حابه تبدين معاي رجيم اسامه حمدي ؟ حيـآج

[LoOoLY-]

ماشاء الله مبروك حلو 7 كيلوو
مشكوره على ذكر تجربتج يعطيج العافيه

 

[شطحَه .!]

آنــا ببدا فية من اليوووم ان شاءء الله بسس انا صحيت قبل شووي الساعه 2 الفجر واكلت اندومي وتوست بالجبن
ماخليت شي ههههههههههههه
وتوني اشوف الموضوع وحابة ابدا فيه شلون ؟؟؟

 

[LoOoLY-]

لووووووول بالعافيه عليج

بس عادي حبيبتي اذا تحسين نفسج شبعانه كنسلي وقت الفطور البيض مسلوق وعلى طول كلي الظهر الغدا

او اذا تحبين فطري عادي =)

وكل يوم ذكري تجربتج ونتشجع وان شاء الله توصلين للوزن الي تبينه بالعافيه =)

 

[english muffin]

بالعكس
الاسبوع الثالث احسن اسبوع اسبوع تخليص الجسم من السموم
و كليوم تنزلين فيه نص كيلو

 

[LoOoLY-]

انجلش الله يسعد قلبج حيل حيل مشجعتني بردودج والله

الحمدلله خلصت اليوم الثالث توني متعشيه وبكرا ببدا الرابع بتوقيت كندا =)

 

[english muffin]

صدقيني سهل بس خلج اول ايام قوية
واذا كلش كلش يعتي انا كنت اقطع خيارتين واخلي فوقهم شوووي ملح وليمون و اكلهم سناك

 

[english muffin]

وبقول لج شي يشجعج اكثر
زوجي الحين في الاسبوع الثالث وخلاص مايقدر يلبس جينزه صار ينزل منه

بس انا لحين يوقف عند الفخوذ بس البطن وااااااااسع

 

[LoOoLY-]

ماشاء الله صج وناااسه وحماس لالا ان شاء الله بكمل

يعطيج الف عافيه

 

[شطحَه .!]

والله تحمسست من ردود انجلش انا عندي المنطقه اللي تحت معقدتني بناطيل ماقدر البس احس الكل يناظر جسمي من تحت
ماخذ راحتي عدل

وببدا الليوم مررره شبعانه حتى الظهر بكنسله ولو جعت العصر باكل فواكه بس

والله ينحفنا من غير شرر

 

[english muffin]

انتي جسمج عيل نفسي
انا لحين تحت كبير بس طبعا خف عن قبل

انا لين مكتوب دجاج كله اكل دياي مشوي نص طبعا
ولين مكتوب لحم اكل ستيك من البيت او كباب من المطاعم بما انه الكباب مب 100% مسموح لان فيه دهون

و احلى يوم كان يوم تعشيت هوت دوج في الجدول كان مكتوب دجاج مسلوق طبعا كمية مفتوحة فسويت لي 5 هوت دوج مفيوح يم يم لوول بس كنت ميتة قهر ابي مايونيز

و دايت كولا مسموح مرتين يابنات
وانا الصراحة اغش اشرب حليب كليوم في الكوفي و الحليب من الممنوعات

 

[english muffin]

اي صح والبيض المفيوح كليوم الصبح كنت اقطعه اخلي فوقه فلفل !! هههههههه شاسوي حق اغير الطعم و اتفنتك حق لا اتملل

و خضروات مسلوقة افوح الخضروات المثلجة و اخلي فوقهم فلفل و ملح شوي

و اي سؤال انا حاضرة

 

[LoOoLY-]

حلو والله ذكرتيني بالهوت دوق يبيلي اسوي المهم

بقولكم للأسف انا رابع يوم صباح بس قمت متأخر ومامداني اسوي بيض كلت نص برتقاله ومشيت

بس ماعرف ليش من امس فيني دوخه قويه وصداع كله انسدح ع السرير

يارب يعدي هالشهر على خير <3

 

[كويتية بروما]

بنات حمستوني عليه ببدا فيه من باجر وبنزل الصور ان شاء الله
الصراحه اصعب يوم اول يوم
بشتري اغراض اليوم
والله يوفقنا يارب

 

[LoOoLY-]

Kuwaitya 7yach allah 7bebtii ee 97 93b bs enshalla btt3wden oo ana here bshj3iich
Ameeen oo allah ywfg eljme3 oo ynzl wzna bil3afya
sorry aktb english m3rb bs el lap ha4a ma fe arabic ;(

 

[LoOoLY-]

Ana now twni 5l9t lunch elyoum elrab3 el7mdellah

 

[Japanese]

ماقصرتو بنات عندي سؤال تهقون يصير ابدل اللحم بدياي او سمج؟ كلش ماآكل لحم ف اميركا لحمهم استغفر الله ماينآكل

 

[LoOoLY-]

شوفي ياقلبي انا مثلج بكندا وما اقدر اكل لحمهم ابد ماحب انا خلصت اربع ايام اليوم الي اشوف مكتوب لحم ابدل بربع صدر دجاج وذكرتني اختي انجلش على الهوت دوج واليوم رحت سوبرماركت عربيه اكل حلال وشريت اقل نوع فيه كالوري اذا صادف يوم لحم ببدل بالهوت دوج والله يوفقنـآ ونضعف .. :eh_s(7):

 

[LoOoLY-]

خلصت اليوم الرابع الحمدلله ..

الصداع ماسأه .. الله ياجرنا =)

 

[Japanese]

لولي الله يجزيج خير ع الرد

والله تصدقين هاي اول شي طرى علي لوووول

شكلي ببدى فيه باجر :$

 

[LoOoLY-]

امين وياج ياقلبي اي سؤال انا حاضره

لووووووووول يلا تحمسي وسويه وان شاء الله تنزلين نزول حلوو بالعافيه ..

اليوم الخـامس =) دعواتكم حبايبي