تقرين روايات؟؟ تعالي قولي رايج ..

[.]

بنات ترى هذا خوش مووووقع حق اللي تبي تشتري كتب من النت

موقع كتــــــابــــــي <-- ضغطو هنااا

بس جنه اسعاره شوي اغلى من المكتبات

تطلبون منه والدفع عند التسليم

انا طلبت الحين السجينه .. يوم جيكت على السعر ولا 5 ورفيجتي ماخذته من المعرض اللي طاف ب 3 !!

واااااي تفوخ قبل جم يوم دشيته عشان بنزل عنه موضوع..

حتى انا احس اسعاره اغلى من المكتبات بشوي ..

 

[تفاخيه مبطوطه]

فوز .. حياج الله .. اناااا مادري متى بقرا بنات الريااض عندي من سنين الطواعين على جهازي ولما الحين مافتحتهااا !!

رونه .. من سبق لبق هههههههههه

لا بالعكس نزلي عنه موضوع يمكن في بنات مايدرون اني حاطته هني!!

نفس موقع قيم مدرسك مابقى موضوع ماحطيناه في وجنج سويتي عنه موضوع

كل ما انتشر كل ماعمت الفايده اكثر وحيااااج ياقلبي

 

[.]

لا ابشرج تفوخ نزلت موضوع ثاني عن قيم مدرسك..

ههههههه يعني متنازله عن الموضوع انزله بدالج؟

وبعدين وين احطه؟

 

[تفاخيه مبطوطه]

اي اي نزليه افا عليج .. نزليه بقسم الكتب ماكو قسم حق الكتب؟

بنفس قسمنا هذا مال الروايات والقصص نزلي هالموضوع

وخل اشارك واكتب عن الكتاب اللي طلبته

 

[FOZQ8]

تفاخيه رحمي عيونج ولا تقرينها من النت
حوالي 400 صفحه يالهوي اسم الله على عيونج لا تروح فيها
يبا تبينها كاهي مقطوطه عندي

 

[تفاخيه مبطوطه]

تهقيييييييييين؟؟

لا بس مو اكثر من بشروه اني برحل ! قريتها كلها على النت ... صج راحت عيووووني .. بس كانت حلوه وتسوى ونهايتها تحطــــــــم

قريتيها؟

 

[.]

اوكي..

لا تفاخيه بنات الرياض اكثر من بشروه اني برحل ؟

 

[تفاخيه مبطوطه]

ولييين

ميخالف صار لها فتره عيوني مرتاحه هههههههه خل تتعب شوي ماعليه

 

[FOZQ8]

بنات قماشه العليان فظيعه
شريت لها مجموعه قصص بعنوان خطأ في حياتي حلوه
والحين قاعده اقرى روايه لها حاصله على جائزه وتتكلم شوي عن فتره الاحتلال واهيا هدتها لنساء الكويت اللي عانوا وعاشوا فتره الاحتلال
المشكله انه الروايه بالسياره لاني اخذها معاي بره اقراها بس اغلب الظن اسمها عيون على السماء ... اي صح عيون على السماء
انا خلصت ربعها بس روعه
وطريقتها حلوه بالكتابه
وشريت بعد لنفس الكاتبه عيون قذره بس للحين ماقريتها

 

[#ريما#]

مرحبا بنات .. :eh_s(17):

انا من عاشقة الروايات و الكتب بشكل عام احب القراءه و اقرى في كل المجالات ...


من اجمل الروايات الي قريتهم روايات المنفلوطي
1- ماجدولين (تحت ظلال الزيزفون ).
2-بول وفيرجني(الفضيلة)
3- سيرانو دي برجراك(الشاعر)
4-في سبيل التاج
5-مجموعة قصص قصيرة(العبرات)
اسلوب رائع ومتميز و مشاعر اعيشها مع الكاتب و ابطال الروايه بلحظاتها من فرح و حزن، طريقة استخدامة للغة العربية شي عجيب اسلوب وابداع تستمتعين استمتاع مو طبيعي عكس روايات عبير الصراحة مع احترامي اسلوبها ركيكة وواضح انها ترجمة حرفية لقصص اجنبية ما تتناسب مع مجتمعاتنا قريت منهم كم قصه ما اعجبتني ...
و بالنسبه للكاتب المولود مؤخرا في ساحة الكُتاب هو المهندس عايض القحطاني و صدر له اخيرن اول كتاب و هو رواية " سلوة العاشق " بصراحه اعجز عن وصف هذا الكتاب فخلال ثلاث سنوات ابدع فيها هذا الشاب في عمل اصداره الذي يستحق نجاحه الكبير ..
و بالنسبه للكاتبه قماشه العليان فانا اعشق رواياتها ايضا لما تحمله من تصوير للواقع .. و من رواياتها الي قريتهم الذي اذكرهم حاليا ( أنثى العنكبوت - الرجل الحائط ) و لها الكثير من الروايات الرائعه ..

و اعتذر للاطاله

شكرا لكم على هالموضوع الرائع و الممتع بصراحه :eh_s(22): ​

 

[طوق البنفسج]

ريما شوقتيني على ماجدولين اشكثر سمعت عنها

و عايض القحطاني اول مره اسمع فيه .... سلوه عاشق روايه ولا كتاب ؟

 

[#ريما#]

عزيزتي طوق البنفسج رواية سلوة العاشق

 

[#ريما#]

و نسيت اذكر لكم هالروايات الي بصراحه كنت اتمنى اني احصل عليهم لأني ما لقيتهم بالكويت للاسف

ذاكرة الجسد لأحلام مستنغانمي و هذي كاتبه جزائريه مبدعه جدا
غصن الزيتون رواية اجنبيه مترجمه للكاتب محمد عبدالحليم عبدالله مصري
أمرأه من زمن العولمه لخولة القزويني كويتيه
أسرار المرأه لخولة القزويني

و بس:eh_s(22):

 

[M!SS CoFFee]

هاااااااااااي

والله خوش موضوع انا وحده مدمنة روايات وقصص وكلها رومانسية ..

واحب اقرا لدانييل ستيل فظيعة هالكاتبة ..

احلى رواية قريتها لها اسمها (( القبلة )) هذي صج احداث وحبكة على اصووووله ..

انصحكم تقرووونه ,,

يسلمووو تفاخية عالموضوووع ..​

 

[تفاخيه مبطوطه]

حياكم الله يا بنات ومشكورين على المشاركه


مسس كوفي اهم شي اني قريت دانييل = دانتيل ههههههههههههه

اقول هو اشدانتيله ههههههههههه داشين خياط؟

حياج الله يا قلبي

 

[شاهة]

السلام عليكم شلونكم بنات , امممم من زمان عن الكتب بنات بس لايطوفكم قبل فترة قريت رواية الخيميائي مالت باولو كويلو صج عجيبة
حسيت انها كتاب بناء للذات مو رواية لما تقرونها راح تعرفون شنو اقصد
بنات لاتشترونها الي تبيها تنزلها من النت او دزلي ايميلها انا ادز لها اياها بالعربي

 

[jun]

السلام عليكم
الورايات إلى أحبها إهي لدار نشر بريطانيه إسمها ""ميلز آند بونز""
كلها رومانسيه ومعاناة الحب
على أصولها
وبكل إتجاهاتها سواء تاريخيه أو حديثه أو رومانسيه شاعريه أو رومانسيه تتعلق بكون أحد البطلين عنده طفل أو رومانسيه طبيه ...""حسب خلفيه كل بطل لكل قصه""
كانت تنباع في مكتبة الكويت إلى بالمثنى لكنهم بطلوا فلقيت موقعهم على النت وكل فتره أطلب منهم مجموعه
لأنها أكثر من رائعه
وشكرا

 

[camilia]

المووضووع عجييب لاني من عشااااق القرااءة... لكني مااحب اقرا حق روائيين عرب ما يعجبني اسلوبهم مع احتراااامي الشديد لهم...احب اقرا حق باربارة كارتلند رواياتها رومانسيه...ويعجبني ستيفن كينغ اللي اغلب رواياته تحولت لافلام منها ( ميزري) .. ومن الروايات اللي عجبتني صججج صججج رواايه انصح الكل بقرااائتها ( اليهودي والفتاة العربية.. قصة الحب الخالدة)
.... وهم روايه لوليتا .. وغادة الكاميليا ... آسيا...المنبوذ..البؤساء..والعدييييييييييد العدييييد

 

[طوق البنفسج]

صباااااحو يا بنات

شنو جديدكم ؟

 

[rawona]

وااااااااااااااو موضوع حده يشوق بالنسبه لي انا لازت مدمنه قراءه .. احب اقرا في كل شي واي شي و ما استغني عن الكتاب ابدا
:eh_s(3):
1. احب اقرا بكل شي (رومانسي- سياسي- اجتماعي- بوليسي- تاريخي) اي كتاب حلو يشدني

2. من الكتاب اللي احب اقرا لهم
على الصعيد المحلي (تركي الحمد- حمد الحمد)
على المستوى الخليجي (قماشه العليان- غازي القصيبي)
على المستوى العربي وايد(نجيب محفوظ- يوسف السباعي- احسان عبدالقدوس- أنيس منصور)
على المستوى العالمي (أغاثا كريستي- باولو كويلو- تشارلز ديكنز- فيكتور هيوغو- شكسبير)

3. الروايات اللي مهما قريتها ما امل من قرايتها مره ثانيه اهي
رأفت الهجان للكاتب صلاح مرسي
عيون قذره لقماشه العليان
و شقة الحريه لغازي القصيبي وهم بعد روايته 7 كانت حلوه

نقدي على روايه قريتها اهي مجموعة قصصية لهيثم بودي اسمها النخيل فيها بعض القصص مو مفهومه بالنسبه لي ما حبيت اسلوبها ..
ومشكورين على هالموضوع :eh_s(15): ​