حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

[oshi_q88]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

مععععكم مععععكم

 

[@Miss Dio@]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

انا بعد وااياكم

 

[صفاء حسين]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

بالانتظااااااااااااار
وكلنا حمااااس ونشااااااااط​

 

[dnyay_mll]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

بانتظارج حبيبتي طافت الساعه 9 ونص ولي الحين ماكو شي
المشكله الحين اول يوم دوره وحاسه اني بس ابي اكل بس مسيطره عالجوع بأكل الريجيم ينفع النظام جذي ولا لا

 

[سديم99]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

يووووووه وينك الله يهديك انا متحمسه ابدأ الريجيم من بكره ألحين ألقى لي حجه هههههههههه
بأنتظااااااااااااارك

 

[BlackBird]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

i'm with you~

 

[شوق@ذوق]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

وانا معاكم بس وين النظام؟؟

 

[بــــدره]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

حطوني معاكم

حمستينا

نبي نعرف النظام ؟؟

 

[LaMaRa88]

رد: حملة اخسري 10 كيلو دهن بدون رجعه و بدون تعب او ارهاق و بدون رجيم للجادات فقط

وانااااااااا ويااااااااااكم وواااااايد محتاجه انزل وزني لأني 102

 

[تغريد الرياض]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

انا نحفت من الانتظار ههه
الله يهديك بس​

 

[MISS_LIZLIZ]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

اول شي حبايبي ابغاكم تعرفون قصتي و تقرأون كلامي من قلب
و من بعدها راح ابلش لكم في الرد التالي عن النظام في كامل تفاصيله ​

لكن قبل اتكلم احب اعتذر عن تاخيري . . . كان عندنا ضيوف و اتاخرت عن الكتابه حتى راحو​

و هالورود الجميلة مخصوصه لسعة صدوركم ​

:eh_s(17)::eh_s(17)::eh_s(17)::eh_s(17)::eh_s(17):
:eh_s(17)::eh_s(17)::eh_s(17)::eh_s(17):
:eh_s(17)::eh_s(17):
:eh_s(17):
.
.
.​

انا انسانه طول حياتي وزني مثالي و الحمد لله و الشكر حتى سبحان الله المشاكل اللي الناس تعرفها في الوزن اسمع فيها و لكن عمري ما شفتها على نفسي او حتى لمستها . . حتى قدر الله و جا يوم و اتغيرت و ما كنت اتخيل ان هالجسم المرسوم على 22 سنه راح يجي يوم و يتغير ​

طبعاً تعبت صحتي و صرف لي دكتور الله يهديه علاجات مقوية و فاتحه للشهية ارتفع وزني الى 11 كيلو على وزني الاساسي . . . اشكر الله ان بعدة علاجات انتهيت من مشكلتي الصحية و لله الحمد لكن دخلت بعدها في صدمه الوزن ومتاهته و كان شي اول مره اتعرض له ​

كل تركيبة الجسم اختلفت . . جلست في حيره لان ما سبق و اتعاملت مع مشكلة 5 كيلو زيادة فمابالكم 11 كيلو و الاصعب الحركات الرياضية مو كلها تناسبني و ممنوعه منها ​

و الاكل اللي 22 سنة اكله ما كان سبب تغيير جسمي فليش اكلف على اللي معايا اخليهم يحضرون لي وجبات مخصصه لي و اتعبهم و الزم نفسي في شي مالي قدره على احتماله و راح ارتبط فيه شهور و شهور و الله العالم ممكن اتاقلم معاه و اتعدل او انتكس و يصير وزني اكثر . . غير ان مهما كان ما اقدر استغني عن اكلات ماما و لا الطعم الطيب اللي تحضره و قررت ان شي اسمه رجيم انسى افكر فيه و اخليه ما يدخل حياتي نهائياً ​

.
.​

شهر كامل ابحث في هالنت حتى لقيت حل و الحمد لله كان مناسب حتى لجسمي و تحمله فقلت اذا انا راح اتحمله اكيد غيري راح يقدر و طالما جربته عشرة ايام و كان فعال معايا بإذن الله يكون فعال مع غيري و اشاركهم تجربتي ​

احب اقولكم كلمه مهمة و صلت لها من تجربتي ​

وقت تشعرين ان خلاص فاض فيكي الاحتمال
و قت تشعرين انك قاربتي على اليأس من إرادتك
وقت تحاولين تصدرين حكم نهائي على نفسك انك فشلتي في مهمة مئات قبلك انجزوها
وقت تحاولين انك تكونين شخص جديد ترغبين انك تكونين عليه و فجاءه تلاقين نفسك تعيدين تكرار نفسك بدون اي تغيير ​

اتمنى انك تاخذين نفس عميق و تسئلين نفسك ​

هل انا شخص انهزامي مسلوب الارادة ؟
هل انا من الضعف الى درجة بضع كيلوهات تهزمني و تتغلب علي ؟ ​

انا راح اكون مثل ما ابغى او ما راح اكون ؟​

من متى ارضى اني اكون صيد سهل لاي ظرف من ظروف الحياة انه يشكلني على حسب مبتغاه و هواه ؟؟​

مافي انسان ملك نفسه و لا في انسان يقدر يتحكم في ظروفه كل شخص قابل للتغير و كل شخص ممكن تصير حياته مقلوبه فوق لتحت في ايام و يحاول و يحاول يصير شي افضل او على الاقل انه يستعيد مجرد نفسه . . . اذا وصلتي لها المرحلة ابغاكي تكوني متسامحه مع نفسك حتى تبدأئين صح ​

و اعرفي ان هالمرحلة هي الهدؤ الذي يسبق عاصفة التغيير ​

واعرفي ان كل هالائسئله و التساؤولات مريت فيها و كثير منكم تدور في خاطره يومياً . . حتى جا يوم و وصلت لشغلتين امنت فيهم كثيرررر و من بعدها قررت ابدء و ما اوقف الا و انا شايفه رقم وزني القديم ​

الشغله الاولي ان قوة الانسان اذا رغبت في التغير من قلب صدقوني و الله راح تهزم اصعب الظروف و تواجه بشراسه اعنف تغيير وصلتي له و تحوله للشكل اللي انتي تبغين ​

و الشغله الثاني اذا اقنعتي نفسك و امنتي ان روحك قادره و راح توصل صدقيني راح توصل لان الدماغ اتبرمج خلاص ما صار يعرف يقراء الا جمله وحده ( ابغى اوصل ) اللي انتي اقنعتيه فيها و كل يوم راح يدفعك لـ هالشي حتى تلاقين نفسك واصله لمرادك ​

كوني قوية و ذات ارادة
اقتنعي بهدفك
.
.
.​

كل يوم قولي هالعبارتين : ​

ما في شي راح يوقف في وجه التغيير اللي راح اصنعه ​

انا قررت اكون انسانه جديدة مثل ما انا ابغى ​

 

[MISS_LIZLIZ]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

البرنامج ::​

كل يوم لازم تشربين 8 اكواب كبار من الماء هذا الشي ضروري جداً و ان قدرتي اكثر يكون افضل و افضل و احسن كمان ​

بخصوص الماء لازم قبل كل وجبه تشربين كوب ضروري يكون قبل الوجبه بـ 10 دقايق و لا تشربين الماء بعد الاكل هالعادة اقطعيها قطع نهائي من حياتك تنفخ بطنك على الفاضي عكس وقت تستخدمينها قبل الاكل تهيء المعده للانقباض و تصيرين تاكلين على قد شبعك بدون زياده​

الشي الثاني الاكل . . كولي اي شي انتي تحبين مافي قيود على الاكل نهائياً . . لكن كولي ما يشبعك باعتدال يعني لا تبالغين تصيرين تاكلين فوق شبعك كذا ما ينفع مرره ​

بعد وجبة الاكل دايركت كولي سلطه خضراء ضروريه كثيرر بعد الاكل ( اللي متوفر في بيتكم . . شوية خس على خيار على جرجير على فلفل اخضر رومي و ممكن تضيفي طماطم و ممكن تزيدين من الاشياء الخضراء على ذوقك اهم شي كل ما لونه اخضر يدخل السلطه و استعملي ليمون او سماق و معاها زعتر و ابدعي انتي و اختيارك من النكهات اللي تحبين )​

و اذا مالك خلق في هالشغله ابسطها لكي كثيرررررررر​

اعملي سلطة خيار باللبن الزبادي ضروري يكون زبادي ​

الزبادي لا تخليه يفارقك بعد الاكل سبحان الله هذا الزبادي فيه انزيمات تسرع من الهضم و امتصاص الغذاء و يساعد على حرق الدهون بشكل رائع و قوي​

هالشي يومياً ضروري كثيررررررررررررر​

المسا اذا اتعشيتي ( 3 ساعات تكونين اكله قبل النوم ) ​

مو تاكلين و دايركت تنامين .. . اذا سويتي كذا انسي يكون عندك بطن مسطح راح تكونين ضحية الكرشة كل عمرك و لا راح تروح منك​

و اذا حسيتي بالجوع بين الوجبات ​

ادخلي كلي لك ذره مسلوقة او فاكهة او اي من الخضروات و الفواكه على الطاير حتى يجي موعد الوجبة الثانية بس اياكي و التخبيص ​

مشروب محفز على حرق الدهون ::​

( شاي اخضر مع زنجبيل مع شوية نعناع و حبق او بردقوش و حلي بنص ملعقه عسل ) و بالعافيه عليكي خليه يشيل من حمل حرق الدهون عنك
لو مو حابه لا تستعمليه . . ممكن شرائح انانس . . اعملي اللي يريحك من هالنقطه​

.
.
.​

الان نجي للمهم . . و اللي اعتبره جوهرة الموضوع و سر نجاحك في اذابة الدهون

اكثر انسانه في الوجود تكره الرياضه هي Miss_LizLiz لانها ممله كثيرر و متعبه و احس جسمي يرجف من التعب بسبها و اكرها ​

لكن لقيت شي في البدايه كنت اعتبره مسخره مو رياضه و اضحك و الله و انا اسويه حتى جربته و لقيته فعاااااال فوق ما تتصورون ​

سوي مثل ما يسوي هالمدرب العالمي
هالمدرب يراهن كل من يشاهد مقطعه و طبعاً اتعدو 150 الف مشاهد و عاملين ضجه كبيره على تدريبه انه كل من يستعمل تدريبه لمدة عشرين دقيقه مثل ما يسوي مرتين في اليوم راح يحرق 10 كيلو و الغالبيه وجدوا تدريبه فعال و صحيح ​

المطلوب انك تسوين تمارين تسخين اللي انتي تحبين ما راح الزمك او اقيدك بشي لمدة 10 دقائق و​

بعدها اعملي هالشي اللي راح يخلصك من الـ 10 كجم على مرتين في اليوم فقط​

وحتى فعلاً يعطيكي نتائج جباره حاولي تلبسين بدلة السونا و انتي تسوينه ياليت ضروري تطبقون هالنصيحة اذا جيتي تعمليه​

و بذمتكم تعتبرون هذا تمرين ؟؟ ​

http://www.youtube.com/watch?v=Xfa197Xkvd0​

كل يوم افتحي هاليوتيوب و طبقيه مرتين في اليوم​

و ربي مافي اسهل من كذا اسلوب تخسيس للوزن​

الشي الثاني كيلوين هديه اخسريهم شهرياً من دون حركه ​

تعالي اقولك كيف ​

انتم تعرفون ان المساج اذا يومياً تسوينه على شهر كامل يخلصك من السيليوليت و السموم و 2 كيلو بدون عناء​

و لا تقولين مالي رغبه ما اعرف او تعب ... الخ ​

انا جايبه لكم طريقه سهله جيبي اي فنجان بن او قهوه عربيه نفس اللي في الصوره و يا سلام لو يكون المقاس كبير للفنجان​

بعد ما تخلصين رياضتك شيلي بدلة السونا و ادهني جسمك باي لوشن او زيت انتي تحبين و اعملي مساج لكل جسمك بفنجان البن و على الاماكن اللي فيها شحوم و سيليوليت و لو تحبين لجسمك كله يكون افضل و افضل​

و سهله طريقته ما ياخذ وقت و لا جهد نفس طريقتها بس طبعاً لجسمك كله​

http://www.youtube.com/watch?v=TWrWhIzz6Cs&feature=related​

اخر نصيحه نامي يومياً 8 ساعات في الليل من وقت باكر لان هالشي يساعد بشكل ما تتصورين انه يحفز عملية الايض ( حرق الدهون ) بشكل عجيييييييييييييييييييييييييييييب يالله قد ايه يفيد النوم المبكر في هالعمليه
و حاولي تخففين كافيين و قهوة حتى ما يحبس الدهون في جسمك او المياه ​

امممممممممم في شي ثاني اذا ناسبكم اضيفه لكم للي تحب ​

في تمرين كثير سهل و سخيف ما اعتبره تمرين من عدة اجزاء كل جزء مدته دقيقتين بس كفيل بحرق الدهون ​

و هو من 3 اجزاء ​

جزء من دقيقتين لحرق دهون البطن و الحصول على بطن مسطح 100 % ​

و جزء من دقيقتين لشد الزنود و الذراعين ​

جزء من دقيقتين لحرق دهون الجسم كله ​

يعني كله على بعضه 6 دقايق اذا مهتمين و عجبكم ممكن اضيف لكم روابطه​

و بكره راح انقل هذا الموضوع في صفحه جديدة و تكون منها بداية يومياتنا و اذا مهتمين بالاجزاء الثلاثه اللي كتبتها لكم قولوا لي و انا اضيفها​

 

[algamar]

رد: حملة اخسري 10 كيلو دهن بدون رجعه و بدون تعب او ارهاق و بدون رجيم للجادات فقط




ما في شي راح يوقف في وجه التغيير اللي راح اصنعه

انا قررت اكون انسانه جديدة مثل ما انا ابغى





تلخيص البرنامج :
1- شرب الماء 8 اكواب واكثر ..
2- الاكل بالاعتدال .. وبعد الاكل سلطه او سلطه زبادي
3- العشاء قبل النوم بثلاث ساعات
4- المسموح بين الوجبات الاكل الصحي فقط
5- المشروب المحفز لحرق الدهووون
6- المساج ويحبذ بالبن
7- النوم 8 ســآعات بالليل ..
8- الريــآضه ..




حبيبتي ودنــآ بالرياضه .. حقت ابو 6 دقايق لو نسويها يوم وراء يوم ..

كلها اقدر لها الا النوم .. بحاول اضبط بس انا ملزمه بعيالي شوفيني اليوم نمت 2 وصحوني الله يصلحهم 4 وطار النوم


بقولكم تجربتي بالمســآج بالقهوه
احسن شئ القهوه التركيه تنحف صح وعن تجربه بس الله يعيين
جسمك يغمق لازم تنضفينه زين منها والحمام بينعفس عفسه موب صاحيه ..

بس تنحححححححححف مره .. والجسم بعدها يصير زبده ..
وتصغر الصدر والارداف والبطن . .

المويه فعلا وكاسين ع الريق خطيره


التمرين ابو 10 كيلو استهبال خخخخخخخخخخخخ
بس اتوقع فكرته ان يوصل الجسم لااعلى مستويات الحرق
خصوصا انه يركض شوي بعدين يجلس وبعدين فتره الثانيه يركض وهذي
مره تساعد الجسم بس ماعمري فكرت بفكرته ابدا خخخ

بسالك ..
الي تسويه فيه المساج بالفيديو كوب كوب
احسه مطاطي كذا مووو !!!
ذكرني شكله بالالة الحجامه بس الاله مو مرنه ابدا


معــــــــــــــــــــآك ..

 

[زوراروسا]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

واو ماشا ءالله البرنامج سهل وانا اشوفه حلو وما يلزم الشخص بالجوع بالعكس مفتوح وصحي
يعطيج العافيه وان شاء الله ببدي معاج
ننتظر التمرين بو 6 دقايق

 

[om_fajer83]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

كلاااااااام رااااااائع

 

[ام حديجان]

رد: حملة اخسري 10 كيلو دهن بدون رجعه و بدون تعب او ارهاق و بدون رجيم للجادات فقط

..

:ggdw::ggdw:

 

[نارنجه]

رد: حملة اخسري 10 كيلو دهن بدون رجعه و بدون تعب او ارهاق و بدون رجيم للجادات فقط

ان شااااء الله بلتزم بالبرنامج

بشرب ماي قبل كل وجبه و بكثر منه
بالغدا و بالعشا اي شي + سلطة+ زبادي باخذ الاثنين مع بعض عشان اخفف صج من الوجبة الرئيسية.
ماكو شرب ماي او سوائل بعد الوجبات الا عقب ساعه

بلتزم بالرياضة ان شاااااااء الله خاصة ان الي حطيتيه مقطع سهل و مافيه حوسه اجهزة
واذا عندج غيره حطيه لنااااا

المسااااج ان شاااااء اسويه بس بفنجان القهوة بس من غير القهوة مالي خلق حوسه

وجبه العشا بنات لازم تاكلونها قبل الساعه 9 مو تتاخرون اكثر من جذي
هالكلام سمعته من دكتور دشتي بمقابلة بالوطن
فاكيد راح تضمنين انج ماكله قبل حزة النوم ب3 ساعات

و الاكل الصحي و التخفيف ابشرج بديت فيهم من فترة
ان شااااء الله يرجع جسمي مثل ماكان

انا مشكلتي حبوب منع الحمل اهي. الشماعه مالت زيادة وزني
وبصراحه نويت اشلع هالشماعه من ذهني

الاجانب ياخذونها و شحلات اجسامهم اشفينا احناااااااا

انا شعاري بيكون " حبوب منع الحمل ما تزيد الوزن "

:ggdw:

 

[ياعيون مغليك]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

وانا بعد وياكم

 

[oshi_q88]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط

ما في شي راح يوقف في وجه التغيير اللي راح اصنعه

انا قررت اكون انسانه جديدة مثل ما انا ابغى

 

[Lulu_Perla]

رد: حملة اخسري ١٠ كيلو دهن بدون رجعه و بدون تعب او ارهاق و بدون رجيم للجادات فقط


ما في شي راح يوقف في وجه التغيير اللي راح اصنعه

انا قررت اكون انسانه جديدة مثل ما انا ابغى



خووووووووووووووووووووووووووووووووووووووووووووووووووش برنامج
و انا معاج و بنسخ الكلام و الروابط و بفتحها كل يوم

و ابي التمرين اللي بو 6 دقايق ضرووووووووووووري

و يعطيج مليون عافية
بانتظار موضوع اليوميات