تنامين عند اهلج نهاية الاسبوع ؟؟ ولا ماسكته من رقبته و لازقه فيه

[أم ميميتو]

انا ما انام عند اهلي كلش بصراحه حتى يوم الي ولدت وكنت بالنفاس ضليت فبيتي مانمت عند اهلي ولا يوم حتى امي اضايقت لاني بجر ما عندي غير ولد الله يخلي لي ما نمت بره البيت الا يومين بالمستشفى لما ولدت ولا ما قدرت انام بعد و زوجي ضل يومين ما نام لما انا طلعت من المستشفى بس مو لاني ماثق بزوجي لا بالعكس بس انا بالنسبه لي راحتي لما اكون فبيتي و بيت اهل اي وقت ابي اروح و احيانا اسهر عندهم لي الساعه وحده الفير بس وقت النوم ارجع بيتي و حتى ولدي تعود على جذي ما ينام الا بسريره ولا يضل يبجي طول الوقت لما ارجع البيت وهم زوجي نفس الشي

 

[بــــدره]

الله يخليلكم ازواجكم و لا يفرقكم

 

[ضحاوي الديره]

انا عني ماسكته من رقبته ولازقه فيه لزززززززقة عنزروت هههههه
معاج بكل كلمه قلتيها
يمكن اذا كان دوامه نايت اروح انام عند اهلي بس اذا كان موجود بالبيت نوووووو وي انام واخليه
واصلا طول الاسبوع انا دوام وكليه وامتحانات وتكاليف ولوعة جبد فالويكند اهو الوقت اللي اطلع فيه حرتي هههههه
سهرات ووناسه وطلعات

 

[حلمي الجنه]

أنا الصراحه بين البين
لا مؤيدا ولا معارضه
مو حلو تعودينه على نومتج برا وكل اسبوع شيله قشج وعيالج ونأيمه بيتج اهلج جذي بيحس بالملل والفراغ حتا لو كنتي طول الاسبوع مهتمه فيه الويك اند جوه غير وقعدته كافي انه الريال وانتي قاطين ضغوطات الدوام والحوسه فيكون الجو حلو للمه والقعده والطلعه جذيه الريال يحس بقيمة بيته والجو العائلي
ومع هذا اقول هم مو لازم تكمتين على انفسه وتصيرين عظم بالبلعوم هم اهو يبي اشويه حريه فإذا طلب يطلع مع ربعه ولا يروح مزرعه ولا جاخور لاتعلين قلبه قوليله بحفظ الله ورحي نامي بيت اهلج صدقيني عن تجربه بيرد نفسيته متغيره ومشتاقلج
نصيحه لا تصيرين لزقه ولا تصيرين فالتها مره وحده وترا اللي بيخون مو ناطر اويك اند ولا لزقتج فيه بتنفع
دايم الاستشارين الجتماعيين ينصحون أعوذ بالله اللي مقدمين على الطلاق
انهم يبتعدون عن بعضهم فتره لانه خلالها اتجدد العلاقه ويبدي الطرفين يكتشفون محاسن بعضهم وقيمة حياتهم مع بعضهم

 

[اسراب الطيور]

انا اذا مارحت ازور اهلي بنهايه الاسبوع يقول زوجي ليش ما تروحين ولا يحب يكنسل طلعته مع ربعه
مع انه ملتزم

 

[صغيرتي المدللة]

إٍممممم لًـآزٍم الوَحدَه مآآتًترٍك رًيلهَـآ وتنَآآم ببٍيت أَهلهًــآآ

لًــآآزٍم تعَودَه علًى إنَ مآآيِقدَر ينًــآآم بٍدُونهَــآآ

إلًــآ إذَآ كًــآنت تَبٍي تسًويٍ لَه مفَــآآجأًه ترُوح بٍيت أَهلهًــآ تجَهِز وتنًآآم هنَــآآك

حَق يحٍس إٍنهًــآ وآآحشِته بَس مُو كٍل وٍيك إٍند

 

[أم توتو]

انا الحمد الله اخر مرة نمت عند اهلي من خمس او ست سنين كان عندهم عزا بنت عمتي فنمت يوم واحد فقط مع اني كنت نفاس ببنتي
حتى النفاس انتفس اسبوع وارجع البيت ماحب اضيق على احد وتعب غيري لان عندي اربع الله يخليهم بس مارتاح الاببيتي وبفراشي حتى لو زوجي مسافر اوشي انام ببيتي ماحب بس الواحد تجيله عرات مرات افكر وعلى طول اتراجع

 

[برستيج دلوعه]

صح عدل كلااااااااااااااااااااااااااااامج ...

وصراحه انا مع هالمبدأ .. (من طلع من داره قل مقداااااره)

شنو انام عند اهلي ؟؟؟ اروح ازورهم واسهر عندهم مته ما شبعت وارد عند زوجي !

خلاص صارت عندي مملكه ليش اهد بيتي ؟؟؟ و زوجج ليش ينام بروحه ؟؟؟ ليش تعودينه على فراقج !

باجر الله لا يقول لي زعلت الوحده وراحت عند اهلها والله لو تقعد شهر بيقول بالطقاق ! ما تفرق معاه

انما لو مو معودته ان تهده وتنام ابيت اهلها لي زعلت والله بيفرك بيحس بقيمتها وبيحس بحسها وحركتها اصلن بيفقدها

ويستاحش من البيت اذا مو وجوده !!

انا انصح كل بنت متزوجه تقعد ابيتها وسوالف بنام عند اهلي تكنسلها !!

وسالفة ( انتو شاكين برياييلكم ؟؟) وقاضبينهم !! احنا ما نشك بس كل ابن ادم يخطي والشيطان موجود ! والصراحه الزمن هذا يخووووف و الله يستر منه البنت قامت تلاحق الشباب ولا الحين موضه بعض البنات اكلم لي متزوج عشان احر مرته بس ويا ريت تحبه لا بس مخليته سبير يصرف عليها يعني تقزيره !!! ولابد من الحذر احنا مو قاعد نشد ولا نرخي !

 

[قموشه21]

انزين سؤال حق الي ينامون عن اهلهم

تنامون الويكند كله ليلتين و لا ليله وحده الي اهي تكون فيها الزواره

هالشي يتكرر كل ويكند ولا لأ

زوجج وقتها ينام بروحه في البيت و لا وين يروح ؟

\

حبيبتي حسيت الموضوع جايـد وان اكو مصيبه راح اتصير لو نمنا برا البيـت

شوفي احنا انام لان امي حبيبتي ادق علينا وتنطرنا علي احر من الجمر وتزهب غرفتنا انام عندها واهي لها حق

احنا بنبـر فيهم بس قبل الزواج لهم حقهم لو تمينا متزوجـآأت مثل ماريلج له حق وماتهدينه ليله ترا اللي احملت فيج لها حق وتشتاق انها اتشوفج نايمة عندهـا

انام بالويك اند وريلي انا اعرفه واعرف سوالفه عمره ماخان وصريح لابعد شي تتخيلينه .. يعني لو بنام برا انا اعرف وين بينام وبيسهر مع منــوو عطيه فـجه خل يشتاق خل يوله خل يسمعج كلمه حلوة يقولج الدار مو حلوة بدونج ..

وبالنهايه اللي اتعرف ريلها عدل بتفج عنه واهي بترتاح اتشوف اهلها خواتها جماعتها سهر وضحك وناسة تنسي المسوؤليه ..

تقبلو مروري

 

[umm-7asson]

انا عن نفسي ريلي كل ويكند ينام عند ربعه ساعات أرد بيت أهلي وساعات أنام بشقتي بس اهو من الأول قايلي هالشي والطامة الكبرى صار مو بس يطلع بالويكند عند ربعه ( ما ينام هناك ) بس يطلع من عقب الدوام لي الساعه 12 بالليل كل يوم ولا يخصص لي وقت أو يوم بالاسبوع حقي
انا قبل كنت أقول ان عشان نشتاق حق بعض وعشان افاجأة بشي حلو واهتم بنفسي أكثر بس ألحين قمت أتضايق من هالشي وان كلمته قالي انا مو مقصر ... يقهر

مثلا ألحين عطلة حلوة 4 أيام اجازة تخيلوا طلع من الدوام تغدى قالي حطي أغراضج بوديج بيت أهلج لي الأحد نامي هناك
وانا كاني نايمة بيت أهلي

أحتتتتتتتتتر واموووت من القهر شسوي

 

[بولندية]

انا عاد امنيتي انام بيت اهلي عالاقل لو مرة بالشهر ?ن خواتي يتامون بس ما يرضى خير شر

 

[بولندية]

طلع اهو اللي لازق فيني مو انا

 

[شـيـوخـهـ]

يعني مافي حل وسط يا انام عند بيت اهلي نهايه الاسبوع او اكون ماسكه ريلي من رقبته!!



والي ماتنام لان ريلها مايبيها تنام بره البيت .. والي ما تنام لان بالويكند ودها تعيشه صح مع عيالها وريلها من غير دوام يتريقون مع بعض !

بيت اهلي ازورهم مره بالاسبوع من بعد صلاه الجمعه لي اخر الليل ،،، وبنص الاسبوع امرهم مرتين ثلاث على حسب المشاغل


انا ضد نومت المرا بره مو عن شي بس مدام ريلي مو حاب ما اعتقد انه افضل اني انام في بيت اهلي ومو من عوايدنا ولا وحده من خواتي ولا حريم اخواني ننام بره الشقه الا اذا مزاجي على يوم واستآذن منه

بس بشكل عام ما اشوف ان الي تنام عند اهلها غلطانه احس هذا شي اهي تحدده اهي وريلها وطبيعه اهلها وخواتها وحريم اخوانها بالنسبه لنا هالشي نشووفه شغله كلش مو دارجه عندنا وانا ضدها لان الويكند ابي ريلي يشوفنه عنده ونحوس حواليه وهوو ضد النومه نهااائي ولو بغيت اقدر اقنعه ودايما يقولي ماراح ترتاحين ولي قلت بنام يخاف اني زعلانه ولا بخاطري شي عليه

 

[magnolia]

انا توني متزوجة
ازور اهلي بالويك اند و انام ليلة
بس هدا مو معناته اني زوجي بالبيت قاعد ماعندجه شي
لا بالعكس اهوا اليوم اللي نخلي فيه بعض عشان نوله على بعض
يعني احنا طول الاسبوع الحمدلله مقضينها طلعات و وروحات وناسة
بس لابد يبي يروح شاليه مخيم يشوف ؤيعه خصوصاا اذا كان اجتماعي
و هم انا بعد اشتاق لاهلي و خواتي و سوالفنا
نرجع اليوم الثاني مشتاقين لبعض

 

[د. فاطمة]

رحتي ببيت وبسريري جنب زوجي وعيالي

 

[رمز الفخر]

اتوقع يحق لها تنام براا اذا ما كان في البيت انا عن نفسي انام في بيت هلي اذا كان رجلي مسافر او ماسك شفت يوم كامل في الدوام وغيرها ما اظن انها عدله في حقه انه يكون في البيت وانا براا
يسلموا عالموضوع الحلو

 

[THE HONEY]

كلامج 100٪

 

[شادن33]

الا هو لااااازق برقبتي

 

[مناير ...!]

لاانتي تبالغين
نامي ابيت اهلج وماتخرب الدنيا
ويكند جذي وويكند جذي
الفجه زينه لاتصيرون علوج

 

[))) ساره (((]

مدري بس يعني اللي بيهيت ويبي يعدد بيهيت لو وقفتي ببلعومه

يعني خذوها مني من تجارب اللي حولي

لو يحبك مابيخونك لو بنظره ويلتفت لغيرك ولو براسه سوالف ثانيه بيسويها لو لزقتي فيه