تقرين روايات؟؟ تعالي قولي رايج ..

[طوق البنفسج]

مشاركة: تقرين روايات؟؟ تعالي قولي رايج ..

ها يابنات محد قرى شي يديد هالايام

انا ماعندي شي الحين مقزرتها اقرى من النت

كل يوم اقول اليوم بروح المكتبه و مادري متى بي هاليوم

 

[.]

مشاركة: تقرين روايات؟؟ تعالي قولي رايج ..

هلا طوق...

انا كل اقرى قصص بالنت....

قريت قصص للكاتبه العيناويه.....

// // // شوق ابو ظبي....

// // // ظنون..

اذا ادشين الم الامارات تعرفينهم...

وهذيك المرا لقيت بالنت قصص قماشه العليان.....

 

[طوق البنفسج]

مشاركة: تقرين روايات؟؟ تعالي قولي رايج ..

رونه ادش الم الامارات شنو الي قريتيهم ماخرا ؟

ماتحسين كلهم نفس الثيم بس يغيرون الاسماء و الشويه من الاحداث

 

[عالي مستواها]

مشاركة: تقرين روايات؟؟ تعالي قولي رايج ..

بنات رحت أمس لجرير وسألت عن " شيفرة ديفنشي " قالوا لي أن منعوها .. كانوا قبل يبيعونها وبعدها إنمنعت ... حسافة على حظي عاد كان ودي أقراها

شريت رواية سقف الكفاية ما قريت منها شي بس تصفحتها شكلها دسمة والأسلوب راقي حيل

شكلي بجيب رواية ديفنشي من الرياض

 

[.]

مشاركة: تقرين روايات؟؟ تعالي قولي رايج ..

ان كنت اقرا القصص اللي قبل طوق قبل سنتين وجذي صارلي فتره قاطعه ماقرا قصص....

دشيت مكتبه القصص القصص اللي قبل وايد حلوه وخصوصا اللكاتبات اللي ذكرتهم قبل....

وفيه واحد يكتب قصص نسيت اسمه بس قصصه عجيبه فيها عن المتافزيقيه انا احب القصص اللي جذي...

 

[عالي مستواها]

مشاركة: تقرين روايات؟؟ تعالي قولي رايج ..

روايات تركي الحمد موجودة ولا ممنوعة بعد ؟


وصاحب رواية سقف الكفاية محمد حسن علوان عنده رواية إسمها صوفيا محد قراها ؟ أخاف أسأل عنها تطلع ممنوعة ...

ياحظي كل ما أسمع عن رواية ويمدحونها لي تطلع ممنوعة مثل ورايه أولاد حارتنا مالت نجيب محفوظ

أخاف أجيبهم من برا ويمسكوني بالمطار يقولون مهربة كتب إباحية خخخخخخخخخخخخخخخخخخ

 

[طوق البنفسج]

مشاركة: تقرين روايات؟؟ تعالي قولي رايج ..

هلا عالي مستواه

الي اعرفه انه صوفيا غيرمو نفس مستوى سقف الكفايه سقف الكفايه احلى و صوفيا اتكلم عن الموت

و روايات تركي الحمد اظن انها ممنوعه بس مايمنع سالي عنها بجرير و المثنى

رونه يسلموو عالاجابه

 

[.]

مشاركة: تقرين روايات؟؟ تعالي قولي رايج ..

هلا طوق....

الله يسلمج...

عرفتيهم الروايات؟؟؟؟

 

[منطلقة بطموحي]

مشاركة: تقرين روايات؟؟ تعالي قولي رايج ..

اللي تبي رواية شيفرة دافنشي ترى تنباع في مكتبة العجيري في حولي ..

اليوم كنت فيها وشفتها ..

 

[طوق البنفسج]

مشاركة: تقرين روايات؟؟ تعالي قولي رايج ..

شنو جديدكم ايها القراء ؟؟

انا لا جديد على الم الامارات احوس فيه

 

[Dancing^Queen]

مشاركة: تقرين روايات؟؟ تعالي قولي رايج ..

وق ويييييييييييييي قريت قصص من كثرهم ماذكرهم افتر بمكتبات اجوررود اشتري ماتطاله يداي
بس ماخذيت القصص المشوهه ملوتهم اللي كلها فضايح وتبلي علي امرا سعوديه مادري شفيهم علي الاميرات ياربي هالمكتبات كلها كتب تشوه سمعه الاميرات تقولين جنه محتره ياربي ترا بشر نفسنها
خذيت قصتين عن اميرات سعوديات بس حلوين مو تشويه لا سيره ذاتيه وحياتهم حلوه نايس مافيها جذي وتشويه ومبالغات ووحده منهم تحجي عن تاريخ السعوديه حلوه نايس اوي وشلون كانت عايشه مع ريليها ويوم مات اكتشفت انها تحبه حيل وولدها العود صار مجاهد ومعاناتها وشكثر فاقدته القصه حلوه

وشريت جم كتاب حق تركي الحمد علي ماتذكر اسمه جذي

 

[مــلاك]

مشاركة: تقرين روايات؟؟ تعالي قولي رايج ..

السلام

بسالكم عن روايه رائحه البحر لطالب الرفاعي وين احصلها لان كل ماسال عنه ماحصل له شي وعبده الخال بعد!!

 

[رند]

مشاركة: تقرين روايات؟؟ تعالي قولي رايج ..

بصراااحه الموضوووع عجييييييييييييييييييييب
تسلمين يالغاليه
عاد انا نقظة ضعفي الكتب

آنا كارينينا حلوووه عجبتني بس نهايتها تضيق الخلق مالت هالروسي شسمه الله يقطع ابليسه جنه ليو تولستي


وانا غرامي روايات احلام احلا من عبير عبير يمطون السالفه واهي قصيره ومرات يملقونها اما احلام حلووه

وبنات الرياض حلوه تحسين تتحجى عن بنات هالوقت بس احس ان الضجه اللي سوتها زياده عن اللزوم

واحب روايات الكاتبه ديانا هاملتون و شارلوت لامب
ويسلمووو غلااتي مره ثاانيه عالموضوع الاكثر من رووووعه

 

[رند]

مشاركة: تقرين روايات؟؟ تعالي قولي رايج ..

طوق البنفسج صج روايه بنات الرياض موجووده
في بالواضح اللي بالفحيحيل ذاك اليوم طرشت اخوي يجبها لي ب 4

 

[bambena]

مشاركة: تقرين روايات؟؟ تعالي قولي رايج ..

انا توني شاريه عيون قذره لقماشه العليان بديت فيها تشد حلوه
وشريت المراه التي احب لفتحيه ناصر بس ماقريتها لي الحين

 

[طوق البنفسج]

انا شريت 7 حق غازي القصيبي

و شريت مدائن الرماد لبدريه العبد الرحمن

بس ماقريتهم اليوم شاريتهم حق السفره لي رديت قلت لكم راي

بس روايه 7 القيت علس=يها نظره سريعه شكلها يشد

 

[supermarket]

بنات مالقيت سقف الكفاية بجرير

حست ومالقيت احس دثرة صوب القصص ولوية


حطولنا صور لغلاف

سقف الكفاية
100 عام من العزلة


ومشكوووورين

 

[عالي مستواها]

آخر مرة رحت المكتبة شريت روايات واجد كلهم أجنبية إلا وحدة إسمها " بائعة الخبز " من الأدب الفرنسي سمعت عنها شكثر وما صدقت عيوني يوم شفتها وأنا أحوس بين الرفوف بجرير

بس ماراح أقراهم إلا لما أخلص سقف الكفاية بادية فيها صارلي شهر وليلحين ما خلصت بس مشالله الكاتب عليه أسلوب مو طبيعي حيل يشد ...ولو أني ضعت بالقصة أحسها خاطرة مو رواية ما فيها أحداث ولا تسلسل يشطح الكاتب بين الأحدات والأفكار بدون ترتيب بس حييييل عجبني أسلوبه​

 

[supermarket]

بعد عمري عالي مستواها

الف شكر

 

[gumasha]

انا احب الروايات الرومانسية الاجنبية
بصراحة اطلبهم من امازون

مئة عام من العزلة قريتها تقريبا قبل سنه... تهبل

بنات ليش ما نسوي موضوع خاص لمناقشة كتاب معين ... يعني نادي قراءه

حالنا من حال هالامريكان ... ولا شرايكم​