تقرين روايات؟؟ تعالي قولي رايج ..

[كاكاوة سايحة]

كملت الطريق إلى كراتشي... وايد حلوة ...بناء القصة متماسك ... المفردات معبرة و بنفس الوقت سلسة ... بس عيبها إن مافيها أحداث متشابكة و مافيها خيوط و شخصياتها قليلة ... بس ماشاء الله عليه الكاتب شكله سوى بحوث وايد عن التجارة أول و عن التكنيكات إلي كانوا أول البحارة يستخدمونها في تحريك السفن فيخليج تعيشين مع النوخذة و إلي معاه جنج تشوفينهم ... فيعطيه العافية ...مؤلف من هالنوع و كويتي و رواية من هالنوع و حائزة على تنوية من لجنة تحكيم للإبداع المفروض إن ياخذ هالشي ضجة كبيرة.

مئة عام من العزلة لقيتها بفيرجن حبة وحدة بس و بالإنجليزي قاعدة أقراها بس مادري إشفيني ماني حابتها؟

 

[الحب الخالد]

انا ذبحيني على القراءو ومن غير مبالغه اقرا كل شي واي شي عادي بس عاد لازم احد يمدحه لي مو اشتري وبعدين اتوهق وايد صارت معاي
واخر شي هبيت بروايات دافنشي كود وملائكه وشياطين ونسيت منو الكاتب اكيد تعرفونه والله نسيت منو
وبعد بنات الرياض حدها كووول

 

[الحب الخالد]

بعد هم قريت روايه اسمها مذكرات مراهق كويتي صراحه الكاتب عجيب القصص اشويه على رعب بس وايد حبيتها

 

[طيــف الذكــريات]

سلاااام بنااااااااااااات ..

صرااحه لو اقووول انا امووووت على شي اسمه قراءه ما ابالغ

صج استفدت من الموضوع وخذيت بعض اسامي الكتب والقصص اللي البنات قروها

بناات يا ليت تكتبون لي اسامي مكتبات حلوه ودايما تروحون لها..

انا دايما اروح مكتبة العجيري وجرير​

 

[طوق البنفسج]

طيف الذكريات انا من فتحوا جرير و انا مرابطه فيها

اليوم رحت شريت لي 4 روايات يديده

معرض الكتاب يوم 21- 11 2006

 

[تفاخيه مبطوطه]

حياكم الله يا بنات والموضوع موضوعكم

شلونكم مع القرايه هالأيام؟ انا كلش قاطعه الروايات

طواقه مر على معر

 

[تفاخيه مبطوطه]

حياكم الله يا بنات والموضوع موضوعكم :eh_s(17):

شلونكم مع القرايه هالأيام؟ انا كلش قاطعه الروايات

طواقه مر على معرض الكتاب اللي طاف سنــــــــــــــــــــــــه؟ وااااااااااي؟!

 

[أم منصـ 85 ـور]

- شنو نوع الكتب اللي تحبين تقرينها ( دينيه - تاريخيه - علميه -طبخ - علم نفس... إلخ)؟

والله ياتفوخ قبل لا أدش الجامعه ماكنت احب أقرأ كتب بس لما تخصصت بالسياسه حبيت الكتب السياسية عشان تساعدني عالتحليل ..
2-منو (الكاتب/الكاتبه) اللي تحبين تقرين له ؟

مافي كاتب معين بس الموضوع اللي يشغل بالي أدور عنه كتاب وأقراه عندي دكتور بالجامعه أسمه فلاح المديرس عنده مجموعة كتب تتكلم عن السياسة في الكويت قريت له الأخوان المسلمين في الكويت النشأة والتطور .. والماركسية الكويتية كيف بدأت وشلون اختفت .. والقومية .. والمجالس التشريعيه .. وألخ .. عن الكويت بشكل عام .. أرجع لهالكاتب ..
كتاب ثاني خذيت ماده أسمها سياسة دولية وعن الحربين العالميتين وعن هتلر فمن خلص الكورس رحت شريت كتاب حياتي لأدولف هتلر وقريت قصة حياته كاملة من خلال مذكراته وطبعا نهايته حطوها اللي جمعوا هالمذكرات ..
قريت كتاب أسعد أمرأه في العالم لعائض القرني وكان روووعه
طبعا أقرأ بشكل دوري مجلة العلوم الإجتماعية والإنسانية ..
وقريت كتاب حياتي لأنور السادات .. وأأووو نسيت هههههههه شكثر أقرأ هههه
3-شنو الكتاب اللي مهما تعيدين وتزيدين فيه ماتملين (تقرينه أكثر من مره ) وليش ؟

حياتي لأنور السادات وأي كتب للسياسه الدولية
4- إذا بخطارج نقد على كتاب سواء بناء أو هدام قوليه لنا يمكن يكون راينا من رايج..

في نقد بس لو بقول من ألحين لي باجر ماأخلص

 

[رفرف]

انا توني رحت شريتلي جم رواية لما أقراهم أعطيكم رايي فيهم

 

[تفاخيه مبطوطه]

نوسه .. هذا الدكتور درسني وعندي 3 كتب من كتبه لأنه كان يعتمد عليهم بمادة حكومة وسياسة الكويت بس انا ماواطن السياسه هههههههه تبينهم؟؟

وحيااااج الله

رفرف .. ناطرينج

 

[سحر الطبيعة]

آنا غرامي رويات أجاثا كرستي المترجمة الى العربي و الرواية اللي قاعدة أقراها الحين أسمها بالعربي رصاص بالظلام

 

[طوق البنفسج]

اشلوونكم يا قراء

انا قريت روايه حاره الكيبين حلوه اتكلم عن حاره الكاتب و الناس الي عايشين فيها كل انواع البشر

الكاتب : لطفي الحداد و شريتها من جرير

 

[رفرف]

قريت رواية عاشق مهزوم جنه اسمها جذي اذا ماني غلطانة حق عبدالله المضف مو حلوة ما عجبتني جنها رواية يهال ..

وقاعدة أقرا عيون قذرة حق حماقة العليان بس توني بادية فيها ومخليتها بالدوام متى ما فضيت قريت منها

 

[supermarket]

حماقة خخخخخخ

قماشة

 

[تفاخيه مبطوطه]

سحر الطبيعة .. حياج الله .. وناطرين نقدج للروايه اللي بيدج :eh_s(17):

طوق البنفسج .. كيف حالش يابت .. بتروحين معرض الكتاب؟ اشناويه تاخذين؟؟

رفرف .. اشحماقته ياحافظ؟ ههههههه صج عاد اسم الكاتب حماقه؟

supermarket .. ثانكس على المرور حق الشماته يا سعد هههههههه :eh_s(3):

 

[رفرف]

وي وي وي قماشة العليان مي سوري كله من بنتي دودهتني وانا اطبع بس ترى الرواية وايد حلوة عجبتنيييي

 

[تفاخيه مبطوطه]

لوووول يبيلج مره عيل على موضوع البدليات مال سارا ديور ههههههه وسوي اقتباس حق البدليه العظيمه هذي لوووول

وان شاء الله بنقرا الروايه بس مو تحرقين الأحداث مثل ماسويتي بموضوع الأفلام ههههه

وحياج الله وياحلوج وياحلو بدلياتج .. عيل قماشه صارت حماقه لوووول لا تدري عنج

 

[طوق البنفسج]

انا بعد عندي خطا مطبعي

حاره الطيبين مو الكيبين

 

[طوق البنفسج]

تفوخ في لسته كنت كاتبتها هني للكتب الي ابيها باخذها معاي جان لقيت الكتب بس بخاطري اقرى مجدولين و تحت ظلال الزيزفون من كثر ما سمعت فيهم يمدحووونهم

 

[طوق البنفسج]

الاجنحه المتكسره <<<<< جبران خليل جبران

مدن الملح <<<<<< عبدالرحمن منيف

موسم الهجره الى الشمال <<<<<< الطيب صالح

ذاكره الجسد - فوضى الحواس <<<<< احلام مستغماني

ماجدولين - تحت ظلال الزيزفون <<<<< مصطفى المنفلوطي

انا كارينا <<<<< تولسوي لي الحين ما قريتها بس عندي

هما - سبعه - العصفوريه -<<<<< غازي القصيبي سبعه بس قريتها اتونس

شرق الوادي -- جرح الذاكره - الازقه المهجوره 3 اجزاء ( العدامه - الشميسي- الكراكيب ) <<<<<< تركي الحمد

البحث عن امراه مفقوده <<<<< عماد زكي

80 عام بحث عن مخرج <<<<< صلاح حسين عندي ما قريتها توني شاريتها

العائده <<<< احمد بسيسو

100 عام بالعزله <<<< غابريل غرسيا ماركيز

مدائن الرماد <<<<< بدريه العبد الرحمن و صلت نصها واايد حلوه

صوفيا <<<< محمد حسن علوان نفس الي كاتب سقف الكفايه

هذي اللسته نتيجه بحث و تمشي بين المنتديات طلعت بهالكتب الاكثر مناقشه

انشالله عاد يستاهلون

الي ما لقيتهم بحاول ادورهم بمعرض الكتاب عقب شهر