ديوانية المسافرين الى فرنسا 2008 تعالوا نسولف و نستفيد

[باونتى]

شلونكم يا بنات ... شوقتوووووووووونى على فرنسا , أنا بسافر ان شاء الله بس لى الحين ما اتضحت الرؤية يعنى بين فرنسا وجنيف وميلانو وبين فينا وسالزبورج وزل ام سى وميونيخ .. عاد أنا طلعت من النت معلومات بسيطه عن فرنسا ان شاء الله تفيدكم ..

* أشهر مقهى فى شارع الشانزليزيه هو مقهى الفوكيه , مقهى الكارديدور .


* الحدائق : حديقة غابات بالونيا .


* مونباغناس : أطول بناية فى أوريا وفيها مطعم يطل على باريس .


* نهر السين فيه رحلات سياحيه فى النهر على سفن اسمها بايتموش وفي سفن فيها مطاعم .

* ملاهى استريكس : تبعد عن وسط باريس 36 كيلو متر .


* أكوا بولفار : مدينة مائية رووعه .



هذه معلومات بسيطه والبنات ماشاء الله مو مقصرين

 

[كوكو واوه]

بنات حاجزين على اي طيران ومتى تاريخ سفرتكم؟؟

 

[كوكو واوه]

انا بروح على القطريه تاريخ 15-8
وانتوا؟؟

 

[مطيريه من الشرقيه]

مرحباا

انا رايحه السبوع الجاي على الكي ال ام والسعر 325

وبعدها بروح برشلونه غربيه محد تكلم عنها ترى قريبه من باريس

بالقطار 3 ساعات على حسب المحطات الي يوقف فيها

برشلونه حلوه بنات عمي كانو فيها الصيف اللي طاف يمدحونها حييل بجربها ان شاء الله

وتقدرون تروحون جزيرة مايوركا بالباخره تبعد عن برشلونه 30 كيلو تجنن والله طبيعه هم بجربها

يعني ان شاء الله لو تسهلت الامور اصير جربة كل طرق التنقل الحديثه الا المكوك الفضائي هع

وبس:dddds:

 

[@Miss Dio@]

هاي بنات اشلونكم بغيت ارفع الموضوع

 

[مطيريه من الشرقيه]

سوري بالقطار 13 سااعات

وبطياره 3 ساعاات

اشوى محد رد بعدي

 

[حليب بالفراوله.]

مرحبا يالغاليات بغيت منكم خدمه انشاءالله رايحه باريس اول ثمانيه وحبيت اعرف طريقة المترو سهله ولا صعبه وشلون اعرف المكان الي ابروحله وابي احسن الاماكن الي اروحلها لا ابي اقعد اسبوع وارجع وما ابي اطوف اي شي باريس علشان ما اندم والاسواق المهم والاحلي وخصوصا انا المحلات فيها ما توجود بالخليج وشنو افضل المحلات البدل لان ابي اشتري بدلت العيد هناك لي ولعيالي واذا فيه بدل سهره حلوه دلوني عليه وشكرا واتمني عدم التطنيش

 

[BabyStar]

جد جد استفدت منكم يعطيكم الف عافيه

 

[حرير*]

حبايبي وخواتي انا زرت باريس بلد الحلام والجمال ونصيحه لا تفوتوم ولا متحف ولا رحله لالن بصراحه شي عجيب واذا في ببالكم سؤال انا حاضره

 

[حرير*]

سوري عالبدليات ظلمه ومو قاعده اشوف الاحرف عدل

 

[حرير*]

حبيتي حليب بالفراوله انا مالقيتج عالصفحه وشنو السئله اللي تبينها امريني يالغاليه؟

 

[حرير*]

حبيبتي حليب بالفراوله ما عليه توني يديده بالمنتديات تحمليني شويه
شوفي حبوبه اذا كان الفندق قريب على برج ايل احلى واحلى بالليل يشب كله ويكون المنظر رهيب وبصراحه انا كنت افضل اني اقعد عند البرج وعلى نهر السين وناكل شبس على اني اروح الشانز بالليل بالزحمه وطابوور على حجز الطاولات...
روحي حديقه الحيوان عزج الله االمفتوحه يعني بالسباره...
وروحي قصر فرساي بس اذا معاج يهال ما انصحج لان زحمه على ما تقصون تذاكر بس عجييب.. وروحي مونا ليزا .انا ما احب.وطبعا الشانز ليزيه يشرح القلب بس انا ما احب الزحمه فكنا نروح بالنهار وانا مو زود مع الكافيهات الزحمه..
وفي شارع كله ماركات عجيب اشوف لج اسمه ..وجورج سترت في مطعم لبناني يصير بلفه بوتيك ال في..
انا قعدت فيها 20 يوم وبصراحه ستانست وايد
اي وفي سوق عند الديزني لاند عجيب
لنتي اول ما توصلين الفندق اخذي منهم بروشورات عن باريس وصدقيني سهاله واغلب سواق التكاسي مغاربه او توانسه ولا تحاتين وبالسلامه واذا في اي شي بعد قولي حبوبه انشالله اكون فدتج ؟؟

 

[الوسام]

صباح الخيررررررر عالجميع

هذي اول مشاركة لي بالمنتدى

بصراحه من زمان وانا حابه اشارك بس الحمد لله اخيرا جات الفرصه

وبما انكم بنات الكويت بنات احلى ديره مستحيل تردون لي طلب صح؟

انا بإذن الله راح تكون رحلتي لباريس 15 /8 الشهر الجاي لمدة 12 يوم

راح اسكن في كونكورد لافاييت

جايه على طيران الخليج

من منكم راح تجي على نفس الموعد ودي اتقابل مع اي احد منكم

بصراحه اول مره اسافر باريس

وانتم ماشاء الله خبره

اسمي وسام (((ام عبدالله)))

اتمنى احد يتجاوب معي يا اهل الفزعات\

تقبلو تحياتي

 

[a7la_3emya]

اللي اب فرنسااااااااااااااا الجوووووووووووو شلونه برد ولا حر .......... انا باجر رايحه .

وبغيت اسأل شلون على تكاسيهم اتشيل جنط وايد يعني 4 جنط ؟؟

ولا يبيلنا انأجر سياره فيدوني بلييييييييييييييييز ..

 

[pampeno]

انا بروح فرنسا 27 من هالشهر واول مره اروحها ابي اعرف الأماكن السياحية ولسوقة لرخيصة هناك

 

[لموية العسولة]

السلام

بنات الله يعافيكم ..اليورو جم يساوي بالدينار الكويتي ..وشلون احول العملة يعني اضرب والا أقسم _03BA: وياليت اللي تعرف سعر الصرف تفيدني:tek:

 

[الوسام]

اشدعوى عاد ولا احد معبرني

 

[*caramel macchiato*]

والله انا يوم رحت باريس سكنا بفتدق مريديان اتوال....حدة عجيب وراقي ويم الشانز.....


وباربس اتونس بس وايد عليها اسبوع.....


ويمكن لنا سفرة حق باريس اول 8 ......


بس عندي استفسار عن السوق اليهودي الي يبيع بالجملة....هذا وين صاير ياليت اتفيدوني؟؟؟

 

[بدويه عيميه]

بناااااااااااااااااااااات انا اختي في باريس و تقووول الجو زوين بس على حزة المغرب يصيير براد بس مو البرد القارس يعني من النووع البرااد الحلو بس الظهر و العصر يكون حاار يعني تقوول درجة الحرارة 34 او 35 لا اكثر بس يمكن اخر سبعة يصيير حاااااااااار موووووووت

 

[@Miss Dio@]

مسكينه صاحبه الموضوع من هونت السفره والموضوع صاد واقف مسكينه وايد افكر فيها الله يسهل عليها