تقرين روايات؟؟ تعالي قولي رايج ..

[طوق البنفسج]

مشاركة: تقرين روايات؟؟ تعالي قولي رايج ..

كوفي مشكوووره وانشالله بدورها اذا لقيتها بقراها و بقولج راي

 

[جرح الليالي]

مشاركة: تقرين روايات؟؟ تعالي قولي رايج ..

انا قبل اقرا روايات عبير واحلام وقبلها قصص تختخ

هههههههههههههههه صج شخباري بس هذا ايام الغوص

الحين اخذ كتب اجاثا والقصص البوليسية

 

[تفاخيه مبطوطه]

مشاركة: تقرين روايات؟؟ تعالي قولي رايج ..

هلا والله جرح الليالي

كلنا نفس حالتج من تختخ تطورنا ههههههههه يعني تختخ كان حجر الأساس بعالم الروايات

وإذا تحبين تشاركينا بالروايات اللي عجبتج والروايه اللي عندج نقد عليها عشان تفيدين وتستفيدين

 

[طوق البنفسج]

مشاركة: تقرين روايات؟؟ تعالي قولي رايج ..

كوين ابشرج لقيت روايه سقف الكفايه بجرير مع اني ماكنت ادورها بس لقيتها جدامي على الرف

الروايه ممتعه و فيها اسلوب بلاغي عجيب و تضاد ايخليج اتعيشين مع الراوي انا الحين و صلت الفصل ال 5 بس فعلا اتشد و هذا مايمنع انه فيها بعض الجرئه بس مو لدرجه انهم كانوا مانعينها بس تستحق القراءه

و هم شريت السجينه مالت مليكه اوفقير بس مابديت فيها لما اخلص سقف الكفايه

 

[رفرف]

مشاركة: تقرين روايات؟؟ تعالي قولي رايج ..

انا بلشت بدافنشي كود الصراحة وايد شدتني جابلتها بالدوام من الحصة الثانية الى السابعة خخخخ فاضية اليوم ولا سويت ولا شي غير القراية ماحضرت تكود علي الشغل بالبيت

بس ليلحين حلوة تقرييييبا قريت ربعها او اقل شوية ...

منو قرت انجلز اند ديمنز ؟ والحصن الرقمي ؟ لنفس الكاتب (دان براون) تهقون حلوين يعني اشتريهم ؟

 

[bambena]

مشاركة: تقرين روايات؟؟ تعالي قولي رايج ..

انا ماقريتهم

عاد بجرير يبيعونهم 4 روايات مع بعض ب 15 اعتقد كل رواياته

 

[طوق البنفسج]

مشاركة: تقرين روايات؟؟ تعالي قولي رايج ..

انا خلصت سقف الكفايه و انصح فيها خوش رواايه و اسلوب الكاتب يشد بس البطل مال ذبح و كوين انتي سالتيني عن النهايه فا نهايتها ماتوقعينها و انتي تقرين

الحين بديت بكتاب اسعد امراه بالعالم احس كتاب عادي يعني ماخذ اكبر من حجمه مافيه زود

 

[رفرف]

مشاركة: تقرين روايات؟؟ تعالي قولي رايج ..

قاعدة اقرا الحصن الرقمي حق دان براون والله حلوة خلصت نصها

 

[Boochy]

مشاركة: تقرين روايات؟؟ تعالي قولي رايج ..

السلام عليكم .. كيفكن بنات؟

أكيد مرت عليكم فتره بحياتكم كنتو تقرون فيها روايات أو مازلتو تقرون ..

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
؟
2-منو (الكاتب/الكاتبه) اللي تحبين تقرين له ؟

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

هالموضوع بيكون للروايات بجميع أنواعها .. يالله شاركوني باللي عندكم وراح أرد على أسألتي عقب مايبدي التفاعل إن شاء الله ...

بيدي الحين رواية نساء صغيرات بس لما الحين ماخلصتها .. إذا خلصت بنقدها لكم ولا يهمكم

السلاااااااااااام...

مشكوره تفاخيه عالموضووووع الحلوووووووو...


1- احب القصص الاجتماعيه والواقعيه....

2- الكاتبه السعوديه قماشه العليان... والكاتب الكويتي حمد الحمد...

3- ((بشروه اني ابرحل))....(( الارجوحه ))....(( بكاء تحت المطر )).....وفي بعد روايات حلوين ما امل منهم.. بس ما اذكر اساميهم...

4- والله ما عندي اي نقد ......بس اقدر اقول انهم خربوا رواية الارجوحه يوم سوها مسلسل... بصرااااااااحه اللي يكون قاري الروايه يحس ان المسلسل فااااااااااااااااااااشل بالنسبه لعرض الروايه والاحداث اللي فيها.... بس رفيجاتي اللي ما قروا الروايه.. كان عندهم المسلسل رووووووعه وتوب على قولتهم...!!!

ومشكووووووره مره ثاانيه...

 

[PuFaK FiCo]

مشاركة: تقرين روايات؟؟ تعالي قولي رايج ..

السلام يعطيج العافيه على هالموضوع .. حبيت موضوعج لاني احب روايات بشكل ماتصورونه مو بس روايات صج انها أكثر شي بمكتبتي بس احب اقرا شغلات ثانيه بعد بس مو روايات عبير وروايات اللي من شاكلتها مثل الأفلام بداياتها ونهاياتها معروفه ..

أحب اقرا روايات هادفه وأول روايا قريته روايا صغيرا بس وايد حلوا يمكن ماتحصلونها الحين قصه فرنسيه مأخوذه من واقع وانصكم تقرونها .. تحصلونها في مكتبه ابن كثير في حولي وهذا رقم المكتبه 2631298

أحب روايات نجيب الكيلاني وانصحكم تقرون (عذراء جكرتا - حكايات طبيب ) وأقرا لعلي الطنطاوي بعد جربو قصص من تاريخ اسلوبه خفيف وحلو واللي يحب الادب والتصوير الخيالي يقرا لمصطفى الرافعي من وحي القلم وايد حلو وانا مالي كاتب معين كل الروايات اللي تكون بيدي اقراها فاللي تبي روايات من هنوع ختجرب ثورة نساء واذا عجبتها تقولي وانا اعطيها اسماء لروايات حلوه ويعطيكم العافيه .

 

[رفرف]

مشاركة: تقرين روايات؟؟ تعالي قولي رايج ..

قريت روايات دان براون ثلاثتهم (دافنشي كود - الحصن الرقمي - انجلز اند ديمنز) .. كلهم حلوين تحسون نفس الاسلوب ..
وتوني شريت الرابعة(حقيقة الخديعة) جنه اسمها جذي ليلحين ماقريتها ابلش فيها انشالله باجر بالدوام)

 

[supermarket]

مشاركة: تقرين روايات؟؟ تعالي قولي رايج ..

معقولة محد يقرا لجبران خليل جبران

 

[BlackRose]

مشاركة: تقرين روايات؟؟ تعالي قولي رايج ..

انا طوووووووووووووووووول عمري اقرى اي شي تطيح عليه ايدي

يوم كنت صغيرة ولازلت اقرى حق تختخ وربعه....ولي الحيني اقرى له ....والحين بنتي تقرى قصصي...ونتبادل انا معاها

وطبعا احسان عبدالقدوس حدث ولاحرج....اموووووووووووووووت على رواياته.....وعندي المجموعة كااااااملة مالته

ويوسف السباعي بعد ما يبي له بالذات نادية....تهبل....قريتها يمكن عشر مرات ولا مليت منها

اللي مااواطنه نجيب محفوظ....رواياته كئيبة....ولازم يذبح له اثنين ثلاث بآخر الرواية...وكله نهايات حزينة...وفصاعة على غير معني

كنت اقرى عبير بس ما اندمجت معاهم

وهم احب اقرى كتب دينية....عجبني ليالي بيشاور...رائع
المتحولون وايد حلو....قصص وخواطر هم حلو...بس مشكلتي اني مااحفظ وايد اسامي

وفترة هبيت بالروايات الاجنبية مثل كوخ العم توم...تمرد على السفينة باونتي....احدب نوتردام....اوليفر تويست...د جيكل ومستر هايد....قصص شكسبير من طقة الملك لير وهالسوالف

الحين مشتركة بسيدتي ومجلة ماجد وادش المنتدى فاحس ان ماكو وقت للقراءة....بس شكلي برد اقرى

وعن تجربة احس ان الروايات الاجنبية اوكي الواحد يقراها مرة وبس وتحسين ان دمهم ثقيل

مو نفس تختخ وقصص احسان احس اني اشتاق لهم ولازم كل عطلة بالذات بالصيف ارد اطلعهم واقراهم

وشوقتوني على روايد بنات الرياض...شكلي بشتريها واقراها

 

[Boochy]

مشاركة: تقرين روايات؟؟ تعالي قولي رايج ..

رائحة البحر...


روايه رااااااااااااااااااااااااااااااائعه للكاتب الكويتي طالب الرفاااعي...


تعيشوووووووووون بأحدااااااااااااااااااث الروايه بطرييييييييييييييقه بشكل مو طبييييييييييعييييييييييييييييييييييييي.....


انا شريتها بس عشان الاسم عجبني والرسمة اللي عالكتاب غريبه....والبياع مدحها لي...



والحيــــن اعتبرها من افضل الروايات اللي قريتها.....!!!​

 

[طوق البنفسج]

مشاركة: تقرين روايات؟؟ تعالي قولي رايج ..

انا الحين باديه بالسجينه والله حلوه لي الحين و صلت الجزء الثاني

الي تسال عن جبران خليل جبران انا ماقريت له ولا مره بس اللسته الي عندي فيها كذا روايه له انشالله بشتريها منها اجنحه متكسره جنه جذي اسمها

بنات بسالكم عن روايه 100 عام بالعزله احد قراها؟ عن شنو تتكلم شفت بمنتديات ثانيه يمدحونها عاد قلت اسالكم عنها و انلقيتها انشالله بقولكم عن شنو اهي

 

[عالي مستواها]

مشاركة: تقرين روايات؟؟ تعالي قولي رايج ..

بنات قريت رواية مرتفعات ويذرنج ... حلوة بس معقدة ونهايتها مليقة .. بس الحبكة حلوة مع اني شغلات واجد ما فهمتها يمكن لأني قريتها بالإنجليزي

ألحين أنا أقرا ألف ليلة وليلة عجيب بنات لا يطوفكم سلسلة من 4 أجزاء .. الجزء الواحد فيه تقريبًا 400 صفحة بس حلو حيل اللغة عجيبة فيها بلاغة وتصوير حلو حيل ...



بنات أبي روايات إنجليزية حلوة منو تعرف ؟

أنا كنت أقرا حق R L Stin رواياته كلها رعب بس أحس مالت مراهقين فكرتها بسيطة واسلوبه مشوق
وقريت حق John Grisham أسلوبه ما عجبني صعب ويطول السالفة وحجي على الفاضي .. حسيت رواياته لغتها صعبة

أبي شي يستاهل أضيع وقتي عليه

 

[طوق البنفسج]

مشاركة: تقرين روايات؟؟ تعالي قولي رايج ..

عالي مستواه جربي روايات جود ديفوكس تلقينها بجرير بس فيها شوي خيال انا قريت sweet layer , blessing انصحج اقؤي blessing وااايد حلوه و اسلوبها سهل

 

[Dancing^Queen]

مشاركة: تقرين روايات؟؟ تعالي قولي رايج ..

وق ياحليلج كل مادش جرير اذكرج
ساتي عن 100 عام ن العزله هذي ابورا خصصت حلقه عنها والبوك كلوب مالها عيزت تمدحها تعتبر من اكثر الكتب مبيعا بالعالم عندهم من بعد الانجيل اكثر كتاب انقرا بالتاريخ وترجم حق لات العالم عند اختي بس لاني عرفت اشياء منها مابغيتها ماحب شي تكون فيه بلاوي تعيسه

علي فكره تذكرين سقف الكفايه؟
موجوده بجرير بس ماشريتها لاني قريت النهايه واكتئبت احب ناس تعيش بسباات ونبات
شريت جم قصه حق قماشه العيالن يوم اليمعه وخلصتهم الاحد الحمدالله
دموع في ليله الزفاف كانت فري سويت اند نايس خفيفه ظريفه واقعيه اسلوبها القصصي حلو
اما عيون قذره روايه واااااااااااااايد حلوه بس شدعواكميه الماسي علي انسان واحد جذي؟ ياللي مافي يوم حلو؟
ولو ان النهايه حلوهبس ضيقت خلقنا باخر جم صفحه احس مالهم معنا لو مخليتنا مبتسمين مستانسين ابرررررررك وايد
بس الصراحه كتبها حلوه قررت اشتري باجي القصص لها

الحين روايه لارائحه البحر
نهايتها تعيسه والا حزينه حلوهوالا لا؟

 

[طوق البنفسج]

مشاركة: تقرين روايات؟؟ تعالي قولي رايج ..

كوين ترى سقف الكفايه فري نايس صج نهايتها اتبط الجبد بس نايس

من زمان مارحت جرير يبيلي طله خلص مخزوني

كوين قماشه العليان يمدحون قصصها ماقريت لها ولا مره بس اكو قصه تقريبا كل المنتديات يمدحونهم لها اسمها انثى العنكبوت انشالله بالروحه اليايه بشوف جان لقيتها

على 100 عام بالعزله جرير ماعندهم شكلي بسال عنها بمكتبات المثنى يمكن احصلها واايد ناس يمدحونها

 

[Dancing^Queen]

مشاركة: تقرين روايات؟؟ تعالي قولي رايج ..

انثي العنكبووت؟
خلاص بسيفها عندي
وراي سر وابي شي يسلي
القصص وايد حلوه
رشحيلي جم قصه ابي شي لطيف وحلو وقصص نهايتها سعيده