تقرين روايات؟؟ تعالي قولي رايج ..

[تفاخيه مبطوطه]

انا بعد عندي خطا مطبعي

وي جنج نقرتي لأني قلت حق رفرف ياحلوج هههههههههههههااااي

ياحلوج يا طواقه وياحلو بدلياتج ولا تزعلين ههههه

ماشاء الله اللسته اشطولها عيل انا لستتي قاعده احاول احط فيها اسم كتاب واحد ماكو!

الكتب اللي شريتهم السنه اللي فاتت لما الحين على حطتهم ماقريت منهم شي مادري شفيني!

 

[عالي مستواها]

طوق البنفسج

انتي قاريه من قبل حق مستغنامي ؟
نزلت ثلاثيتها من النت
( ذاكره الجسد - فوضى الحواس - عابر سرير )
تحسين وانتي تقرينلها كنج تطالعين فلم اباحي استغفر الله كلش ما عجبتني جرأتها ... بس أسلوبها حلو مثل محمد حسن علوان
وماجدولين أنا تكلمت عنها بردي الاول ... حلوة من ناحية البلاغة بالتصوير والوصف بس مادري ليش سوت هالضجة كلها وكل هالمدح يعني قصة عادية حيل من ناحية الحبكة


أنا عن نفسي جمعت لسته شطولها للروايات اللي بشتريها من معرض الكتاب ..

مدائن الرماد لبدرية عبد الرحمن
الطريق إلي كراتشي هيثم بودي
هما - سبعة - العصفورية غازي القصيبي
البحث عن امراة مفقودة عماد زكي
100 عام بالعزله غابريل غرسيا ماركيز
آنا كارنينا ليوتولستوى
احدب نوتردام
رواية 7 ... للقصيبي
أسفار من أيام الانتظار لتركي الحمد
مدن الملح لعبد الرحمن المنيف
السجينة


بنات اللي قارية أي وحدة من الروايات اللي ذكرتهم يليت تقولي تسوا ولا لاء ..

هذي لستت الروايات .. وسويت لسته ثانية للكتب
على طاري الكتب قاعد أقرا الحين كتاب اسمه
Believe and Achieve حق بول حنا مصنف من ضمن الكتب الأكثر مبيعًا بالعالم ويندرج تحت كتب تطوير النفس أو التحفيز
الكتاب روعة لا يطووووفكم ... توني أنا الحين بثاني فصل بس أحس الكتاب مو مثل الكتب التجارية اللي بهالنوع

 

[رفرف]

انا شريت جم رواية حق قماشة العليان من العجيري علشان أقزر فيهم بالدوام ..

وقريت رواية نسيت أسمها حق علياء الكاظمي أظن اسم الرواية ويبقى الأمل أو شي جذي ... مش ولا بد ماعجبتني زود ..

فوضى الحواس <<<<< احلام مستغماني كللللش ما عجبتني ماقدرت حتى أكملها كاهي محذوفة

 

[.]

اي وايد حلوه قصه عيون قذره لقماشه العليان...

 

[طوق البنفسج]

عالي مستواها ...

انا قريت مدائن الرماد واصله نصها واايد حلوه انصحج فيها بس اهي متينه 600 و شي صفحه

و قريت السجينه .... انصح الكل يقراها واايد حلوه

سبعه .... لغازي القصيبي حلوه و خفيفه اتوريج الباد سايد حق الناس

سؤال متى اخر يوم المعرض؟

 

[تفاخيه مبطوطه]

طواقه جنه آخر يوم 29/11 ؟؟ اذا ماني غلطانه

اكيد في اعلان بالجرايد

 

[رفرف]

عاد انا رحت المعرض وما افتريت عدل ..
يبيلي روحة ثانية ...

أمهات اليهال في هناك ركن حق مكتبة عالمي الممتع ..
عندهم قصص من القرآن وقصص من الأحاديث رووووووووووووووووعة انا خذيتهم مع ان بنتي صغيرة ..
وبنزل موضوع عنهم ماشالله وايد وايد وايد حلوين

 

[تفاخيه مبطوطه]

بنات ترى هذا خوش مووووقع حق اللي تبي تشتري كتب من النت

موقع كتــــــابــــــي <-- ضغطو هنااا

بس جنه اسعاره شوي اغلى من المكتبات

تطلبون منه والدفع عند التسليم

انا طلبت الحين السجينه .. يوم جيكت على السعر ولا 5 ورفيجتي ماخذته من المعرض اللي طاف ب 3 !!

 

[طوق البنفسج]

مشكوره تفاخيه عالموعد و الموقع

 

[تفاخيه مبطوطه]

حياج ياعمري

 

[رفرف]

توني شريت من المعرض كود روايات منها سبعة لغازي القصيبي ....
ومئة عام من العزلة ياويلكم ان ماطلعت حلوة ...
وأنثى العنكبوت حق قمااااااااااشة العليان (هالمرة صح )
والباقي ماذكرهم الجيس مو يمي
اذا قريت شي أقولكم عن رايي فيه ..

 

[supermarket]

بنات المعرض راح يفتح 1/12

زهبوا اللستة

وعطونا احلى الروايات اللي تسوى نشتريها

 

[تفاخيه مبطوطه]

رفرف .. ناطرينج تقرينهم

سوبر ماركت .. اي معرض تقصدين؟ اذا الكتاب فاتح من زمان!!!!

 

[رفرف]

قريت أنثى العنكبوت حق قماشة العليان ... مو زود الصراحة اتييب القامت ..

 

[nono78]

توني اطيح عالموضوع من الرابط بالتوقيع

المهم توني باديه اقره روايات بسبب الملل بالدوام والوقت الي ما يمشي

عندي 3 روايات

وحده اسمها الأماكن في عيون جمانه
طبعا حدها مالت مراهقين كلش كلش مو مال عمري اخر شي يوم مات احمد

قمت اضحك ما بجيت >>> مجرمه بس والله القصه احسها حق 18 سنه
مو حقو وحده متزوجه وعندها عيال

المهم الروايه الثانيه اسمها الفريج
هذي توني باديه فيها بس مستواها راقي ليحين حلوه ومستمتعه فيها

وعندي روايه الحياة لطيفه >>>> لمن اخلص الي فوقها بعدين ابلش فيها

طبعاااااااااااا مو انا منقيتهم ريلي راح معرض الكتاب ويابلي ياهم

بروح الحق قبل لا يصكرون بروح انقيلي


صج تذكرت ايام المراهقه بعد الغزو كنت طايحه بكتب الغزو
يعني عن صدامووووووو وعاصفه الصحراء ومن هالنوعيه

عاد شفت كتاب اسمها ( خنت حيلي يالكويت )
خذيته ولا بالبيت اشوفها روايه عن حياة اسره كويتيه قبل الغزو وفي الغزو
روايه اجتماعيه رومانسيه
بس صج صج صج روعه الي اسبوع بس ابجي على سعد ولولوه


والكتاب الوحيد الي قريت اكثر من مره (خنت حيلي يالكويت )
ومجلدات ميكي ايام الطفوله وماجد وسعد ولولو الصغيره

 

[تفاخيه مبطوطه]

لا يبيله خنت حيلي يالكويت اصلن الإسم يبجي شوي واطقها بجوه الحين

ثانكس نونو على المشاركه .. واشوه سالفة التوقيع سوت شغل

رفرف .. جربي خنت حيلي يالكويت جود تروح عنج القمته عقب انثى العنكبوت ههههههه

 

[nono78]

تفاخيه صج ترا يبله حنت حيلي يالكويت

ان شا ء الله عاد موجوده قبل 15 سنه قاريتها

( امبيه السنين بسرعه مرت )

 

[تفاخيه مبطوطه]

لا ان شاء الله موجوده وي بتروح؟؟؟؟؟؟؟؟

اذا روايات نجيب محفوظ المغبره لما الحين موجوده

 

[FOZQ8]

أنا كارنينا ما اعجبتني صراحه
بس احدب نوتردام قاريتها من كنت مراهقه روعه وتبجي وايد بالنهايه
وبنات الرياض حلوه وواقعيه يعني وسالف نسمعها من بنات هاليومين مادري ليش سووا لويه عليها عادي بكل مجتمع موجوده

 

[FOZQ8]

عندكم البنات والصيف مجموعه روايات لعبدالقدوس وايد تسلي واغلبها سووها افلام
حلوه