وييي احنا الفروانيه صفحة ونص ...!!!! يعني لااا طبنا ولا غدا الشر....
وبعديين تدرين شنو افكر فييه.... انا خذيت الميداني كوورس اول ... والحين حااسه اني نااسية شلوون احضر .. ابي اقعد اراجع دفاتر تحضييري چوود اتذكرر
ويي كورس اول
انا الكورس الثاني وضايعه وقاعده افكر اقول جني نسيت شلون احضر
خل اقول لكم سالفتي بنات انا طبعا مسويه تجمع حق التعيين اليديد واغلب الموجودين بالتجمع غير تربويات يعني تخرجنا من كليه الاداب بجامعه الكويت واطلعت اسامينا بالجرايد بعضنا شهر 5 وبعضنا شهر 6 وعلى طول توجهنا للوزاره
اهناك افتحو لنا ملف وسووو لنا مقابله
في المقابله سوو لنا اختبار تحريري واختبار شفوي
بعد اجتياز هذي المقابله حددوا لنا المرحله
وتقريبا كلنا اختارونا مرحله الثانويه
وسوينا الفحوصات واغلبنا خلص مثلي انا خلصت وعطوني وصل قالو المراجعه بدايه شهر 9!
وللحين ناطرتهم شنو اسوي بعدين
فملاك منو قال ان الدوره 5/9 في بنات يقولون قالو لهم الوزارا 24/8 فضايعين بين هالتاريخين وكل ما نسأل يقولون ما وصل لنا قرار!!
واحتمال باجر بروح اراجعهم مع اني الاسبوع اللي طاف كنت عندهم وقالو لي للحين ما وصلنا شي !!!
هلا حبيبتي
والله حبيبتي انا مادري
انا هالتاريخ قريته من موعد كتبوه قبل فترة
الحين ادوره لج واذا لقيته اسويلج ياه كوبي بيست
الملاك ما تدرين عن تخصص اجتماعيات منو اكثر محافظه فيها اكتفاء؟
لا والله حبيبتي
اصلا كليتنا مصكره تخصص الاجتماعيات من زمااااااااااااااااان
انا يوم دشيت الكليه يعني قبل 4 سنين قالولي انه التخصص مصكر من سنتين قبلج او ثلاث سنين
وانا يوم اقولكم عن الضغط وين موجود لاني كنت بالميداني وكنت اطالع اوراق اسامي البنات عند المشرفه فعشان جذي عرفت لاني كنت بنقل و كانوا يدورون مدرسه ممكن انها تستقبلني
ولا هالسوالف محد يدري عنها
لو نعرف وندري عنها جان كلنا عرفنا اصلا بننقط اي مدرسه نحسبها عالحاجه والفراغ و عدد البنات
لا لا تحاتين الاشعه اخذيها مني و تطمني
لا بالعكس ماراح ازعل هذا رايج
بس شوفي رايي انا احب تخصصي و احسه مفيد اكثر ليش لانه مسانده علوم خاصه مواد الميكروبولوجي و الكيميا الحيويه و العضويه وايد استفدت منهم و في مجال التغذيه حسيت ان انعكس علي و على اكلي بشكل ايجابي
بنسبه للطبخ و الخياطه شوفي انا تبع الدفعه الاخيره من الاقتصاد المنزلي احنه مواد الطبخ ما طبخنه بس كنه نشكل معجنات نسويها مثل المطاعم و محلات الحلويات
نزين اطباق بطريقه فندقيه
بس طبخ ما طبخنه مثل الي كانوا قبلنه
و مواد الخياطه ما خيطنه كلش باستثناء التطريز و اصلا هو حلو و ممتع و مفيد
كنه نصمم ازياء ونرسم على منيكان و نسوي بترون
وفي مجال التغذيه دراسه نظريه و في المواد التابعه للمساند قسم نظري و قسم مختبر لاكن قسم بالله كان متعه و وناسه
شوفي اذا تبين الصج مقارنه بين القديم و الحديث القديم افضل و اقوى من حيث المساند لاكن انا وياج سالفة الطبخ و الخياطه هذي مو حلوه و اصلن تخصص الاقتصاد المنزلي او علوم اسره هو اشلون تكونين مصممة ازياء مو خياطه و اشلون تعرفين تعدين وجبه غذائيه متكامله و جذابه بس مو طبخ و بصل من الصبح
فانا اتفق وياج في قضية الطبخ و الخياطه
و لاكن الحمدلله ما حاشني مثل الي حاش غيري
و الحين وصلني خبر من بعض البنات و من دكتوره قالتلي ان التخصص بردونه على القديم الي مسانده علوم لانه اقوى و مخرجاته اقوى و الله اعلم
و فعلن ترى بالميداني كان في فرق بين الي تخصصهم اقتصاد منزلي و بين علوم الاسره من حيث المعلومات خاصه في دروس التغذيه تلقين الاقتصاد معلوماتهم اقوى و علميه اكثر
وسوري لاتزعلون من كلامي بس هذا من تجربه و كلام الاغلب من الموجهين و الدكاتره و واقع تجربتي و الدليل انهم بردون القديم
عمومن كلنه بالهوا سوا ماطاح الا مبطح
ههههههههههههههههههههههههههههههههه
اما سالفتنه انا و انتي و miele يايين بنقص عليهم بس عطونه واحد صفر
هههههههههههههههههههههههههههههه
:krkrkr:
الحمدلله خلصنا موضوع الاشعه
وسالفتنا فلم والله يا ام زنوب تمصخرررررررت
ماكو احد ماقام يتطنز علي لما اقولهم عن تحاليل امس
حسيت باللي صار فيج ضغطوني لووول
وعلى تخصصج عادي نتقبل كل الآراء
بس تصدقين حتى احنا عندنا تغذية كله نظري
وحيل استفدنا لدرجه عندنا مقرر بس نتكلم عن الوجبات الغذائية وسعراتها وتوزيعها
و الاعمار و جذي وسوينا كتاب اخر شي وغلفناه و سلمناه وكان مشروعنا بالفاينل
وباجي المواد تتكلم عن هالسوالف حيل استفدنا واثر على تغذيتنا وعرفنا وايد اشياء
واهتمينا لمواضيع الفيتامينات والعناصر الغذائية واحتياجاتنا وغيره وغيره
فاتوقع نفس الشي ماكو فرق بينا وبينكم بس الفرق انه عندكم عملي و مساند علوم
اما احنا مواد التغذية النظرية هذي خذيناها وايد يمكن 6 مواد اذا ماني غلطانه
لاني اذكر اني خذيتهم كل كورس ما عدا اول سنة اول كورس ، واخر سنة اخر كورس .
وبالازياء احنا مبدعين كله تصاميم و ديزاينات ونصمم ومره سوولنا معرض من لوحاتنا للتصميم داخل قسمنا و ندرس عن ثقافه الازياء و الشعوب و درسنا عن تسويق الازياء و الفاترينا وهالسوالف و صممنا فترينا اخر كورس يعني مجال الازياء بالنسبة لي حيل كان ممتع
غير باجي مجالاتنا النظرية بعد
بس اللي يضيق الخلق انه على هالدراسه كلها
يوم رحنا الميداني من عقب اول اسبوع مشاهده
تخيلي سادس و ثامن مبلشين خياطه
و سابع و تاسع طبخ
يعني على ويههنا علطوول
وقعدوا يعطونا دورات شلون نقعد عالمكينه و نخيط
وعلى طول قطوا علينا مهمه ثوب الصلاه حق ثامن
لدرجه لما كان يصير عندي ثامن خياطه واخلص الشرح النظري وابلش عملي
البنات يتلمون علي والموجهه تخزني من بعيد
وانا احاتي اكسر المكينه ولا اسوي شي
حتى كل ما خربطت البنات يطالعوني
اقولهم شوفوا بنات يعني هذا غلط المفروض ما نسوي جذي زييين هههههههههههههههه
شسوي انا وين والمكينه وين
وغير دروس الطبخ يوم اشرحلهم عن عناصر وفوايد و لا يوم اخليهم يسوون اطباق
حيييل تمللت و ضاق خلقي و ماخذ من ورقتي و مجهودي و فلوسي بعد هه
اني اسويلهم السفره واجهز اطباق و اقصص واحط
شنوو هذا انا بالبيت ويالله
هالمرة اسوي جذي حق البنات لاول مرة
حتى مرة يتني موجهه عامة سألتني قالتلي انتي ولاعمرج اشتغلتي على مكينة
وبالكليه هناك خبري عندكم مطابخ
قلتلها صح كلامج بس احنا بهالتخصص ما طبينا مطبخهم ولا قربنا صوب مكينتهم
انصدمت قالت شلووون يخلونج تدرسين البنات شي انتي ماتعرفينه ولا مارستيه
وقتها كان مقطوع خيط المكينه و مسويه فلم انا مع الطالبات لووووووووول
و الكتب اللي ندرسهم
اللي مكتوب على الغلاف ( علوم الاسرة و المستهلك )
ترى دعااااااااااااااية
لان داخل الكتاب المحتوى مو محتوى علوم الاسرة والمستهلك
المحتوى عباره عن ( ثلاث ارباع الفصول اقتصاد منزلي بحت + الربع الباجي فصول خاصه بعلوم الاسرة والمستهلك )
يعني بس جذي مجرد مسميات وكلام خارجي اما المضمون
احنا ماندري وين الله قاطنا اصلا
وصراحه ما قام يهمني يفتحونه ولا يصكونه
اهم شي تخرجت
و يكفي اللي صارلنا ما نبي يصير لدفعات غيرنا
ندرس 4 سنين شي و نقوم نعلم البنات شي ماندري عنه
بس تصدقين استغربت انكم اخر دفعه ماتسوون اللي سووه باجي الدفعات
صراحه شي حلووو ، يعني انتو اخر دفعه تقريبا تقريبا اقرب من منهجنا من الدفعات اللي قبلكم
