دوانيه شلة منتظرات نتيجه عملية اطفال الانابيب والحقن المجهري

[glby7sas]

هلا والله حبيبتي الحمدالله رب العالمين وعسى الله يتمم عليج ياارب ويوصلج لي تمامه ويقر عينج بشوفه ضناج يارب
شوفي نصيحه اخت اذا هذي اول حمله لج طلبي من دكتورتج تقيسلج طول عنق الرحم دامج بأول الاشهر ضروري قبل لا تخلصين الثالث


بالنسبه لي والله على حطة اييدج
اليوم لي تاسع وماغير احس باعراض الدوره مره تزيد ومره تخف باليوم الخامس والسادس كنت احس بدوخه خفيفه بس يمكن من كثر السدحه باليوم السادس صداع حاشني قوي وراح الحمدالله

حاليا لايعه جبدي ودي اتسبح

بس قاعده اغسل اشوي من جسمي احس خست صج لايعه جبدي بس ابي اقاوم اكثر
ودي احلل باليوم ال١٢ تتوقع يبين

 

[Almeem]

حبيبتي جزاج الله خير

طول عنق الرحم حق شنو يفيد ؟


والله انا تسبحت من ثالث يوم ماقدرت اتحمل وغسلت شعري عادي بس ماطولت بسرعه بسرعه وكنت قاعده ع كرسي .
بس انتي اذا مو مرتاحه كيفج

انا باليوم ال ١٢ كانت النسبه قليله بس لان شفت دم بني ف خفت ورحت حللت وكانت ٣٤

 

[glby7sas]

طول عنق الرحم اذا قصير عشان لا تدخلين بمشاكل الولاده المبكره لا سمح الله

انا الدكتور قاسلي ياه كان ٣. قالي طوله ممتاز بس بسويلج احتياط اخر الثالث المراجعه اللي بعدها قصر صار ٢:٥٠٠ فجئه قالي ضروري باجر العمليه اذا خليتج معناته بتولدين ب الخامس

خصوصا اللي نفسنا انابيب الدكاتره يخافون ساعات يسوونه جذي احتياط وسلعات فعلا الجسم محتاج طلبي يقيسه افضل واريحلج انتي

 

[glby7sas]

انا امس اكل الدجاج حسيت بطعم مروره فيه وقطيته
اليوم البيض بعد جذي قاعده احس بطعم مروره فيه مادري اشسالفتي الظاهر مال دوا الكرتزون

 

[Almeem]

انا هالحاله امر فيها حالياً لوعه مو طبيعيه مو قادره اكل شي حتى الماي ارجعه متت

الله يصبرنا وياجرنا

انتي حللي الاحد ان شاءالله افضل وقت

 

[glby7sas]

مو قادره اتحمل لي الاحد ابي احلل الجمعه
شيصبرني لي الاحد احس خلاص ذبحني التفكير قمت اصدع

 

[glby7sas]

اليوم حايشني عوار مغص ببطني
مو اعراض الدوره لا مغص كأنه في معدتي شي الله يستر مع انه اكلي كله بالبيت ما اطلب مطعم

 

[glby7sas]

مادري اذا تحسين بهالشي اول لا الميم بس لما اكل احس بنغزات قويه ببطني مادري ليش

 

[Almeem]

ايي عادي تحسين جنه عوار تسمم ونغزات مثل سجاجين

 

[glby7sas]

المفروض من امس اروح احلل بس بنتي طاحت مريضه وارتفعت حرارتها اجلت التحليل ماقدر اخليها بروحها للاسف ان شاءالله خير يارب

 

[glby7sas]

ايي عادي تحسين جنه عوار تسمم ونغزات مثل سجاجين

بالضبط هذا اللي قاعد يصير معاي

 

[glby7sas]

قدر الله وماشاء فعل النتيجه ماكو حمل الله يعوضني بالمره اليايه ان شاءالله

 

[Almeem]

قل ما اصابنا الا ماكتب الله لنا ، الخيره فيما اختاره الله

عسى ربي ينزل السكينة على قلبج ، وربي انشاءالله بيرزقح الولد الي يملي عليج الدنيا وصبر حلو صبر جميل والله المستعان


حاولي تقعدين مع الدكتور وتعرفين سبب الفشل او رتبي امورج في مكان ثاني وعسى ربي ما يردج خايبة، توكلي على الله سبحانه ، كثري من الاستغفار وحاولي انج كل يوم تقرين سورة البقره .

 

[glby7sas]

الدكتور كلمته اليوم قالي لاتوقفين ادويه وعيدي التحليل خلال ٤٨ ساعه
بس والله اتمنى صج بس ماظنتي لانه حتى سويت تحليل ديجيتال بالبيت طلع مو حامل
انا راضيه بقضاء الله وقدره وخذي ٤ تجربه واول تجربه للمجمد واقول الحمدالله رب العالمين راضيه بقضاء الله وقدره وادري كل شي خيره من رب العالمين ومثل مافرحني ورزقني في بناتي راح يفرحني ويرزقني بالاولاد واذا مارزقني فهو خيره لي ان شاءالله بس مستغربه الدكتور ليلحين متمسك وانا امس من دريت بالنتيجه وقفت مثبتات بس اليوم قالي لا رديلي اخذيهم دام مانزل دم وسبحت وصرت احس باعراض الدوره والله كريم يارب

 

[Almeem]

انتي التحليل اللي سويتيه اول مره هرمون ؟؟ ولا تحليل منزلي ؟؟

ومتى موعد دورتج الاصليه طاف ولا بعده ؟

 

[glby7sas]

تحليل رقمي طلعلي 0.360

وسويت منزلي ديجيتال وهم طلعلي مافي حمل
باجر راح يطوف على دورتي ٧ ايام

الدكتور مصمم اكمل يقول ساعات يتأخر مايبين بس بكل امانه انا مابي اقول فقدت الامل لانه الله قادر على كل شي لكن ما اعتقد تضبط الرقم صفر صعبه

 

[Almeem]

الله قادر على كل شي لاتفقدين الامل
ودام الدكتور قال كملي ماعليه اصبري جم يوم وباذن الله ربي يفرحج

 

[glby7sas]

اللهم امين يارب باجر يبين بس صرت معلقه احس معنه كل شي تمام سبحان الله وانا ملتزمه بكل شي والاجنه كانت جدا ممتازه ومنقسمه بس سبحان الله كل شي قسمه ونصيب
الله يوعضني يارب بالعمليه اليايه وباذن الله باجر بحلل وابلغج بالنتيجه

 

[Almeem]

حبيبتي الله يكتب لج كل خييير يارب

 

[glby7sas]

الحمدالله على كل حال قدر الله وماشاء فعل
مافي حمل وطلب مني اهد كل الادويه وقالي اريح هالشهر والشهر الجاي احتمال يسويلي منظار رحمي وبعدها نبلش نحدد العمله الجايه
الحمدالله اللهم اجعلني من الراضين الصابرين على حكمك ياكريم اللهم عوضني العوض الجميل يارب العالمين