امي يعني اكييد عادي اسمي عليها بس بنتي سميتها جذية مو علي حد كان بخاطري هالاسم والولد انشاءالله اذا يا بيون علي عمي ابو ريلي

 

[جوجو.]

انا مو متزوجه
ان كان اسمها مقبول ومن الاسامي الحلوه فليش لا

 

[فلانه_الفلاني]

من الصدف ان امي وخالتي اسمهم نفس الشي _03ba:

علشان جذي بنتي حبيبتي خذت الاسم من يداتها الثنتين وبالتالي ارضينا الطرفين​

 

[زوجة الغالي]

الحمدلله الأتفاق بيني وبين ابو العيال الاول والاخير يعني هو يسمي وبعدها آنه اسمي وهكذا.....
بس أتفقنا بالبدايه أنه نسمي بانبي وبعدها أففتتحنا ب|أسامي والدينا ويبت الثاني وسميته على والدي لأنه هو الاول سمى، وأن شاءالله لين يه الثالث هو راح يسمي .

والحمدلله على كل حال..

ودمتم بوووووووووووود..

 

[رفييف]

no waaaaaaaaaay :lololoe:

لأكثـــــــر من سبـــب:

أول شي حماي مسمي عليـــــــــها و اسمها مكرر واايد بالعايله...

و حتى عمي ابو زوجي اسمه مكرر بالعايله.. و اانا ابي اسم مميز

وثاني شي اسمها قديـــــــــم....

ثالث شي مايصير اسمي على خالتي و اهد امي بعدين تزعل .. والصراحه امي

أولى من خالتي.... :wqedqw:

رابع شي انا أحب الاسامي تكون من اختياري انا و زوجي ونخليها مفاجأه بعد..

لان الام تتعب و تحمل و تولد يعني اهي اللي لازم تختار الاسم مو الاهل بكل برود بيختارون​

بالضبط رايي من رايج :eh_s(6):

وغير جذي خالتي اسمها ايم اتوقع امي بتزعل مني اذا سميته مو علشانه اسم خالتي لا علشان عندها مشاكل مع الاسم ذاته هيهيهي

 

[:: Diva ::]

لاسم قديم وااايد

 

[وتلومني فيك يوم اغليك]

مع انه اسم خاالتي مو حلووووو بس تستااهل من يسمي عليهاا اهي وعمي كلهم يستااهلوون فديتهم اسمي ليش لااا

 

[القطانيه]

لا ماراح اسمي