حوامل سمينات

[Aloe Vera]

حياة ريلي


ماشاء الله زين تسوين من الحين تخلصين الغرفة و بعد لان توام و بنتج صغيرة
انا الغرفة صبغتها اصفر عساس لايقة حق بنت او ولد
و الاثاث نفسه اللي استخدمته حق بناتي الفراش و طاولة التبديل لانهم زينين بس بعض القطع تحتاج تبديل
بس الغرفة يبيلها ستاير ابجورات لوحات و زولية و كرسي هزاز او قنفة صغيرة و كبت هههه شبقا
المفروض كل هذا خالص منزمان بس الحمدلله على كل حال

 

[Aloe Vera]

اليوم فطوري نفس سلطة امس
بحط فيها بيض مفيوح علشان البروتين
مالي خلق طباخ
باجر عندي زوار عالفطور و ناوية اسوي مربين و دياي بالفرن مع خضار و سلطة

وزني وصل الحد الاقصئ اللي مابي اعديه اللي اهو ٧٧
بس عادي مو متضايقة لان ادري ليش زايدة
و ان شاء الله انزل كيلو بسهوله هالايام
و احاول اظل جذي لين اولد ان شاء الله

 

[حياة ريلي]

الوفيرا اي والله شبقا هههههههههه
انا نفسج بستخدم نفس الاثاث بس زدت سريرين نفس سرير بنتي و الكرسي الهزاز الليزي بوي ودي انجده اغير لونه. لونه بني ودي اسويه شي فاتح.
انا بصبغ الطوفه على سما ازرق و غيوم و بيرسملي زرافه كبيرة من الارض لي السقف و شوية طيور و صوب الباب شجرة
اثاث غرفتهم كله ابيض

 

[حياة ريلي]

الوفيرا انت توج ساكنه بيتج ولا ماجره مكان يديد ?
انا العام سكنت بيتي و الله يعينج عالعزايم الحين سوي استقبال واحد وخلاص انا سويت جذي

 

[Aloe Vera]

انا توني ساكنة بيتي الخاص من شهرين
و البيت ليلحين اثاثة نااااااقص و يبيله شغل
ماعندي صالة سنعة

و عشان جذي ظروري اسوي استقبال بالمستشفى
و البيت حق الاهل القراب حيل واحنا اهلنا قليل يزورون بالبيت اشواااا هههه و لا جان وهقة

سبحان الله حملت بدون تخطيط و بوقت ماتوقعته غير كل مخططاتي
بس الحمدلله مستانسة

 

[Aloe Vera]

فطوري اليوم ثلاث ارباع صحني سلطة
و الباجي عيش بالسمج مثل المربين
و حليت بشوية ام علي
و قلاص ماي

و بعدها بنص ساعه تقريباً شربت قلاص شربة بيذان

ادري اكلي مو پيرفكت بس قاعدة احاول

 

[Aloe Vera]

اي و بالنسبة حق اثاث البيبي
انا عندي سرير crib و طاولة تبديل خشب اللي تصير من تحت يرارات تكفي كل ملابس البيبي
و بحطهم بغرفتي لمن اولد

بس غرفة البيبي نفسها مو جاهزة
معني من النوع اللي لازم البيبي عنده غرفة و حمام جاهزين
بس ماصارت فرصة اخلص لحد الحين

 

[حياة ريلي]

الوفيرا مو قصدي استقبال ولادتج.. قصدي استقبال بيتج
انا فطوري كان ملوخيه و صدر دياي و نص خبزة من هيلثي سناك و قفشتين ثلاث هسلطه
سناكي الاول كان حليب بالهيل و الزعفران و الدارسين خالي الدسم و حبتين معمول تمر من هيلثي سناك
سناكي الثاني اللي قاعده اخذه الحين هو جزر مع ديب حمص انا مسويته بالبيت من نص كوب نخي و قفشتين روب خالي الدسم و فص ثوم و قفشة عصير ليمون.. هالوصفه فيها حوالي 180 سعره اخذت نصها و نصها حق ريلي

 

[حياة ريلي]

سحوري خبزة بالالياف فيها 120 سعره مع ست كرات دجاج بالفرن شغل البيت طبعا و خس و طماط و قفشتين روب خالي الدسم و شوية دقوس تايلندي

 

[Aloe Vera]

حياة ريلي

بالعافية


و بالنسبة حق استقبال البيت انا بيتي يبيله وايد تاثيث ماتوقع يخلص الا خلال سنه او سنتين اذا ابي شي مضبوط

 

[حياة ريلي]

الوفيرا الله كريم البيت ياخذ وقت و فلوس فعلا انا ساكنه من سنتين تقريبا و لي الحين ما خلصت كل شي

 

[حياة ريلي]

اليوم رحت مخبز الرحى وايد اغلى من هيلث سناك الرحى خبزتين بدينار هيلث سناك خمس خبزات بدينار
شريت منهم كينوا
اليوم فطوري لحم بالصلصه بدون دهن و عيش اسمر و سلطه

 

[Aloe Vera]

حياة ريلي

شلون طريقة اللحم بالصلصة ؟

و مخبز الرحى اتوقع غالي لان يطحنون الحبوب عندهم داخل المحل بالرحى
بس صج ودي اجرب هيلثي سناك بعد رمضان

 

[حياة ريلي]

افوح لحم بدون عظم انا سويت ستيكات لما يصير لين بعدين اييب مقله و اقط فيها بصل مقصص صغار و فلفل بارد و احمسهم بدون دهن وكل ما نشف ارش عليه ماي لما يذبل كلش بعدين اقط عليه طماط مقصص صغار و قفشة معجون طماط و ارد ازيده ماي و بعدين احط باذنجان و كوسا و ملح و فلفل اسود و اللحم بعد ما انتفه و اخيهم يتسبكون على نار هاديه كل من نشف رشيه استكانة ماي لما كل شي ينضى و الصلصه تصير خاثره

 

[حياة ريلي]

سحوري كوب عيش و نص صدر ديايه فبيت حماتي و الحين اكلت حبتين تين مجفف

 

[حياة ريلي]

فطوري كان نص صدر ديايه بالفرن مع خضار و سلطه
و بعد الفطور اكلت حبتين معمول انا مسويته حق العيد

 

[زوزو دشتي]

:eh_s(17):عيدكم مبارك بنوتات والله يسهل عليكم وعلي:eh_s(17):
ياااااااارب:yaaaaaarb:
انا متابعتكم و قررت انظم لكم انشالله من بعد 3 ايام العيد ابدا معاكم لاني بجريه وزدت وااااااايد ​

:eh_s(11)::eh_s(16):




جوابي عالاسئله في حالة كنتيً حامل وتبين تضعفين:

1- باي شهر؟ اول اسبوع من الثامن
2- كم وزنج قبل وبعد الحمل؟ قبل الحمل 75 وبعد الحمل 89 :rgewrg:
3- ليشً تبين تضعفين ؟ لاني زدت اكثر من المعدل الطبيعي ونسيت نفسي ولان بلحق على اخر شهرين ومابي ادش بالتسعينات:O_SHH_:
4- سمعتي عن وحدة ضعفت واهي حامل ؟ نادرا وانا ماكنت ادري ان مسموح للحامل تنزل وزنها من غير ماينضر الجنين ودكتوري عمره ما علق على وزني:bbbiu:
5- كم تبين تنزلين؟ ابي بهالشهرين كيلوين :eh_s(10):عالاقل واني ما ادش التسعينات

وبعد العيد انشالله اتابع معاكم واكتب نظامي اللي بعتمد عليه:gr4uu::botetoo:​

 

[Aloe Vera]

حياة ريلي حلاتي تبطي عظم و كل القروب

عيدكم مبارك و كل عام و انتو بخييير و صحة و عافية



انا اليوم تريقت الساعه ٧ بان كيك و حليب قليل الدسم
الساعه ١٠ حبتين كعك بالتمر و عصير فوار
و بعد شوي غدانا قوزي
بحاول اكثر من البروتين ان شاء الله

معدتي اليوم مو على بعضها فيني مغص جنها بداية نزله معوية
قلت يمكن لان ريوقي مبجر و ثقيل و معدتي مو متعودة

و ان شاء الله ارجع حق نظامي الغذائي
و ارجع حق السباحة
و انزل كيلو او اثنين لحد ما اولد

 

[حياة ريلي]

عيدكم مبارك و تقبل الله منكم صالح الاعمال
ريوقي كان اول بران و حليب خالي الدسم
غدانا ان شاء الله مشويات

 

[Aloe Vera]

الساعة ٨ كليت جم حبة مشمش مجفف و تمرة و حليب خالي الدسم