الجزء الرابع عشر
دلال : اكيد اخاف عليك اذا ما خفت عليك اخاف على منو
بشار : الله لايحرمني منج
دلال : امين ولا منك يا عمري
بشار : امين
دلال : حبيبي
بشار : عيون حبيبج قلبه روحه
دلال : فديتك حبيبي لا تخليني
بشار : اتخلى عن الدنيا كلها و ما اخليج ابيع نفسي و ما ابيعج انتي حبيبتي انتي كل شي بالنسبة لي انا بدونج ما اكتمل انتي النفس الي اتنفسه انتي العيون الي اشوف فيها انتي الدم الي يمشي بشرايني انتي النبض الي قلبي ينبضه انتي الجمال الي يحلي الدنيا انتي الفرحة الي ترسم ضحكتي انتي (سكت بشار) لساني عجز يوصفج انتي كل شي دلال اكون مينون اذا تخليت عنج انا احبج قلبي روحي عمري كل مافيني يحبج
دلال : فديتك ياروحي الله لا يحرمني منك يا روحي انت
بشار : امين و عسى ربي ما يبعدني عنج ولا يحرمني منج يوم
دلال : امييين
بشار و دلال كان الحب يفيض من عيونهم اي احد يشوفهم يعرف انهم متيمين ابعض يعشقون بعض دلال و بشار قصة حب بعمركم ماراح تشوفون مثلها احنا لو مجتمعنا يسمح بنشر هالقصة لكان صارت قصتهم مثل قصة قيس وليلى و عنتر و عبله و روميو و جوليت بس الناس اليوم ما تعرف شي اسمه حب والكل يخاف من الثاني .
بشار و دلال تموا قاعدين بشار يطالع دلال ودلال مستحيه ما تقدر تحط عينها بعينه بعدين رن فون دلال فطوم يتصل بك ردت دلال
فطوم : وينج يلا بسج
دلال : انزين يلا بس شوي
فطوم : لا قومي الحين ملينا بنمشي بنروح مكان ثاني
دلال : انزين يالله الحين اييكم
فطوم : لا طولين باي
دلال : اوكي باي
بشار : شفيج قلبي ؟
دلال : ماكو شي حبيبي بمشي اسفه
بشار : ماعليه عمري بس قبل ما تروحين بعطيج شي
دلال : شنو حبيبي ؟
بشار : هاج (عطاها هديه) انشالله تعجبج على قدي هذا الي قدرت ايبه
دلال : ياعمري انت فديتك كل شي منك بيكون حلو اكيد بيعجبني وانا يبتلك هديه انشالله تعجبك حبيبي
بشار : مشكوره حبيبتي بتعجبني اكيد دامها من حبيبتي القمري
دلال : (استحت) بس عاد
بشار : فديتك والله احبج (حبها على راسها)
دلال : يلا قلبي لازم امشي دير بالك على نفسك حبيبي
بشار : اوكي انشالله وانتي بعد ديري بالج على نفسج احبج
دلال : انشالله وانا احبك يلا قلبي مع السلامه
بشار : مع السلامه
دلال : تعال عطني الي بمخباتك ؟
بشار : شنو ؟!!
دلال : عطني
بشار : ماكو شي
دلال : امبله ليش حاطه بمخباتك مو قتلك ماكو ادخن
بشار : (مايدري شيقول) يعني...؟!
دلال : ماكو يعني ماكو ادخن مابي اشوف معاك باكيت ولا ابيك ادخن
بشار : اوكي
دلال : احبك يلا باي
بشار : وانا احبج باي
راحت دلال و بشار قام وطلع دق على ربعه يبي يطلع جان يروح المرينا نطر صاحبه (فيصل) فيصل اسمر طويل عسكري اكبر من بشار اقرع شخصيه مملوح بشار و فيصل لما يكونون قرعان يشابهون بعض لي درجه اناس تحسبهم اخوان وصل فيصل
بشار : هلا حجي
فيصل : هلا البشري شلونك ؟
بشار : بخير ربي يسلمك انت شلونك ؟
فيصل : تمام ها متغدي ؟
بشار : اي والله
فيصل : لا باكل بروحي
بشار : لا يبا اكل معاك انقنق معاك
فيصل : وحش البشري
بشار : اي ما قتلي شلون الدوام ؟
فيصل : والله تمام و انت شلون النادي ؟
بشار : والله زقرت كنت مسافر عندي معسكر
فيصل : صج اي صح قتلي شلون المعسكر ؟
بشار : والله تمام بس انشقيت
فيصل : هههههههه اي عادي شد حيلك جسمك صاير تمام خلك متابع
بشار : انشالله
وصلوا المطعم الساعة كانت 5 المغرب قعدوا وطلبوا اكل وقعدوا ياكلون ويسولفون بشار دز مسج حق حبيبته (وينج قلبي شتسوين اليوم وايد استانست لما شفتج و مشكوره وايد على الهديه ماشفتها للحين) وصل المسج حق دلال قرته وردت على بشار (انا بالفنار قاعده اتمشى و شوي وبنرد البيت وانا هم استانست العفو حبيبي ليش تشكرني انا المفروض الي اشكرك على هديتك الحلوة فديتك شوف الهدية حبيبي) قرا بشار المسج رد على دلال (اوكي قلبي ديري بالج على نفسج صج عجبتج عليج بالعافيه بطلتها حلوه وايد) بشار ياب حق دلال عطر و دلال يابتله هم عطر والاثنين لونهم احمر العطر الي يايبه بشار كان اسمه secret love
بشار و دلال كانوا يحسون ابعض وايد وخاصة بشار بشار كان يحس بطريقة مو طبيعيه دلال كان عبالها انه مخاوي لا اتغشمر بس بشار كان يحس بدلال حييل احساسه كان قوي يقدر يعرف كل شي من دون ما تكلم من دون ما يشوفها .....
بعد فتره قربت امتحانات الفاينل
بشار كان متهاوش مع اهله وصايره سوالف واهو للحين مهمل مايداوم بس كل امحاناته قدمها
عدل ملوت الفترات دلال كانت ملتزمه تدرس اهيه كانت بالمعهد خلصت مدرسه
ام بشار صارت تشوف دلال وتكلمها عشان بشار يلتزم بدراسته ولا تبعدهم عن بعض و دلال كلمتها وقالت لها لا راح يلتزم انشالله ويبيض ويهج انا اكلمه اخليه يلتزم دلال كلمت بشار وقالها اوكي بس اهو ماكان يلتزم مايحب يداوم يبي يطلع ويستانس
بدت امتحانات الفاينل
بشار بدا يدرس ويروح يقدم امتحاناته دلال كانت كل يوم توديه المدرسه و ترد تاخذه او ماترد بشار كان يقدم عدل بالامتحانات ويطلع عقب الامتحان ويروح القهوه قعد مع الشباب و يرد البيت يقعد شوي بعدين ينام و يقوم بليل يقعد يدرس خلصت الامتحانات بشار و اهله بيسافرون بشار قال حق دلال و كان كل شي عادي
اكمل لكم احداث القصة بعدين انشالله
ومشكورين على الردود و على المشاركة الحلوة
