حمله رشيقات 2012

[الجووورى]

هاي بنوتات
شلونكم عساكم حلوين طيبين ونحبكم
وي شخباري
سويت رياضه نص ساعه مشي وغداي كان 4 توست اسمر سويتهم 2 سندوتش مرتديلا مع شاي ونعناع
والعشا 4توست مع قفشه لبنه 2 سندوتش وصير اناناس
خرتها اليوم شوي بس كنت حدي يوعانه
وصلت78وباعجوبه نزلت ب3 اسابيع 2 كيلو
ضيقه خلق صح بس مواصله باقي8 كيلو الله يعين

 

[حزن الليل]

صبح صبح صبايآ


امس خرتها :eh_s(2):تغديت ع عيش مشخول وتناتيف من صدر دجاجه وكلت 4قفاش كنافه
وعقبها ماكلت شي حد الساعه 10 بالليل كلت تفاحه وعقبها خمدت بس ادردع ماي

واليوم ...

تريقت الساعه 7 ع رووووب ولبن 7تمرات وزيتون اسود

والحين اشرب اعشاب

وبعد شوي بقووم امشي اسوي ارياضه :weight_lift:حق اليوم وامس

 

[الجووورى]

صباح الورد حزونه وصباحكم عسل بنات
شربت عصير اناناس وبعد شوي رياضه
يلا ياحلوات وين الباجين مختفين يلا همتكم ويانا
الل نايمه علي الكيبورد ككككك صحصحي حياتى
والل تحت الكمبل يمه قومي نبيتفاعل نبي نشاط
يلا بنات انطلقوا رياضه ورجيم

 

[فواصل]

هلا امورات

يصير اشارك معاكم

؟

 

[الجووورى]

حياااااااااااااج الله حبيبتي طبعا من بعد اذن صاحبه الموضوع الله يجزاها خير علي هالتجمع
وهالله هالله باليوميات

 

[Pink Cart]

صباح الخير بنات شلونكم مع الرجيم طبعا انا اغط اغط وارد وكل غطه فيها تخربط يبيلي زف


وحياج الله حبيبتي فواصل

 

[Pink Cart]

انا اليوم انصدمت بنفس الوقت استانست لاني حدي خربطت بس لقيت وزني نازل 100 جرام حلوو

 

[سمراء جذابه]

هاااااااي بنات اخباركم وحشتوني كثيرر
اليوم كملت اسبوع من بديت الرجيم
النتيجه نقصت نص كيلوا بس
لكن الحمد الله احس جسمي نشط شوي وغير الانتفاخ خف شوي من شرب الشاي الاخضر
انا ودي اجرب الخل مع الماء الورد ابي يساعد في شد جسمي اخاف ينزل وزني كثير ويترهل جسمي ولا وش رايكم
بنات ابي رجيم او شي ينزل عندي منطه الخصر والبطن
وابي استفسر اذاا وقت الدورة الشهريه الله يكرمكم نوقف الرجيم لان امي تقول يضر الرجيم وقت الدورة

 

[فواصل]

تسلمون حبايبي

وانا من بكرة ببتدي معاكم

 

[بنت نجد..]

راح ابتدي معاكم على ما يدخل 2012

وزني 66 كيلو
طولي 150

هدفي الأول 55
والهدف الثاني 50

عظام جسمي ضعيفه مو جبره يعني مهما متنت ما يبين كثير لكن المشكله منطقة البطن يبين فيها الشحوم ^_^

طريقة رجيمي
الثلاث أيام الأولى بتكون سوائل . عصيرات ، ومويه ، وزبادي
بعدها راح اخفف الأكل 3/4 اكلي العادي ومقاطعة " المشروبات الغازية ، والشبسات ، والشكولاته
بالإضافة لعصير الليون و الشاي الأخضر

التمارين الرياضية
1- مشي لمدة ساعة المساء
والصباح

تكرارها عشرين مره كل وحده ^_*
وبس
وصلى الله على محمد

فيه اقتراحات عندكم ؟

بالتوفيق

 

[حزن الليل]

صبح صبح

آكمل جدول امس

شربت اعشاب الساعه 12الظهر

+

تغديت الساعه 4 ونص ع رووووب ولبن وتمر

+

والساعه 7 خمدت وقعدت الساعه 1 وتعشيت تووالساعه 2 كليت رووووب وتمر وشربت لبن

وبعد شوي بشرب اعشاب

وبين وقت وقت ادردع ماي

ولاصارت 5 الحين بقوووم امشي واسوي الرياضه :weight_lift:

ان شاء الله يآإأآإأآإأآإأآإأآإأآإأآإأآإأآإأآآأإآإأآإآأأإآرب نضعف بصحه وعافيه ويثبت الوزن ولا ترد الشحووووم

 

[Pink Cart]

عوده جديده بعد تخريف المنتدي

حيالله الرشيقات الجدد

 

[سمراء جذابه]

صباح الخير صبايا وينكم وش فيه حماسكم خف
انا اختفيت فجاءة عشان اختبارات الجامعه
انا احس وزني ماتغير تحطمت معنويا بقوووووووووووووووووووة
مع انا تركت المشروبات الغازيه والمقليات والشيبس والشوكلاته
مادري عشان علاج الغده لكن بستمر على الرجيم لين 3شهور وبشوف

 

[Pink Cart]

صباح الخير بنات ادري اني من فتره مادخلت لهيت مع السفره توني راده من دبي وقبلها كنت مريضه

المهم بعد عودتي من السفر وما ادراك ما السفر والتخربط والبلعه بس اشوه وزني نازل مو مرتفع

من بدايه الرجيم يعني شهر وشوي تقريبا نزل وزني من 78.500 الي 75.600 حلو صج انه شويه بس اهم شي يتحرك وان شاء الله باجي الكيلوات راح يطيرون

 

[سمراء جذابه]

مساء الخير بنوتاااات
اخباركم اشتقت لكم كثيرررررررررررررررررر بعد عناء مع الاختبارات
طبعا وزني نزل كيلوا واحد بس
النتيجه غير مرضيه ولكن بستمر لين ماوصل للنتيحه اللي ابغاه ماراح اضعف همتي