دوانيه شلة منتظرات نتيجه عملية اطفال الانابيب والحقن المجهري

[Almeem]

الله يبارك فيج حبيبتي ردت علي الدكتوره المساعده وطمنتني اهي اللي قالت اوقف بيبي اسبرين ٤٨ ساعه ليما يصير الافراز ابيض وارجع اخذه
من باجر برجع اخذهم ان شاءالله

 

[glby7sas]

حبيبتي ريحي الحين واذا انتي موظفه بلغي السكرتاريه عندكم انج تبين تقدمين على مجلس طبي وبلغي دكتورتج تسويلج تقرير للمجلس وهم في شغله انا الحمدالله دكتورتي انتبهت لها بسرعه اللي اهي عنق الرحم قالتلي قصير وسوتلي ربط بالشهر الثالث خل تقيسلج عنق الرحم

 

[lamara10]

ربنا يرزقك ويفرحك

 

[glby7sas]

ربنا يرزقك ويفرحك

حبيبتي لامارا اللهم امين يارب وكل انسان يتمنى الضنى ياكريم

 

[Almeem]

الححححممممدد للله بنات النسبه تضاعفت اليوم رديت سويت تحليل هرموني ارتفعت من ٨٦ الى ٢٤٧ في ٣ ايام .
الله يتمم حملي ويثبته ويقر عيني بشوفته .

ربي يرزقكم كلكم ويفرح قلوبكم .

انصحكم بكل امانه بالعلاج عند دكتور ناهض حماديه
حتى الستاف والممرضات كل شوي يدزون لي عالواتسب يتأكدون من حالتي ويتطمنون حيل مريح العلاج معاهم .

 

[Almeem]

قلبي حساس بشري شصار معاج ومتى موعدج

 

[glby7sas]

اهلين انا اليوم رحت موعي وجيك على بطانه الرحم والحمدالله الامور تمام صرت اكل ٣ حبات من الحبوب اللي نص ابيض ونص بني طبعا اخذ الابيض واقط البني
مع حبوب فيتامين وحبوب فولك وحبوب كرتزون وحبوب الاسبرين
وقالي بالمجمد ماراح تحتاجين ابر بس الحمدالله واحتمال ان شاءالله على الاسبوع الياي يكون الارجاع
دعواتج لي
وانتي بشري ان شاءالله الامور تمام جيكي اذا توم او واحد

 

[Almeem]

زين الحممدلله يارب هانت

التزمي بالادويه واهم شي ركزي عالاكل الصحي
وعصير الافوكادو والمكسرات والبيض والحليب هذيلا يوميا اكليهم
كلها اسبوع ضغطي ع نفسج واهم شي النفسيه خلج ريلاكس على طول وتابعي مسرحيات وافلام واشياء تونس وربي يثبته ويتمم لج على خيييير يارب

انا الحمدلله اموري تمام وقالت يبين اذا توأم وقت السونار بعد ١٨ يوم

 

[glby7sas]

اي ان شاءالله من الحين مزهبتلي افلام على نت فلكس حاطتهم بالمفضله عشان الهي عمري بالاسبوعين
عاد تدرين انا دكتوري عرف انهم توأم من اول يوم حللت فيه اهم يعرفون من الرقم اذا كان تحليلج هرموني للاسف ماذكر جم كان الرقم

 

[glby7sas]

الميم بشري عن احوالج ان شاءالله تطمنتي عالبيبي


انا احتمال يوم الاربعا او الخميس ارجع الاجنه ان شاءالله وتخيلي بنتي بلشت حراره احس كلش مو وقته استغفر الله

 

[Almeem]

ياهلا والله قلبي حساس

بعد باجر السبت موعدي ان شاءالله سونار واشوف الجيس والنبض ربي يسهل

انتي بشري شصار معاج ؟؟؟


انا بعد صارلي ٤ ايام حراره ونشله وكحه والله احاتي بعد تغير الجو

 

[glby7sas]

هلا والله ميم ياارب تشوفين وتسمعين النبض
ويتمم عليج لي التاسع
وسلامتج حبيبتي ماتشوفين شر العموم والله نشله وكحه وحراره مال تغيير الجو الله يسهل يارب
انا قرر يوم الاثنين ان شاءالله الارجاع دعواتج لي يارب

 

[Almeem]

اللهم كما انعمت عليها بنعمة تلقيح البويضات وانقسامهم ، فيارب انعمعليها بلصوقها بجدار الرحم وثبات الحمل وجعله ذرية صحيحة سليمةمعافاة صالحة مرضية لله والرسول والوالدين ، كاملين الخَلق والخُلق قرةعين لها ، يارب يكونون توائم صبيان .



اللهم إني أستودعك اجنتها ، أنت الذي لاتضيع ودائعك ياالله ، يارب احفظهم واحمهم وامسكهم أن يسقطوا ..

يالله والذي أمسك السما أن تقع على الأرض وهي بلا عمد ، أمسك مافي رحمها ..







اقري سورة البقره يوم الاثنين الصبح وقبلها قومي الليل ركعتين وادعي من كل قلبج وألحي بالدعاء هذا اهم شيوتصدقي بنية ثبات الاجنه ، لو للعاملين بالمستشفى قبل تدشين العمليه .

 

[glby7sas]

جزاج الله خير حبيبتي ماقصرتي
واي اليوم المستشفى دق عليي بس عشان يأكدون اكيد ابي الاولاد وله البنات لا تشوفين قلبي اشلون عبالي بيقولون فجيناهم ولقيناهم مو صالحين والله مخي راح على جذي ما ارتحت الا لما كلمني دكتور الاجنه خبصو قلبي

 

[Almeem]

ياحبيبتي والله مالومج كل شي يطري عليييج من التفكييير .

انا بعد قالولي نطري بعد باجر الثلاثا موعدج مو اليوم


بس سؤال صج ، يعني بعدين لو ابي احدد جنس الجنين لازم قبل التجميد ولا عادي بعدين ؟

 

[glby7sas]

قبل التجميد
يعطونج جرعات تنشيط اكثر مو نفس خطه العادي
وعادي جدا من ٢٠ بويضه مايطلعون الا ١ او ٢ ولد

الدكتور سولفلي عن وحده ٢١ بويضه بس ماطلعو الا ٢ اولاد مشوهين يعني مانهم فايده
انا كنت حيل حيل على اعصابي

بسألج الحين تحاميل المثبته شفرقت اذا حطيتهم شرجي عن مهبلي اكره التحاميل

 

[Almeem]

اهاا ، اي سبحان الله ربي له حكمه


التحاميل في دكاتره يقولون مهبليه وفي شرجيه
انا دكتوري قال شرجيه واحس اريح صراحه
المهبليه تأذي وتدمرج وتنزل سوائل وافرازات ماحس استفيد منها
انا استعمل سايكلوجست مرتين باليوم .

 

[glby7sas]

اشوي واروح لعمليه الارجاع دعواتج وكل من يشوف البوست يدعيلي الله يثبت اجنتي يارب ولا يضيع تعبنا

يارب ثبت اجنتي وارزقني بالحمل السليم المعافى يارحمن يارحيم
ربي لاتذرني فردا وانت خير الوارثين
ربي لا تذرني فردا وانت خير الوارثين
ربي لاتذرني فردا وانت خير الوارثين
يارب انك سميع الدعاء انت اعلم بالاحوال ارزقني يارب وكل من تتمنى بالحمل السليم المعافى يارب انك على كل شيئ قدير
استغفر الله ربي العلي العظيم واتوب اليه
استغفر الله ربي العلي العظيم واتوب اليه
استغفر الله ربي العلي العظيم واتوب اليه

 

[glby7sas]

بموووت من الحسره والمكان بارد الله يهديهم زادوني زياده

 

[glby7sas]

الحمدالله تم نقل الاجنه بعد عناء رحمي كان مسكر واطر الدكتور يسويلي توسعه وقال اذا ماتسوع راح اطر اسويلج بنج كامل بس الحمدالله من فضله فتح الرحم بعد التوسعه

مادري ليش جذي صار وليش الرحم يسكر اساسا اول مره تصير معاي بس ياعلها خيره ان شاءالله

وبدأ العد معاي اليوم الاول حاليا منسدحه قاعد يقولولي روحي الحمام بس مابي ابي اظل منسدحه عالاقل ساعه بعدها يعطوني ابره المثبت واروح الحمام افضل اروح الحمام افضل