دشتي 2012مع شريفه حياكم

[قمر2]

بنات يقولون الي عندهم كسل في الغده ما تناسبهم منتجات الصويا

 

[شريفه 39]

شكرا بنات جزاكم الله خير يارب يوفقكم وتنحفون وكل وحده تقوم من النوم وتوزن تلقى انها نزلت للوزن اللي تبيه من غير شر قولو امين ...وحشتوني دشتيات وش اخباركم الله يسعدكم
نايسي والله ياعمري مااعرف هالايسكريم ولو اعرف انااول من يشتريه وااااااو اموت بالايسكريم بس اخاف يكون فيه حاجات ثانيه ممنوعه بدشتي وهي خافيه علينا لاتاخذيه لين تتاكدين عدل مدل وانا راح اتقصى بالموضوع تعرفين يمكن يكون فيه حليب مركز بشوف بس يارب يطلع كلامك صح ويصلح للاستخدام الدشتي ...
برتي خير ان شاءالله انتبهي من ليله الحنا كلي قبل تروحين عشان متجوعين وبعدين تخربين فديتكم دشتيات
قمر هل حليب الصويا مسموح بدشتي او اي منتجات الصويا ؟

 

[شريفه 39]

يومي شربت 3كاسات مويه
الفطور 2حبه زيتون ماكان عندي بيض
شربت 3كاسات
الغدانصف دجاجه مشويه
مويه اعشاب
العشا دجاج فيليه مع بصل اخضر وشبت صدور
وبس وهالحين من فضل الله اسمع المطر اللهم زد وبارك

 

[Niceya]

آمييييين كثري من هالدعوووات الحلووة
وناطرتج بخصووص البرد
اهوه فيه فانيليا وفراولة اكيد فيهم حليب بس الجوكلت لأنه دارك اعتقد ما يكون فيه نسبة حليب !!

 

[مس هنادي]

وايت هارت ثنكيوووووووووعلى طريقه الربيان

 

[مس هنادي]

يومياتي
قبل الريوق حبه ابل فيت للتخسيس
وليمون وكون وزنجبيل ودارسين منقوعين بقلاص ماي حار
والريوق بيض مسلوق وفوقه كمون وفلفل اسود وملح وشوي زيت زيتون
بعدالريوق جاي اعشاب قشرقهوه وكمون ويانسون
قبل الغدا جاي اخضر
الغدا حمسه دياي
عقب الغدا جاي الضيافه
وبس عقبهم رحت السوق افتريت عدل
ورديت البيت ماكلت شي
والحين بحط راسي وانا
الحمدالله عدى هاليوم على خيرلاني ناويته بروتين صافي

 

[Niceya]

صبآح الخير حلوآتي ..

وزنت اليوم ولكن ..... الوزن ثابت :|
بس بالقياسات ناقصة قياسين من كل مكان وووناسة ..

من باجر بروتين صافي والوزن بيكون اخر الشهر واتمنى اتحمل كل هالفترة .. حاسة بإحباط من الميزان كرهته

 

[Pretty Amoola]

صباح الخير يا دشتيات ، شلونكم ؟ ​

قمر 2 ، اي نعم الملوخية مسموحة بسس بكمية أعتقد مقدار كوبين ​

شريفة ، الحمد لله أمس لقيت اللي يناسبني ، كان عندهم بوفيه وكلت​

مشويات وشوية سلطة بالجبنة البيضا :eh_s(9):​

نايسي ، إن شا الله يطلع البرد مناسب لرجيمنا . راح أعطيج طريقة للأسكريم​

طعمه عجيييييييييب ويناسب رجيمنا . المقادير : كريمة خفق مقدار بيالة + 2 جبن​

كيري + سكر رجيم + نسكافية اللي غطاه أحمر . ​

الطريقة : حطي كل المحتويات في خلاط كهربائي لين يتجانس الخليط وذوقيه عشان​

تطعمينه اذا يحتاج سكر زيادة أو لآ . لأن الصراحة ما أقدر أقول لج اشكثر بتحتاجين​

سكر . وبس حطيه بالفريزر لمدة نص ساعة . يطلع طعمه خياااااااال :eh_s(15):​

مس هنادي ، الله يعطيج العافية وبالعافية ما كليتي .​

 

[Pretty Amoola]

اي والله الميزان صاير سخيف وعنيد ، اشحلوه أول اسبوعين ،​

من عقب الاسبوعين صاير عنيد ولا يتحرك :eh_s(14):​

بس على قولتج المقاسات اصغرت عن أول، وهذا هو الأهم :eh_s(9):​

مبرووووك علينا تغير مقاساتنا ​

 

[Niceya]

امووله يعطيج العااافية حبيبتي ..
بجربه وبستبدل النسكافيه ببودرة كاكاو
والله يستر لأن قبل هالمرة سويت حلو وكلش ماعجبني لاعت جبدي
بس هذا مقاديره غير بجربه

 

[Niceya]

بنات فيه طريقة كيك حق رجيمنا ومن المقادير بيكنج بودر مادري مسموح والا لا؟؟
اشتهيت كييك :$

 

[Pretty Amoola]

امووله يعطيج العااافية حبيبتي ..
بجربه وبستبدل النسكافيه ببودرة كاكاو
والله يستر لأن قبل هالمرة سويت حلو وكلش ماعجبني لاعت جبدي
بس هذا مقاديره غير بجربه

الله يعافيج حبيبتي ،،، ولو

بس نصيحة لا تستخدمين الكاكاو لأن فيه نسبة من الكافيين وراح يأثر على

عملية الكيتوسز ، مادري أتحجى صح ولا غلط خخخخخخ :eh_s(22):

أقصد عملية الحرق ، عشان جذيه استبدليه بالنسكافيه .​

 

[مس هنادي]

شخباركم

اول ماقعدت شربت ماي عادي وعقبها اخذت حبه اب فيت
وعقبها قلاص اي حار منقوع فيه ليمون وزنجبيل وكمون ودارسين

ماتريقت
توني تغديت صينيه لحم بالفرن معاها زهره وكوسه وشوي طماط
وعقب الغدا شاي الضيافه

وبس ناويه ان شاءالله العشا بيض مسلوق
وبس عليكم كلكم بالعافيه

 

[بنت السلطآإآن]

السلام عليكم بنات :$


شلونكم




الله يهنيكم وتوصلون لهدفكم بصحه وعافيه انا ببدي بالرجيم من باجر بس كلش موفاهمه شي

ابيكم تفهموني المرحله الاولى ع الاقل ابي شنو خيارات الريوق الليممكن اكلها ولوعندكم وصفات للريوق حلوه وشنو آكل ع الغدا والعشا يعني ابي افكار سهله ولذيذه لاني ماتقبل اي شي



ناطره ردكم عسسسلات

 

[شريفه 39]

هاي حبيباتي الدشتيات وش اخباركم ارجوكم اتركو الميزان بالعكس اذاثبت الوزن هذا معناه ان الحرق صار بالشحوم الداخليه وهذا يتطلب صبر لين تنحرق لاكن لو لاحظتي ان الوزن ثابت والقياسات ثابته يعني انك قاعده تسوين شي غلط اذاثبت الميزان بس لاتسوون وجبه مفتوحه وتخربون فهمتوني باختصار
ثبات عالميزان +نزول بالقياسات =انتي ماشيه صح
نزول عالميزان +ثبات بالقياس =انتي ماشيه صح
ثبات بالوزن +ثبات بالقياس =فيه غلط بالدايت في هالحاله نسوي وجبه مفتوحه بشرط ماتاكلين الاخضر واليابس ...

 

[شريفه 39]

نايسي متى يجي بكره عشان اروح اشوف الايسكريم يارب يصلح لنا عشان احط حرتي فيه خخخخخخخخخخخ

 

[شريفه 39]

وينكم بنات صحصحو شوي وين البنات اللي ببدايه التجمع وين راحو طلو ولاعاد شفناهم

 

[شريفه 39]

اختي بنت السلطان اهلين حياك الله بالنسبه للوجبات والاقتراحات ارجعي للموضوع من بدايه الصفحات راح تلقين فيه وصفات وراح تستفيدين ان شاءالله موفقه وحطي وزنك ويومياتك اذا تحبين باي

 

[Niceya]

وووواي شرووووف انا متحمسه اكثر لوووول بروح باجر اخذه قبل ما اتهور واحط حرتي بباسكن روبنز :'''

اليوم قعدت متأخر كليت نقانق وخردل اهو ريوقي وغداي
العشا مشويات

 

[Niceya]

البيكنج بودر والنفيش مسموحين او لا؟؟