حب مادري وين آخرته للحين نعاني ؟ قصة حب كويتية

[بقايا قلب مجروح]

Waaaaaaaaaaaaaaaaaaaw al89a rw3a
W bshar yksr al5a6r
Waiting for you 7yaty

 

[الحب سكني]

الجزء التاسع عشر​

​

راح بشار دش دار تم منسدح بداره وقاعد يدخن ويفكر بينه وبين نفسه : ( شنو هذا شسوي يا رب عجزت كافي عطني حل عطيني شي اسويه قولي شسوي انا احترت ضعت تعبت مادري شسوي زهقت مليت والله ) بشار تم قاعد بالفراش .........​

رن تفون بشار حبيبتي يتصل بك بشار ماله خلق يتكلم بعدين رد​

دلال : قوه قلبي​

بشار : هلا ... عمري​

دلال : نايم ؟​

بشار : يعني ​

دلال : عيل اخليك ترتاح​

بشار : لا خلج وين بتروحين ؟​

دلال : حبيبي انت تعبان ​

بشار : لا مو تعبان​

دلال : لا روح نام​

بشار : حبيبتي بسولف معاج​

دلال : حبيبي مو مشكله باجر اكلمك اهم شي راحتك​

بشار : عمري مو مشكلة انا مرتاح معاج​

دلال : اوكي بس شوي عشان تريح​

بشار : يصير خير​

قعدوا يسولفون بس بشار كان مخه مو معاه قاعد يفكر شبيسوي بعد ساعه سكروا دلال راحت تنام بس بشار تم قاعد ما قدر ينام ثعد يفكر شبيسوي شنو الحل طلعالصالة لقى امه قعده بروحها تشوف تلفزيون قعدت تكلمه​

ام بشار : ها ما نمت ؟​

بشار : ما ياني نوم​

ام بشار : انزين انا بكلمك بس ابيك تفهم​

بشار : تفضلي​

ام بشار : اسمع الحين احنا بشنو مقصرين عليك​

بشار : بكل شي انا مو مثل باجي الشباب الكل يطلع و يروح وايي عادي الا انا مقيديني و فلوس ما تعطوني مثل الاوادم كله انا غلط​

ام بشار : هذي مشكلتك​

بشار : في غير جذي​

ام بشار : واذا حليت لك هالاشياء تسمع الكلام و ماتسوي مشاكل​

بشار : مو قاعد اسوي مشاكل انتوا شنو تبون بضبط​

ام بشار : نبيك تدرس و تهتم بمستقبلك ​

بشار : اوكي وبعد​

ام بشار : بس​

بشار : هذي مافيها كلام​

ام بشار : انزين و البنت​

بشار : شفيها ؟!​

ام بشار : ابوك ما يبيها ​

بشار : ليش يعني​

ام بشار : اهيه مشتته تفكيرك​

بشار : لا مو مشتته تفكيري​

ام بشار : اهو مايبيها واذا بتم معاها بياخذ كل شي منك لا في تلفون ولا طلعه ولا نادي ولا شي​

بشار : ليش يعني​

ام بشار : ما تصلح لك​

بشار : صعبه يما ما اقدر اتركها انا احبها​

ام بشار : هذا حب مراهقين​

بشار : لامو حب مراهقين انا احبها من كل قلبي​

ام بشار : كيفك انت فكر عشان ما تيي يوم من الايام تقولي ما قلتيلي انا قتلك الحين وانت كيفك​

بشار: مادري يصير خير​

بشار قام دش داره و يفكر مايدري شيسوي الحين شلون ما اقدر اتركها مستحيل بشار طول الليل يفكر ما ياه نوم تم لي ثاني يوم الصبح قاعد سارح شلون يخلي دلال ​

​

الساعة 10 الصبح​

​

دلال ادق على بشار مايرد تمت ادق مايرد قالت يمكن نايم راحت دلال نزلت عند اهلها قعدت معاهم بشار الدنيا سوده بعينه للحين مواصل و مو عارف شيسوي بعد ساعتين دلال دقت على بشار هم مايرد تمت ادق و بشار و ما يرد دلال قامت تحاتي بشار بشار كان يشوف التلفون و ما يشيله​

بشار راح غسل ويهه و بدل بيطلع لانه اختنق بشار اهو وطالع امه نادته​

ام بشار : بشار !!​

بشار : هلا ​

ام بشار : تعال شوي​

بشار : حاضر​

ام بشار : اسمع الكلام الي قلته امس بيصير البنت بتتركها ولا بغضب عليك لانه امس ابوك سوالي سالفه قالي اذا ما هدها ياويلك ​

بشار: (ماله خلق شي ) يصير خير انا بطلع​

ام بشار: وين ؟​

بشار : بطلع يما مالي خلق شي ​

بشار طلع من البيت وماله خلق اي شي مايدري شيسويولا يدري وين بيروح راح عد علي مالقاه بالبيت دق على فيصل مو فاضي قاله اييك الساعه 2 المرينا بشار راح تمشى بالمنطقه وخذا تكسي وراح المرينا دلال طول الوقت ادق عليه واهو مايرد جان ادق على امه تقوله بشار ليش ما يرد جان تقولها مادري اهو طالع يمكن مو سامعه دلال طنشت قالت يمكن بس يشوفه يدق يمكن لاهي​

​

بشار كان بعالم ثاني طول الوقت يفكر مايدري شيسوي وصل فيصل وقعد يقوله السالفة و فهمه فيصل ماكان يدري شيقوله احتار يقوله هدها حرام لانه يحبون بعض يقوله لا تهدها بيخسر اهله مايدري شيسوي احتار​

​

مر اليوم بشار مارد دلال حاتته وايد قامت ادق وادز مسجات بشار مايرد دلال بينها وبين نفسها : ( يارب وينه شصاير له بشار رد ليش ماترد )​

تموا على هالحال جم يوم بشار رد عليها اليوم الرابع بشار كان تعبان وايد ونفسيته بالارض​

دلال : حبيبي وينك ليش ماترد ؟​

بشار : ماكو شي حبيبتي بس كنت تعبان وايد وكنت ابي اقعد بروح مالي خلق شي​

دلال : اوكي ماراح اقول شي بس على الاقل طمني امك تقولي مافيك شي و ماترد ربعك يقولون مافيه شي​

بشار: وانتي من وين لج ارقام ربعي​

دلال : مو انت معطيني ياهم انت لماك نت ادق مرات من عندهم او ادزلي مسج​

بشار : اوكي مو مشكله الحين​

دلال : حبيبي انت شصاير معاك طمني بليز قولي شفيك ​

بشار : ماكو شي كنت مخنوق وابي اقعد مع نفسي اراجع نفسي اشوف ​

دلال: اكيد حبيبي ماكو شي​

بشار قلبه قاعد بتقطع شلون بيخلي حبيبته وبيمشي عنها اهي الوحيده الي بهالدنيا تخاف عليه و تحبه و تبيه واهيه كل شي بحياته تعلق فيها وايد​

بشار: اكيد حبيبي​

بشار اول مره يجذب عليه ويخش عنها ​

تم بشار ودلال يسوافون و بشار مسوي نفسه انه كل شي عادي وماكو شي مرت الايام والوضع عادي وبشار يشوف دلال و يسولف معاها​

واما ام بشار كانت تحن عليه شسويت ومادري شنو بعدين بشار تذكر انه امه بتغضب عليه واذا غضبت عليه يعني ماراح بتوفق ولازم يرضي امه لانه ابوه الصجي مو موجود ​

​

بعد اسبوعين​

​

بشار قام من النوم راح عند امه وقالها خلاص بسوي الي تبينه ام بشضار اي زين عشان ابوك مايزعل منك وتكبر المشاكل و يصير ششي مانبيه دق بشار على دلال ​

بشار : قوه​

دلال: يقويك حبيبي ​

بشار : دلال ؟!!​

دلال : هلا​

بشار : مادري مو قادر يقولها​

سكر بشار التلفون ​

بشار : يما صعبه ما اقدر وبدى يبجي​

دقت دلال بشار ما قدر يرد تمت ادق و بشار مايرد بشار دش داره قعد يبجي و رد على دلال​

دلال : حبيبي شفيك ماترد​

بشار : سوري الفون معلق​

دلال : حبيبي شنو كنت بتقول​

بشار تم ساكت​

دلال : الووو بشار​

بشار : هلا​

دلال : شنو كنت بتقول ​

بشار: انا اسف​

دلال : على شنو ؟​

بشار: انا واحد ​

دلال : انت شفيك​

بشار : انا واحد خاين وما انفع لج​

دلال :لييييييييييييييييييييش بشار شنو هالكلام​

بشار: انا احب وحده غيرج​

دلال انصعقت و بشار مخنوق الدموع اتخر​

دلال : نعم (مصدومه) من متى ؟​

بشار : من اول ما كلمتج​

دلال : انتوا كلكم نفس بعض انا رفيجتي قالتلي بس ياريت سمعت كلامها انت ماتستحي ​

وسكرت التلفون بويه بشار دلال انصدمت وانهارت وقامت تبجي وبشار حاس انه بيموت اختنق ومايدري شيسوي قعد يبجي طول الوقت ودلال تبجي (هذا الكلام سنة 2009 )​

​

اشالله يكون عجبكم البارت وانشالله في اشياء بعد ما انفصل بشار و دلال خنشوف شصار معاهم ​

وشكرا على ردودكم انا عندي امتحانات عشان جذي مقصره وانشالله اعوض لكم​

 

[أم ريــمـــــاس]

يسلموووووووووووو حبيبتي

حراااااااااااااااااااااااااام ليش يهدها

ماتستاهل المسكينه كله من امه

ناطرين النهايه حبيبتي

 

[Tom ♥ Jerry]

,،


آمبييييييييييييييه ! ليش ليش ليش !
حرآم عليهم الي فرقوهم ؛@ !
شنو هالآبو الي متحكم في حياه ولده لهالدرجه
واي قهر الله يعين قلب دلول ! :*****


كملللللللللللللللللللللللللللي

 

[الأبتسامة الدام]

لا حرام امة بعد ماعندها سالفه

 

[Pink26]

بصراحه اغرب شي ولد مايقدر يسوي اللي يبيه البنات الحين يخرعون صج طاعه الاهل وواجبه بس موو بهطريقه يسحبون فونه بنات ماياخذون فونهم وطريقت تحكمهم فيه غريبه القصه حلوه بس احس بوقتنا ماكو صبي ينقدر عليه ويسمع الكلام ويتخلا عن حبيبت قلبه !! بهسووله منتظره البارت اليديد وموفقه

 

[بنت السنافر]

اف اف اف القصه وايد حلوه متي تكملينها وايد اعجبتني والحين قليل الي يوفي ويحب من قلب

 

[خووخـه]

وااااي حررام :eh_s(11):

بشارووه العبيط ليش قال لدلول جذي :rgewrg: ما تستااهل عالأقل اي عذر مو يقولها انا احب غيرج من اول ما كلمتج !!

اووف مو صج حرام هم شكو فيه :eh_s(4):؟

يالله ننطر البارت الجاي الله يستر بس :eh_s(2):

و يسلموو

 

[الحب سكني]

مشكورين على المشاركات
باجر الصبح انشالله ينزل بارت يعجبكم​

 

[الحب سكني]

الجزء العشرين

دلال : انتوا كلكم نفس بعض انا رفيجتي قالتلي بس ياريت سمعت كلامها انت ماتستحي
وسكرت التلفون بويه بشار دلال انصدمت وانهارت وقامت تبجي وبشار حاس انه بيموت اختنق ومايدري شيسوي قعد يبجي طول الوقت ودلال تبجي (هذا الكلام سنة 2009 )
دلال قاعده مو مصدقه الي صار مصدومه اما بشار قاعد يتمنى الموت انه ايي ياخذه بعد الي صار دلال ما طلعت من غرفتها دقت لى كويتيه وقالت لها اتيي عندها يت كويتيه وقالت لها دلال السالفة قالتلها شفتي انا قتلج كلهم نفس الشي اما بشار الي دمر نفسه عشان اهله
بشار قاعد يبجي ويختنق قلبه يدق شوي شوي فجأة بشار داخ و اغمى عليه
دلال قاعده تبجي مصدومه تقول حق كويتيه انا الي حبيته و عطيته كل شي يسوي فيني جذي يخوني بكل سهوله يقولها بعد دلال ماكانت تدري ابشار شصاير فيه و ليش سوى جذي
بشار محد كان يدري عنه عبالهم نايم بس اهو مغمى عليه قام بشار بعد 4 ساعات حاس انه بعالم ثاني دموعه كانت تارسه الفراش بشار دق على فيصل قاله تعال بسرعه بطلع مو قادر
بشار لما طلع الصاله كان لونه باهت تعبان عيونه منتفخه جان امه تسأله شفيك ؟
بشار : مافيني شي
ام بشار: امبله فيك ؟
بشار : مو مهم
ام بشار : مهم شصاير
بشار: ولا شي هديت دلال سويت الي تبونه زين جذي وانا الحين طالع تبون شي مع السامة وصك الباب
ام بشار مستغربه نادته ماردت واسكتت عرفت انه متضايق
بشار تم واقف تحت يدخن ينطر فيصل ودمعته بعينه اما دلال من التعب و البجي نامت و كويتيه تمت معاها
وصل فيصل
فيصل : ها حجي ؟
بشار : هلا ( ماله خلق شي )
فيصل : افا شفيك يبا ؟
بشار : خلها على الله مالي خلق شي حدي مأيس
فيصل : والله مو اكثر مني
بشار : شفيك ؟
فيصل : تذكر البنت الي قتلك عنها ؟
بشار : اي عرفتها شفيها
فيصل : فلينا
بشار : هههههه ( نزلت دموعه )
فيصل : شفيك تضحك ( عصب ) انت تدري شكثر احبها و اخر شي طلعت تلعب علي
بشار : ههه ماكو حالي اقسى من حالك
فيصل : شصار معاك
بشار : دست قلبي
فيصل : شنو شلون
بشار : تركنا
فيصل : شلون ؟
بشار : اهلي ضغطوا علي وايد اخر فتره وابوي قام يهددني اذا ما هديتها بيخليني احلم باقل شي و بيحرمني من كل شي
فيصل : نعم و اهو شكو
بشار : مادري يقولي ما تصلح لك
فيصل : الله يعينك عيل انت معاي صح
بشار: اي بس بشنو
فيصل : ما عليك احنا انتهينا
بشار : تدري انه انا كنت بدار فجأة دخت و ماقمت احس بشي نمت فجأة وانا واقف
فيصل : شلون
بشار : مادري
فيصل : لايكون اغمى عليك
بشار : مادري يمكن
دلال للحينها نايمه بشار و فيصل يفترون وراحوا قعدوا عالبحر فيصل راح ياب شي يشربونه
بشار: شنو هذا يا معود
فيصل : اشرب
بشار درا انه قاعد يشرب خمر و قعد يشرب واهو فيصل على اساس انه ينسى لا مو عشان جذي عشان ما يفكر بس ما قدر بشار انه ما يفكر دوم متذكرها واهيه بقلبه دلال مو قادره تقعد تعبانه كويتيه تمت عندها لي الليل وراحت بيتها
بشار كان اهو فيصل سكرانين و مضيعين نفسيتهم بالارض بشار يومها مارد البيت كلش دق على اهله وقالهم بنام بره وطبعا محد قدر يومها يقوله لا لانه مبين انه تعبان و معصب و مستعد يسوي اي شي حتى لو يذبح نفسه
بشار سكران و ضايع و دلال نايمه
قامت دلال من النوم ثاني يوم الصبح تعبانه وناسيه بس لقت كويتيه داقه و دازه مسجات قرت المسجات طبعا كانوا كلهم عن بشار تسال شصار جان تتذكر دلال وقامت تبجي وانهارت لانه مو مصدقه بين وبين نفسها : ( والله ماراح اسامح مهما كان عذره ) طبعا اهيه هم مو مصدقه الي صار
طبعا بشار و دلال عاشوا عذاب مو طبيعي دلال حاولت تنسى بشار تعرفت على شباب من الجات و بعضهم كلمتهم بالتلفون و كل هذا عشان تنسى بشار اما بشار كان مدمر نفسيا و كله ضايع و صار يشرب و كله مضيع بعد فتره بدت المدارس بشار ما كان يداوم كلش اذا راح المدرسة يقعد بره خمو ملتزم بدراسته كلش و دلال نفس الحالة ماكانت ملتزمه بدراستها
بشار تدهور وضعه و طبعا ماله خلق شي لما يطلع ما يطالع بنت عينه دايم بالارض دلال كانت تحاول تنساه بغيره بعد فتره بشار واهله كانوا طالعين فبشار و امه كانوا يمشون مع بعض ام بشار كانت قاعده تبجي
بشار : يما شفيج تبجين ؟
ام بشار : ماكو شي
بشار: امبله
ام بشار : امي تعبانه
بشار : شفيها عسى ماشر
ام بشار : مادري باجر بسافر انا وياك نروح لها
بشار: اوكي بس ما تخليني هناك و تردين
ام بشار : اوكي
بشار : حلفي
ام بشار: والله
ردوا البيت جان بشار يقول حق امه ماراح تخليني هناك صح جان تقوله لا قالها حلفي قالت له والله
المهم ثاني يوم الصبح كان السفر اهل بشار كانو ماخذين فونه و سافروا بشار بطياره بس يحن على امه ماراح تخليني هناك صح واهيه تحلف له واتاكد له انه ماراح يتم هناك بشار كان حاسه قلبه انه بيتم هناك
وصلوا سوريا وكان كل شي عادي يعني احتى اهمه مو ماخذين هدوم بس حق يومين
ام بشار : انا هذا الولد تعبني ما اقدر خلاص
بشار : يما شنو
خالت بشار : اسكت
ام بشار : انا عندي عيال ابي اربيهم
بشار: انا شسويت كل شي تبونه سويته
المهم ام بشار خلت بشار ( طبعا بشار ابوه عايش نسيت اقولكم من اول القصة و دلال درت بهالشي )
بشار بين قعد يبجي و يقول شسويت لكم حرام عليكم و ودوه عند ابوه الي ما يبيه و ابوه كان وضعه تعبان بشار قعد 20 يوم تعذب عذاب مو طبيعي هناك و دلال ماكانت تدري كانت تكلم واحد بهالفتره الي اهو مسافر فيها و بشار كان عايش عذاب بعمره ما شافه ولد خالته كان يطقه ابوه ما يعطيه فلوس حالته تعبانه وربعه ماكانوا يقدرون يسون شي و جوازه مع اهل امه ...........

مشكورين انشالله يعجبكم البارت
سوري البارت قصير بس توني راد من الجامعة و حدي تعبانة
وانشالله اليوم هم يمكن انزل بارت العصر او باجر بالكثير
واشكر مشاركاتكم الرائعه اذا تحبون اقولكم على 20 يوم
الي قعدهم بشار عنده ابوه انا حاضرة بس قولولي ​

 

[أم ريــمـــــاس]

اخيييييييييييييييييييييييييييه حرااااااام اللي صار فيهم

مايستاهلون مسكين بشار ومسكينه دلال الله يعينهم

يعطيج العافيه كملي ناطرينج

 

[الحب سكني]

​

الجزء الواحد والعشرون

​

اول ما شاف بشار ابوه طبعا اهو موش ضايفه ولا مره بحياته و ابوه بس شافه سلم عليه بكل برود مو جنه ولده العود ولا شي جنه امس شايفه مو صارله 16 سنه مو شايفه وكان عادي يعني ما في اي احساس بارد بروده مو طبيعيه و طبعا ابو بشار كانت حالته زفت و اهو مريض نفسي و بشار اصلا كل ما احد ساله عن ابوه يقول انه متوفي لانه بعمره ما سال عنه ولا ذكره اول يوم استقبله و كان عادي اما ثاني يوم طرده من البيت و ما خلاه يدش البيت وتم بشار بره بشارع بالبرد والمطر وكان كل ما يحس انه متضايق يروح يقعد بعيد و يبجي و ماكان عنده تلفون ولا شي بعدين دش بشار البيت اليوم الي عقبه و تم بشار وابوه على هذا الحال و مره من المرات ابوه دق على ولد خالة بشار وقاله انه بشار مسويله مشاكل يومها يه ولد خالته و طقها طق عذبه الدم صار ينزل من حلجه و عينه زرقه وجسمه كله احمر و راسه كله جروح وبشار يبجي و يرجف من الخوف بغى قلبه يوقف و كل مايصير شي ابوه يدق على ولد خالته وهذاك ايي يطقه وابو بشار يشوفه بالارض يرجف و الدم ينزل منه ولا اهو سال عنه تقولون بشار ما نظلم كل هذا صار فيه لانه حب مو حرام و اليوم محد واقف معاه ولا احد يسال عنه و اذا احتاج احد ما يلاقيه يمه
​

المهم تم بشار ابوه على هالحال اذا بشار طلع من البيت ما يخليه ايدش و يكون بره برد و مطر واهو ما يهمه بشار اهله بالكويت دزوله كل اغراضه هدومه وكل شي
​

بشار كلم زوج امه و قاله السالفه جان يقوله وانت اذا رجعت تسمع الكلام وتلتزم و تكون خوش ولد اذا سويت الي قلته اكلم امك
​

بشار : اوكي موافق بس تقفه رجعوني ما اقدر اعيش هني تقفه رجعوني كلمها اقنعها
​

ابو بشار ( زوج امه ) كلم ام بشار و على اساس انه ام بشار ماكانت راضيه المهم كلمها و قنعها بعد فتره من التعذيب و عوار القلب والجسم مو بس القلب حتى الجسم تعب و تعذب بشار بيرد الكويت بعد كل الي صارله

​

بشار بالكويت

​

بشار قعد بسوريا عند ابوه 20 يوم كانوا من اجمل الايام في النار تعذب عذاب ماكان في اجمل و احلى منه دلال كانت بعالم ثاني وقتها تقدم حق دلال واحد من اهل امها وافقت عليه من دون ما تشوفه اما بشار قالوا له اهله انه اذا بترد على شرط تروح تقعد ابيت عمك ما تقعد عندنا وراح بشار قعد عند عمه عم بشار مدين و ملتزم و ماعنده طلعات ودشات بشار ما قدر يتأقلم معاهم و ما كان يداوم حتى امتحانات الفايل ملوت الكورس الاول يروح المدرسه بس ما يقدم وقتها سقط بــ7 مواد ودلال هم سقطت بالكورس الاول بعد فتره طلع من بيت عمه و طبعا ماكان احد يعطيه فلوس ولا احد يسال عنه بشار ما شاف اخوانه لما رد الا بعد اسبوعين وكان عنده اخت صغيره اسمها حنين وكان حيل متعلق فيها ويبي يشوفها و مره راح مدرسة اخوه يسال عنه يشوف اذا ناقصه شي
​

بشار : قوه حبيبي
​

خالد ( اخو بشار ) : هلا
​

بشار : شلونك شلون الدراسة ؟
​

خالد : الحمدلله
​

بشار : شلون امي و ابوي وخواتي ؟
​

خالد : كلهم زينين
​

بشار : تبي شي خلود ناقصك شي معاك فلوس ؟
​

خالد : لامابي شي مشكور
​

بشار : العفو هاك هذي 10 خلها معاك ( ماكان معاه غيرها عطاها حق اخوه )
​

خالد : مشكور
​

بشار : عيب تشكرني ياولد انا اخوك و مجبور اعطيك من لحمي و دمي يلا حبيبي انا بمشي تبي شي
​

خالد : سلامتك
​

بشار : الله يسلمك دير بالك على نفسك و على خواتك وامك وابوك واذا تبي أي شي هذا رقمي
​

خالد : اوكي
​

وراح بشار كان وقتها بالجابرية واهو قاعد عند رفيجه بالسالمية شلون بيرد وم معاه فلوس راح مشي البيت وصل البيت وقط راسه ونام و قام بعدين الساعة ست (يقولي ما انسى هذا اليوم ابد ) دق بشار على دلال
​

بشار : السلام عليكم
​

دلال : وعليكم السلام
​

بشار قلبه يدق حيييل : شلونج ؟
​

دلال : الحمدلله منو معاي ؟
​

بشار : انا بشار
​

دلال : نعم شتبي ؟
​

بشار : دلال لازم تسمعيني
​

دلال : شتبي ؟!!
​

بشار : انا اهلي طارديني بالبيت وقاعد بالشارع من بيت لي بيت مادري شسوي وما عندي فلوس و ماعندي احد يعطيني تقدرين تسلفني و الله اردهم لج اكتب على نفسي أي شي شيكات سندات بشار ماعنده فلوس
​

دلال : اسفه و لو سمحت انا ملجتي الاسبوع الياي وخر عني
​

بشار : نعم !! لحظه فهميني سمعيني قاعد اتكلم
​

دلال سكرت التلفون بويهه
​

بشار انصعق بشار ماكان في يوم يمر الا دلال تطري في باله كان كل شي سوه يتذكرها و يتمنى ذيج الايام ترجع و كل ما يتذكرها يبجي دموعه تترس عيونه دلال ماكانت تدري بكل هذا عبالها انه خانها
​

بشار كان حيل تعبان دلال انجرحت جرح كبير بس بشار خسر كل شي خسر اهله حبيبته نادييه دراسته كل شي كل شي
​

دلال كانت تجهز نفسها حق الملجة اما بشار كان يروح كل يوم يوقف تحت دريشتها واهيه ماتدري ( هذا الشي ما تدري فيه حتى اهيه ) كان يتمنى يشوفها بس ماكان يقدر كان يتمنى يجيس ويها و يحط ايده على راسها و ينام على صدرها و يبجي و الالم الي ساكنه يطلع و يصرخ

​

يوم الملجة

​

دلال زهبت نفسها و كل شي نزلت تحت وكان المعرس قاعد دشت دلال وراسها بالارض ما شافت ويهه و وافقت عليه بس لانه اهو من طرف اهل امها و و انه خوش واحد و مدين و ملتزم و وضعه زين
​

اما بشار كان يعاني ماعنده احد يصرف عليه طبعا رد بشار على سوالفه القديمه و رد حق الشرب و الخرابيط حتى فيصل صاحبه كان ضايع لا يداوم ولا شي صارله من ترك حبيبته اهو يسكر و بشار معاه و قضوا الايام جذي بعد فتره بشار كان ادور الشرطة عليه و ماكان يعرف ليش
​

لي يوم من الايام مسكوا فيصل و ربع بشار و قالوا لهم يا تيبون بشار او نقطكم بالسجن بس اهمه مارضوا ايبونه بس يابوه بعد ما سالوا شيبون فيه انه مسوي شي و صاير شي جان يقولون لهم ماكو شي يابوا بشار
​

دش بشار المخفر وماكان يدري شسالفه جان يطلعونه فوق عند قسم المباحث و قعد يساله الضابط اساله طلع بعد انه اهله مقدمين بلاغ تغيب على بشار من وقت سافر سوريا مع امه مو من رد من وقت سافر يعني تقريبا من شهر ونص ويوا اهل بشار وقعدوا مع الضابط و ضابط كلم ابو بشار طبعا بعد ما سمع السالفة من بشار وفهم انه في ظلم بالموضوع حتى لما بشار كان يكلم الضابط بس يروح الضابط ابوه يقعد يستفزه و يزفه يقوله لا تخلي الدنيا تعرف مشاكلنا المهم رد بشار مع اهله البيت امه قامت سوت له اكل طبعا صارله شهر ونص مو ماكل مثل الاوادم مره صمونه و مرات ما ياكل تعذب حتى القلمة ماكان يلاقيها و دش خذاله شاور طبعا صارله فتره مو ماخذ شاور سنع وهدومه وصخه كانت حالته زفت
​

ودش نام بداره من التعب ماصدق نايم بفراشه كان ينام على الارض لما كان عند ابوه و مو تحت شي على الارض و كان وقتها شتا ينام على الارض والارض بارده اللهم المخده والكمبل حتى فرشه تحته مافي ولما كان عند عمه ينام على الارض بس في فرشه تحته ولما راح عند صاحبه كان ينام مرات على الغنفه و مرات على الفراش و مرات ينام بالسيار ة والاكثر ينام بالسيارة مع فيصل بشار تشرد وقتها اما دلال ملجت و تزوجت وكانت الامور اوكي اما بشار كان حاله من اسوأ لي اسوأ دلال دوم في باله و مو مركز بدراسته ولا بصحته ولا بشي دوم يبجي على حظه و دوم سكران كان كل وقته شرب و هياته بالشوارع ما يعرف مصلحته
​

بشار نام بفراش حس انه نايم بالجنة لانه نحرم من هالشي حتى اخوانه ماشافهم قام ثاني يوم الصبح على اساس انه بيدوام بس ماداوم راح طلع مع ربع المدرسه قعدوا بالقهوه طبعا ربع بشار اهمه يدفعون عنه لانه ماعنده و كان محد وقتها يقدر يسلفه وفيصل الي كان من الممكن الي يساعده ما يدوام و معاشه واقف

​

بعد فتره


​

بشار فكر يدور شغل بس شنو بيشتغل قام يدور و ماكان يلاقلي اخر شي لقى بفيفا و امه وقتها دقت عليه تسال جان يقولها انا لقيت شغل بشتغل و بدرس جان تقوله ليش شحقه قالها من وين لي فلوس جان تقوله تعال البيت ابيك بكلمك شوي راح بشار البيت جان يقولها يما يوعان و ريحته طالعه دش ياخذله شاور و طبعا ماعنده هدوم هدومه بره جان يبطل الكبت لقى قميص نص جم و كان الجو بارد بس شيسوي ولقى امه مسويتله اكل قعد ياكل كان يوعان و تعبان حالته بالارض
​

ام بشار : يما ليش بتشتغل ؟
​

بشار : لاني ابي فلوس
​

ام بشار : يعني شنو بتشتغل ودراستك ؟
​

بشار: لقيت شغل زين بفيفا و راح ادرس بوقت راحتي
​

ام بشار : ما راح تقدر
​

بشار : انشالله اقدر
​

ام بشار : الحين اكل
​

بشار : يما انا بمشي
​

ام بشار : ناقصك شي
​

بشار : ابي فلوس
​

ام بشار : جم تبي ؟
​

بشار : 5
​

ام بشار : وااايد
​

بشار : خلاص مابي شي (حبها على راسها و مشى )
​

ام بشار : تعال تعال
​

جان تعطيه الفلوس
​

بشار : ديري بالج على نفسج احبج و ديري بالج على اخواني و سلمي على ابوي
​

بشار راح الجمعيه شرا زقاير و شرا ككاو الي صارله شهرين مو ماكله و عبى رصيد و راح حق الشركة جان ادق عليه امه بنص الطريج تقوله رد خلاص لا تشتغل ارجع بيتنا و وخلك عندنا و لا تشتغل ابوك قال رد
​

قالها بشار ليش يعني الحين خل ادش بقابل الناس فشله شوي وايي
​

دش بشار جان يرد يطلع و ما راح حق المقابلة
​

راح بيتهم دق الباب اخته بطلت الباب جان يلمها حييييل كان حيل مشتاق لها وقام يبجي بشار بس شاف اخته بجى وااااايد و شاف اخوانه وقعد يبجي و اخوانه انحرم منهم شهرين و نحرم من بيته و من شوفتهم نحرم من كل شي بشار حس بقيمة اهله صح متعبينه بس يتمون اهل واهو ما عنده غيرهم ولا عنده احد ابوه ما يبيه عمامه و عماته مايشوف الا من العيد لي العيد و اهم ما يسألون عنه و حتى يدته ام ابوه ما تحبه ولا تواطنه وعيال عمه و عمته مو فاضين يسألون عنه مع انه اهمه وايد مع بعض بس اهو ما ولا جنه يصير لهم و للعلم انه اهمه من اعمار بعض مو اكبر منه ب 5 سنين لا من اعمار بعض بس اهمه جذي ما يحبونه لانه الفتره الي كان قاعد رفيجه فيها مره دق على ولد عمه وقاله ابي اشوفك ضروري مارد عليه و دق على ولد عمته و قاله بشوفك ضروري محتاجك جان يقوله انت ما تذكرنا الا بالمصايب واهو بعمره ما طلب منهم شي و ثقل عليهم بشي و قتها حيل نجرح منهم .

​

البيت بشار

​

ام بشار : توه ما نور البيت
​

بشار : بوجودكم منور
​

ام بشار كانت مستانسه بردت بشار البيت و اخوانه هم استانسوا
​

ابو بشار كان طالع بس رد قعد مع بشار و كلمه
​

ابو بشار : اسمع يا ولدي انا ابيك تهمت بدراستك و بصلاتك و مابي شي ثاني محد ينفعك لا ربعك ولا احد وابيك توخر عن فلان وفلان وفلان
​

بشار : انا مابي شي منك دراستي و هذا شي منتهين منه و صلاتي هذي هم منتهين منها انا بس ابي اتعامل كريال مو كياهل هذا الشي الي ابيه ابي تثقون فيني هذا وايد برايك مستكثرين هالشي علي انا ما طلبت شي غلط ولا شي فوق طاقتكم
​

ابو بشار : عدل ما طلبت شي بس شلون بنثق فيك ؟ انت بدراستك مو ملتزم
​

بشار : يعني بس هذا الي يخليك تثق فيني اوكي خلاص الي يريحك
​

المهم بشار دش داره يبي ينام جان يتذكر دلال
​

فقدتك يا اعز الناس فقدت الحب و الطيبه

وانا من لي في هالدنيا سواك ان طالتالغيبة

رحت ومن بقى وياي يحس بضحكتي وبكاي
وحتى الجرح في بعدك يغزينيوأهليبه


تصدق قد من حنيت اشوفك في زواياالبيت
واسولف معك عن حزني واحس ان انت تدري به

شسوي بالالم والاه ولكنالبقى لله​

يصبرني على بعادك وذا حضي وراضي به

​

وقعد طول الليل يبجي ويلوم نفسه انه هدها و كل ما ايي يبي يدق عليها يتراجع يقول لا شبقولها بشار تعب حيل من دونها دلال كانت بالنسبة حق بشار الدم الي يسري بدمه مثل الهوا الي يدش صدره دلال الضحكة الي تنرس على ويه بشار
​

بشار تدمر من دونها انكسر كان لونه شاحب تعبان نفسيته بالارض وخاصه انه سقط بالكورس الاول بعمره ما سقط بماده شلون 7 مواد بشار ضاع ( بشار يقول تدمرت يا ناس تعبت من دونها روح تقطعت زهقت من الدنيا كل ما ايي انام اتذكرها و ما اتذكر الا احلى الاوقات تقفون الي يحس فيني يقول انه حس والي نزلت دمعته يقولي اذا انا حبي لها كان جافي يقولي واذا كنت مقصر يقولي عرفتوا شنو يعني واحد يخسر اعز و اكبر شخص موجود بقلبك ) دلال بهالوقت كانت حامل و طبعا كل واحد فيهم بدنيا دلال كانت مستانسه بتصير ام اما بشار كان يموت كل يوم الف موته يتعذب و كان ضميره دايم يأنبه مرت الايام وبشار على حاله مسكور تعبان مجروح دايم ينزف و دموعه ما تفارقه بشار هم على نفس الحال التزم شوي بالمدرسه صارت مشاكل ابوه ما سوى شي و تم يعامله على اساس انه ياهل وما في فايده سو كل شي و بشار تم عايش متعذب و تعبان و الالم دوم معاه ما يتركه لحظه.....

​

انشالله يكون عجبكم البارت و برد جبدكم ترى ما خلصت القصة للحين

اتمنى اشوف مشاركاتكم
​

 

[Tom ♥ Jerry]

،


امبييييييه قهههر و الله :/
كمليي فديتج

 

[أم ريــمـــــاس]

حراااااااااااااااااااااااااااااام في اهل جذي

هذا ولدهم وااااااااااااي صج ماعندهم احساس

ناطرينج حبيبتي كملي

يسلموووووووووووووو

 

[الأبتسامة الدام]

شنو قلبها امه هاذي مو لهدرجة

 

[الحب سكني]

الجزء الثاني و العشرين​

التزم شوي بالمدرسه صارت مشاكل ابوه ما سوى شي و تم يعامله على اساس انه ياهل وما في فايده سو كل شي و بشار تم عايش متعذب و تعبان و الالم دوم معاه ما يتركه لحظه​

مرت الايام و بشار صوت دلال يناديه و صورته في باله و حبها ساكن قلبه و عمره ما نساها يوم كل ما بينام يتمنى ينام بحظنها و يقعد يبجي حالته تدهورت
المشاكل بدت تكبر و بشار صحته بدت تتراجع و كل مالها المشاكل تكثر اخر شي ام بشار و اوبو بشار قعدوا مع بشار و قالوله ماتبي تلتزم لي متى بتم جذي جان يقولون له اسمع تبي اتم هني بالكويت ولا تسافر تروح سوريا تكمل دراستك و ترد الكويت كلنا نشليك على راسنا بس اذا قعد هني ماكو طلعه ماكو ربع ماكو اي شي عندك المدرسة والبيت و حتى نادي مافي بشار ما يدري شيقول مره يقول لهم بقعد و مره يقولهم بيروح اخر شي قرر قالهم بروح جان امه تقوله انا اول مره احس انك صاج مو قاعد تجذب ( شكو بس ما عليه ) تقوله وانا راح اكون يمك كل شي تحتاجه بوقف معاك و ابوك بعد انت اهم شي ادرس
بشار بكل خضوع صدق اهله و وافق عباله انه شرا راحته مايدري شنو الدنيا بره ​

بشار سافر و طبعا امه يوم سافر كانت مستانسه مادري زعلانه على وصف بشار ما فهمت وصل بشار سوريا و كان يومها الدنيا مطر و معطته 25 دينار عشان يصرف على نفسه وطبعا محد استقبله راح عند ابوه و ماكان يلاقيه قعد بشضار بهالمطر ويومها كان المطر قوي بشار صار كله ماي و جنتطته انترست ماي وقعد يمش من مكان لي مكان و حس انه ضايع بروحه الدنيا ما تبيه الشوارع تكرهه و الطوف ما تحبه والارض ما تبيه و السما تكرهه حس انه الكون كله ظلام بظلام حس بألم كبير حتى تلفونه ما حطتله امه رصيد عشان تطمن عليه وبس راح اشترى خط ودق على امه و قالها انه ابوه مو بالبيت قالت دور عليه ولا قالتله فيك شي الجو فيه شيب الدنيا مطر ولا اهي اهتمت و سكرت ولا ردت دقت وسالت عنه وتم بشار بشارع وهدومه ماي وطين و وين بيروح مايدل مكان وتبهذل قعد اير جنطته و يمشي بشارع و تمره السيارات و ترش عليه ماي قعد يفر بالشوارع و يفكر شسوى بنفسه واهله شلون خلوه ​

مو حرام حالي ما يصعب عليك
تجرح الضحكة في عيني واتظاهر ما تبيني
وهم ابيك
ياخي لو قلبك حجر .. الحجر يقسى ويحن
وإنت عينك لي وطن .. كيف أعوفك يا وطن
مو حرام
ما بقت ورده فحديقة
إلا وأقطعها بايديني
هو يبيني ما يبيني لا يبيني
كل ورده تشبهك مرت علي
احتضنها برمش عيني
لين أنام لين أغرق في حنيني
وكل هذا ما تخاف الله فيني
يا مدينة حب احبك .. انت ما تقرا في عيني
قصة الحب اللي فيني .. وإني من روحي احبك
مو حرام​

اخر شي طلع بتكسي وقاله يوديه اي فندق رخيص و راح قعد بالفندق وكانت الغرفة بارده وبشار كله ماي و ماكو دفايه قط هدومه و نشرهم عشان ينشفون و تغطى وكان حيل بردان قعد يبجي طول الليل و تذكر دلال الحلم دلال الي مستحيل يوصلها بينه وبين نفسه : (هالزمن قاسي والله كافي )​

[SIZE=+0]ساعات احس ان الزمن قاسي ولايمكن يلين[/SIZE]
[SIZE=+0][SIZE=+0]وساعات احس ان الفرح محال ولا يمكن يحين[/SIZE][/SIZE][SIZE=+0]​

[SIZE=+0]هذا الي شفته بدنيتي كل ما مضالي من سنين[/SIZE]
[SIZE=+0]يامن يعلمني الفرح ويفرح القلب الحزين[/SIZE]​

[SIZE=+0]ســـــاعاتــ[/SIZE]​

[SIZE=+0]اشكي مرارة حيرتي ابدنيا ما ضني بتزين[/SIZE]
[SIZE=+0]واذا نـذب بعيني الامل تجد احزاني وتبين[/SIZE]​

[SIZE=+0]روح زماني وانتهي وتركلي الجرح الدفين[/SIZE]
[SIZE=+0]دنيا كفى الله شرها تخلي كل قاسي يلين[/SIZE][/SIZE]​

[SIZE=+0]جان يدق بشار على صاحبه بالاردن كلمه وقاله السالفه جان يقوله تعال و فهمني ثاني يوم الصبح راح بشار عند ابوه و ما استقبله و اخر شي استقبله و قعد يصارخ و يسبه و سزفه يقوله شيايبك بشار قعد يوم واحد وثاني يوم سافر راح الاردن باع تلفونه عشان يقدر يرح الاردن واستقبله رفيجه و بشار قاله السالفه و قاله ماعليك وتم جم يوم رفيجه يصرف عليه و اخر شي لقى شغل وقعد يشتغل من البح لي الليل و كان يرد يشرب ويسهر طول الليل يكون سكران تعذب قعد 3 شهور بالاردن تعذب فيها واهله ما سالوه يوم تبي شي و حاول بشار يدق على دلال اكثر من مره و اهو بره بس كان دوم يلاقي جهازها مغلق [/SIZE]
اخر شي بشار قرر يرد سوريا عشان يدرس وراح حق ابوه و ماكان يلاقيه اخر شي قالوله انه باع بيته وراح و راح بيت يدته و محد بطله الباب ولا احد من خالاته اخر شي راح حق خالته الكبيره جان تبطل له الباب ودخلته وقالت له انت ليش جذي سويت بأمك وليش جذي متعبها و من هالكلام و سفلت فيه و قالتله انا راح اسويك ريال وبتخلص دراستك غصبن عليك و بتدرس ومافي شي بشار قعد سنه ونص بسوريا قعد يدرس ولا ما عنده شي
[SIZE=+0]امه يكلمها بالاسبوعين مره و ماعنده ربع ولا احد و حتى خالته ما كانت تخليه يروح مكان اللهم المدرسه والبيت حتى حق خالاته و خواله ويدته ما تخليه وما عنده فون ولا لاب ولا شي نحرم من كل شي و ولد خالته نفسه البي كان يطقه لما كان عند ابوه اهو نفسه الي قاعد عنده و كان دايم يطقه و ياما نزل دم منه و نكسر قلبه وبجى ايام وليالي و دوم دلال اباله عمره مانساا بس قعد بمر وعذاب وكان ريل خالته مشلول و كان بليل يصرخ و محد يرد عليه كان بشار يقوم يشوفه و مرات يكون بشار نايم 12 ايي ولد خالته سكران يقعده من النوم اساعه 2 بليل يقوله قوم العب جنجفه معاي و ماكان يقدر يقوله لا يخاف يطقهويتم سهران معاه لي 5 الفير وتيي خالته الصبح تقعده اساعه 7 الصبح ويكون تعبان يقوم يغسل و يرح المدرسه و بس يرد اذا تاخر 5 دقايق تزفه او ولد خالته يطقه و مرات تصير مشاكل خالته تتفل بويهه اذا قال حق احد شنو قاعد يصير معاه لما يكلمه امه تقعد خالته يمه عشان ما يقولها شي واذا قالها يبي شي تزفه و تعصب عليه و كان مطراش بس يرد من المدرسه ما يلحق يقعد سيده يقولون له روح يبي اغراض 24 ساعه يدزونه ترى مو قاعد ابالغ كل شوي يدزونه قلبه مات تدمر راح انتهى بشار خلاص الظلم دوم معاه والقسوة شريكة حياته تعذب و يما متعذب كان لما يدش الحمام ينادونه ما يخلونه لحظه [/SIZE]
[SIZE=+0]بشار كانت دموعه ما تفارقه و لا دلال تطلع من باله دوم يقول وينج تشوفين حالي تشوفين وين صرت شصار فيني وينج يما تعالي اخذيني ولدج تدمر تدهور ( شوفوا يا ناس العذاب و عوار القلب شوفوا الموت شلون يكون لما يكون الانسان عايش ما اتمنى احد منكم يشوف الي شفته ) قربت وقت الامتحانات بشار قعد سنه و نص بس يدرس [/SIZE]
[SIZE=+0]بدت الامتحانات بشار ماكان خايف كانت اخر سنه له وبيخلص المدرسه و قدم بشار كل امتحاناته و كان كل شي عادي و مو خايف وكان متاكد انه بينجح بس خلص بشار يوا اهله سوريا بشار صارله سنه و نص مو شايفهم و اول ما شافهم صار يبجي اخوانه كبروا [/SIZE]​

[SIZE=+0]و الله ما يسوى اعيش الدنيا دونك[/SIZE]
[SIZE=+0]لا و لا تسوى حياتي بهالوجود[/SIZE][SIZE=+0]
دامك انت الي رحلت
و كيف بصبر عالبعاد
و كيف بنثر هالورود
ماوعدت انك تقاسمني المحبة
و تبقى لي حبٍ و لدروبي دليل
بس حسافة الموت كان اقرب و ارحم
حسبيا الله و حده نعم الوكيل
حسبيا الله و حده نعم الوكيل
روح أنا راضي غيابك يا حياتي
هذي قسمة لي و هذا لي نصيب
كنت شمعة تضوي و تشرق حياتي
انطفيت و رحت في وقت المغيب [/SIZE]​

[SIZE=+0]العبره اغمتت بشار بس شاف اهله و حس الدنيا كبيره بس شافهم ش[/SIZE][SIZE=+0]اف الحياة فيهم ردة روحه اخوانه كبروا استانس لما شافهم جذي بس هم لما يوا خالته ما كانت تخليه ينام عند امه واخوانه تقوله نام عندي المهم طلعت نتايج الامتحانات و بشار واثق انه ناجح لانه يعرف نفسه بس عرف نتيجته الكل انصدم بشار نجح ويمع ياب 89% محد كان متوقع انصدموا اما بشار استانس كان عارف انه ناجح ام بشار استانست وايد و ابوه ( زوج امه ) اول مره يشوفه مستانس بعد جم شهر رد بشار الكويت بعد سنه و نصمن العذاب اول ما وصل الكويت باس ارض الكويت باس ديرته حبيبته الي يموت عليها الي يعشقها بحرها و بكل شي فيها الديره الي تربى فيها الي كلا من خيرها الي مستعد يفديها بروحه و بكل ما يملك[/SIZE]​

وطني حبيبي وطني الغالي والنجم العالي وطني شعله مضيئه كلمه جريئه وطني وطني الغالي وطني ​

وطني حبيبي وطني الغالي و النجم العالي وطني شعله مضيئه كلمه جريئه وطني وطني الغالي وطني ​

الله الله يا شمس الحياة ياكويت ياكويت يانبض الحياة ​

الله ياكويت ياكويت الله الله ياكويت انت الحياة ​

الله الله ياشمس الحياة ​

ياكويت ياكويت يانبض الحياة ​

الله ياكويت ياكويت الله الله ياكويت انت الحياة ​

وطني حبيبي وطنيالغالي و النجم العالي وطني شعله مضيئه كلمه جريئه وطني وطني الغالي وطني ​

​

[SIZE=+0]كان وقتها رمضان هذاالكلام ( رمضان الي طاف سنة 2010 ) استانس بشار اول ما وصل الكويت حس بفرحة مو طبيعيه استانس حيل حس انه الدنيا مو شايلته حيل استانس رد حق بيته رد حق داره بعد طول انتظار و عيد بشار بالكويت بس بعد فتره بشار كان شابك جان يشبك ايميل غريب ما يعرف منو [/SIZE]
[SIZE=+0]قعدت تسولف معاه طول الوقت و تلوه على الي سواه بدلال اهو كان حاس انه اهي دلال جان يقولها السالفه كلها و قالها انه ما خانها جان تقولها انا دلال و انا كنت بنتفم منك بس انا مسامحتك حبيبي انا للحين احبك ياريتني ما تزوجت انا ما حسيت بكلمة احبك من ريلي مثل ماكنت تقولها وقعدوا يبجون وبشار قعد يعتذر منها [/SIZE]​

[SIZE=+0]جيت والنظره ندم[/SIZE]
[SIZE=+0][SIZE=+0]والقلب نبضاته [/SIZE]حسايف [/SIZE][SIZE=+0]
معترف في كل زله وكل ذنب وكل خطيه
الخجل حابس كلامي
خلف جدران الشفايف
ودي اتكلم .. ولاكن الحكي بلساني عيا​

مخطي من ساسي لـراسي
واعترفلك اني خايف
مالي غير الله وانتي
تنتهي هذى القضيه
انا اسف والله اسف ..
والله اسف والله اسف
لاخر حدود الاسف
ولين ابعد شويه ..​

الملامح ساكنه
والقلب تجتاحه عواصف
هاجت اشواقي عليا
وعذبت روحي الشقيه ..​

ماقدرت اصبر وجيتكـ
الوله فيني سوالف
جيت ثاني خفوقي لليالي الاوليه
جيتي حاني الراس للحب
خاضع لامر العواطف
مستعد للي تبينه
بس رديها عليا ..​

انا اسف والله اسف ..
والله اسف والله اسف
لاخر حدود الاسف ولين ابعد شويه ..​

جيت والنظره ندم
والقلب نبضاته حسايف
معترف في كل زله وكل ذنب وكل خطيه
الخجل حابس كلامي
بين جدران الشفايف
ودي اتكلم .. ولاكن الحكي بلساني عيا​

[/SIZE]

[SIZE=+0]( دلال سامحني انا ماكنت ابي ادمرج معاي خفت عليج ) و صارت دلال تكلم بشار بالنت و تقوله و تشكيله الي صار معاها و شلون معاملة ريلها السيئه[/SIZE]
[SIZE=+0]معاها ردوا حق بعض فتره و كانت دلال مثل المرهم بشار ارتاح وايد معاها و ما كانت مقصره عليه بشي كل شي يبيه تيبله اياه وسافر بشار سوريا حق جامعته وكانت دلال تصرف علي وو قدم اول كورس ورد الكويت وكان زوجتها قاسي معاها اما اهل بشار وضعهم كان تعبان فدلال اهي الي كانت تصرف عليه [/SIZE][SIZE=+0]واليوم هدوا بعض و راح اقولكم التفاصيل هاليومين.......[/SIZE]​

انا شسويت عشان تسوي كل هذا ​

انا ضحيت ولا فكرت اتماده​

ولا قصرت في حقك ولا باحساسك اتلاعبت ​

ولكنك لاجل غلطه حبيبي بحكمك اتسرعت​

واخر شي تجرحني واخر شي تخليت ​

انا شسويت​

حرااام تهون هالعشره تنسى كل ما فيها ​

ترى هالدنيـااا من بعدك حبيبي والله مابيها ​

لان العمر اشوفه فيك معاك الدنيا تضحك لي ​

على نفسي انا ابديك وغيرك صعب يوصل لي​

تعال ارجوك ريحني انا من حالتي مليت ​

وانا شسويت ​

خطيت كثير في حقي وانا من طيبتي سامحت​

وانا اللي كان من حقي اعاتب لكن اتراجعت​

مابي انهي العشره واللي بينك وبيني​

قلبك ليه انا اخسره واهدم حلمي بايديني​

قبل لاتروح علمني ابي اعرف انا شسويت​

انا شسويت​

مشكورين على مشاركاتكم وانشالله التفاصيل عن جريب​

 

[الحب سكني]

وين المشاركات جذي تنتهي القصة ؟

 

[Tom ♥ Jerry]

،


هاذا آخر بارت ؟ : /


آنزين حآل دلال مو زين مع ريلها ليش مآ تتطلق و تاخذ بشار :/ !؟
نآطرين التفاصيل يا قلبي ؛)

 

[الأبتسامة الدام]

عججججججججججججججججججججججيبه والله هالدنياااا

 

[dareena]

وااااي لا شي خيالي حراااام عليهم تعذبو هالاثنين واايد تأثرت بالقصة لان تذكرني بقصه اعرفها