حب مادري وين آخرته للحين نعاني ؟ قصة حب كويتية

[Tom ♥ Jerry]

.

up

 

[mo0onya]

بالله ابي القصه
:"(

تو وجيري علخط اصمدي

 

[Tom ♥ Jerry]

.


^


افا عليج ع الخط انا معآج

 

[الحب سكني]

الجزء الثامن

بليل دقت دلال على بشار وقعدوا يسولفون وقعد بشار يتغزل ابدلال كانت حيل مستحيه ومر اليوم والاثنين كانوا مرتاحين والحمدلله.........

بشار ودلال تعلقوا ابعض وااايد مرت الايام و بشار على حاله مرات يداوم مرات لا بس النادي كان ملتزم فيه دلال كانت ملتزمه بدراستها اهيه اخر سنه وبشار ثانيه ثنوي

يوم من الايام بشار و دلال كانوا قاعدين مع بعض بشار قام و دش الحمام دلال شافت بوكه جان تاخذه ولا طالعت بطاقته المدنية
دلال ؟؟؟!؟!؟!؟! مليون الف علامة استفهام فوق راسها شنو هذا ؟ لا مستحيل
بشار رد شاف دلال ماسكة بطاقته المدنية وقاعده تبجي
بشار : شصاير قلبي شفيج ليش تبجين ؟
دلال : (عطته البطاقة المدنية) شنو هذا ؟
بشار : شنو ؟! اي !!
دلال : الي بيني وبينك انتهى تجذب علي لييش لييش انا شسويت لك ؟!
بشار : دلال !! لحظه سمعي
دلال : نعم
بشار : انا ما جذبت خشيت عنج
دلال : ليش تخش عني خلاص بشار احنا ما نصلح حق بعض
بشار : نعم حبنا مات خلاص اي لانه انا مو كويتي كلكم جذي يعني احنا ما عندنا قلب و ما نحس كل شي علينا حرام يعني احنا مو بشر مثلنا مثلكم بس حبي كان كله لج انتي وبس و تدرين انه انا ابيج وشاريج وانا معاملتي كويتي بس ناقص اصير بالاوراق اني كويتي انا الكويت احبها انا كلت من خير هالديره انا هالديره لها فضل علي افديها بدمي وروحي وكل ما امك انا اعشق الكويت وتراب الكويت انا مستعد اضحي باي شي عشان الكويت .....
بشار بدا يبجي قلبه قام يعوره دلال حست انه اهو صاج مو قاعد يجذب انه صج اهو يحبها ويبيها قالت بينها و بين نفسها : ( حراام ليش جذي انا مو جذي انا ما افرق بين الناس مو من طبعي انشالله ياخذ الجنسية ) بشار امه كويتيه متجنسه و زوج امه كويتي واخوانه الصغار الا اهو مو كويتي بشار كله يحس نفسه منبوذ محد يبيه وهذا صج بشار الحين بهالوقت يعاني ما عنده احد كلش كل الناس باعته
دلال : خلاص حبيبي بليز لا تتضايق انا لك انت وبس والله يفرجها انشالله (للحين تبجي)
بشار : انشالله (ودموعه اربع اربع)
دلال قربت من بشار تبي تلمه وتحط راسها على صدره بشار لمها حيييييييييييييييييييل وقعدوا يبجون بشار من ذاك اليوم قال لازم اهتم بنفسي و لازم ادرس واكون نفسي عشان محد يكون له حجه انه انا ناقصني شي بشار بدا يلتزم بالمدرسه واهله مثل ما اهم مقصرين عليه ما يعطونه فلوس مثل باجي الناس يبي يحس نفسه مثل باجي الشباب بس ماكان في فايده على هالحال ودلال كانت كله تعطيه بشار تم على هالحال وبدا يزهق خلص الكورس الاول ونجح وعلاماته زينه وكان مداوم بالنادي عدل وصار عنده معسكر لازم يسافر مع النادي بره الكويت سافر بشار بيقعدون اسبوعين بره الكويت

اليوم الي بيسافر فيه بشار

بشار : صباح الخير يما
ام بشار : هلا صباح النور
بشار : شلونج يما ؟
ام بشار تمام زهبت جنتطك حق السفر ؟
بشار : اي يما
ام بشار : زين
بشار : يما ابي فلوس حق هناك ؟
ام بشار : شحقه حق شنو ؟
بشار : مصروف يعني حق شنو يما !!
ام بشار : ماعندي ماكو
بشار : شلون يما يعني شلون بصرف ؟!
ام بشار: مادري اوك هاك 10
بشار : يما من صجج 10 ما تكفي يوم واحد
ام بشار : هذا الي عندي تبي اخذ ماتبي ماكو اكثر من جذي
بشار : حاضر يما ما عليه
بشار تضايق حيل قعد يطالع العشره شيسوي فيها بيشتري اكل فيها ولا شنو اهو رايح السعودية مستضيفهم نادي بالسعويه رايحين بالبر فيبيله اكل حق الطريج ما يدري شيسوي
دق على رفيجه الي معاه بالنادي هم اسمه علي
بشار : قوه حجي
علي : يقويك هلا بوغازي
بشار : شلونك ؟
علي : تمام وانت ؟
بشار : الحمدلله ها زهبت اغراضك ؟
علي : اي خلصت اقول
بشار : هلا قول
علي : تعال عندي ونطلع مع بعض
بشار : اوكي الحين اشوف احد يقطني
علي : اوكي ناطرك
بشار : اوكي باي
علي : باي
بشار بينه وبين نفسه شلون بروح انا كل الي عندي عشره استغفر الله والله مادري شسوي زهقت من هالحال )
حبيبتي يتصل بك
دلال : صباح الخير حبيبي
بشار : صباح النور قلبي هلا
دلال : شلونك حبيبي ؟
بشار : الحمدلله وانتي ؟
دلال : بخير حبيبي زهبت اغراضك ؟
بشار : اي
دلال هم كانت بتسافر عقب بشار بجم يوم بتروح الامارات مع اهلها
دلال : ناقصك شي قلبي ؟
بشار : (اقولها ولا لأ مادري شسوي) لا لا
دلال : اكيد
بشار : اي
دلال : اكيد
بشار : اي (مايقدر يجذب عليها)
دلال : ليش تخش عني
بشار : مو قاعد اخش عنج
دلال : امبله شنو ناقصك ؟
بشار : امي عطتني 10 دنانير حق سفره
دلال : نعم!! من صجها ؟!!
بشار : اي
دلال : حبيبي اذا تبي الحين اعطيك اشوف شلون اطلع واعطيك
بشار : لا قلبي اصلا انا بعد ساعه لازم اكون بالنادي
دلال : ولييييه انزين خل اشوف احد يطلعني
بشار : لا قلبي ما تسوى مو لازم شسوي بعد اقعد ما اطلع مكان
دلال : حبيبي انزين خل اشوف احد
بشار : حبيبتي خلاص عاد قلت كلمه وحده مو ناقص الا تصرفين علي
دلال : جب
بشار : نعم !!!!! دلال خلاص عاد
دلال : اوكي كيفك
بشار : حبيبتي مو وقت زعل تقفين الي فيني كافيني
دلال : يعني الحين انا قاعده ازود عليك لانه بعطيك انا الغلطانه
بشار : قلبي مو جذي شفيج ياعمري انتي بس مافي وقت
دلال : اوكي على راحتك
بشار : دلال قلبي عمري روحي دنيتي يا كل اهلي
دلال : هلا
بشار : لاتتضايقين عشاني يا قلبي
دلال : خلاص اوكي
بشار : يعني مو زعلانه ؟؟
دلال : لا مو زعلانه
بشار : اكيد ؟
دلال : اكيد
كانت كلمة اكيد عندهم اهيه المليون بالميه صح يعني اذا قالت اكيد يعني اكيد او اهو قال اكيد يعني اكيد ام لما واحد يقول اي يعني جذاب

اكمل لكم القصة جريب انشالله اعذروني
اكملك بعدين انشالله باقرب وقت وسلامتكم
وشكر على ردودكم وتجاوبكم وانشالله كل هذا بيتعوض ​

 

[Tom ♥ Jerry]

.


امبييه بشاار طلع بدون :/
الله يعينهم ..

امه مو صج ودي اذبحها ××

تسلميييين

 

[mo0onya]

امه مال زنط بس في شي حز بحاطري :"(

"" وهذا صج بشار الحين بهالوقت يعاني ما عنده احد كلش كل الناس باعته""

توم وجيري خلج معاي < مسكي ايدي :$ لوووووووول

 

[Tom ♥ Jerry]

.


^


هههههه اي و الله حدها سخيفه
مال بوكس

 

[أم ريــمـــــاس]

امبيييييييييييييييييييه امه تقهر

يسلموووووو حبيبتي

ناطرينج

 

[الحب سكني]

اشكر الجميع على الردود وانشالله اكمل لكم القصة​

 

[الأبتسامة الدام]

ترفع الضغط امة

 

[احلى قدساوية]

هذي ام ولا شنووو حرااام (صج مافهمت الحين بشاار بدوون ولا لا)

 

[الحب سكني]

الجزء التاسع​

كانت كلمة اكيد عندهم اهيه المليون بالميه صح يعني اذا قالت اكيد يعني اكيد او اهو قال اكيد يعني اكيد ام لما واحد يقول اي يعني جذاب
بشار : احبج
دلال : وانا احبك
بشار : حبيبتي انا بروح اضبط اغراضي واشوف احد يقطني اوكي قلبي
دلال : اوكي حبيبي وانا بالطريج ادق واسولف معاك
بشار : ديري بالج على نفسج
دلال : اوكي حبيبي وانت بعد دير بالك على نفسك
بشار : انشالله يلا قلبي باي
دلال : باي حبيبي​

بشار راح عند علي (ولد جيرانهم) دش عنده الدار علي كان نايم بشار راح يقعده
بشار : بو علوه قوم قوم بسك نوم قوم
علي : شتبي شفيك ؟
بشار : ابيك تقطني السرة ؟
علي : مالي خلق اخذ السيارة وروح
بشار : ابيك تقطني شفيك انا مسافر
علي : اي صح اوكي يلا بس ادش الحمام وابدل ونروح نتريق واقطك
بشار : اوكي ناطرك
بشار دق على علي صاحبه بالنادي
بشار : ها حجي
علي : هلا
بشار : انا بروح اتريق مع علي حياك معانا و بعدين نروح النادي
علي : لا حبيبي بالعافيه انا متريق انت تريق وتعال ونروح النادي
بشار : اوكي توصي شي ايبيلك شي
علي : لا سلامتك
بشار : الله يسلمك يلا مع السلامة
علي : مع السلامة
علي طلع من الحمام و دش يبدل وبشار ناطره
علي : بشار اخذ سويج السيارة انا دقيقه واطلع
بشار : اوكي يلا ناطرك
بشار قاعد بالسيارة يسمع اغاني يفكر شلون بيتم اسبوعين ب 10 دنانير يه علي
علي : الله حيا بو غازي
بشار : يحيك ربي بو حسين
علي : ها حجي وين تبي نتريق ؟
بشار : كيفك وين تبي ؟
علي : ممم والله مادري شرايك Subway ؟
بشار : خوش
علي : اوكي
واهمه بطريج بشار سارح للحين يفكر شلون بيسافر على هالحاله اقول حق علي لا فشله
بشار : (لا اراديا) عليي بطلب منك طلب بس مفتشل ؟
علي : امر يا بو غازي
بشار : لا ماكو شي سلامتك مايامر عليك عدو
علي : قول والله ازعل منك قول مو تعدني مثل اخوك
بشار : اي والله انت اخو واكثر
علي : عيل قول
بشار : انا ابي فلوس حق السفره بس خلاص مو لازم
علي : افا عليك عيب يا بشار احنا اخوان 50 يكفون
بشار : لا يبا وايد
علي : شكثر بتقعد ؟
بشار : اسبوعين
علي : عيل ما يكفون الحين نمر البنك اسحب 100 واعطيك
بشار : لا وااااااااايد 100 من صجك لا
علي : مالك شغل يالله يكفونك اصلا
بشار : لا ما اخذهم
علي : يصير خير الحين خنروح ناكل و اوصلك عشان لا تاخر
بشار : انشالله
راح علي و بشار تريقوا بعدين راحوا البنك وتهاوش علي مع بشار على الفلوس بشار ما كان راضي ياخذ فلوس اخر شي خذا منه و علي وصله عند علي صاحبه و وصلهم النادي
دش علي و بشار الصالة
بشار : السلام عليكم
الشباب : وعليكم السلام هلا والله البشري
المدرب : اهلن يا بشار لي قاي متاخر ؟
بشار : والله كان عندي شغله
المدرب : اها كان عندك شغله طب روح لف الملعب عشرين مره و اعمل معده 100 و ضغط 50
بشار : coach من صجك توني ياي
المدرب : اه من صجي يلا روح
بشار : اوكي
بشار راح لفو سوا الي قاله عليه المدرب بعدين طلعوا كل اللاعبين الباص و كل واحد حاط الايبود ماله وقاعد يسمع بشار قاعد يسولف مع علي اما دلال كانت تزهب اغراضها عشان السفر و طول الوقت تفكر بحبيب قلبها بشار بس خلصت قامت ودقت على بشار فون بشار يرن حبيبة قلبي يتصل بك استانس بشار
دلال : قوه قلبي
بشار : هلا حبيبتي يقويج
دلال : شلونك حبيبي ؟
بشار : تمام وانتي عمري ؟
دلال : بخير دام الغالي بخير
بشار : دوم يا عمري انتي فديتج اموت فيج احبج اعشق اهواج والله احبج والله والله والله احبـــــــــــــــــــــــــــــــــج احبج احبج صج احبج والله اني احبج واموت فيج والله والله احبج
دلال : (استحت) بس عاد وانا احبك
بشار : كيفي حبيبتي وبتغزل فيها حرام يعني
دلال : لا بس انا استحي ما اقدر
بشار : فديت الي يستحي و الخدوده تصير حمر فديته والله
دلال : بس عاد بشار
بشار : فديت اسمي لما يطلع من لسانج فديته
دلال : بشار ترى اسكر
بشار : لالا خلاص
تموا بشار ودلال يسولفون بعدين سكروا عشان بشار يبي ينزل يتغدا وبيريح شوي بس طول الوقت يفكرون ابعض كل واحد بقول احبه احبها فديته فديتها طول الوقت سارحين ابعض بشار و دلال ما يعرفون يزعلون بعض ولا يحبون يشوفون احد زعلان دوم يرسمون الضحكه على ويوه اي شخص ان كان اهمه او الناس بشار و دلال يحبون يزرعون الخير بكل مكان وخاصة دلال قلبها كبير و بشار طيب يحب الوناسه و مايحب يقصر على اي احد دلال وبشار كانوا مكملين بعض
بشار وصل السعودية و دلال و اهلها بالمطار ناطرين الطيارة بشار يبي يكلم دلال اشتاقلها و دلال هم تبي تكلمه بس اهلها موجودين جان يدزلها مسج "قلبي انا وصلت مشتاقلج حدي ولهان عليج احبج" دلال استانست ردت عليه "و انا بعد حبيبي مشتاقتلك واااااااااااااااااااااااااايد احبك بخاطري اشوفك بخاطري اسمع صوتك"​

انشالله يكون عجبكم البارت و جد اسفه على التاخير
وانشالله بنزلكم بارت يديد​

 

[أم ريــمـــــاس]

يسلمووووووووووووووووووووووووووو حبيبتي

فديت دلوول يا حليلها تستحي

ناطرين البارت اليديد

وااااااي متى يصير اخر جزء عشان اشوف شنو يصير

 

[Tom ♥ Jerry]

.،


الله يخليهم حق بعض
waiting الياي

 

[mo0onya]

ناطرينج

 

[الحب سكني]

الجزء العاشر​

بشار وصل السعودية و نزلوا اللاعبين والإداريين والمدرب من الباص استقبلهم مدير النادي الي بالسعودية وكان استقباله لهم حلو وااايد حسوا نفسهم الشباب انهم مهمين دشوا اللاعبين قعدوا بعدين ضبطوا لهم غرفهم و كل اثنين كان لهم غرفة خاصة فيهم دشوا اللاعبين غرفهم وبدلوا بعدين صار وقت العشا يه المدير ناداهم راحوا يتعشون طبعا كان العشا شي مميز حاطين لهم هالعيوش و دياي فوقه قعدوا اللاعبين طبعا على الارض بس قعدوا الكل كانوا جامدين محد فيهم كله​

بشار : شلون بناكل ؟​

علي : ماكو قفاش ؟​

عبدالعزيز : شلون ؟​

سمعهم المدير و ضحك : لحظه​

راح وياب لهم قفاش القفاش كانت بلاستيك قعدوا ياكلون طبعا محد استطعم بالاكل جان الكل قط القفاش وبدوا ياكلون بيدينهم وقتها صج استطعموا بالاكل بهالوقت بشار كان يفكر ابدلال طول الوقتاشتقت لها واشتقت لصوتها ما كان يدري وصلت ولا بعد بعدين الكل دشوا غرفهم و كل واحد نسدح بفراشه بشار حط السماعات وقعد يمسع اغاني ​

مشتاق لك موت يلي طول غيابك​

ذبحني الشوق وانت مو داري ​

اتذكرك كل يوم واموت واحيى بك​

واقول وينك تجي تسال عن اخباري​

مشتاق لك موت والله عود كل عمري فدا لك​

ارجوك يا حب غالي عود مالك بدالي و مالي بالك​

اتذكر ايام حبك يلي ناسيني يزيد الشوق هل الدمع من عيني​

يا خذني الليل لك واصحى اناديك محتاجلك ياحبيبي لا تخليني​

مشتاق لك مو يلا عود ارجوك مشتاق لك تقفه ارجع ابيك​

تسالني الناس كيف احوالي اقول بخير وماني بخير يل غالي ​

تعبان انا راحتي قربك والخير ما اشوفه الا بشوفك قبالي​

بشار يفكر طول الوقت بدلال فجأة رن فون بشار حبيبة قلبي يتصل بك​

بشار استانس وايد قلبه بينط من مكانه رد بشار بكل لهفه​

دلال : مساء الخير حبيبي​

بشار : مساء الورد والفل والياسمين والعنبر و كل ورود الدنيا تمسي عليج احلى مسا يا احلى كحل بعينج ينرسم فيه الليل ​

دلال : (ماتت حيا) فديتك​

بشار : قلبي روحي عمري دنيتي حياتي دمي نبض قلبي نظر عيني النفس الي يسكن صدري فدوه لاجلج ولاجل قلبج يا من بهالدنيا افديه بكل ما املك​

دلال : بس عاد (استحت)​

بشار : ترى الكلام اهو الي يستحي منج مو انتي الي تستحين منه لانه اهو لما يوصفج يستحي من جمالج يخاف انه يقصر​

دلال : بشااااااااار​

بشار : عيونه قلبه روحه امري​

دلال : تسلمي عبونك و قلبك وروحك يل غالي​

بشار : (ضحك) حقي هالكلام وين خاشته عني ​

دلال : (استحت) بس عاد​

بشار : اوكي​

دلال : شلونك ؟​

بشار : نفسيا مرتاح بس جسديا تعبان وانتي قلبي ؟​

دلال : انا بخير شفيك قلبي شفي جسمك ؟​

بشار : والله تعبان تدرين سفر بر تعب ولا فوق هذا اليوم المدرب شقني قبل ما نسافر خلاني اركض واسوي تمارين ذبحني​

دلال : يا عمري سلامتك بد انت لاعب لازم يكون عندك لياقة​

بشار : أي بس مو يشقني​

دلال : سلامتك يا روحي احبك​

بشار : الله يسلمج يا نظر عيني وانا احبج​

دلال : قلبي انا لازم اسكر عشان يتم معاي رصيد وانت يتم معاك رصيد ​

بشار : اوكي قلبي ديري بالج على نفسج حبيبتي​

دلال : اوكي حبيبي و انت بعد دير بالك على نفسك حبيبي​

بشار : انشالله حبيبتي توصين شي ثاني​

دلال : سلامت عمرك​

بشار : الله يسلمج قلبي احبج يلا عمري​

دلال : وانا احبك باي قلبي​

بشار : باي​

بشار حده استانس نام واهو مرتاح ودلال ارتاحت وااايد تطمنت على حبيبها ودشت نامت ​

ثاني يوم الصبح الساعه 7​

المدرب قعد يطق البيبان ويقعد الشباب والكل كان تعبان و يصارخ​

المدرب : اقوم يله انته وهوا بسكم نوم ​

بشار : ولي شنو هذا بنام​

الكل قعد يتحلطم الكل قاموا اخر شي الا جم واحد منهم بشار و علي و غيرهم قعدوا بعد نص ساعه اما الباجي كانوا بره قاعدين يتريقون قالهم المدرب الساعة 8 التمرين ولي يتاخر يا ويله الكل راحاو بدلوا دشوا قعدوا بشار و علي والي نايمين​

عبد الله : بسكم نوم قوموا ترى الـــ coach قال التمرين 8 قوموا الحين الساعة 8 الا ربع يالله يمديكم تغسلون وتاكلون وتبدلون ​

بشار : انزين يلا بنقوم​

قاموا بدلو وغسلوا راحوا ياكلون مالقوا شي كلوا الي باجي كل واحد لقمه و و خذوا الحليب واهه بطريجهم الملعب وصلو الملعب​

المدرب : اهلا و سهلا يا كباتن​

بشار : صباح الخير​

علي : قوه​

المدرب : بتعرفوا الساعه كام ؟​

بشار : جم ؟​

المدرب : الساعه 8 و خمس دقايق (بالمصري طبعا)​

بشار : أي ما تاخرنا كلها خمس دقايق​

المدرب : اخرس بشار روح لف 10 لفات و انزل ضغط 50 و معده 100​

بشار : كابتن شفيك علي امس 20 لفه و 50 ضغط و معده 100 حرام عليك​

المدرب : بشار اخرس احسن ما زودهم لك​

بشار : لا تقفه يرحم امك​

المدرب : وانت يا علي و كل الي متاخر نفس الحاقة ولي يتاخر مره تانه نفس الحاقة و يمكن ازيدهم من الاحسن محدش يتاخر​

بدوا التمرين وكل تعب ماكو لياقة صارلهم مده بس الكل كان مستانس اما دلال ما قعدت للحين خلص التمرين 11 راحوا الكل و خذولهم شاور وقعدوا كلهم بدورهم يريحون الي نام والي قاعد يلعب psp ولي قاعد يسمع اغاني كل واحد بعالم اما بشار يفكر بدلال طول الوقت بعدين من التعب غطت عينه دلال بهالوقت توها تقعد من النوم راحت عند امها صبحت عليها و على يدتها و على ابوها وقعدوا يتريقوا جان تتذكر بشار و راحت دزتله مسج (قوه قلبي شلونك ؟ انا بخير حبيبي لا تحاتيني بعد شوي بنروح نزور اهلنا انت ديري بالك على نفسك مو تعور نفسك احبك اشتقتلك) صارت الساعة 2 صار وقت الغدا بشار قعد من النوم لقى مسج جان يقراه استانس يوم شاف انه من حبيبته رد عليها ( انا بخير حبيبتي توني قاعد من النوم قعدت الصبح كان عندي تمرين و بعدين نمت شوي انشالله وانتي بعد ديري بالج على نفسج حبيبتي احبج وااااااايد )​

بعد الغدا الساعة 3 ونص ​

المدرب : الساعة 4 الكل يكون في الملعب عشان التمرين​

الكل : اوكي coach​

صارت الساعة 4 راحوا الشباب يتمرنون بعدين الساعة 7 خلصوا وخذوا لهم شاور والكل بدل وبيطلعون بيشوفون السعودية راحوا المجمعات​

طبعا كان شكلهم غريب لابسين جنزات ( مع احترامي للسعوديين) شكله غير هناك كلهم يلبسون دشاديش هذا الكلام بالدمام ​

المهم راحوا غيروا جو استانسوا وردوا الساعة 11​

تموا سهرانين لي 1 وناموا......​

انشالله تكون عجبتكم القصة وانشالله انزل لكم بارت يديد​

عاد يلا نبي ردود نبي حركه ​

وثانكس حق كل الي شارك وقاعد يشارك ويتابع معانا القصة​

جد شكرا وااايد على مشاركاتكم​

 

[Tom ♥ Jerry]

>3


المدرب غثني
تسلمين حبيبتي مآ قصررتي :*******

 

[الحب سكني]

الجزء الحادي عشر

ثاني يوم الصبح الكل بالغصب قعد و الكل تاخر عن التمرين وصلوا اللاعبين الساعة 8 ونص الملعب طبعا المدرب ناطرهم و معصب قعد يخزهم والكل مرتبك الله يستر فجأة المدرب صرخ !!!
المدرب : ايه يله انته و هوا متاخرين ليه
الكل ساكت محد عارف شيقول اهمه ميتين تعب مو قادرين جسمهم مكسر
المدرب : حد يتكلم ليه محدش بيتكلم
بشار : couch اي تعبانبن وانا اكثر واحد ترى مو حاس بجسمي
عبدالله : اي couch شوي شوي علينا
المدرب : مش عاوزين تكونوا من احسن اللاعبين لازم تتعبوا عشان ترتاحوا بعدين اصلا انا لسى ما عملتش اي حاقة عشان تاخدوا البطولة لازم تتعبوا
الكل سكت ومايدرون شيقولون
المدرب : خلاص اليوم مفيش عقاب
الكل استانس
المدرب : بس حورقيكم ازاي التمارين الي انا بقصدها
الكل نعفس وبدا التمرين اما دلال طبعا نايمه الصبح مبجر صارت الساعة 9 ونص قامت دلال و دقت على بشار ماكان يرد تمت ادق بشار حس انه في شي بس مايقدر يطلع من التمرين دلال قالت يمكن نايم او بتمرين مو مشكله راحت تريقت وطلعت مع اهلها راحوا تمشوا بالسوق بيشترون اغراض وهدايا لانه اهمه بعد يومين بيردون الكويت دلال طلعت مع امها واخوانها تمشوا بالسوق واشتروا اغراض ردوا الفندق
ام دلال: يا بو دلال تعال شوف الاغراض
ابو دلال : كاني ياي ها شلون انشالله استانستوا ولقيتوا الي تبونه ؟؟
دلال : والله واايد اشياء حلوة
ام دلال : اي والله
ابو دلال : عسى خذيتوا الي عجبكم
ام دلال : اي الحمدلله
دلال : اي يبا بس انا بنزل بعد اشتري حق رفيجاتي
ابو دلال : اي نزلي حبيبتي (ابو دلال يحب دلال وااايد لانه اهيه الكبيرة ومايحب يزعلها)
دلال راحت الغرفة انسدحت اما بشار كان توه مخلص تمرين وراح خذاله شاور و من التعب مخه فاضي بعدين دش الغرفة و راح شاف فونه لقه دلال داقه عليه اكثر من مره جان يدزلها مسج ( قوه قلبي شلونج سوري بس كنت بالتمرين طمنيني عنج احبج واااايد مشتاق لج ) دلال وصلها المسج بس شافت المسج تطمنت على بشار ردت عليه ( انا بخير حبيبي بس كنت بطمن عليك مو مشكله وانا بعد احبك واايد واشتقتلك وااايد بخاطري اشوفك) بار كان منسدح شاف المسج استانس بينه وبين نفسه : (فديتها بعد عمري والله وانا بخاطري اشوفج) قعد بشار يفكر بدلال ودلال تفكر ابشار طول الوقت بشار غطت عينه ونام بليل دقت دلال على بشار بشار ما يرد استغربت تمت ادق ادق ما يرد انشغل بالها بشار كان رايح مع الشباب يلعبون كره بنفس النادي الي مستضيفهم دلال دزت مسج حق بشار (وينك حبيبي انشغل بالي عليك بليز طمني قلبي محاتيتك وايد) عقب ماخلص بشار وشباب لعب راح الغرفة لقى 20 مكالمة لم يرد عليها و 3 مسجات استغرب لقى كل المسجات و المكالمات من دلال جان يدز لها مسج سوري قلبي بس كنت قاعد العب كره مع الشباب لا تخافين مافيني الا العافية) وصل المسج حق دلال قرته اطمن على بشار دزتله مسج ( جذي تسوي فيني انا زعلانه منك تخليني احاتيك) بشار وصله المسج و قراه رد عليها ( سوري عمري والله ما اقصد فديت الي يخاف علي ويحاتيني فديتج يا روحي تزعلين مني انا افا انا حبيبج تزعلين مني احبج والله احبج اطلع بالشارع الحين واصرخ واقول احبهاااااااااااااااااااااااااا يا نااااااااس احبهااا احبها احبها احبج احبج احبج) قرت المسج دلال استحت جان ادزله (لا مو زعلانه منك خلاص حبيبي فديتك بس مو تطلع بالشارع تصرخ لا تصير مينون)
بشار قرا المسج و رد عليها( انا اصلا مينون بحبج مينون فيج اوكي ماراح اطلع احبج قلبي اموت فيج انا بخير لاتحاتيني الحين بنام قلبي لاني تعبان ديري بالج على نفسج واستانسي تصبحين على خير حياتي احبج) دلال راتاحت وايد ومستانس دزت حق بشار مسج ( اوكي حبيبي وانا احبك وااايد واموت فيك اوكي عمري نوم العوافي وانت بعدي دير بالك على نفسك انت من اهل الخير حبيبي احبك)
مرت الايام نفس كل يوم دلال ردت الكويت بس بشار للحين بالمعسكر بشار عقب ماخلص تمارينه نزل مع الشباب السوق يشترون اغراض ويتمشون بشار راح اشترى حق اخوه هديه وحق امه و اشترى حق دلال هديه و تمشوا الشباب و غيروا جو بعدين ردوا النادي قعد يكلمهم المدرب انه لازم تشدون حيلكم ترى النوادي الثانيه كلها طالعين معسكر وباجر عندنا مباريات وديه مع الاندية الي هني ابيكم تشدون حيلكم وتبيضون ويهنا ابي نرد ونكسح الكل بعدين دشوا الشباب غرفهم وناموا بشار تم قاعد يفكر بدلال و باجر انه عندهم مباراة لازم يشدون حيلهم .........

انشالله اكمل لكم القصة باقرب وقت سوري البارت هذا قصير بس انشالله اعوض لكم
يلا ابي مشاركات ابي حركة و مشكورين على كل جهودكم الحلوة ومشاركاتكم الرائعة
بس ابي بعد لازم نطمع بمشاركاتكم مو عشاني عشان الاثنين الي يبون بعض​

 

[أم ريــمـــــاس]

تسلمين حبيبتي والله القصه وااااايد حلوه

ان شاء الله حبيبتي لج الردود اللي تسرج

الله يوفقهم يارب

 

[الحب سكني]

الجزء الثاني عشر

ثاني يوم الصبح يه المدرب و قعد يطق البيبان على اللاعبين وقعدهم كانت الساعة 7 الكل قعد راحوا غسلوا و قعدوا يتريقون بعد الريوق طبعا الكل لبس ملابس نادي كاظمة عشان المباراة دشوا الملعب قعدوا مع المدرب قعد يكلمهم ويفهمهم الخطة وشلون لازم يلعبون
المدرب : اليوم عاوزكم تشوفوا انتوا ايه استفدتوا من التمارين الي عملناها عاوزكم تشوفوا ازاي لياقتكم و تركيزكم فين وصل انا متاكد انه انتوا حتلعبوا كويس و مش حتفشلوني حتبيضوا ويشي انا عارف كل ده بس عايزكم تعرفوا قيمتكم وتعرفوا كل واحد فيكم انه عنده قوه و طاقه هايلة ما تستألوش بنفسكم بس عايزكم تفكروا ازاي تستغلوا الطاقه الي عندكم و تفيدوا نفسكم و تفيدوا غيركم انتوا شباب اذا عرفتوا ازاي تهتموا بنفسكم و تستغلوا طاقتكم و ماضيعوهاش على فاضي راح تكونوا من افضل اللاعبين بشار انته اذا التزمت زي زمايلك معانا راح تشوف انه المنتخب راح يخدك انته عندك حاقه مع احترامي للكل محدش عارف يستغلها زيك انته عندك قوة تركيز عالية وتعرف تنسى كل حاقة وانته في الملعب ماتفكرش الا في اللعب ودي حاقه مهمه لازم تكون عندك الكل بس انا عايزك تلتزم بكل التمارين عشانك مش عشان اي حد تاني (بشار من اول مادش النادي كان لاعب اساسي بعمره ماكان احتياطي كان المدرب يعتمد عليه بس بشار ماكان ملتزم بالتمارين) عاوزكم تعرفوا الحاقة دي الي عند بشار وتحاولوا تكتسبوها عاوزكم بس تحطوا رقلكم في الملعب ماتفكروش الا بالملع وانشالله موفقين يا شباب وانا مطمن عليكم بس عاوز اداء قبار منكم
اللاعبين : حاضر coach
علي : شعليه كشخه تكل عنك انت بس بشار بس جد التزم لا تخسر هالشي انت مشالله عندك شي حلو عندك تركيز عالي مشالله
بشار : انشالله
دشوا الشباب الملعب وقعدوا يسخنون المدرب نادى بشار
المدرب : بشار
بشار : هلا coach
المدرب : بشار انته مستواك حلو بس عايزك تشد على نفسك اكتر و تلتزم معانا انته عندك مستقبل حلو اذا التزمت و ركزت اكتر
بشار : انشالله coach ابشر انشالله التزم وابيض ويهك
المدرب : انشالله يلا روح سخن مع الشباب ركز على inside game
بشار : انشالله
راح بشار مع الشباب يسخن والشباب قاعدين يضحكون اعصابهم مرتاحه فجأة يوا لاعبين الفريق الثاني لاعبين انصدموا كل واحد فيهم جثه و كان في واحد فيهم طوله مترين و شوي وعريض ضخم وايد بشار ( شباب طاف يلا احنا اقوى وراح نغلبهم انشالله ركزوا ) الشباب (انشالله) كملوا تسخينهم وبعدين راحوا قعدوا عشان بتبدي المباراة والمدرب بيعطيهم الخطة نزلوا اللاعبين وبدت المباراة وكل شي كان اوكي بعدين صار شي غريب شدوا الفريق الثاني لعبوا وكانت المباراة قويه حيل اخر دقيقتين من المباراة كان فريق كاظمة خسران فرق 7 نقاط خذا المدرب وقت مستقطع
المدرب : تعبانين ؟
اللاعبين : لا
المدرب : مرهقين ؟
اللاعبين : لا
المدرب : المباراة ازيها معاكم ؟
اللاعبين : قوية
المدرب : اه هيه قويه بس انتم اقوى ودليل انه محدش فيكم تعبان شفتوا التمارين عملت ابلياقتكم ايه صرتوا اقوى من قبل
اللاعبين : صح
المدرب : ركزوا بشار امسك رقم 8 وركز عليه ولعب تحت السلة و استلم من بره دور الملعب دوخهم عزيز خليك قريب من بشار علي خليك على الزاوية التانيه الي فيها بشار عشان غير اللعب اذا تسكر من ناحيتو
اللاعبين : اوكي
نزلوا اللاعبين حسوا صج انه في فرق بلياقتهم انه يقدرون يلعبون مباراة ثانيه وشدوا اللاعبين وبيضوا ويه المدرب وفازوا
المدرب : شفتم ازاي فزتوا
اللاعبين : اي
المدرب : انه دول اكبر منكم ب3 سنين
اللاعبين : صج ليش قتلنا انه اهمه كبرنا
المدرب : عشان تعرفوا انه مستواكم ارتفع وصرتم اقوى يلا جهزوا نفسكم عشان التمرين
بشار : من صجك لا يبا احنا تعبانين
المدرب : اخرس يلا
راحوا يدربون عقب المباراة و عقب ماخلصوا راحوا خذولهم شاور والكل ريح بغرفته بشار دق على دلال بس دلال ماردت بشار دق على امه لانه صارله 4 ايام وماسالت عنه
بشار : قوه يما
ام بشار : هلا حبيبي شلونك ؟
بشار : الحمدلله وانتي شلونج ؟
ام بشار : الحمدلله شلون المعسكر ؟
بشار : كل شي تمام شدعوه يما ماتسالين عني ؟
ام بشار : حبيبي انت بامان انت ريال عادي مو ياهل
بشار : اي مو مشكله يما بيفصل دزيلي رصيد عشان اكلمكم اشتقتلكم باي
ام بشار : انشالله باي حبيبي دير بالك على نفسك
بشار خلص رصيده تم عنده بس مسج جان يدز حق دلال مسج (قلبي اذا دقيتي و ماصار يعني ماعندي رصيد اوكي قلبي لاتحاتيني احبج) دلال وصلها المسج دزت مسج حق بشار ( اوكي قلبي انا الحين بس اطلع اعبيلك )
مشت الايام بشار رد الكويت بعد اسبوع عقب ما خلصوا تمارينهم و خلصوا مباراياتهم والكل الشباب غيروا جو بشار ماكان قال حق اهله انه اهو ياي على اساس بعد 3 ايام بيرد الكويت راحح عند علي جاره دش عنده علي نصدم وقام ولمه حيل
علي : الحمدلله على السلامه حجي شلونك ؟
بشار : الله يسلمك الحمدلله انت شلونك ؟
علي : الحمدلله والله يا البشري لك وحشه والله اشتقنالك يا معود
بشار : والله هم انت يا بو حسين
علي : اي قولي شسويت هناك انشالله كل شي تمام
بشار قعد يسولف حق علي شسوى هناك وشصار فجاة جان ينطق الباب بشار راح بطل الباب ولا امه تطلع بويهه امه اخترعت ماتدري شتقول
بشار : شفيج انصدمتي شرايج بالمفاجاة ؟
ام بشار : الحمدلله على السلامة وليش مايت البيت ؟
بشار : حبيت افاجأج
ام بشار : امش البيت (تضايقت انه ليش ما راح البيت سيده)
بشار دش البيت شاف اخوانه وسلم عليهم وباسهم وقعد معاهم ولا دلال ادق على بشار جان يرد
بشار : هلا قلبي
دلال : هلا فيك شلونك عمري ؟
بشار : تمام حبيبتي وانتي شلونج ؟
دلال : انا تمام بس مشتاقتلك
بشار : يا عمري انت وانا مشتاق لج بعد وااايد الله
دلال : بخاطري اشوفك
بشار : وين تبين عنري تشوفيني ؟
دلال : بشار لا تستعبط شلون بتشوفني
بشار : اييج ركض ازحف مالج شغل
دلال : فديتك حبيبي يلا متى بترد ؟
بشار : كيفج متى تبيني ؟
دلال : لو على هذا ابيك الحين
بشار : الحين اكون بين ايدينج
دلال : فديتك احبك
بشار : وانا احبج دلال
دلال : هلا قلبي
بشار : انا الحين بالكويت
دلال : لا تجذب
بشار : والله انا بالكويت
دلال : بس عاد بشار
بشار : والله انا بالكويت مو مصدقه شنو تبين اسوي عشان تصدقين ؟
دلال : بدق على بيتكم
بشار : اوكيي دقي
دلال دقت على بيت بشار ورد عليها
بشار : ها صدقتي ؟
دلال : فديتك والله احبك احبك احبك
بشار : وانا احبج
دلال و بشار قعدوا يسولفون وحيل كانوا مستانسين وتموا من الساعه 9 لي 3 الفير يسولفون وناموا وثاني يوم الصبح دلال دقت على بشار وبشار كان نايم بس قعد على تلفونها لقى حبيبة قلبي يتصل بك رد بشار
دلال : صباح الخير حبيبي
بشار : صباح النور عمري
دلال : شلونك حبيبي سوري قعدتك ؟
بشار : اكيد بكون بخير دام اول صوت بسمعه صوتج فديتج انتي شلونج قلبي ؟
دلال : انا بخير دام حبيبي بخير فديته و فديت قلبه اشتقتله
بشار : فديتج احبج اموت فيج اعشقج يا عمري
دلال : وانا احبك يا روحي والله اشتقتلك
بشار : والله انا اكثر مشتهي اشوفج والمج حييييل
دلال : لا انا اكثر
بشار : انا
دلال : انا
بشار : انا
دلال : انا
بشار : انا احبج
دلال : فديتك
بشار : انا فزت
دلال : لا انا
بشار : انا
تموا جذي يمكن نص ساعه بعدين
دلال : حبيبي قوم غسل وتريق و بس تخلص دق
بشار : اوكي عمري تبين شي حبيبتي
دلال : ابي سلامتك
بشار : الله يسلمج قلبي يلا باي
دلال : باي
بشار قام غسل وراح الصالة شاف امه سلم عليها وحب راسها وقعد معاها
ام بشار : اي قولي شسويتي هناك ؟
بشار : والله يما المدرب شقنا بتمارين يما خذيتي صوغتج وصوغة اخواني ؟
ام بشار : لا ماخذت شي
بشار راح ياب الهدايا وعطاها حق امه وامه حيل استانست انه متذكرهم تم بشار وامه قاعدين يسولفون ودلال بعدين دقت وقعدوا يسولفون و قرروا يشوفون بعض ....



يلا اكمل لكم بعدين بالبارت الياي
وشكرا على المشاركات انشالله جريب البارت اليديد​