حب مادري وين آخرته للحين نعاني ؟ قصة حب كويتية

[الحب سكني]

الجزء السابع عشر​

ام بشار : بشار​

بشار ما يرد

ام : بشار بشار
بشار : هلا سوري كنت سارح
ام بشار : شفيك فيك شي ؟
بشار : لا مافي شي​

ام بشار : اوكي​

راحت ام بشار و خلت بشار الساعة 12 ام بشار و ابو بشار قاعدين يسولفون جان ابو بشار يبطل سالفة دلال و قعدوا يتكلمون فيها​

ابو بشار : للحينه يكلمها ؟​

ام بشار : مادري​

ابو بشار : انا مو قتلج قوليله يوخر عنها​

ام بشار : قتله بس هم لازم ننطر عليه​

ابو بشار : ماكو بس شنو يعني ما تصلح له البنت انتوا ما تفهمون قومي ناديه ​

ام بشار راحت تنادي بشار دشت الدار لقت بشار بنفس الحال الي هدته فيه ما تحرك للحين سارح ويفكر ومايدري شنو بيسوي ​

ام بشار : بشار​

بشار : هلا يما​

ام بشار : تعال اقعد معانا ليش قاعد بروحك​

بشار : اوكي ​

قام بشار راح الصالة قعدوا يطالعون تلفزيون جان ابوه يطالعه ​

ابو بشار : انت واخرتها معاك ؟​

بشار : شنو بعد شسويت ؟​

ابو بشار : انت تدري شسويت (ابو بشار مو صريح ابدا)​

بشار : اي شسويت قولي​

ابو بشار : انت ادرى يعني البنت مو قلنالك خلها بحالها وانت بحالك ​

بشار : اي قلتولي يعني شنو تبيني اسوي​

ابو بشار : شنو شنو ابيك تسوي اتركها وكمل حياتك اهيه قاعده تخرب حياتك​

بشار : منو قال قاعده تخرب حياتي انا دراستي ونجحت وكل شي تمام الدوام انا مو قاعد ادوام اهيه مالها شغل​

ابو بشار : امبله انت قاعد تطلع من المدرسة عشانها ​

بشار : لا مو قاعد اطلع عشانها قاعد اروح القهوه مع الشباب نلعب جنجفه ونسولف و نطلع نتمشى​

ابو بشار : ليش انت قاصرك شي طلعه و تطلع ان رضينا او مارضينا هذا مو سبب في سبب ثاني قاعد يخليك تطلع من المدرسة​

بشار : ماكو سبب ثاني​

ابو بشار : ماكو فايده معاك يبه تلفونك ماراح تاخذه و طلعه ماكو والدوام بداوم اذا طلعنا تطلع معانا غير هذا ماكو والبنت بتنساها انزين​

بشار : ليش شسويت انا الحين خذتوا تلفوني و ما قلنا شي و الحين تحرموني من كل شي ليش شسويت لكم حرام عليكم بشنو مضايقكم​

بشار قام و دش داره و قعد يبجي مو قادر تعب من هالحال دلال دقت على بشار بشار كان واقف على الدريشه يدخن و يبجي رد عليها ​

دلال : شلونك حبيبي ؟​

بشار : الحمدلله ............ وانتي ؟​

دلال : بخير الحمدلله​

بشار : الحمدلله​

بشار تم ساكت دقيقتين دلال حست انه في شي و حست انه مخنوق لانه صوته كان حييييل تعبان​

دلال : حبيبي شفيك ؟​

بشار : ماكو شي حبيبتي​

دلال : بشار لا تخش عني​

بشار : ماكو شي قلبي​

دلال : امبله في انت قاعد تبجي ليش ​

بشار : لا مو قاعد ابجي ( فجأة !! صار يبجي دموعه بدت تنزل و تسرت خده )​

دلال : حبيبي شفيك ليش تبجي ؟​

بشار : تعبت تعبت بس ما قدر اعيش زهقت​

دلال : شفيك حبيبي لا تخرعني عليك ​

بشار: ابوي خذا تلفوني و قالي ماكو طلعه و ماكو نت ولا شي ولاشي حرمني من كل شي ​

دلال : ليييييييييييييش شصار ؟​

بشار : ابوي درا عنا وقالي اهدها​

دلال : ليش و شدراه رحنا فيها ​

بشار : مادري شسوي يارب انا احبج ما اقدر اتخلى عنج​

دلال : يا عمري انت قلبي انا معاك ​

و تم بشار طول الليل يبجي وقال حق دلال انه تعبان بينام و سوا روحه بينام و تم قاعد لي الصبح يبجي و دموعه ترست المكان​

ثاني يوم ​

قعد بشار الساعة 2 الظهر دلال كانت داقه عليه وايد بس اهو خاش تلفونه عشان محد يدري انه عنده فون قام غسل و لقى اهله قاعدين ينجبون الغدا بيتغدون امه نادته يتغدا راح خذا صحنه وراح قعد بصاله و طبعا ماله نفس ياكل كان ويهه اصفر مبين عليه التعب كلا لقمتين و راح ودا الصحن ودش داره دز مسج حق دلال يطمنها عليها ( قوه قلبي شلونج انا بخير لا تحاتيني بس تعبان وبنام احبج واايد ياريتني بحضنج قاعد ابجي عشان ارتاح ديري بالج على نفسج عمري احبج )​

وصل المسج حق دلال قرته ( انا بخير حبيبي انت فيك شي بليز لا تخرعني عليك طمني عليك و انا احبك ) وصل المسج حق بشار بس بشار ما كان يم التلفون لانه كان نايم دلال تمت ادق على بشار كانت محاتيته وااايد بينها و بين نفسه : (لايكون فيه شي يارب احفظه من كل مكروه ) قام بشار الساعه 4 لقى اهله قاعدين يبدلون بيطلعون جان يقولون له قوم بدل قالهم مابي اطلع روحوا انتوا ابو بشار قاله قوم يلا بشار ما قدر يقول شي جان يقوم و يبدل و طلع معاهم بعدين تذكر بشار انه دلال تكون محاتيته الحين جان يدزلها مسج ( هلا قلبي انا مع اهلي طالع معاهم لا تحاتيني بس اقدر ادق عليج بدق ديري بالج على نفسج سوري انا كنت نايم ) وصل المسج حق دلال و قرته جان ادزله (اوكي حبيبي وانت دير بابك على نفسك ولا تضايق نفسك بليز عشاني احبك وااايد)​

طلع بشار مع اهله وكان ماله خلق شي و كان مبين عليه انه تعبان و ماله خلق شي الساعة 9 ردوا البيت بس ابو بشار راح عنده دوانيه ام بشار كانت قاعده جان تنادي بشار​

بشار : هلا يما​

ام بشار : اقعد تعال ابي اكلمك ​

بشار : اوكي ​

ام بشار : فيك شي ؟​

بشار : لا ماكو اصلا وان كان في مو مهم​

ام بشار : الحين انا قاعده اكلمك قول​

بشار : شرايج يعني ؟​

ام بشار : يعني احنا نبي مصلحتك مانبيك تخسر دراستك​

بشار : و منو قالج بخسر دراستي و مستقلبي​

ام بشار : محد بس تصرفاتك ادل جذي​

بشار : اها تصرفاتي عشان جذي ما نجحت هالكورس جني مو ناجح و لا يايب علامات سنعه يما كلمني بالعقل ​

ام بشار : انزين انت شنو تبي الحين ؟​

بشار : انا ابي تلفوني ابي اطلع حالي حال الناس و محد له شغل بدلال​

ام بشار : اوكي بس سالفة دلال ما اقدر اوعدك لانه ابوك ماراح يرضى​

بشار : عيل غطي علي انتي تعرفين البنت​

ام بشار : اوكي اعرف البنت ما قلنا شي​

بشار : خلاص عيل كلمي ابوي و بس​

ام بشار : انزين بكلمه​

بشار قام و دش داره قعد شوي جان يدق على دلال و كلمها وقالها الي صار دلال شوي تطمنت بشار كان حيل تعبان كلم دلال شوي و نام​

دلال كان مشغول بالها خايفه انه يتركون بعض​

بليل ام بشار قعدت مع او بشار و تكلموا و وصلوا حق حل ​

ثاني يوم الصبح​

قامت دلال و غسلت قعدت شوي مع اهلها وتريقوا بشار كان توه قاعد كانت دلال قاعده ادق عليه قام وراح شاف فونه لقى دلال تتصل فيه رد عليها​

دلال : صباح الخير حبيبي ​

بشار : صباح النور هلا قلبي​

دلال : شلونك حبيبي انشالله احسن ؟​

بشار : الحمدلله احسن شوي انتي شلونج ؟​

دلال : انا بخير دامك انت بخير​

بشار : يا عمري انتي ​

دلال : صار شي ؟​

بشار : والله توني قاعد من النوم الحين اشوف واقولج اوكي بس خل اغسل واكل لي لقمه واقولج​

دلال : اوكي حبيبي​

بشار : يلا قلبي تبين شي ؟​

دلال : سلامتك بس دير بالك على نفسك احبك​

بشار : اوكي الله يسلمج وانتي بعد يري بالج على نفسج احبج واايد باي حياتي​

دلال : باي حبيبي​

بشار راح الصالة لقى امه قاعده يبي يكلمها جان يدش المطبخ قعد ياكل جان امه تناديه راح لها ​

بشار : ها يما ​

ام بشار : شتسوي ؟​

بشار : قاعد اكل​

ام بشار : اوكي​

بشار راح خلص اكله وراح حق امه يبي يعرف شصار بالموضوع​

بشار : يما شصار ؟​

ام بشار : على شنو (تسوي روحه ما تعرف)​

بشار : كلمتي ابوي ؟​

ام بشار : اي ​

بشار : شصار ؟​

ام بشار : رضى و مارضى​

بشار : شلون يعني ؟​

ام بشار : هاك تلفونك و اذا بتطلع اطلع بس ابوك قال على شرط ​

بشار : شنو ؟!!​

ام بشار : دلال تنساها ​

بشار : هاج التلفون و مابي اطلع بروح اقفل باب الدار علي و ماراح اطلع ولا أكل ولا شي​

ام بشار : تعال خل اكمل​

بشار : نعم​

ام بشار : انزين انت تقدر تقطع علاقتك معاه بعد فتره​

بشار : لا مااقدر​

ام بشار : انزين حاول​

بشار : صعبه شنو حاول​

ام بشار : عشاني​

بشار : يما لو سمحتي انتي لا دخلين نفسج بهالسوالف انتي معزتج كبيره و ما ارضى ازعلج بس بهالسالفه لا بتوقفين معاي عشان اراوي ابوي انه انا زين و انا ابي ادرس و انا مو قاعد اسوي شي غلط تبين توقفين وقفي ما تبين هاج التلفون ومابي شي منكم​

ام بشار : انا ادري انه عندك تلفون​

بشار : شدراج ؟!!​

ام بشار : انا امك اعرفك بس خلاص بوقف معاك بس ها تلفوناتك جدامه تخف وايد و جذي وانا اضبط الموضوع بس حاول تتركها​

بشار : يصير خير مشكوره يما (حبها على راسها)​

بشار راح ودق على ابوه ​

بشار : السلام عليكم​

ابو بشار : وعليكم السلام هلا​

بشار : شلونك يبا ؟​

ابو بشار : الحمدلله​

بشار : مشكور يبا ​

ابو بشار : العفو بس على اتفاقنا​

بشار : انشالله (من غير نفس)​

ابو بشار : انشالله بغيت شي​

بشار : سلامتك ​

ابو بشار : الله يسلمك يلا فمان الله​

بشار : فمان الكريم​

سكر بشار وراح سيده يقول حق دلال دق عليها ماترد بينه بين نفسه : (يمكن قاطه فونها بالدار) دلال شافت التلفون بس خافت جان ادق على فون بشار الثاني بشار بينه وبين نفسه : ( شفيها هاذي مو قاعد ادق عليها ) رد بشار على دلال ​

بشار : هلا قلبي​

دلال : هلا حبيبي بشار منو قاعد يدق علي من تلفونك ؟​

بشار : انا قاعد ادق خذت فوني​

دلال : صج !! حبيبي الحمدلله​

بشار : اي قلبي خذته​

دلال : الحمدلله كل شي تمام الحين ؟​

بشار : اي​

دلال : شلون ؟ امك كلمته اقتنع ؟​

بشار :اي اقتنع بس قالتلي لا تكلم جدامه بتلفون و خفف تلفوناتك جدامه​

دلال : اي خلاص انا ادز مسجات و ادق على هذاك احسن​

بشار : اي احسن​

دلال : الحمدلله استانست والله ونستني​

بشار : دوم انشالله حبيبتي احبج وااايد​

دلال : وانا احبك​

بشار : بشوفج حبيبتي ؟​

دلال : مادري قلبي احاول اذا قدرت اطلع​

بشار : اوكي قلبي بخاطري انا بحضنج والمج حيييل و ما ابتعد عنج ابد​

دلال : يا عمري انت فديتك ياروحي​

بشار : قلبي انا بروح اقعد بصالة عشان ما يقولون خذا التلفون و دش يقرق ​

دلال : اوكي قلبي دير بالك على نفسك واذا صار معاي شي اقولك ​

بشار : اوكي حبيبتي احبج وااااايد اموت فيج وانتي ديري بالج على نفسج عمري​

دلال : اوكي حبيبي يلا باي​

بشار : باي عمري​

بشار راح قعد بصالة مع امه و اخوانه قعد يلعب مع اخوه سوني و يضحك وكل شي كان اوكي و ابوه يه وتغدوا وكل شي كان اوكي و الحمدلله الساعة 4 العصر دلال دزت مسج حق بشار قالتله ( قلبي انا ماراح اقدر اطلع اليوم باجر اطلع و اشوفك انشالله احبك ) بشار قرا المسج و رد عليها ( اوكي حبيبتي ما عليه باجر انشالله ديري بالج على نفسج احبج وااايد انا اذا بطلع بقولج ديري بالج على نفسج ) وصل المسج حق دلال وقرته وكل شي كان اوكي وعادي ​

شبيصير الحين بشار شلون بيتم متستر على الموضوع عشان محد يدري وامه بتساعد على هالشي ولا لأ نعرف انشالله بأقرب فرصة بس انشالله يكونون الأجزاء بردت جبدكم واتمنى اشوف مشاركات اكثر وفيها فعالية اكثر

 

[أم ريــمـــــاس]

يسلمو حبيبتي ماقصرتي

وااااااااااااااااااااااااااااااااايد عجبتني القصه

ناطرين البارت اللي وراه على طووووووووووول

ابي اعرف النهايه

يعطيج العافيه حبيبتي

 

[dareena]

يعطيج العافية متاااابعين ناطرين التكمله

 

[الأبتسامة الدام]

متابعين امانة لاطولين

 

[الحب سكني]

انشالله باجر انزل لكم بارت يديد
بس ابي بعد مشاركات ابي حماس
يلا شجعوني عشان انزل لكم بارت حاسم
ثانكس على كل الي متابعيني و الي قاعد يشارك من الأول
واتمنى محد يبخل علي برده​

 

[dareena]

هييييييي لا يوقف لا يوقف
حيو الحب سكني حيو الحب سكني >>> خخخخخ وهذا احلى تشجيع لعيونج

 

[عاشقه رويشد]

يسلمو علي البارت ناطرينج

 

[dareena]

هلوووووو وين البارت

 

[Føzöø]

حبيبتي انا توني الحين اقرا رايتج بس صرااحه روعه و منها للاعلى يا قلبي p*

 

[Tom ♥ Jerry]

.،



واي ابو بشار .، يحسسني انه بشار عمره 5 سنين !
شنو هاذا آمبيه مستحيل ! :/
وايد يتحكم مو لهالدرجه عاد وين قاعدين ! ؛@

شكله راح يفرق بين دلال و بشار !
مآدري ليش حاسه آنهم مو لبعض ؛×@ !

تسلمين ع البارت حياتي
كملي ناطرينج

 

[الحب سكني]

الجزء الثامن عشر​

​

الساعة 4 العصر دلال دزت مسج حق بشار قالتله ( قلبي انا ماراح اقدر اطلع اليوم باجر اطلع و اشوفك انشالله احبك ) بشار قرا المسج و رد عليها ( اوكي حبيبتي ما عليه باجر انشالله ديري بالج على نفسج احبج وااايد انا اذا بطلع بقولج ديري بالج على نفسج ) وصل المسج حق دلال وقرته وكل شي كان اوكي وعادي ​

​

ثاني يوم الصبح​

​

قامت دلال من النوم تبي تطلع تبي تروح تشوف بشار نزلت الصالة كانت الساعة 9 قاعده مبجر راحت دقت على رفيجتها ( كويتيه )​

ادق ادق محد يشيله بينها وبين نفسها : ( ليش ماترد شفيها هاذي الساعة جم اوف 9 مالت علي قاعده مبجر شعندي فديته حبيبي اهو الي مقعدني اشتقت حق شوفته )​

يت ام دلال كانت بره رايحه بيت اختها ( خالت دلال ) دلال استغربت بينها و بين نفسها : ( امي من وين يايه شعندها من الصبح ) جان تروح حق امها ​

دلال : يما صباح الخير ​

ام دلال : صباح النور ​

دلال : شلونج يما شعندج من الصبح طالعه ؟​

ام دلال : الحمدلله كنت عند خالتج اتريق ​

دلال : اها بالعافيه تبين شي يما ؟​

ام دلال : الله يعافيج سلاتج وين رايحه ؟​

دلال : بروح اخذ لي شاور و بتريق وبطلع ​

ام دلال : وين بتطلعين الحين ؟!​

دلال : مو الحين يمكن اطلع اتغدا او عقب الغدا​

ام دلال : اي اوكي​

راحت دلال تاخهذ لها شاور ام بشار كان نايم طلعت دلال من الحمام و راحت تريقت جان ادق على كويتيه ردت عليها كويتيه ​

دلال : صباح الورد يا احلى ورده​

كويتيه : هلا والله هلا بالغالية ​

دلال : هلا فيج حبيبتي​

كويتيه : شلونج و شلون الحب ؟​

دلال : الحمدلله الحب اااخ على الحب ذابحني مينني​

كويتيه : اوف اوف لي هالدرجة ؟!​

دلال : و أكثر​

كويتيه : شلونه ؟​

دلال : منو ؟​

كويتيه : منو يعني يدي​

دلال : اي قصدج ...... حبيبي بخير فديته​

كويتيه : اوه شكلها الامور مطوره​

دلال : كويتيه بنطلع اليوم و اقولج كل شي اوكي ؟​

كويتيه : اوكي افا عليج​

تمت دلال و كويتيه يسولفون بهالوقت بشار توه كان قاعد من النوم قام طبعا بكل نشاط بطل البرده وشاف الشمس بشار يموت على شي اسمه شمس و سما صافيه يحب الجو الي جذي راح دش الحمام غسل وخذاله شاور وطلع راح الصالة لقى امه واخوانه قاعدين​

بشار : صباح الخير​

ام بشار : صباح النور حبيبي​

بشار : شلونج يما ؟ ( حب راسها )​

ام بشار : الحمدلله وانت شلونك ؟​

بشار : انا بخير دامكم كلكم بخير​

ام بشار : تريقت ؟​

بشار : لا توني قاعد خذتلي شاور و بروح اكل​

ام بشار :اي روح اكلك شي​

بشار : انشالله يما​

بشار راح يتريق دلال كانت للحين تتكلم مع كويتيه بشار خلص ريوقه و راح دق على دلال محد يرد تم يدق يدق محد يرد بينه بين نفسه : ( يمكن نايمه خل ادزلها مسج ) دز لها مسج دلال وقتها خلصت تلفونها جان تروح الدار بدق على بشار جان تلاقيه داق عليها 3 مرات وداز مسج قرت المسج ( نوم العوافي انشالله بس تقعدين قلبي دقي علي ) جان ادق عليه بشار كالن قاعد يدخن بس رن فونه نقز حبي يتصل بك رد بشار​

دلال : صباح الخير​

بشار : صباح الورد و الفل والياسمين و ريحان يا اجمل جورية​

دلال : ( استحت ) شلونك حبيبي ؟​

بشار : الحمدلله انتي شلونج حياتي ؟​

دلال : بخير دام حبيبي بخير​

بشار : فديتج يا قلبي​

دلال : حبيبي اليوم بطلع مع كويتيه تقدر تطلع عشان اشوفك ؟​

بشار : اوكي بس متى قلبي ؟!​

دلال : مم مادري عقب الغدا احسن شرايك ؟​

بشار : اوكي حبيبتي​

دلال : خلاص قلبي عيل انا بروح اقعد مع اهلي وازهب نفسي واكلمك ​

بشار : اوكي حبي​

دلال : دير بالك على نفسك قلبي​

بشار : تامرين امر وانتي بعد ديري بالج على نفسج حبيبتي احبج​

دلال : انشالله وانا احبك باي​

بشار : باي​

​

بعد جم ساعة ​

​

بشار طلع بيشوف دلال دق على دلال ​

بشار : قوه قلبي ​

دلال : يقويك حبيبي​

بشار : ها حبيبتي وينج ؟​

دلال : كاني الحين بوصل​

بشار : اوكي انا وصلت ناطرج حبيبتي​

دلال : اوكي ​

و سكر بشار الخط و بعد 5 دقايق وصلت دلال هالمره دشت كويتيه معاها ​

دلال : قوه​

بشار : الله يقويج​

كويتيه : السلام عليكم​

بشار : وعليكم السلام​

دلال : شلونك ؟​

بشار : الحمدلله انتي شلونج ؟​

دلال : بخير ما عرفتك هذي كويتيه رفيجتي تعرفها بس مو شايفها ​

بشار : هلا والله تشرفنا اي اعرفها من كثر ما تسولفين عنها​

دلال : اي حبيبي شلون وضعك مع اهلك ؟​

بشار : الحمدلله كل شي تمام لحد الحين​

دلال : الحمدلله​

قعدت دلال وبشار يسولفون وكل شي اوكي وكانت كويتيه معاهم دلال كانت حيييل مستانسه لما شافت بشار بس بشار تذكر سالفة ابوه انه يهدها بشار تخربط شوي مايدري شيقول المهم بشار كان مستانس حيييل و هم دلال ​

رن فون دلال امه تتصل فيها جان ترد دلال​

ام دلال : دلال انتي وين في ؟​

دلال : انا بالكافية مع كويتيه و بيون بنات عمتي بعد شوبي​

ام دلال : اوكي ​

وسكرت الخط قعدت دلال شوي جان تقول حق بشار انها بتمشي عشان بيون بنات خالتها و بيروحون يتمشون​

بشار : اوكي حبيبتي ديري بالج على نفسج​

دلال : اوكي حبيبي وانت دير بالك على نفسك احبك​

بشار : وانا اموت فيج​

راحت دلال وكويتيه و بشار قام طبعا دلال و كويتيه طول الوقت يسولفون عنه​

دلال : ها شرايج فيه ؟​

كويتيه : والله مبين خوش واحد ​

دلال : شفتي انتي قلتيها مو انا انه خوش واحد​

كويتيه : اي بس هم ينخاف منه ​

دلال : اقول جب زين ​

راحوا البنات يتمشون و كانوا وايد مستانسين اما بشار كان طالع مع ربعه كانوا بالمرينا و طبعا فاصلين دايما ضحك و وناسه بشار و دلال كانوا حيييل مستانسين​

رد بشار البيت لقى امه و ابوه قاعدين جان امه تقوله اقعد ​

ام بشار : شلونك ؟​

بشار :. الحمدلله ​

ام بشار : مستانس ؟ ​

بشار : الحمدلله​

ام بشار : اسمع بشار احنا نبيك تدرس وتهتم بدراسك و تركز نبيك تييب علامات عالية وتلتزم بالدوام وتلتزم بالنادي احنا نبي مستقبلك لاتضيع نفسك نبيك قدوه حق اخوانك نبيك سند لنا ​

ابو بشار : انا ابيك تلتزم بدراستك وصلاتك و اخذ كل شي​

بشار : انا دوام انشالله اصير اداوم من اول سنه سالفة العلامات انا من دون ما تقولون لي اييب علامات الصلاة بأذن الله​

ابو بشار : الي و ترك عنك الخرابيط لحيتك مابي اشوف شي منها مابي لا سكسوكه ولا شي زلفك مابيه طويل ابيه لي اول اذنك و شعرك قصير مابي هالخرابيط توقف شعرك ومادري شنو انت مو بنت خلك ريال ابيك سند​

بشار : بس​

ابو بشار : من دون بس ماكو هذا الي عندي واذا مو عاجبك ماكو ولا شي الحين سوا الي انا ابيه ويصير خير لا تقعد تقول بس الي اقوله يمشي​

بشار طالع امه​

ام بشار : اي ماما احنا نبيك ريال انت لازم تكون سند​

بشار : اي بس والله مو تقولون لا تسوي جذي ولا تسوي جذي اصلا انا لما اسوي الي انتوا تبونه ما تعطوني ويه ولا تسون لي اعتبار اصلا بهالبيت مالي احترام ولا تقدير انتوا بس تقولون سو و سو و انتوا ما تعطوني شي​

ابو بشار :الحين سو الي اقولكط عليه هذا الي عندي ​

بشار : انا موياهل انا كبرت​

ام بشار : ندري انك كبرت بس احنا نعرف مصلحتك​

بشار : تعرفون مصلحتي ما قلنا شي بس مو ماتخلون لي شخصية عدل كلامي​

ام بشار : احنا مو قاعدين نسوي شي شخصية موجوده​

بشار : اي وايد عشان جذي انا لي كلمة بالبيت اختي ماترد علي لما انصحها ما ترد وانتوا ماتاخذون رايي بس تقررون واحنا نسوي ​

ابو بشار : انت ما يفيد معاك الكلام​

بشار : شسويت الحين ​

ابو بشار : ولا شي خلاص كيفك ​

بشار طبعا مايقدر يناقش ابوه ولا يتكلم معاه لانه ابوه بس يبي الكل يقتنع بفكرته قام ابوه دش الدار ام بشار تمت قاعده​

بشار : يما شنو هذا يعني شسويت ​

ام بشار : انت اسمع كلامه ليش تكسر كلامه​

بشاار : بشنو كسرت كلامه يعني المدرسة مابدت ولا شي ليش بس يزعل اهو وانا لا مالي حق ازعل واتنكد انا ما يحق لي يوم واحد بحياتي كلها اتم مستانس يوم كامل لازم يتعكر يومي​

ام بشار : خلاص الحين لا تكلم​

بشار : هذا الصج​

ام بشار : الحين ماكو شي قوم نام وخلاص وانا اكلم ابوك​

بشار : اوكي تصبحين على خير ​

ام بشار : وانت من اهل الخير​

راح بشار دش دار تم منسدح بداره وقاعد يدخن ويفكر بينه وبين نفسه : (شنو هذا شسوي يا رب عجزت كافي عطني حل عطيني شي اسويه قولي شسوي انا احترت ضعت تعبت مادري شسوي زهقت مليت والله ) بشار تم قاعد بالفراش .........​

​

شكرا حق كل من شارك و يعطيكم العافيه انشالله البارت يكون نال اعجابكم ​

 

[أم ريــمـــــاس]

يعطيج العافيه حبيبتي القصه روعه

شكلهم مو لبعض ناطرين البارت لا يوقف لا يوقف

 

[الأبتسامة الدام]

والله مندمجة كملي
بس ابوة ودي اخنقة يرفع الضغط

 

[الأبتسامة الدام]

لاطولين

 

[خووخـه]

يعطيج العافيه الروايه عجييييييييبه :eh_s(15):

ابو بشار صج صج مال كف :rgewrg:

ام بشار تغثني مرات :bbbiu:

دلول يا حلاتها

كويتيه زين تغيرت نظرتها شوي للشباب بس بعد يبيلها شووي

و ننطر البارت الجاي :eh_s(17):

 

[Tom ♥ Jerry]

.،


ام بشار و ابو بشار وييع حدهم :eh_s(10):
تسلمين حبيبتي :eh_s(22):

 

[احلى قدساوية]

يسلموو ع البارت

وااصلي ابدااعااتج

 

[dareena]

طولتييي علينااا بانتظار النهااااية

 

[أم ريــمـــــاس]

وينج ناطرين الباااااااااااااااااااااااااااااااااااااااااااااااارت

طولتي علينا وااااااااااااااااااااااااااااااااااااااااااااااااااااااااااااااااااااااااااااااااااااااااااايد

يلا بليييييييييييييييييييييز نبي بااااااااااااااااااارت

 

[الأبتسامة الدام]

شدعوة غطيت يومين ورديت وانتي وينج عفية لاطولين :yaaaaaarb: