حب مادري وين آخرته للحين نعاني ؟ قصة حب كويتية

[صعب الكلام]

يسلمووووووووو حبي
كملي روايتج روووعه ناطرينج

 

[Tom ♥ Jerry]

.


وناسه القصه صارت آكشن > طل بعينج آكشن
كلها رومآنسيه × رومآنسيه ؛$

حلوة وآيد و الأحدآث قآمت تصير أحلى و أحلى (=
مآ تقصرين يا قلبي ، نآطرين

 

[Tom ♥ Jerry]

tom & jerry
ردي بليييييز عشان تصيرين معاي عشان تنزل القصه اخاف تشوف بس رد واحد وماتكملها

انا اندمجت في القصه حيييل بليييييييز عشاني لووووووووووول

.

لووول لآ آن شاء الله تكملها ..
آهيه اذا تحبنآ رآح تكلمها و اذا مآ تحبنآ مآ رآح تكملها :eh_s(22):

 

[يغار القمر مني]

مشكوره

 

[الأبتسامة الدام]

لاطولين قصة رووووووووووووووعة

 

[أم ريــمـــــاس]

waaaaaaaaating

 

[الحب سكني]

اليوم انشالله انزل البارت

 

[Tom ♥ Jerry]

.


^

آن شاء الله
نآطرين ؛$

 

[امونه77]

وين البارت؟

 

[الأبتسامة الدام]

شسالفة ترى مصخت

 

[Tom ♥ Jerry]

.،

آلبنيه لهآ ظروفهآ نطروآ شوي بنآت !

 

[أم ريــمـــــاس]

waaaaaaaaaaaaaaaaaaaaaaaaaaaaaaaaaaaaaaaaaaaating

لا اطولين علينا حبيبتي

 

[الحب سكني]

الجزء السادس

بشار عينه دمعت دلال شافت دمعتها اخنتقها العبره جان تمشي بشار تم قاعد وطلع باكيته ودخن له زقاره وقعد يفكر فيها بشار ما عنده احد بهالدنيا لانه امه لاهيها بحالها و ابوه (زوج امه) ما يتدخل فيه كانه مو موجود واخوانه صغار بشار دوم يفكر و يقول لنفسه انا من لي بهالدنيا ربعي مو لي لي متى بيتمون اخر شي بيرحون وكل واحد يجابل نفسه عيال عمه محد فيهم يسال عنه بشار الاشخاص الي حواليه موجودين بس بشكل وهمي بشار ضعيف يبي احد يمه بشار مستقبله يا يتعب على نفسه ويصير ويمكن ياخذ الشهادة ومايصير شي مثل بعض الشباب بشار دوم يحس نفسه بمكان كله ظلمه في ناس حواليه بس وهميين يوم يبي يطيح ويستند على احد يتبخر هذي معاناته كان يحاول يلاقي هالشي بدلال
اما دلال تفكر ابشار مثل اي بنت تبي واحد يحبها ويكون لها سند و حضن دافي حنون و آمن يكون ريالها بعدين و تتزوج عن حب بس دلال قدرت تكون يم بشار وراح تشوفون بتتمة القصة
بشار دق على دلال تلفون دلال يرن حبيبي يتصل بك
بشار : قوه قلبي (تعبان مبين من صوته)
دلال : الله يقويك حبيبي
بشار : شلونج دلول ؟
دلال : تمام وانت شلونك ؟
بشار :ماشي الحال الحمدلله
دلال : (حست انه مخنوق) بشار شفيك ؟
بشار : ماكو شي
دلال : امبله في شفيك ؟
بشار : مخنوق شوي احس اني ضايع
دلال : من شنو حبيبي ؟
بشار : مادري مادري
دلال : قولي ليش تخش عني
بشار بدى يبجي بشار ضعيف واااايد (في اسباب طبعا) مايدري شيقول
دلال : بشار
بشار : هلا
دلال : حبيبي تبجي ؟
بشار : لا (قاعد يبجي ويمش دموعه)
دلال : امبله ليش تخش عني انا مو حبيبتك ؟
بشار : امبله انا تعبان ابي ارتاح ابي حضنج (طلع الالم الي فيه)
دلال : شفيك حبيبي ؟
بشار : مادري متضايق ابي ارتاح احس اني دايخ
دلال : قلبي شفيك لا تخرعني عليك انا لازم اشوفك مايصير اتركك جذي
بشار : شلون اشوفج ساعه 2 بليل
دلال : مادري لازم اكون معاك
بشار : انتي معاي صوتج كافي
دلال : لا مو كافي
بشار : كافي
دلال : بشوفك حبيبي
بشار قالها انه محد معاه بهالدنيا وشكى لها كل حاله دلال تضايقت ودمعتها نزلت
دلال : حبيبي ما يصير جذي لا تبجي انا معاك
بشار : دلال مو قادر دموعي تخر وقلبي يبجي دم حبيبتي المفروض انا اكون لج سند
دلال : وانا بعد لازم اكون معاك
بشار : فديتج
دلال : متى بشوفك ؟
بشار : مادري الحين ما ينفع
دلال : خلاص باجر
بشار : أنشالله
دلال : انا معاك حبيبي
بشار : يا عمري انتي احبج
دلال : وانا اموت فيك
بشار : (ارتاح شوي)
دلال : حبيبي اذا تعبان نام شوي قلبي
بشار : لا بقعد معاج
دلال : حبيبي نام ارتاح
بشار : لا مابي
تموا على هالحال اخر شي بشار نام من التعب والقهر
دلال : الوو الوو بشار حبيبي شكلك نمت عمري نوم العوافي تصبح على خير يا نظر عيني احبك

ثاني يوم الصبح

بشار قعد من النوم لقى نفسه مخنوق صدره صاك عليه مايدري شفيه قام ودش الحمام (تكرمون) قعد يغسل ويهه وحط راسه تحت الماي ممكن يرتاح يحس راسه يشب نار بدى يبجي ويتذكر كل شي صار معاه طلع من الحمام راح الصالة
شاف امه
بشار : صباح الخير
ام بشار : صباح النور
بشار : شلونج يمه ؟
ام بشار : تمام وانتي ؟
بشار : ماشي الحال
ام بشار : بتطلع اليوم ؟
بشار : اي
ام بشار : بعد اليوم
بشار : يمه عطله يعني شسوي اقعد بالبيت
ام بشار : طبعا تبي فلوس ؟
بشار : اكيد
ام بشار : ماعندي تبي تطلع اطلع ماكو فلوس
بشار : يمه شلون يعني ابي فلوس
ام بشار : ماعندي
بشار : حاضر مو مشكله (مابي يتهاوش مع احد)
بشار دش داره مخنوق وقعد يدخن يبي يدق على دلال بس مايبي تتعب معاه جان يقول بدق بس ماراح احسسها بشي رن فون دلال حبيبي يتصل بك
بشار : صباح الخير حبيبتي
دلال : صباح النور (توه قاعده من النوم)
بشار : صح النوم توه قاعد الحلو
دلال : صح بدنك اي توه قعدت
بشار : شلونج قلبي ؟
دلال : تمام وانت حبيبي ؟
بشار : الحمدلله
دلال : حبيبي بشوفك اليوم ؟
بشار : (مايدري شيقول شلون بيشوفها وماعنده فلوس) حبيبتي ماتبين تقومين تغسلين واكلمج بس تخلصين
دلال : اوكي قلبي يلا اغسل وادق باي احبك
بشار : وانا احبج باي حبيبتي
بشار بينه وبين نفسه : شقولها شلون شسوي والله مادري شلون بطلع معاها وماكو بمخباتي دينار خلاص اقولها ما اقدر
دلال طلعت من الحمام وراحت ادق على بشار رن فون بشار حبيبتي يتصل بك
دلال : الو حبيبي
بشار : هلا قلبي
دلال : اي ما قتلي متى بشوفك اليوم ؟
بشار : ما اعتقد اشوفج
دلال : لييييش ؟!
بشار : ما اقدر
دلال : بشار امانه لا تخش عني وغلاتي عندك
بشار : (وليييه) ماكو شي
دلال : حلفتك بغلاتي
بشار : اوكي بقولج انا امي مارضت تعطيني فلوس وماراح اقدر اطلع
دلال : عشان جذي انا وين رحت ؟
بشار : موجوده
دلال : انا وانت واحد
بشار : ادري احنا واحد
دلال : انا اعطيك مافيها شي
بشار : لا شنو اخذ منج لا
دلال : بتاخذ
بشار : لا ماراح اخذ
دلال : مو كيفك بتاخذ اذا ما خذت راح ازعل منك
بشار : شكو تزعلين بس انا مابي
دلال : بتاخذ وبشوفك اليوم انا معاك اي شي تحتاجه انا كلي فداك
بشار : فديتج يا قلبي بس يصير خير على سالفة الفلوس
دلال : راح تاخذ مالي شغل فيك
بشار : انشالله يصير خير
دلال : انشالله بتاخذ حبيبي انا بنزل تحت شوي اشوف متى بطلع واكلمك اوكي
بشار : اوكي عمري ديري بالج على نفسج
دلال : اوكي وانت بعد احبك
بشار : انشالله انا اعشقج
دلال : يلا قلبي باي
بشار : باي حبيبتي
بشار قعد يفكر و يكلم نفسه ( شلون اخذ منها لا شنو ما استحي مايصير ما راح اخذ شهالكلام عيب )
دلال تفكر ابشار ( لازم اوقف معاه هذا حبيبي الي يحبني ويخاف علي )

بعد ساعتين

دلال كلمت بنات خالتها وبيطلعون قامت دلال دقت على بشار وقالتله انا اشوفك ساعه 2 بتغدا معاك اوكي بشار طبعا مو عاجبه الوضع قعد يفكر شلون يدبر فلوس دق على ربعه ولا احد قدر يعطيه كل واحد وحجته المهم اخر شي قال حق علي يقطه علي قاله اوكي وطلعوا ووصل بشار قبل دلال ماكان عنده رصيد تم ناطرها صارت 2 و مايت تم ناطر صارت 2 وربع و مايت صار ت2 ونص ومايت
دلال كانت بطريج جان اطالع اساعه انه بشار مادق يمكن ماراح ايي جان ادق عليه رن فون بشار حبيبتي يتصل بك
دلال : ها قلبي وينك ؟
بشار : هلا انا بالمطعم صارلي ساعه ناطرج بس ماعندي رصيد ادق عليج
دلال : سوري قلبي انا 10 دقايق بالكثير اكون عندك قلبي باي
بشار : عادي قلبي ناطرج يلا باي
بشار مفتشل حده مايدري شيسوي شلون بيدفع و مايبي ياخذ من دلال مو عارف شيسوي تم قاعد ناطرها وصلت دلال بشار استانس قعد يقول بينه وبين نفسه : (يمه ياريتج عطيتيني فلوس ولا حطيتيني بهالموقف بس الله كاتب جذي) دلال كاشخه عشان بشار قعدت دلال
دلال : قوه (فديته)
بشار : الله يقويج
دلال : شلونك قلبي ؟
بشار : تمام وانتي قلبي ؟
دلال : تمام
قعدوا يسولفون
بشار : قلبي امشي نتمشى (عشان ماياخذ منها فلوس)
دلال : ليش حبيبي ما اقدر اتمشى اخاف احد يشوفنا وانا بتغدا معاك
بشار : (مايقدر يقولها مو لازم الغدا كل هذا عشان ماتدفع او ياخذ منها شي ) اوكي على راحتج
دلال : (فهمت انه على سالفة الفلوس) راح تاخذ مو كيفك
بشار : شنو بتاكلين ؟ (يغير الموضوع)
دلال اطالع الmenu : ممم مادري انت شتاكل
بشار : انا مو يوعان
دلال : يعني جذي خلاص انا بمشي
بشار : لا لا خلاص طلبي الي تبينه على ذوقج
دلال : اوكي
طلبوا الاكل وقعدوا دلال قاعده مستحيه ماتدري شتقول تذكرت سالفة امس
دلال : حبيبي امس شصاير ليش تبجي لا تبجي مره ثانيه انا معاك
بشار : ............

نكمل بالجزء السابع انشالله
واسفه على التاخير بس صاحب القصة عنده ظروف
​

 

[أم ريــمـــــاس]

يسلموووووووووووووووو حبيبتي

ناطريين الجزء السابع

على احر من الجمر

شكلها القصه حلوه فيها احداث واايد

 

[الحب سكني]

الجزء السابع

دلال : حبيبي امس شصاير ليش تبجي لا تبجي مره ثانيه انا معاك
بشار : حبيبتي والله مو بيدي تعبت والله انا تعبان مادري شنو بيصير فيني بعدين
دلال : ماراح يصير شي انشالله
بشار : انشالله ياريت
دلال : انا معاك لا تخاف مابي تنزل دموعك لانه لما تنزل دموعك انا دموعي تنزل
بشار : انشالله احاول بس انتي لاتنزلين دموعج لانه ما احب اشوف دموعج لانه دموعج غالية محد يستاهل تنزلينهم عشانه حتى انا
دلال : انشالله قلبي
وصل الاكل بشار قاعد ياكل دلال مستحيه بشار يه يوكلها جان تستحي وايد وكلت من ايده كل شوي يوكلها اهيه مستحيه جان تمسك قلاص العصير و شربت بشار كانوا وايد مستانسين بشار كان قاعد يم دلال دلال مسكت الشوكه وبتوكل بشار جان يمسك ايدها ويها صار احمر و وكلته
بشار : احبج
دلال : انا بعد احبك
تموا قاعدين وخلصوا اكل بشار حط راسه على جتف دلال (طبعا قاعدين بمكان مسكر محد شايفهم) نزلت دمعته حس انه قلبه ارتاح دلال استحت وايد ماتبي توخره حطت ايدها على راسه جان ينزل راسه وحطه على حضنها وغمض عيونه حس بامان وراحه بعمره ما حس فيها دلال كانت مستانسه ومستحيه وايد
ولا يقوم وباس دلال على راسها قالها : انا لج طول مالي عايش وبس اموت قلبي بيتم لج
دلال نزلت دمعتها مشها بشار : مو قتلج لا تنزلينهم حتى عشاني
دلال : حبيبي انا احس معاك براحه وامان وما اخاف لما اكون معاك
بشار : وانا بعد
تاخر الوقت ودلال لازم تمشي
دلال : حبيبي انا لازم امشي
بشار : اوكي قلبي بس ما شبعت منج
دلال : ماعليه عمري المهم تطمنت عليك وشفتك تسوى الدنيا ومافيها
بشار : فديتج (مسك ايدها وباسها)
طلبوا الحساب ودلال حاسبت وبشار يغلي تضايق قالها : بردهم قالتله : يصير خير
بعدين عطته فلوس بشار ما رضى بس قالتله بتاخذهم وخذاهم
وقالتله : هذيل عشان اذا تبي شي ناقصك شي و انا اعبيلك رصيد
بشار : لا شنو لا لا
دلال : بشار خلاص
دلال كانت بالنسبة حق بشار كل شي امه ابوه اخوانه اهله ربعه دنيته قلبه روحه كل شي
بشار : انشالله
دلال :احبك يلا قلبي بمشي تبي شي
بشار : انا اعشقج ابي سلامت قلبج بس ديري بالج على نفسج
دلال : الله يسلمك انشالله وانت بعد حبيبي ولا تتضايق
بشار : انشالله
دلال : يلا قلبي مع السلامه
بشار : مع السلامه عمري
راحت دلال وتم قاعد دخن وقام طلع بشار ودلال كانوا حيل مستانسين ومرتاحين مع بعض
بشار طلع تمشى راح البحر دلال راحت مع بنات خالتها كملوا طلعتهم ردوا البيت وكانوا حيل مستانسين
مرت الايام وتم بشار ودلال على هالحال حبه يزيد ويتعلقون ابعض اكثر بشار مشاكله زادت قام مايداوم كلش بالمدرسه مهمل دراسته والنادي هم كان مهمل فيه ومشاكله مع اهله تزيد ما يعطونه فلوس وكله نجره و هواش دلال حاولت حل المشاكل وقعدت مع امه اكثر من مره تكلمها انه بيصير زين وبشار قام يحاول يصير احسن عدل نفسه بدراسه قام شوي يداوم و اهتم بالنادي بس اهله كانوا مقصرين معاه فلوس ما يعطونه دلال اهيه الي كانت كله معاه ماتقصر عليه بشي اي شي يحتاجه يبيه تعطيه
مره دلال كانت متضايقه بشار دق عليها وكلمها
بشار : دلال حبيبي شفيج عمري ؟
دلال : تعبانه ابي اشوفك متضايقه
بشار : شفيج قلبي ؟
دلال : امي كله تزف تقولي انتي بخيله لما يكون معاج ما تعطيني اخوج
دلال ما كانت مقصره بشي ابد بس امها شوي قاسيه ماكانت تدري شتبي
بشار : اي ياعمري ما عليه مو مشكله هذي امج
دلال : انا تعبت بشار ما اقدر جذي ابيك محتاجتك
بشار : انا موجود انا تحت امرج كلي لج
دلال : ابي اشوفك الحين ؟
بشار : شلون وين ؟
دلال : مادري بشوفك محتاجتك
بشار : خلاص قلبي الحين شوفي احد يطلعج واشوفج بره
دلال : اوكي الحين اشوف احد يطلعني يلا باي
بشار : باي حبيبي
دلال قعدت ادق على بنات خالتها وعماتها ومافي احد يبي يطلع واهيه تبي تطلع مو عارفه شلون تمت جذي اخر شي دقت على كويتيه قالت لها تعالي بروح اشوف بشار قالتلها اوكي دلال دقت على بشار فون بشار يرن حبيبتي يتصل بك
دلال : قوه حبيبي
بشار : الله يقويج عمري
دلال : حبيبي تعال على البحر اوكي انا ببدل الحين اوكي عمري
بشار :اوكي قلبي يلا انا ابدل واطلع
دلال : اوكي يلا باي
بشار : باي
طلعوا دلال اول ما شافت بشار نزلوا دموعها جان يقولها مايمشي جذي امشي نقعد بمكان راحوا قعدوا بنفس المكان مال كل مره دلال قعدت تبجي
بشار : بس قلبي عشاني لا تسوين جذي
بشار قعد يمش دموعها بس دلال ماكانت تقدر توقف جان بشار يلمها على صدره دلال سكتت لحظه وردت تبجي
بشار : قلبي كافي عشاني ما احب اشوفج جذي عمري كافي
دلال ماكانت تقدر توقف وصارت تلم بشار حيييل وهدت بعدين
بشار : عمري انا معاج لا تخافين اوكي قلبي بليز عشاني
دلال : (طالعت بشار وهزت براسها) انشالله
دلال ارتاحت وايد بحضن بشار حست بامان انه اهو جد بيكون طول عمره يمها ماراح يتركها
بشار : حبيبتي احبج ما راح اخليج ديري بالج على نفسج ولا تكدرين نفسج
دلال : انشالله قلبي
بشار : ارتحتي
دلال : اي
دلال للحينها بين ايدينه بشار باسها على راسها و مسك ويها قالها : انا احبج وبتم احبج وعد مني جان يبوسها على راسها دلال لمته حيل وقالتله : خلك يمي بليز
بشار : انا يمج لا تخافين
مر الوقت ودلال بحضن بشار
دلال : حبيبي لازم اروح
بشار : اوكي عمري
دلال : يلا قلبي
بشار : ديري بالج على نفسج حبيبتي احبج وااااااااااااااااااااااااايد
دلال : (ضحكت) انشالله وانت بعد دير بالك على نفسك وانا بعد احبك
بشار : اي جذي ضحكي يلا عمري روحي لا تاخرين
دلال : اوكي قلبي يلا حبيبي باي
بشار : مع السلامه عمري
راحت دلال وانشال الهم عن قلبها وارتاحت وكانت حييل مستانسه بينه وبين نفسها : الله لا يحرمني منك
دلال و بشار كانوا مكملين بعض دوم يم بعض محد يقصر على الثاني حبهم كان كبير وااااااااااااااااااايد
ردت البيت دلال واهيه مرتاح دزت مسج حق بشار (فديتك يا قلبي مشكور الله لا يحرمني منك ابد احبك وايد يا عمري انت ياروحي يا كل اهلي ) وصل المسج حق بشار قراه رد عليها ( حياتي انتي لا تتشكريني هذا واجبي وانا اصلن مقصر هذا شوي مو كافي بالنسبة حق الي سويتيه لي يا عمري انتي وانا اموت فيج ) بشار كان يعتبر نفسه دوم مقصر مع دلال اما دلال تشوفه انه مو مقصر بشار يعتبر نفسه مقصر عشان يتم يعطيها لانه يحس انه كل شي يسويه لها مو كافي
بليل دقت دلال على بشار وقعدوا يسولفون وقعد بشار يتغزل ابدلال كانت حيل مستحيه ومر اليوم والاثنين كانوا مرتاحين والحمدلله.........


انشالله نكمل بالجزء الثامن
واسفه على كل شي واتمنى يكون في ردود ​

 

[أم ريــمـــــاس]

القصه تشوق

واااااااااي جنهم قيس وليلى

القصه حييييل رومنسيه

لا تأسفين حبيبتي الغايب عذره معاه

 

[Tom ♥ Jerry]

.


^

لوول اي و الله جنهم قيس و ليلى :*
مشكورة ع البارت .، و ان شاء الله يتزوجون

 

[أحبج يمه]

الله خووش قصة

وبانتظارج

 

[الأبتسامة الدام]

بانتظارج ياقلبي

 

[mo0onya]

ناطرينج قلبي
​