تنامين عند اهلج نهاية الاسبوع ؟؟ ولا ماسكته من رقبته و لازقه فيه

[قموشه21]

اذا ريلي مجابلني 24 ساعه مانفترق الا حزة الدوام الصصبح والعصر نطلع وبالليل نسهر وساعات انا اسهر بالبيت واهو برا ..

لاحظي كلمة برااا يعني لنو بيخربط يخربط برااا وانا عنده .. انا انام اذا امي طلبت هالشي مني وانا مستحيييييييييييل اردها لو اتطلق ولو هالشي يسبب لي مشكله

امي ما اردها ولمن تقولي قمشووه تعالي اروح ركض .. لعلمج ريلي مانعني اروح لاهلي من السبت لين الخميس مستحيل يخليني اروح..

ففرصتي اسهر الخميس عندهم وابات .. وكا انتي قلتي جماعتج ماتنام فررق .. احنا حتي حمواتي بالبيت وكل وحده عندها كوكش يهال اييون وينامون عندنا وحريم اخواني ينامون كل ويك اند انا بس ليله وارد ولاحظي احنا هالشي عندنا عادي واحسه واجب هههه

علي كلا الله يرزقج وتتزوجين وساعتها اتيين واتقولين ابي انام عند اهلي لووول موفقه ..

 

[أعرفك نفسي]

الاخت بطوط ،، انتي لي الحين الحياة عندج ورديه
لانج لي الحينج في بيت اهلج الله يخليج لهم
بس بقولج وبوضحلج شغله مع اني مو حابه اكرهج بالزواج

ترا رياييل اليوم غير عن رياييل امس
ايام ابوي وابوج << كان الريال يخون لان مرته مقصره في حقه
لكن هالايام البنت تكون مثل الورده وشايله ريلها وبيتها شيييل
والكارثة انه هم يخونها

ولاني متزوجه وعن حب بعد ولاني مريت بهالموقف من قبل
اقولج نضرتج للخيانة بهالزمن غلط انتي وايد بريئة
والريال طبعه خوان ولو تولعينه اصابعج شمع ما يكفي

واغلب المشاكل اللي بقسم الزوجية انا متاكدة مليون بالامية
ان الخلل بالريل مو بالمره الا ما رحم ربي

عشان جذي لا تحكمين بشكل سطحي ،، باجر يوم تجربين وتنقرصين تحسين فينا
عسى الله لا يذوقج وعساج ما تجربين هالشعور

 

[شيخه_البيض]

حسستوني ان رياييلكم ٢٤ بالبيت

اذا انتي حبيتي نفسج ودللتيها ريلج بيحبج وبيدللج لازم تشوفين نفسج وتلتفتين لها

الويك اند معروف للزوارات ويمعه الأهل والحبايب والسهر معاهم

وليش ماتروحين لاهلج الا اذا ريلج راح لربعه شاليه او بر

يعني اهوا يروح يستانس ويهيص عااادي ووناستج مع أهلج مرتبطه فيه

ليش تفكيركم جذي ثقفوا عمركم وتعلموا شنو اللي يحبب الريال وشنو اللي ينفره منكم

قموشه كلامك عين العقل

 

[fate17]

انا ما اايد المره تنام فبيت اهلها كل ويكند و تخلي ريلها بالبيت بروحه
انا ما انام فبيت اهلي الا اذا اهوه بنام بره مثل المخيم و بس غير جذي ما انام و اخلي بروحه ينام
اصلن ما ارتاح الا فبيتي و ريلي يمي ​

 

[شيخه_البيض]

يعني اذا نام في المخيم ولا الشاليهات بروحه عادي بس بالبيت غير السر في البيت يعني
حدث العاقل بما يعقل

 

[حبوبة الأطفال]

يعني اذا نام في المخيم ولا الشاليهات بروحه عادي بس بالبيت غير السر في البيت يعني
حدث العاقل بما يعقل

جبتيها ياشيخة البيض :rerrerek:

والله كلامج في محله

خخخخخخخ شي يضحك
ساعه الخوات يذكرون ان الزوج عادي يروح المخيمات والشاليهات عاااادي
لكن يقعد بروحه في بيته لاااا والف لاااااااا

مااقول ياخواتي المتزوجات ربي يسخر لكم ازواجكم ويسعدكم معاهم

 

[الحنين في قلبي]

العكس صحيح اهو اللي يبات برا البيت بالويك اند وانا اللي قاعده بالبيت ولا تغير شي

 

[om-3azo-83z]

و شنو الحكمه انام عند اهلي؟ ريلي 4 ايام بالاسبوع بس !! ما عندي بيت انام فيه؟
صح تغيير و من هالكلام بس ماله داعي فرض و واجب انام عندهم كل ويك اند مسكي ارضج و قعدي عند ريلج و اللي تقول بينحرف هالايام؟ بقولها اي يجوز ليش لا قاعد بروحه ياخذ راحته بعد و الشيطان شاطر والله ريلي يسولفلي عن ربعه اللي حريمهم ينامون بيت اهلهم بالويك اند ان اغلبيتهم خرابييييييييييييييييييييييط يكلم بنااات و واحد منهم حده قوي قالها بسافر مع ربعي دام انج مو عندي و اهوا مسافر ع بنات الله يستر علينا و عليه
انام بيت اهلي بين فتره و فتره و يوم واحد اي بس فرض و واجب لا كلش ماله داعي اصير عزيزه عند ريلي احسن

 

[engineer1801]

عادي مافيه شي النوم عند الاهل.بالعكس فتره راحه ادوج مع خواتي بالسوقه والكافيهات
اقعد الصبح ع ريوق الوالده الله يحفظها.
انا طول الاسبوع دوامات وعند زوجي .
وروحت الصالون بالويك اند شحلاتها عيالي عند جدتهم:eh_s(22):

 

[قموشه21]

حبيبتي ترا الرياييــل يخونوووووووون عندج وبوجودج وبحضنج..لاتقولين لي ما اخليه وماعطيه فجه ولازقة ومادري شنو..

زبده الحـجي اللي اتعرف ريلها واتعرف مايته لو تسافر سنه عنه بتفعر اهو شقاعد يسسوي يعني مو ليله وحده بتفرق عنده ويخون ويطلع ويسافر ويا بنات ..

انا ما اقول ان ماكو جذي لا فيه ووايد بعد بس اذا انتي مشبعه الريال ومسنعه نفسسج وتدلعين عليه اهو بصكر عيونه عن حريم الاوادم..

وعلي قوله شيخه البيض اذا اهو يطلع ويسهر بالساعات لي اذان الفير وساعات ينام بالمخيم ولا بالدواوين احنا مانرتاح مثلهم وناخذ نفسسس ونرجع بنوتات عند الماما

انا اقول الخميس قرب يا شيخه زهبي اغراضج ههههههههههههه

 

[شيخه_البيض]

لووووول قموشه
أنا سافرت عنه شهر رايحه سياحه مع اهلي اول مره اسويها وادري قويه حركتي بس ين وقعد تقولي خالتي مايطلع من البيت كلش ماسك قران ويقرا وصج كل ماكلمته يكون بالبيت ولمن رجعت وربي تغير ١٨٠ درجه للأفضل الحمدلله

*

 

[رنيم الروح]

بالنسبه لي مايرضى انام عند اهلي كلش يرفض الا اذا حيييل تعبانه يخليني

 

[اخت خالتهم]

اول شهرين من زواجي كنت انام

بس اللحين ما انام الا يمكن مرة بالشهر او مرة بالشهرين
مادري انا صارلي 6 اشهر
اول شهرين على طول عندهم حتى لو نص الاسبوع
بس بهالاربع اشهر يمكن مرتين بس

 

[um khaled]

صار لي سنين ما نمت لكن توني رجعت ابات عند امي
بعد ما اكثرت المسؤؤليات واكثروا اليهال
شفت راحتي اني انام ولو ليله عشان افج عن الشغل ومجابل اليهال من الفجر

 

[الزيـــــ^^ـــــن]

انا مع السنااافيه // لاازم ناخذ فتره نقاااهه علشان يشتاقلي واشتاقله ونسوي تغييير
اللزقه موووزينه والله يابنات انصحكم فجوو عن رياييلكم شووي // اعطيكم مثال مرت اخوي ماتروح لهلها
ولاتبات عندهم قلييييييل بين جم شهر مره //ذاك اليوم قط عليها نقزه والله ووداها لهلها قالها خل نشتااق لبعض
انتي من زمان مورايحه لهلج// ،،،،
يعني يابنات بفهمكم عيشي حياتج انتي مثل مازووجج يحب وناسته وراحتخ هم انا احب وناستي وراحتي
مع اهلي واشووفها ضروري انام عند اهلي

 

[وسطية ديمقراطية]

انا ضد النومة عند الاهل
الا في ظروف قاهرة
مثل النفاس مثلاً


مافي شي اسمه لازقه فيه وماسكه برقبته
الزواج مشاركه


والله اني مااعرف انام الا اذا حسيته يمي
حتى لو زعلانين
حتى لو ماصار شي

كافي شعور ان يمي انسان يشاركني النفس



ماخرب الرياييل الا غياب حريمهم عنهم
بعدين تتشكون من الخيانات و اللعب بالذيل



فرضا ً احتاج حقه الشرعي بهالليله؟
يمر ياخذج من بيت اهلج الفير؟



خرابيط
قعدوا عند رياييلكم وتعوذوا من ابليس

 

[~ الــــزيــــن ~]

والله انا انام عند اهلي والامر سهالات والحاله طيبه ابشركم
ههههههههههههههه

 

[happy girl]

انزين انا انام عند اهلي بس اذا صار السبت بليل انطر يدق يقول بمرج واروح انا ادز مسج متى بتمرني انقهر ليش مو اهوا احس اهانه انا اقوله متى بتمرني واذا قعدت اسبوع ماقال تعالي مشتاقللج والحين موضه جديده خلي سايق اهلج يقطج الشقه وامي وخواتي كله يقولون زوجج مايفقدج مايبيج اتازم من هالموضوع كل ويك اند شسوي اف

 

[!الجادل الصعب!]

مادري اذا راده من قبل عالموضوع ..
طبعآ عنداهلي .. مره ليله ومره ليلتين علاحسب ..

*

 

[! يكفيني انت !]

انا مع النوم عند الاهل لانه طول الاسبوع قاعده عنده والصراحه لما انام عند اهلي يومين او ٣ اشتاق له واهي بعد

فحلووو تغيير روتين و كل وحده عارفه زوجها والثقه موجوده