حملة رشاقة اقوى شي >>> ابي 3 بنات بس

[••SôFt G!rL‏‏ღ]

السلام عليكم*

شلوونكم بنات شخبااركم*
بدخل بالموضوع على طووووول انا ودي اسوي ريجيم بس ماعندي اراادة كلش*
وودي 3 بنات يشاركون معاي ونتحمس مع بعض صراحة انا وحدة لاعت جبدي من جسمي لي متى بظل استحي من جسمي ومن لبسي صار ماعندي ثقة بنفسي حتى.؟!؟!
وزني 78
وطولي 155
والهدف 50
يبيله مشواار لووووووووووول*
*
منو تشاركني

 

[••SôFt G!rL‏‏ღ]



 

[••SôFt G!rL‏‏ღ]

وينكم شدعوى كلكم رشيقات 

 

[اسرار الكون 92]

انا بشاارك ^_^
شنو نظام الحمله اتمنى توضحين اكثر
انا وزني 67 و ابي يصير بالخمسينات
يعني يبيلي اكثر من 10 كيلو ^_^
الهدف الاولي 10

 

[مدرسة طفشانة]

وانا بعد وياكم حبايبي
انا وزني 98 ووطولي168
تقريبا ابي انزل نفس الكيلوات معاكم
انا مبلشه ريجيمات بس مو ملتزمه حيل فيهم
ابي تشجيعكم عشان تقوى إرادتي وإرادتكم ونوصل اللي نبيه بصحة وعافية

 

[كيكه توفي]

موفقين ان شاء الله

 

[اسرار الكون 92]

عندي اقتراح
شرايكم نحدد يوم من كل اسبوع ,,, نقيس فيه وزناا و انزل صوره الميزان بالمنتدى
عشان نشجع بعض
و نحدد مده رجيمنا و كهدف اولي بالشهر 6 كيلو
شرايكم ؟؟؟؟
و كل وحده تكتب النظام الي راح تمشي عليه و الاشياء الي بتسويها عشان تضعف و نقدر نقلد بعض اذا عجبتنا شغله بنظام بعض ^_^

 

[بش بش مش مش]

انا معاااكم عادي ؟

 

[B7rainia]

حسافة اكتمل العدد

يلا ان شاء الله تجمع ثاني

بالتوفييييق

 

[••SôFt G!rL‏‏ღ]

سووري انقطع النت عندنا 

انا ببدا برجيم النقاط سمعت عنه وااايد يمدحوونة وضعفوا
انا حاطة ببالي بالشهر اضعف ١٠كيلو بس حسيت انها واييد شوراي يعني لوول ف٦كيلو احسسن

بنات شرايكم كل وحدة تكتب يومياتها هني وتصور الغدا والعشا والسناك >>> طرارة وتشرط
وفكرة الميزان حلووة ان شاءالله يوم السبت اوزن واكون ضعفانة 



بالتووفيق.

 

[••SôFt G!rL‏‏ღ]

بسوي شعاار عشان نتحمس اكثر اووكي
انا نظامي اليوم
بدون ريووق لاني قمت متأخر 
الغدا: برتقالتين و٢ كيوي +سلطة +صينية دياي مع عيش ابيض +٣تمرات+لبن اكتيفيا
بس انا ماكليت الصينية ولاالتمر ولا واللبن لاني شبعت 
بعد نص ساعة اشرب جاي اخضر مع نعنااع
العشاء : سلطة جرجير +عصير برتقال وليمون وكلوب ساندويتش انا اتفنن فيه 

وبعد نص ساعة اشرب جاي اخضر وامشي ساعة بالضبط
وسلامتكم وان شءالله اقدر اصور لكم غداي والعشاا

اقوول بنات شرايكم نخلي يوم الميزان يوم الجمعة مو احسن ..؟!
*

 

[اخوي كشخه وكيوت]

وااااااااااااااااي جنج تكلمين عني انا نفس وزنج

 

[اخوي كشخه وكيوت]

انا بعد بسوي رجيم معاج واي باجر ببدا

 

[عالم البزنس]

بالتوفيق يارب اهم شي الاراده والعزيمه والصرار

 

[@!@شموخي@!@]

واااااووووو انا معاكم معاكم معاكم
وزني 81 وطولي 153
ونظامي مابين تخفيف والنقاط
ومشي يوميا ساعة وتمارين بطن

 

[••SôFt G!rL‏‏ღ]

لوووول ميخاالف حيااكم الله 
بالتوووفيق لنا جميعا
حطوا جم اوزانكم وشنو هدفكم والنظام اللي بتمشون عليه

 

[B7rainia]

مشكووورة حبيبتي سوفت قيرل :eh_s(17):

انا اوردي اسوي ريجيم صارلي اسبوعين تقريبا او اقل شوي

قبل يومين وزنت كان وزني 81 كيلو وماعتقد تغير الحين وطولي قولو ماشاء الله :eh_s(22): 174 وبالنسبة لهدفي صراحة مادري خخخخ الي ايي من الله حياه الله بس مبدأيا ابي اوصل 75 وبعدين يصير خير :eh_s(9):

نظامي اروح الممشى تقريبا كل يوم 45 دقيقة مشي سريييع ما آكل لا فاست فود ولا عيش ولامعكرونة (بس مرة كليت معكرونة خمس قفشات ع الغدا) ولا غازت واكثر شي آكل خبز اسمرررر وما اكثر منه بعد وروب وحليب ولبن وجبن قليل الدسم وعصاير وكوفي وسلطات وفواكة وكورن فليكس فتنس او سبشل كي وساعات آخذ دياي او لحم من الغدا آكله مع سلطة طبعا بدون عيش وخبز واذا كلش كلش صار خاطري بجبس وهالسوالف :eh_s(2): آكل جبس ليز صغير لاني سمعت مايمتن مثل الباقي

يعني ما آكل دهون واشيه تمتن وماسويت الفترة الي فاتت اوبن ديي بس ان شاء الله اليوم بيكون اوبن ديي عندي :ggdw: باكل عيش وهالسوالف بس بكميات معقولة طبعا خخخخ يعني انتظروو اليوميات من باجر (الاحد) ان شااااء الله

ادري طولت عليكم بس هاي من التشجيع خخ

 

[مدرسة طفشانة]

هاي بنات
طبعا انا اهدافي موجودة بتوقيعي يعني اول شي بودع التسعينات وبعدين شوي شوي انزل إن شاء الله
انا اتريق كورن فليكس مع حليب قليل الدسم (هذا أيام الاسبوع يأبالدوام يعني)
وبالبيت اتريق نسكافيه
والغدا سلطة مع لحم او سمج او دياي
والعشا روب او شوربة كنور او فواكه
وبعطي روحي يوم فري كل ما نزلت خمس كيلوات يعني مكافأة
نسيت اقول لكم عندي جهاز الاربترك وببلش عليه والصبح عالريج اسوي خلطة وهي ربع ملعقة دارسين ونص ملعقة زنجبيل وملعقة كمون مع شريحة ليمون بقشرها وبشوف النتايج
والله يوفق الجميع

 

[••SôFt G!rL‏‏ღ]

صباااح الخيير


حيااكم الله ,,

انا اليوم وزنت الحمدلله ضعفت كيلوو

عاد عندنا عرس بعد اسبووع مالت علي ومن شهر 11 وانا اقول ابي اضعف ابي اضعف بس الشكوى لله


المهم انا صرااحة اليوم نفسيتي مشي وماودي اكل بس اليوم كله اذا يعت باكل تفاحة
وماي وعصير برتقال

حدي منقهرة من نفسي لووووول

بالتووفيق للجميع

لحظة امس صورت غداي بحطه لكم دقيقة

 

[••SôFt G!rL‏‏ღ]

بنات عطووني صوور ابي اسوي شعار