تنامين عند اهلج نهاية الاسبوع ؟؟ ولا ماسكته من رقبته و لازقه فيه

[**القلوب المسافرة لله**]

النومه كل اسبوووع بالنسبه لي الزاميه،،،،،
تغيير ...راحه لي...ونااااسه


او بالاصح(فتره نقااااااااااااااااااااااااااااهه)

 

[!! Ba6a 7lwa !!]

كل وحده تمسك ريلها بضروسها وتقعد يابنات

 

[نجود بنت محمد]

اول ما تزوجنا كان زوجي ماخذ اجازه شهر و نص

و امي تقولي تعالي نامي كل خميس و انا اقول لا

ابيه يتعود ما ينام الا انا يمممه

بس من خلصت الاجازه و داوم طلع دوامه شفتات ينام بالدوام يوم و يطلع يومين اوف

يعني انام عند اهلي 3 مرات بالاسبوع خخخخخ

 

[حطمۈكہ يآقلبي]

بالعكس أنــا عكسج بالويك أند عند اهلي ارتاح فيهــاااا
اريح بشرتي من المكياج اريح جسمي اخذ فجة واهو همن يبي يرتاح مو كلة 24 ساعه لاصقه فيه
يروح عند ربعه اروح عند رفيجاتي اطلع اشم هوا اهيا

وااااااااااااااي بنات لاتصيرون معقدات اهيا كلها يومين خميس وجمعه وسبت جاي ياخذج
عن نفسي بما اني عروووووووووووس ارتاح بشرتي ترتاح شعري ادهنه اقعد اهتم بنفسسسسسسسسسسي حيييييييييييييييل
ع الاقل اناااااااااااااااااااااااام

اذا بيتهم مااقدر يامجابلته يارايحة تحت عند حمولتي
وبالعكس اليوم اللي يجي ياخذني فيه احسسسسسسسسسسه مششششششششششششتاق لي فديته وهمن انــا


عيل لو اقولج اسبوع نايمة عند اهلي شتقولين هههههههههههه كانت الدورة علي وتعبانه ​

 

[كربون امها]

شدعوووه شدعووه مكبره الموضو حييييييييييل << تكلمج واهي نايمه عند اهلها

يعني الزوجه طول الاسبوع مهتمه بزوجها وفي بيتها وبعيالها واكيد بالويك اند اهي تبي تاخذ بريك وحتى الزوج يبي يروح ويطلع ويتمشى ويشوف ربعه

لاتضنون بالرياجيل الضن السوء ,,, والرجال اللي يبي يخون والله يقدر يخون وانتي عنده بالفراش ,, لاتقوليل نوم عند اهل او لا

وترا الرجال مايحب اللي صاكه عليه صكه 24 ساعه لا ,, مره شدي ومره رخي

لو ابي اجابلة طول الاسبوع بيكون ملل ولا ارح اشتاق له

والرومنسيات والطلعات عندنا بالكويت مومحكوره بالعطل بالعكس انا اللي اشوفه 24 ع24 الناس طالعه وحفلات ورومنسيات وكل شي يسوونه

بصراحه انا رايي مافيها شي اذا الوحده نامت في بيت اهلها بالعطل حتى لو شي مومستمر المهم يعطون نفسهم فجه شوي

يكفي اذا رحنا عند اهلها ناخذ راحتنا ونام على راحتنا ونريح من الميك اب واللبس وهالسوالف


واتمنى تتقبلين رااي

نفس رايج وازيد عشان يصير شوق بعد والريال من حقه ياخذ راحته شوي مو صكه علي 24ساعه

 

[Tom ♥ Jerry]

,


ana '6eed hathy el fekraa !
m3aach fe kl shay glteeh 100%

 

[umm-7asson]

انا توني متزوجة من 10 أشهر تقريبا وزوجي كل ويكند ينام عند ربعه وانا أرد بيت أهلي او أقعد بشقتي بس اهو معودني وقايلي هالشي من بداية زواجنا بس المشكلة صار يتطور انه قام يقعد مع ربعه أكثر مني حتى ما قام يخصص لي وقت حق أو يوم حقي
ساعات أقوله خل يوم بالاسبوع لي بروحي وباجي الأيام كيفك ... بس كل وقته حقه وحق ربعه
مثلا هالويكند الحلو واجازة 4 أيام من طلع من الدوام واهو بالمزرعه والاسطبل وجبد ومخيم وانا في بيت أهلي والمشكلة اهو بنفسه قالي حطي أغراضج بوديج بيت أهلج وكل اجازة وكل ويكند جذي

انا في بداية زواجي أقول عشان نوله حق بعض وان احافظ على نفسي واتسنع له واتزين له وافاجأة بشي حلو بس المشكلة صار كل يوم وكل ساعه

 

[ToOoT"Q8]

والله أن نمت عند أهلي ولا ما نمت. . بالويكند وحتى طول الأسبوع يتأخر وطول اليوم طالع من يقعد من النوم لي حزة النوم ما أشوفه. .. وحاولت جم مره أني ما انام عند اهلي بس ما أشوفه تعدل... بصراحه وناستي مع امي وخواتي واخواني اهم إذا الريال مو هامه شي يعني بالطقاق.... الحياه حلوه وكل عآم وانتم بخير

 

[-مسك الجنان-]

طيب الي اهلها مو نفس الديره تقعد اربع خمس شهور اوكثر ماشافتهم شنو تسوي

انا اهلي مو بالكويت وكل اخمس ست شهور اروح اقعد شهر معناه كلامكم اني ماروح

واذا رحت بخلي زوجي بروحه وتبد وساوس الشيطان عندي بعد ماقدر اخليه

عندي لمده شهر برايكم شنوالحل

 

[نبض آلخفوق]

انا عن نفسي اشوف مافيها شي ان اتنام فيت اهلها
كل وحده ادرا بريلها اذا زوجها خفيف اكيد تجلب فيه اربعه وعشرين ساعه
اما في رياييل تاخذ راحتها بالويكند تطلع بر يروحون دواوين مع ربوعتهم
موشرط ان بالويكند بس يخون عشان المره نايمه فبيت اهلها
يعني من كلامج جنج اتقولين الزوج يخون بالويكند بس
والله اذا يبي يخون بأي يوقت واي يوم دام حاط فباله هالشي
ماله علاقه اعتقد هالشي يعتمد عالريال نفسه
وتسلم ايدج عالموضوع

معاج حق بكل كلمه قلتيها
ع حسب الزوج

 

[@ DLOO3TAH@]

كلامج 100 %

 

[أعرفك نفسي]

كتبت رد شطوله واخرتها انمسح
انا مع السنافيه بكل كلمة قالتها

الريال المسكين طول الاسبوع يكرف ويشتغل ولا رد البيت يجابلني ويداريني
اقل شي اسويه له اني اخليه بحريته بالويك اند يروح مع ربعه قهوة او ديوانية يتاخر ،، المهم يستانس وبراحته

واللي يخون ترا بيخون ولو كنتي نايمة بحضنه ،، وغير جذي لا تخلين الليله الحمرا كل ويكند ؟؟!! عشان ما يصير الموضوع شبه واجب وروتين ممل
خلي الوضع طبيعي

وامي

 

[أعرفك نفسي]

واحب اكمل ان ريلي مو اعز من امي لو بت عندها ليله وونستها وداريتها ترا الريل ما ينحاش
انا اايد موضوع انام في بيت اهلي ليله بالسبوع مو اكثر طبعا من باب كسر الروتين وتقدير رغبات الزوج والزوجه باخذ راحه واجازه تجدد فيها اشوقنا حق بعض

 

[نادره في وجودها]

اقول مدموزيل بدره واذا الريال ما يقعد بالبيت يروح للبر يروح لدوانيه يسرح ويمرح يبي الفكه من ازعاج المدموزيل وعيايلها اهو صج يداوم ويتعب بس هم لازم يخصصون له حصة استراحه مو مضغوط من الجانبين دوام وزوجه لازم ياخذ فترة استراحه من عقب الدوام وغثاه وبعدين يا حلات النومه عند الاهل ما تلقين احلا منه وانتي مقابله امج وخواتج وهالسوالف وكل وحده تعطينا من هالسوالف والعيال هذا يطق ويكفخ الثاني وهذا يلعب اما سالفة اني اربعه وعشرين ساعه مقابه زوجي نو وي اذا رحت عند اهلي ويييت البيت شوفي الضحكه منه والضحكه مني يا حلاتنا كأني غايبه عنه سنه وحبيبتي الرجال السنع ما يعرف اللف والدوران صح انا الشيطان شاطر بس لا حول ولا قوة شنسوي بعد واذا علي قولتج يبي يسوي بلاوي يقدر يطلع من وراج وانتي قاعده وما تدرين يعني الحين وقفت علي الزوجه اللي تنام عند اهلها

 

[امـ خــزامـى]

شوفوا حبيباتي لا افراط ولاتفريط

يعني لاتصيرين لصقه ولا تهملينه كل اسبوع

لا حلو كل شهرين او شهر يوم لكن اكثر لا موحلوه

وفكرة ان ناخذ راحتنا وننبسط بالبعد والفكه قووووووويه

راحته معي وراحتي معه

هذي وجهة نظري

اما اللي يصير فيني ممنووووووووووووووووع تنامين برى البيت منعا باتا

الا اذا كنت زعلانه منه ولو يحصله يمنعني بعد بس عاد مايقدر

وبصراحه امل اوقات وابي اغير جو فاضطر اسوي زعله وهوشه عشان انام لو يوم عند اهلي

 

[*E.B.D.A.3*]

ياكرهي حق الي يطلعون اعذار للازواج لمه يخونون !!
ما اتوقع زوجج بيعذرج اذا خنتيه لانه نام بره البيت، ورب الكعبه بيبهدل عشيتج ويخلي سيرتج على كل لسان ويطلقج بالثلاث
اما الحريم لاااا!! اكثر شعب مظلوم واكثر شعب يلوم نفسه !!
تشوفينها تقول اكيد انا الغلطانه !! :\
حبيبتي اذا الزوج بيخون مراح ينطرج تنامين بره والا تقعدين ،،
والزوج اذا خان، محد يتحمل الغلط غيره اهوه !! لا تقعدون تقولون ايي احنا السبب !!!

ثانيا اذا كانت نومة البنت بالويكند عند ريلها من دافع الحب
ايي ممكن اتقبل
وانا من النوع الي مو كل مرة انام بالويكند عند اهلي، مو عدم ثقه بزوجي
لكن مرات اولهه ومرات اهوه يوله ويقولي بيي اخذج نامي عندي اليوم
والله ماخليها بخاطره لو شنوو ...

حلاتها اتيي بهالطريقة
مو اتي بالطريقه الوسواسية :\ و الشك والغيرة !!
ترى ماكو شي بيرد زوجج عن الصياعة اذا بغى !!
والله لو تحطين له الشمس بيد والقمر بيد !!!!

 

[Habibat Abooha]

اهو مو حلو اهده بروحه

بس انا من النوع الملوله

حاليا محتاجه انام بيت ابوي يوم

وبصراحه مادري شلون بفاتحه بالموضوع

 

[رُۈحَ ۈ رْيحَآن]

طموووووووووووووشه







أدعولي الله يخليكم :yaaaaaarb: الله يجمعني مع اللي أحبه :eh_s(11):

 

[shak!shoka]

انا انام عند اهلي كل ويك اند
تعودت ما اقدر اصلا احسب الايام متى ايي يوم الخميس

و ترا مو كل الرياييل يكونون اجازه انا ريلي اغلب الوقت يكون مستلم بالدوام
و ال off يكون نص الاسبوع

يعني مافيها شي لو رحت لاهلي ريحت و استانست لان اساسا ريلي مو موجود

وفي بعد شغله

احيانا الظروف تحد

عندج انا على سبيل المثال
ما عندي خدامه و بيبي صغير و حامل
يعني امووووت من التعب و انطر الويك اند ع نااااااار علشان ارتاح و ولدي يستانس مع خواله و ينطلق

و صراحه الريال لو يبي يخون مو ناطرج تروحين بيت اهلج
والي تبي تقعد بشقتها بقصد المراقبه و الشك و الصكه ع الزوج مضيعه وقتها و ما عندها سالفه*

 

[بطوووطة$بيضة]

المره السنعه ماتعود الريال ان تنام برة ومونايمة بفراشها حتى لو اهوا نايم برة ومع ربعه عيل ليش متزوجه اذا تبين اهلج....حتى عيايزنا يعلمونا ان الريال اذا رد البيت لازم تكونين موجوده مايدش والبيت فاضي بسكم هياته يابنات ...اشوف الاجنبيات مايروحون الويكند عند اهلهم ينامون....وانا في بنات يصيرون لي اذا بتنام عند اهلها بالويكند ريلها معاها يروح ....