تقرين روايات؟؟ تعالي قولي رايج ..

[تفاخيه مبطوطه]

اختي قماشه .. انا منزله موضوع ثاني حق الكتب .. هم تلقينه بالتوقيع مالي تقدرين تدخلين وتتناقشين بأي كتاب انتي حابته

وحياج الله

 

[.]

هاااي بنات....

ماقريتوا شي يديد؟؟؟؟؟

 

[تفاخيه مبطوطه]

رونه انا الإيام اللي طافت كنت اقرى رواية ناديه حق الكاتب يوسف السباعي

وايد مدحو الفلم مالها اللي مثلته سعاد حسني يقولون يهبل بس قديم يمكن بداية الملون

ناويه اخلص الروايه وتالي اشتري الفلم ان شاء الله

 

[.]

هلا تفاخيه...

انا بقرا الكراديب عندي من سنه يدي

وقاعد اقرا بالنت مراهق كويتي ....

انتي ما قريتي شي بالنت؟

 

[تفاخيه مبطوطه]

امبلا قاعده اقرا معاج مذكرات مراهق كويتي

وقاريه من قبل بشروه اني برحل <-- كانت عجيبه حيل بس طويله هم حيييل

 

[.]

قريتهاااا بشروه اني برحل مو وايد طويله....

اذا تبين قصص حلوه اقري قصص ظنون و شوق بوظبي والعيناويه بالم الامارات رروووووعه.....

 

[تفاخيه مبطوطه]

بحاول اقرا لهم .. بس بشروه اني برحل مو طويله! خذت مني زود عن اسبوع وانا مجابله الجهاز ههههههههههه

 

[ليالي الكويت]

السلام عليكم ورحمـة الله وبركاتـته ...

مشكورة على الموضوع الحلو تفوخـة ..

أنا بصراحـة كنت أقرا ايام المراهقـة روايات عبير ..

ومن كثرهم نسيت اساميهم ...

اما بالنسبة لقصص النــت أنا دايما مقابلة منتدى ألم الامارات ..

وأحلــى قصتيــن عجوبي هم بشروه اني ابرحـل وهي بغنى عن التعريـف ..

والثانيـة جروحي تنزف احزانــي روووووووووعـة بمعنى الكلمة وانا حطيتها هني بالمنتدى .. نقلتها من منتدى الم الامارات ...

 

[طماشه]

هلوووووو

خوووووووووووووووووش موضووع والله شكريااا تفووخ


أنا قريت بس ثلاث قصص من النت
وبخااطري اشتري روااياات بس ما أبي روماانسي


شتنصحووني فيه كبداايه لاني ابي اتعلم اقراا


وصج تعالوا بغيت أسالكم شنو استفدتوا من قراءه القصص لان تقريبا
اغلب الوقت يضيع عليهاا فإذا وراهاا فاايده ماعليه لكن اذا ماورااها الى
مضيعه الوقت ماابي


وفي اخت قالتلنا عن قصه نور الله الدينيه شنوتتكلم عنه ؟؟

 

[كاكاوة سايحة]

يهبل الموضوع توني أدري عنه عاد آنا فلوسي كلها ضايعة على الكتب و القصص.
أحب أقرا القصص البوليسية سواء بالعربي أو بالانجليزي أما الكاتب المفضل أغاثا كريستي معشوقتي ملكة الاجرام نياهاهاهاهاي.
طماشة أنصحج تقرين قصص بوليسية لأنها تشد غير جذي تنمي عن الواحد الحس المنطقي (السبب و النتيجة) و أغاثا كريستي أسلوبها وايد حلو ...أنصحج بقصة مقتل روجر آكرويد على ما اعتقد جذي إسمها لأني قاريتها بالانجليزي. أسلوب أغاثا كريستي الفكاهي يخفف من دموية الاجرام إلي نشوفه عادة في القصص البوليسية.
أما آخر قصة قريتها كانت دافينشي كود وايد اعجبتني ...شفت الفلم ما كان ذاك الزود الرواية أحلى بواااااااااااااااايد.
أما عن القصص الرومانسية ...مادري ...ما أقرا وايد.
مرة قريت قصة إسمها الحب الأول من ضمن الكتب إلي توزعها القبس مجانا على المشتركين...كانت القصة وايد حلوة و إسم الكاتب روسي إشطولها ما أذكره.
أول قصة قريتها كنت بالثانوي كانت جين أير و كانت مكتوبة بلغة انجليزية سهلة ...فلما خلصتها حسيت إني سويت انجاز لأني قريت بالانجليزي.
قريت مسرحية لجورج برنارد شو إسمها الرجل و السلاح وايد اعجبتني.
قصة نساء صغيرات مملة حتى ما كملتها مادري إنتي تفاخية شلونج معاها؟
ودي أقرا حق الكتاب الكلاسيكيين مثل شكسبير و أوسكار وايلد و ديكنز و ودي أقرا قصة حديث الصباح و المساء لنجيب محفوظ بس مادري و ين أحصلها.
سلامتكم و تعيشون.

 

[تفاخيه مبطوطه]

ليالي الكويت

العفو حبيبتي وان شاء الله بحاول اقرى الروايه اللي قلتي عنها بألم الإمارات .. حياج

طموشه

العفووووو

امممممممم تبين قصص اجتماعيه يعني؟ ولا دينيه؟

اذا دينيه في كاتب اسمع نجيب الكيلاني يكتب روايات اسلاميه على ما اعتقد!

وحيااج الله


ككاوه سايحه

قصة نساء صغيرات مملة حتى ما كملتها مادري إنتي تفاخية شلونج معاها؟

بالعكس انا وايد حبيتها .. يمكن لأني احب هالنوع من القصص اللي اهي الإجتماعيه

عيل انا ما افهم روايات اجاثا كرستي شكثرهم مكودين عندي ماني قادره اكملهم! صج اني لما اقراهم جني اطالع فلم .. بس وايد تمر احداث ما افهمها! :eh_s(22):

طلعنا مو نفس الذوق بالروايات يا ككاوه للأسف

 

[طماشه]

يسلمو بعد قلبي كاكاوه سايحه بجرب القصص البوليسيه وعلى قولتج تشغل
المخ وهذا الي انا ابييه


مشكوره تفووخ على الرد وكله وااحد اجتمااعي او ديني بشووف قصص
نجيب الكيلاني

وعطيني اسم قصه اجتمااعيه حلوه


وبس مشكككوره

 

[تفاخيه مبطوطه]

اوكي بدور لج طماشه

قريتي القصص اللي بالنت بشروه اني برحل + مذكرات مراهق كويتي؟؟

ترى حلوين الأولى دراما إجتماعيه <--- على كيفي حددت النوع ههههههه

والثانيه على بوليسيه شوي

 

[طماشه]

يسلموووووووووووووو ماتقصرين

 

[الله يرحمك بابا جابر]

الله خوش موضوع .. سويتلي لستة قصص ان شاءالله بشتريهم من ردودكم الحلوة

انا اموت بشي اسمه قراءه من وانا صغيره اقرا طبعا ماجد و الشياطين الـ 13 و ميكي وبطوط و باسم و فلاش وسماش وقصص المكتبة الخضراء عندي كل المجموعه لول واشياء وااايد ماتحضرني الحين

وتقريبا رابعه متوسط بديت اقرا احسان عبدالقدوس ويوسف السباعي والروايات الطويله ..

وااااااااااااااايد قريت وكل الانواع اجنبي عربي مصري كويتي كل شي

واحسان عبدالقدوس اتوقع قريت 3 ارباع رواياته اذا مو كلهم منهم (انف وثلاث عيون- الوساده الخاليه - ونسيت اني امرأة - اين عمري - عقلي وقلبي -اللون الاخر - ياعزيزي كلنا لصوص - حالة الدكتور حسن والباجي نسيتهم ..)

والروايات العالميه مرتفعات ويذرينغ - روبنسون كروزو - اوليفر تويست << الفلم احلى من الروايه - نساء صغيرات - مذكرات قيشا <<ماكملتها - آنا كارنينا - قصة مدينتين - ووايد بعد نسيتهم من زمااااااااان قاريتهم

ومؤخرا قريت المشردة لـ تريز صعب وعمارة يعقوبيان و رواية ملامح < لزينب حفني << ممنوعه بالسعودية

وقريت لأنيس منصور << عجيييب ماشالله عليه (الذي هبطوا من السماء) و ( الذين عادوا للسماء )

وقريت حق ناس وايد ومختلفين وقريت اذكر منهم ليلى العثمان و تركي الحمد

عموما الروايات الاجتماعيه والرومانسيه تعجبني واقراها
البوليسيه بطلت تشبعت منها ايام متوسطه وثنوية لول

واذا ذكرت شي او شريت وقريت لي عودة ان شاءالله

خوش موضوع :d

 

[تفاخيه مبطوطه]

مشكوره على المشاركه (الله يرحمك بابا جابر) وعسى الله يرحمه ويغمد روحه الجنه ..

تسلسل قرائتج يشابه تسلسل قرائتي بس انا مازلت اقرى قصص اليهال لما الحين ماكبرت ههههههههههه

ذبحيني على ميكي وبطوط وخصوصاً المجلدات القديمه آخذهم من مكتبة العجيري .. وياليت لو بالمصري بعد احلى واحلى

وسماش وفلاش حق السفر شي اساسي بجنطة اليد :eh_s(3):

امممم انيس منصور كاتب اسلامي يعني؟

 

[الله يرحمك بابا جابر]

لا مو اسلامي

اهو اجتماعي وكتبه ثقافيه على روائيه واهو مصري كان يكتب بجريدة الاهرام ممممممم يمكن ليلحين يكتب بس له اسلوب وايد حلوووو

انصحكم تقرون له صج صج راح تستفيدون معلوماته قوية

 

[rudy]

بنات لاطوفكم قصة السجينه اكيد بعضكم قاريها بس الي ماقراها..... مادري شقول عجيبة ماتقدرين اتهدينها

 

[سبائك]

رودي منو الكاتب؟؟؟؟؟

وشنو نوعها خياليه ولا واقعيه ولا شنو؟؟؟؟

 

[تفاخيه مبطوطه]

الله يرحمك بابا جابر... ان شاء الله راح نقراله

رودي .. كان مادحها لنا دكتورنا بالجامعه .. يايبها معاه بالكلاس ويقول لنا اقروها ترى وايد حلوه

واللي كاتبتها مره بس نسيت اسمها .. مغربيه صح؟

سباجه .. اللي اعرفه انه الروايه عن السجون بالمغرب ؟! والعهده على الراوي