حوامل سمينات

[Aloe Vera]

هههه حلوة هذي نقط الحلو عالريل



انا امس بالزوارات اول بيت ماكلت شي
ثاني بيت قطعة قطايف و حبة معمول صغيرونة و حبة غريبة مع قهوة عربية



ثالث بيت اللي اهو الاخير كليت حبة سمبوسة و حبة باكورة و حبة بيتزا و صمونة صغيرة خضار و ماعون صغييييير محلبية و ماعون هم صغير حلو قمر الدين و كرة تمر مع المكسرات ،، مادري بس كانو كلشي صغار صغار هههههه

و طبعاً معاي بالسيارة مطارة ماي كلشوي اشرب منها

يعني مادري و شربت ماي قبل الفجر و بس

 

[Aloe Vera]

و اليوم وزني نازل

 

[تبطي عظم!]

سلام


كل عام وانتو بخيير

الوفيرا فيني ولد




امس سحوري كان خمس قفاش عيش مع دقوس طمام

مااشتهيت الدجاجه للاسف ماكليتها

وقلاص لبن اكتيفيا

وجم تمره





فطوري كان كورة بطاط محشيه بالدجاج والكريمه قلاص لبن و٧ تمرات شوربه وهريس


ورحت ابارك لجدة زوجي برمضان شربة استكانة جاي نصها

رديت لاهلي قلين فطاير ٣ حبات وكبة بيتزا حبه

شربت نص قلاص فيمتو ورديت على القهوه لووول ماادري جم فنجال بس واجد

ولقيت عندهم فراوله مغمسه بالجوكليت لوول لذيذه اكلت ٢

وحلا الكاسات واحد ادري خربتها اهيء اهيء بس اشتهييييت امس ومااقدرت اقاوم ههههه

بس اليوم لا والف لا




ماسويت شيء للفطور

بفطر بس شوربه ولبن وتمر وسلطه بكثر فيها الشمندر وبعدين بقزرها مااي

لان اهلي عندهم غبقه اليوم مابي اكثر اكل بترس بطني ماي علشان مااشتهي اكل واجد باكل ذواقه من كل طبق وبكثر سلطات وماي احسن من الحلو والخرابيط



وسلامتكم



سحوري بخليه فاكهه ان شاء الله

 

[Aloe Vera]

تبطي عظم!

بالعافية و ان شاء الله اليوم تقدرين تتحكمين اكثر


انا اليوم ان شاء الله راح يكون فطوري سلطة و معكرونية بالباشاميل بس بدون اطباق جانبية ولا حلويات
يعني لو اشنهيت حلو عندي تمر و قهوة عربية و بحاول اكثر من السلطة
و هم اليوم عندها زوارات جم بيت ان شاء الله اقدر اتحكم بنفسي





انا ودي اعرف متى الوقت المناسب اني اقيس وزني دام اني صايمة؟

اول ما اقوم من النوم ولا قبل الفطور؟؟؟؟

 

[حياة ريلي]

حبيباتي انتوا خربتوها امس هههههههه
بس نسامحكم عشان اول يوم صيام و لكن لو سمحتوا التزموا عاد هههههههههه
انا راجعه الكويت الفجر ان شاء الله و الله يستر من عزايم الفطور و الغبقات
انا عالفطور امسك نفسي عادي ﻷني اصلا ما اشتهي كلش
:krkrkr:بس بعد الثمان و نص تسع تشتغل صفارات الانذار. . حلو. . حلو. . حلو

 

[((غنج))]

بنات انا حامل بالشهر الاول على وشك اخلصه عادي اسوي معاكم ريجيم انا وزني بالسبعينات وخايفه وزني يزيد بالشهور اللي قدام

 

[Aloe Vera]

غنج

انا ماعندي فكرة بس الي اعرفة اذا انتي بالاساس عندج زيادة بالوزن تقدرين
بس لازم تستشيرين دكتورة الحمل و اخصائية تغذية
و هم لازم تلتزمين تاخذين حبوبج و فيتاميناتج

و يمكن العضوة حياة ريلي عندها معلومات اكثر

 

[Aloe Vera]

حياة ريلي

توصلين بالسلامة
و على صفارات الانذار انا اشتغلت معاي اليوم لان كلش ماكليت حلو عالفطور
بس كليت حبتين قطايف بالزوارات لاني استحي من الناس مو ميانة و لا جان مسوية هجوم

و توني تسحرت سندويشة خيار و جبن مدخن و ثلاث تمرات و نص قلاص لبن خالي الدسم


احس مو قاعدة اشرب كمية الماي الموصى بها
مافي وقت
هذا و انا اطلع من البيت معاي مطارتي بس مامداني اخلصها و بالعادة اترسها اربع او خمس مرات باليوم
الحين برمضان زين اخلصها !!

امبيه مو زين شسوي

حتى لمن اشرب قبل لا انام و لا الفجر احس تقلب جبدي مع الحمل و الثقل

عندكم حلول ؟

 

[((غنج))]

غنج

انا ماعندي فكرة بس الي اعرفة اذا انتي بالاساس عندج زيادة بالوزن تقدرين
بس لازم تستشيرين دكتورة الحمل و اخصائية تغذية
و هم لازم تلتزمين تاخذين حبوبج و فيتاميناتج

و يمكن العضوة حياة ريلي عندها معلومات اكثر

.



يعطيك العافيه أختي بس انا ماراجعت دكتوراه ولا أخذ حبوب وفيتامينات امي تقول تراجعيا من الشهر الثالث بالنسبه للرجيم انا أحاول أخفف بس خاطري أمسك نفسي بعد عن الأكل بس مادري اذا عادي ولا لا

 

[Aloe Vera]

.



يعطيك العافيه أختي بس انا ماراجعت دكتوراه ولا أخذ حبوب وفيتامينات امي تقول تراجعيا من الشهر الثالث بالنسبه للرجيم انا أحاول أخفف بس خاطري أمسك نفسي بعد عن الأكل بس مادري اذا عادي ولا لا

لا حبيبتي شنو تراجعين من الشهر الثالث من صجج؟؟؟؟

اهم و اخطر فترة اول ثلالث شهور و لازم تحاليل شاملة يشوفون فصيلة الدم و شنو جسمج محتاج و شنو ناقصة و يعطونج حبوب على حسب حالة وًنوعية دمج
وًبعدين الفوليك اسيد حيل ظروري لازم تاخذينة حبيبتي لا تاجلين مراجعة الدكتورة لي الثالث هذا تصرف غير حكيم

 

[تبطي عظم!]

قووه


بنات مو ملاحظين ماكو وقت بعد الفطور لي السحور


كلش ماكو وقت



فطوري كان شوربه وتمر ولبن وقطعتين مسحب دجاج بالصاج صغار حييل

وهريس جم قفشه وجم قفشه برياني دجاج لوول اشتهيته

صليت ورحت لاهلي


شربت فنجال قهوه وكليت حلوى عمانيه العلبه المني حييل صغيره حبه

وشربت استكانة جاي مع حبتين بسبوسه حجمهم حده صغييير المني


الغبقه كانت سلطة فتوش كثرت منها بدون دريسينق

مع حبتين كرات البطاط بالدجاج والكريمه و ٦ حبات ملفوف لوول

ع الساعه ٢ بليل تسحرت شربت لبن اكتيفيا و٣ حبات تمر وعنب




جذي زين ولا مكثره !!!!!!





غنج مو زين لازم تراجعين اول الحمل ضروري علشان تعطيج الفيتامينات وتسويلج تحااليل

 

[Aloe Vera]

تبطي عظم!


انا نفس المشكلة احس ماكو وقت

مشكلتي مو لاقية وقت اشرب ماي قاعدة انغث من الماي و هم ماشربت كفاية
امس نايمة الساعه وحدة
قمت ثلاث مو مشتهية ولااااا شي حتى ماي حسيت ماشربت معنه يم راسي!

 

[تبطي عظم!]

اي الوفيرا

انا منغثه مااقدر اكل عدل لان ماكو وقت كلش !!



قررت ع الفطور بسويلي سلطه شمندر وجرجير


وباخذ شوربه مع لبن وتمر بعدها بروح اسير لبيت عمي

واي رديت بطبخ للسحور احسن مابي اطبخ علشان ما اكثر ع الفطور لان جد يومين مرو احس منغثه مع اني ع الفطور اكل من كل شيء قفشه او قفشتين !!!!

 

[حياة ريلي]

غنج حياج الله بينا
حبيبتي ما يصير ما نراجعين لي الثالث شخباري هالحجي
لازم تاخذين فوليك اسيد و في حالات لازم مثبتتات
بعدين ما تبين تسمعين نبض البيبي و تتطمنين ؟ و لا سمح الله اذا حمل خارج الرحم ؟؟
لا هالشي غلط غلط غلط !
بالنسبة للرجيم و انت باول ثلاث شهور ما يضر اذا كنتي تاخذين كل احتياجات البيبي باكلج , يعني ما توقفين نوع اكل مهين مثل الكربوهيدرات و الدهون المفيده بالمعقول و الفواكه و الخضار . بعدي تماما عن العيوش و المقالي و الجنك فود و الكاكاوات و الشبس و الايسكريم و الحلويات بانواعها لانها تضر ما تنفع. خلج عالبروتينات المشويه مع السلطات و الشوربات بدون كريمه او باستا و اكلي حبتين ثلاثه فواكه باليوم و شربي ماي وايد و اهم شي الحركه. لا يقصون عليج و يقولونلج ارتاحي ارتاحي , كثرة السدحة و القعده تسوي جلطات بالمشيمه و هالشي يسبب اجهاض . بعدين انت حامل مو مريضه . و الياهل مو ملصق بعلوج , و الحركه و المشي تمنع الامساك و تمد الجنين بدم فرش متروس اكسجين ممتاز حق البيبي. و لاحظوا بالدراسات ان الامهات اللي يسوون رياضهبحملهم اييبون يهال اوزانهم اكبر من الخاملات.

 

[حياة ريلي]

ولا تفكرين تسوين رجيم قاسي لان النزول السريع بالوزن يسبب افراز الجسم لمادة الكيتون او الاسيتون الناتج من حرق الدهون بصوره سريعه و كبيره . و هالماده تعتبر ضاره للبيبي و اذا صارت نسبتها كبيره وايد تسمم البيبي . و تلاقين هالماده عند اللي فيهم سكر و اللي يسوون رجيم دشتي

 

[تبطي عظم!]

حياة ريلي ياحلووج

تصيرين صديقتي لووووووول



كلامج يهبل وعسل واحسج واعيه ومثقفه ماشاء الله عليج


وحييل ترا استفيد من ردودج

 

[Aloe Vera]

ماشاء الله عليج
دارسة تغذية؟

عاد انا كان حلمي ادرس تغذية بس ماكان فاتح هالتخصص بالجامعة وقتها بالكويت

 

[Aloe Vera]

امبيه انصدمت

تدرون شنو لازم نشرب ٨ قلاصات ماي زائد ٢ حق البيبي معناته ٢.٣ لتر ماي اوف وايد مايمدي اشرب هالكثر

 

[حياة ريلي]

مشكورين حبيباتي عالكلام الحلو و انا صديقتكم كلكم :eh_s(7):
انا حلمي ادرس تغذيه بعد بس هم ما حصلي انا دارسه اعلام علاقات عامه
و لكن اهتمامي بالتغذيه و معاناتي مع الوزن عشر سنين خلتني اتعلم. . النت في معلومات بحررر بس اهم شي تعرفون تغربلون الصحيح من الباطل

 

[برد ابو الذهب]

اشتقتلكم بنات حدي ؟! ابشركم آكلي قليل برمضان لأني اشرب وايد فما أشتهي اكل ؟!