حوامل سمينات

[تبطي عظم!]

الو فيرا انا من زمان ماقست وزني من اخر مراجعه

بقيس هاليومين علشان اتابعه عدل

بس متى افضل وقت اقيس فيه بعد الفطور ولا قبله !!

 

[Aloe Vera]

انا اقيسه قبل الفطور

بعد الفطور مع الاكل و الشرب الوزن ما يكون صحيح

 

[Aloe Vera]

لا لا لا

انصدمت من وزني

زايدة نص كيلو

للاسف انا اكتشفت اني افقد السيطرة جدام الاكل بعد الصيام و مع وجود النقصات اللذيذة و المتنوعة كل يوم تخترب مخططاتي حق فطور صحي و خفيف هههه

 

[حياة ريلي]

يا جميلات بقولكم معلومه تفيدكم
اللي تاكل كربوهيدرات عالفطور لو تذواقه على قولتكم يسبب انها تشتهي تاكل حلو و كربوهيدرات اكثر خلال و بعد الفطور
انا لاحظت هالشي بنفسي
من بدا رمضان ما اكل كربوهيدرات عالفطور .. و بعد الفطور بساعتين اكل فواكه مو حلووو و بالليل اتسحر بال12 و نص 1 اكل كربوهيدراتي و انام
اليوم فطوري شوربة بروكلي بدال الكريمه احط حليب حالي الدسم و صينية مسقعه باللحم المفروم طبعا بدون دهن و اللحم عجل صافي
و سلطه و ماي

 

[حياة ريلي]

حسيت برغبه قوية اليوم للحلو بس اشوة ما في بيتنا حلويات رمضانيه. و اكلت بدالها تفاحه و برتقاله و حسيت رجع السكر لمستوياته الطبيعيه.
الحين بزور عمة ريلي و الله يثبتنا .
على فكره نزل وزني كيلو من يوم الاحد لي اليوم صار وزني 85.9

 

[Aloe Vera]

ماشاء الله عليج حياة ريلي
و كلامج منطقي

انا فطوري اغلبه كاربز لان نوعي مو وايد احب اللحوم
اليوم تفطرت حبتين مسخن و قفشتين عيش مع ربع صدر دياية و دقوس و قطعة لازانيا بالخضار و كوسا محشية و قفشتين سلطةروب

المهم بعدها رحت صليت و حسيت اني صج خفيفة!!


و يالا الاسف رجعت ولا ابل باي مع ايسكريم و صوص الكاراميل شغل بيت ما يتطوف كليت شريحتين ! مع ماعون محلبية بقمر الدين!


اااااه


لازم سحوري سوبر خفيف

ماي و تفاحة، يمكن؟

 

[حياة ريلي]

انا حاسة برغبه شديييييده للحلو بس اكلت سبع تمرات و شربت قلاص لبن.
الله يعدي هالليله على خير

 

[حياة ريلي]

الوفيرا خخنه حاشتج عين ههههههههه
صرتي اكثر وحده تخربطين برمضان!!!! ترا بتييج زفه محترمه
هالنشويات و الحلويات ما بتفيدج بشي الا المتن و خربطة الجسم

 

[حياة ريلي]

تبطي عظم مبروك دخلتي الثامن ما بقى شي

 

[7alaty]

صباح الخير والطاعة

 

[7alaty]

حياة ريلي حبيبتي صح كلامج لازم أزيد مشاركاتي ، وبالنسبة لنظام د وجدان اي نظام ينزل الوزن بس على فكرة قالتلي يوم بروتين ويوم نشويات اذا قدرت عشان انزل اسرع
يعني اذا كليت نشويات ممنوع البروتين مثل اللحم والدياي نشويات بروحهم والدياي واللحم معاهم سلطة وشوربة بس تكون خضار

وال٥ قطع أهي تقصد من الفطور لين السحور بس طبعا انا اكل اقل

 

[7alaty]

تبطئ عظم حبيبتي صحيح كلامج ماكو وقت لان نصوم ١٥ ساعه ونفطر ٩ ساعات شيلي منهم ساعتين اللي بعد الفطور يعني ٧ ساعات متوزعة على زوارات وشغل البيت واهتمام لليهال وبيت الحمولة يعني جد ماكو وقت

انا اشرب ٦ قلاصات باليوم متوزعة به الطريقة عال فطور قلاص

وبعد الفطور والصلاة بنص ساعه قلاص

وبعد التراويح قلاص

والساعة ١٢ لين ٢ اشرب قلاصين

وقبل الأذان اكمل الاخير وحدي حدي اكون مفولة

 

[7alaty]

تقريبا الايام اللي فاتت فطوري ما تغير خمس قفاش الى ست بالكثير متنوعة بين تشريب وعيش ومعكرونة + شوربة كوب وما اكمله بسس

طبعا قبل الفطور حبة تمرة مع كوب حليب

بين الفطور والسحور شاي وقهوة بس اقل من الايام العادية

اشرب عال ساعه ١١ كوب حليب ولبن مخلوطين يكون لايت

السحور يوم كان باستا بمطعم كنت طالعه مع عصير برتقال <<<< هذا يوم الخربطة

ومرة كان : سلطة فبها خضار وصوص انا مسويته لايت مع طماط محموس بنعناع أموت عليه

والأيام اللي قبل خبز اسمر خفيف مع جبن لايت وخس وبرتقالة

اليوم سحوري حبتين تفاحة بس لأني كليت كيك عقب التراويح


اي نسيت اقول فيه يومين أكلت فيهم حبة الى حبتين لقيمات او حلو قفشة

 

[7alaty]

طبعا حبيباتي كلام حياة ريلي صحيح عادة النشويات او الكربوهيدرات أهيا اللي تشهي وتمتن

لازم نحاول نقطع الكربوهيدرات يا بالفطور او بالسححور

يعني لو خربطتوا من الفطور وكليتو حلويات خلو السحور سلطة او حبتين فاكهه

 

[7alaty]

برد ابو ذهب هذا العشم فيج لا تخربطين وفكري ان ما باقي كثر اللي راح

الوفيرا اششششششششششفيج !!!! اسم الله عليج من صاكج عين
ههههههههه اتغشمر

سوي كنترول الخربطة يومين كااااااافي مؤ اكثر

 

[7alaty]

ابي أشوف مشاركاتكم حبيباتي

واللي تخربط مؤ عيب بس ردي سوي كنترول

 

[Aloe Vera]

امس عقب الفطور قلت بسوي كنترول و لاا زوجي داخل البيت معاه نقصة شكبرها اهو لقيمات على صب القفشة على بسبوسة و غير الموالح

انا صج متوهقة كليوم يايتني نقصة شسوي توني ساكنة بيت يديد و كلمن يطرشلي نقصة من اهل و جيران و هالاشياء قاعدين يلخبطون نظام الاكل عندي
و انا مستانسة عبالي لي سكنت بروحي راح يكون فطوري تحت سيطرتي

امس بس يايين عندي تقريباً ٥ مواعين نقصات


لمن قررت اتسحر تفاحة و ماي شفت لقيمات جان اكل منها جم حبة يمكن ٤ صغار و حبة صغيرة بسبوسة و بس ما كليت التفاحة

عاد امس شربت ٨ اكواب ماي بس ذبحتني روحة الحمام
و البيبي مو مقصر كل ركلاته صايرة عالمثانة

مادري جسمي مستفيد من الماي و لا لأ؟ دام كله رايحة الحمام

 

[حياة ريلي]

الوفيرا اكيد جسمج يستفيد . اصلا اول شي معناته جسمج شغال يطرد بهالسموم، ثانيا قاعد يطرد الماي المنحبس

 

[حياة ريلي]

امس سحوري كان توستتين سمر و شريحه جبن و طاسة شوربه
اليوم الاهل عندي عالفطور يا رب سترك هههههههههههه

 

[تبطي عظم!]

قوه

يبارك فيج حياة ريلي الفال لكم يتمم لنا على خير يارب


امس فطوري

كان شوربه وجم قفشة هريس وفوتشيني شويه ماكثرت
يم يم لوول مع ٣ تمرات ولبن ربع قلاص


بعدها رحت لاهلي وكان عندهم زوار يباركون برمضان وتخرج اخوي من الثانويه

طبعاً كليت كيك لوول مع قهوه بس ماكملتها قطعه صغيرونه

وحبتين فطاير مع كبه حبتين او ٣ مع استكانة جاي

وشربت كوب ماي


رديت بيتي وتسحرت لبن و٣ تمرات وجم قفشة عيش مع نص صدر دجاجه

وعنب اخضر ورقي لوول خبيصه صارت


اليوم لازم فطوري يكون خفيف لان معزومه على غبقه وفشله مااكل